ISAIA, 12
12
O LE MATAUPU XII.
O le pese e faafetai atu ai i le Atua.
1O lea aso foi e te faapea mai ai, Ieova e, ou te vivii atu ia te oe, auā sa e toatamai ia te au, a ua mavae lou toasa, ma ua e faamatalaloto mai ia te au. 2Faauta, o le Atua, o lo‘u faaolataga ia; ou te faatuatua, ou te le fefe; auā o Ioa, Ieova, o lo‘u malosi ia ma la‘u pese; ua avea foi o ia mo‘u faaolataga. 3Tou te utu vai ma le olioli i vaipuna o le faaolataga. 4O lea aso foi tou te faapea atu ai, Ia outou vivii atu ia Ieova, ina valaau atu ia i lona suafa; ia outou faailoa atu i nuu o ana galuega; ia outou ta‘uta‘u atu ua viia lona suafa. 5Pepese atu ia ia Ieova, auā ua faia e ia mea silisili ese; ina faailoa atu ia o lea mea i le lalolagi uma. 6Alaga ia, ia leo tele ma le fiafia, o oe o lē nofo i Siona; auā e silisili ese le Paia o Isaraelu o le o afio i totonu ia te oe.
Currently Selected:
ISAIA, 12: SOV
Highlight
Copy
Compare
Share
Want to have your highlights saved across all your devices? Sign up or sign in
Samoan Edited Old Version © Bible Society of the South Pacific, 2017.
