มัดทาย 16
16
เมี่ยน โท้ จั๋ง-โห่ หมั่ง
(เป๊ย หมั่ง มาโค 8:11-13; ลูกา 12:54-56)
1ม่าย เต๋ย ฟาลิสี เมี่ยน เหธา สะดูสี เมี่ยน ต้าย เสย เยซู. นิ่น บัว ฯฒฯ โท้ นิ่น โหฒว นอม จั๋ง-โห่ ปุน ธีง นิ่น หอบ ทิน-ฮู่ง เญย เฮญี้ยว.#16:1 ฟาน หฒะ ก๊อง “โหฒว นอม เยียม ทิน-ต้อง ต้าย เญย จั๋ง-โห่”.#มัดทาย 12:38; ลูกา 11:16 2มป่า เยซู เตา, “บะฮนอย อ๊า ลั่ม ม้วด เญย เฒี่ยง โห่, เม่ย บัว ปวัด ยั่ง ฮ่อ ซิ ธ้วด ฯฒฯ ก๊อง, ‘ฌัง ฮนอย ลู่ง หฮลอง อ๊า โล่ะ!’ 3ลู่ง ดอม-เฑี้ยว เม่ย บัว ปวัด ยั่ง ฮ่อ ซิ เหธา บ๋วน-เจี๊ยะ ธ้วด ฯฒฯ ก๊อง, ‘อี้ ฮนอย ไฮ่ ม่าย บยู่ง-หฑยาว อ๊ะ.’ เม่ย บัว ไฮ่ สัม ตุ๊ ธ้วด ลู่ง เญย เซ้ด เฒ้ย มป่า อี้ จ๋า เญย จั๋ง-โห่ เม่ย บัว สัม ไม้ ไฮ่ ธ้วด. 4อี้ จ๋า เญย เมี่ยน หว่าย ไห่, ม่าย เฮยี่ย เฮญี้ยว.#16:4 เป๊ย หมั่ง ธ้วด อียิบ 34:15. เม่ย บัว โท้ จั๋ง-โห่ มป่า ธ้วด ลิ์ว โยนา เญย จั๋ง-โห่, ไม้ ปุน กั้น นอม เม่ย บัว หมั่ง อ๊ะ.” เยซู ฯฒฯ เล่ย นิ่น บัว มี่ง กั้น นอม ต๋อง หมี่ อ๊ะ.#มัดทาย 12:39; ลูกา 11:29
อ๋อย หฒุ บู้ง ฟาลิสี เหธา สะดูสี เมี่ยน เญย ปี๊ง
(เป๊ย หมั่ง มาโค 8:14-21)
5ไซ- ก๋อ บัว เจี๋ย วั้ว หง่าน หฒิ ค้อย-ตอน นิ่น บัว หละคุ, ไม้ ต้อ ฌั้ว มี่ง. 6เยซู บั๋ว นิ่น บัว, “อ๋อย หฒุ ไฝ ฟิม, บู้ง เจี๊ยน ฟาลิสี เมี่ยน เหธา สะดูสี เมี่ยน เญย ปี๊ง.”#ลูกา 12:1
7ไซ-ก๋อ บัว ล่าน เหธา ล่าน ก๊อง, “ไซ-เตี๋ย ฮนั้ง น้าย นอ ก๊อง เซ หลาย บัว ไม้ ต้อ ฌั้ว ต้าย.”
8เยซู ฮิ้ว ตุ๊ นิ่น บัว ฮนั้ง หาย นอ ก๊อง ฯฒฯ หน่าย, “เม่ย บัว เสียน ตุ๊ เฮย ไห่. เหว่ย หาย ติ่ว ล่าน เหธา ล่าน ก๊อง ไม้ ม่าย ฌั้ว? 9เม่ย บัว หธ่อ ไม้ แก้ง เม่ง แปะ? เม่ย บัว ไม้ จั๋ง เยีย เฒาะ ปยา นอม ฌั้ว ปุน ปยา ธิน เมี่ยน หญั่น, เม่ย บัว แอ๋ง เซียว เหฒ่ง เหฌี่ย เญย บัวะ เหฒีย ดาน?#มัดทาย 14:17-21 10แอ๋ง ม่าย วั้ว หฑุ่น เยีย หล่ง เสี่ย นอม ฌั้ว หวุย เปยย ธิน เต้า. เหฒ่ง เหฌี่ย เญย เม่ย บัว เซียว ตุ๊ บัวะ เหฒีย ดาน?#มัดทาย 15:34-38 11เม่ย บัว เหว่ย หาย ติ่ว ไม้ เม่ง แปะ เยีย ไม้ เฒ์ย ก๊อง ฌั้ว. เยีย ก๊อง อ๋อย หฒุ บู้ง ฟาลิสี เหธา สะดูสี เมี่ยน เญย ปี๊ง ฮนั้ง.”
