ISAIA, 15
15
O LE MATAUPU XV.
O le malaia o Moapi.
1O le avega a Moapi. O le po ua faatafunaina ai Aro o Moapi, ua faaumatia lava; o le po ua faatafunaina ai Kira o Moapi, ua faaumatia lava. 2Ua latou o ae i le fale atoa ma Tipona, o mea maualuluga e fetagisi ai; ua uio Moapi i Nepo ma Metepa; ua sele mamā o latou ulu uma, ua sala ‘ava uma. 3Ua latou lavalava i ie talatala i o latou ala, ua latou uio uma lava i luga o latou fale atoa ma o latou malae; ua latou o ifo o fetagisi lava. 4Ua alalaga Hesepona ma Eleale; ua lagona o latou leo mai Iaesa; o le mea lea ua uio ai ‘au a Moapi; ua tiga tele lava o latou loto. 5O loo alaga lo‘u loto ona o Moapi; ua oo lo latou tuli i Soara, o le povi fafine e tolu ona tausaga; ua latou o ae lava i le aega i Luita o fetagisi; ua latou alalaga i le ala i Horonaima ona o lo latou malaia. 6Ua avea le vai o Nimara ma mea naumati; auā ua magumagu le mutia, ua faaumatia le vao mu‘a, ua le toe ai lava laau iti; 7o le mea lea ua avea ai mea na latou maua, atoa ma o latou oloa na teu, i tala atu o le vaitafe o garava. 8Auā ua faataamilomilo le alaga i tuaoi o Moapi; ua oo lo latou uio i Ekilaima, ua oo foi lo latou uio i Pere-alima. 9Auā ua tutumu vai o Timone i le toto; auā foi ou te faaoo atili ni malaia i Timone; ou te auina leona i e ua sao o Moapi ma e ua totoe i le laueleele.
Currently Selected:
ISAIA, 15: SOV
Highlight
Copy
Compare
Share
Want to have your highlights saved across all your devices? Sign up or sign in
Samoan Edited Old Version © Bible Society of the South Pacific, 2017.
