2 Kɔlìn MèngàꞋa

MèngàꞋa

Mènəè li è ka wua ngȩ̀ȩ̀nà ntsɔ̧̀ a kètsìà Pɔ̂l bɔ̂ bòt Mbɔ̧ɔ̧mà bu a Kɔlìn la. Ale, Pɔ̂l shɨ lèta kwèn waa enɨ naŋe ànəa mbɔŋ. Bòt ko ayɔɔ yɔb e li ndâ ndàꞋà kàbɔ̀ŋ adù̧ Pɔ̂l. Ka Pɔ̂l shɨ letà waa enɨ nyɨꞋte èntɨ̧ɨ̧ vi ndɨ yèa nkɨa nê bɔɔ ngu ghɨ̌ àlàŋkè la. Tà mè nyɨ̀Ꞌte ndɨ a taꞋa bɔ̀ àvi àfɨꞋa bɔ ghɨ àlàŋkè la.

Pɔ̂l bɨ̀ ndàꞋa ndɨ mènəè nàa a kètsìà wɔb bɔ̂ bòt Mbɔ̧ɔ̧mà a Kɔlìn la. Tà shu lə yu ye li shɨ àkatè àkekweelè ane tèntsɔ̧̀ɔ̧̀mè tu nè mèngà̧ mu bòt Mbɔ̧ɔ̧mà bu e li ndàꞋ adù̧ zi la. Tà mè shu ndɨ a bɔ̀ àvi nê àghɨa ye shɨ la a ghɨ̂ bɔ kubtè mèntɨ̧ɨ̧ mɔb mè ngɨ̀ àlàŋkè la. Tà ghɨ̀ ale, shù̧ù̧te bòt Mbɔ̧ɔ̧mà mbɔŋ nê bɔ̀ ŋa èghɨ nè èntɨ̧ɨ̧ ntsɔ̧̀ bɔ̀ nɨŋ ngà ntɨ̀ŋe Bèklɨtèn bu a Jùdià bɔ̀ɔ nkɨ̀ŋkà la. Enɨ lìa Pɔ̂l tàŋè ànəa zi ndɨ ye wu wantu̧ Yesò la, nkàà nê babɔ̀ko a Kɔlìn aà shua nê wu bɔ̀ɔ̀ba bɔ wu ngule bɔntu̧ Yesò la, nê Pɔ̂l wu we fɨ̀te.

Ndɨ bɔ ghàbtè letà waa la:

Èngǎ̧ mbì 1:1-11

Pɔ̂l bɔ̂ bòt Mbɔ̧ɔ̧mà bu a Kɔlìn la 1:12-7:16

Èghɨ bu bɔ̀ɔ ŋa abua Bèklɨtèn bu a Jùdià la 8:1-9:15

Pɔ̂l tàŋè ànəê àzi nê ye wu wantu̧ Yesò 10:1-13:10

Èngà̧ enɨ lìa 13:11-13

Currently Selected:

2 Kɔlìn MèngàꞋa: mnf

Highlight

Copy

Want to have your highlights saved across all your devices? Sign up or sign in

Learn More About Mundani