12ไซ-ก๋อ บัว ฯฒฯ เม่ง แปะ เยซู ไม้ เฒ์ย ก๊อง อ๋อย หฒุ บู้ง เฮยี้ยด ฌั้ว เญย ปี๊ง. อ๋อย หฒุ บู้ง ฟาลิสี เหธา สะดูสี เมี่ยน หฌาว เญย หว่า.
ปีเต เหญี่ยม เยซู
(เป๊ย หมั่ง มาโค 8:27-30; ลูกา 9:18-21)
13เยซู แอ๋ง มี่ง ซีซาลียา ฟีลิบพอย ฒี่ง เญย เต่ย-จ๋าย. เยียม วั้ว เยซู หน่าย นิ่น เญย ไซ-ก๋อ, “เมี่ยน ก๊อง เยีย, ป้าม เมี่ยน เญย ตอน, ต้ง หาย เต้า?”
14นิ่น บัว เตา, “ม่าย เต๋ย ก๊อง เม่ย ต้ง เถง เมี่ยน เจี๋ย ววม เญย เล์ย วั้ว เต้า โยฮัน. ม่าย เต๋ย ก๊อง, เอลียา. แอ๋ง ม่าย เต๋ย ก๊อง เยเลมี ไฟ เหยียด เต้า โต่ว หว่า เมี่ยน.”#มัดทาย 14:1-2; มาโค 6:14-15; ลูกา 9:7-8
15เยซู แอ๋ง หน่าย นิ่น บัว, “เม่ย บัว นี? เม่ย บัว ก๊อง เยีย ต้ง หาย เต้า?”
16ซีโมน ปีเต เตา, “เม่ย ต้ง กีตู่,#16:16 ไฟ เมสิยา. เยียม 16:20 ฟี่ ฮนั้ง เญย. เฒี่ยง เจี๊ยน วั้ว เต้า ทิน-ฮู่ง เญย ตอน.”#โยฮัน 6:68-69
17เยซู เตา, “โยฮัน#16:17 ฟาน หฒะ ก๊อง โยนา. เป๊ย หมั่ง โยฮัน 1:42. เญย ตอน, ซีโมน, อ้า! เม่ย เก้ง ออน-เหลาะ อ๊ะ. น้าย ไม้ เฒ์ย หาย เต้า ป้าม เมี่ยน บั๋ว เม่ย. เซ เยีย เญย ทิน-ต้อง เตี๋ย กั้น ปุน เม่ย ฮิ้ว ฮนั้ง. 18เยีย ฯฒฯ บั๋ว เม่ย, เม่ย เซ ปีเต.#16:18 ปีเต วั้ว นอม บั๋ว เญย เอ๋ย เล์ย เซ หละเปย๊ย. เยีย อ๋อย เหลียบ เยีย เญย จิว-ปาง เยียม น้าย นอม หละเปย๊ย กู้ หงว่าย. ไต่ เญย ชะ#16:18 ฟาน หฒะ กีก หว่า ก๊อง เยี่ยม เกน เญย แก้ง. เหยียด ลิ์ว ไม้ ไฮ่ ฮี่ง จิว-ปาง. 19เยีย อ๋อย จิว ทิน-ฮู่ง เญย กั๊วะ เญย ฟ้อ-เฒ่ย ปุน เม่ย. เม่ย เยียม น้าย ลู่ง เดี๊ย โด้#16:19 กีก หว่า ก๊อง โด้. เอ๋ย เล์ย เซ ฮนั้ง หัด ไฟ ล่าน เจี๊ยน. หาย หญู่ง, เยียม วั้ว ทิน-ต้อง วั้ว หญู่ง หย่า หฒุ โด้ อ๊ะ. เม่ย เยียม น้าย ลู่ง เดี๊ย ปู๋ง#16:19 กีก หว่า ก๊อง ปู๋ง. เอ๋ย เล์ย เซ ฮนั้ง ฆอย ฑุ่ย. หาย หญู่ง, เยียม วั้ว ทิน-ต้อง ฯฒฯ ปู๋ง วั้ว หญู่ง อ๊ะ.”#มัดทาย 18:18; โยฮัน 20:23 20เยซู แอ๋ง หัด ไซ-ก๋อ บัว ไม้ ตู๋ง บั๋ว หาย เต้า นิ่น โหฒว กีตู่.
เยซู ก๊อง นิ่น อ๋อย หฒุ เสี่ยว โค้ว หย่า อ๋อย หฒุ ไต่
(เป๊ย หมั่ง มาโค 8:31—9:1; ลูกา 9:22-27)
21เยียม หน่าย ต้าย, เยซู เจี์ย กอน ก๊อง เม่ง บั๋ว นิ่น เญย ไซ-ก๋อ, “เยีย อ๋อย หฒุ มี่ง เยลูซาเลม ฒี่ง, เยียม เมี่ยน โก๋ เหธา ไซ เมี่ยน เปย๊ย เหธา หฌาว เล์ย เญย ฟิน-แซง เญย ปั์ว-เดี๊ย หฒุ เสี่ยว ธั้ม-หญู่ง โค้ว. เยีย ฯฒฯ หฒุ ไต๋ ไต่ มป่า ตะฟาม ฮนอย ทิน-ฮู่ง อ๋อย ปุน เยีย นั่ง ต้าย.”
22ปีเต ฯฒฯ เคน เยซู มี่ง เพียน เต๋ย ขวิน นิ่น, “เฒี้ยว อ้า! โท้ ทิน-ฮู่ง ธิน-หม่าน ไม้ ตู๋ง ปุน น้าย เต๋ย สี่ ธ้วด. เม่ย เหยียด ลิ์ว ไม้ หฒุ ปวั้ง น้าย เต๋ย สี่.”
23เยซู ฮวิน หฑวน ก๊อง ปีเต, “ซาตาน อ้า! เปย๋า ฆอย ม่าะ! เม่ย ขูง ล่าน เจี๊ยน เยีย ฮนั้ง. เม่ย ฮนั้ม เญย สี่ เซ ไม้ เฒ์ย ฮนั้ง ทิน-ฮู่ง ฮนั้ม. เซ ฮนั้ง ป้าม เมี่ยน ฮนั้ม ฮนั้ง.”
24เยซู ฯฒฯ บั๋ว นิ่น เญย ไซ-ก๋อ บัว, “หาย เต้า อ๋อย กัน เยีย มี่ง อ๋อย หฒุ เซี้ย เจี๊ยน นิ่น กั้น, ดาม เจี๊ยน นิ่น เญย เหฒียบ หฑั่ง จ๋า กัน เยีย มี่ง.#มัดทาย 10:38; ลูกา 14:27 25หาย เต้า ขูง ฮนั้ม เหฌียว นิ่น กั้น เญย แหม่ง ฮนั้ง, วั้ว เต้า เญย แหม่ง ฯฒฯ หฒุ กวั่ง. มป่า หาย เต้า เหว่ย เยีย กวั่ง นิ่น เญย แหม่ง, วั้ว เต้า ฯฒฯ ตุ๊ แหม่ง เฒี่ยง อ๊ะ.#มัดทาย 10:39; ลูกา 17:33; โยฮัน 12:25 26หาย เต้า ตุ๊ เหฑ่ง ลู่ง เดี๊ย เญย กะน้าย, มป่า หฒุ กวั่ง นิ่น เญย แหม่ง, นิ่น ตุ๊ วั้ว เต๋ย กะน้าย โหฒว ธ้วด หาย หญู่ง? ไม้ ลั่ม หล่ง เหยียด เต๋ย. นิ่น ม่าย หาย หญู่ง ไฮ่ ทิ้ว ตุ๊ นิ่น เญย แหม่ง หฑวน? 27เหว่ย หฒุ เยีย, ป้าม เมี่ยน เญย ตอน, อ๋อย เยียม เยีย เญย เตีย เญย ฌัง-หล่าง กะญั์ว หย่า เหธา เจี๊ยน เยีย เญย ฟิน-เมี่ยน ต้าย. ต้าย วั้ว หฒั่น เยีย หฒิว เก๊าะ-เมี่ยน โหฒว เญย สี่ ปุน ฒี่ง เหญ่ย นิ่น บัว.#สีง ฑูง 62:12; มัดทาย 25:31; โลมา 2:6 28เยีย ก๊อง เฒียน บั๋ว เม่ย บัว, โซ้ว เจี๊ยน น้าย เญย เมี่ยน ม่าย เต๋ย ฒู้ง ไม้ แก้ง ไต่ ฯฒฯ ตุ๊ ปวัด เยีย, ป้าม เมี่ยน เญย ตอน, ต้าย โหฒว ฮู่ง.”
Currently Selected:
มัดทาย 16: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
