โยฮัน 11
11
ลาซาลัด เกวย เสย หมี่ อ๊ะ
1ม่าย เต้า เมี่ยน, บั๋ว เห่ว ลาซาลัด, ปุ๊ด แป่ง หมี่ อ๊ะ. นิ่น เยียม เบทานี ล์าง, ต้ง มาลียา เหธา นิ่น เญย ต่อ, มาทา, เยียม วั้ว นอม ล์าง.#ลูกา 10:38-39 2(น้าย เต้า มาลียา เซ ต้ง หล่ง ดาง เญย โย่ว โต๋ เฒี้ยว เญย เหฒา, หย่า หล่ง นิ่น กั้น เญย บะเปยย ซ้อด. ปุ๊ด แป่ง วั้ว เต้า ลาซาลัด เซ มาลียา เญย เน์า.)#โยฮัน 12:3 3มาทา บัว อี มั์ว-เซียะ ฯฒฯ ปุน หว่า มี่ง บั๋ว เยซู, “เฒี้ยว อ้า! ต้ง เม่ย ฮนั้ม วั้ว เต้า ปุ๊ด แป่ง หมี่ อ๊ะ.”
4เยซู ไฮ์ น้าย เต๋ย หว่า นิ่น ก๊อง, “ลาซาลัด ปุ๊ด น้าย นอม แป่ง มป่า เซ้ด เมว์ย นิ่น ไม้ ไต่. นิ่น ปุ๊ด เหว่ย ปุน เมี่ยน ท่าย ทิน-ฮู่ง. น้าย นอม แป่ง หย่า อ๋อย ปุน เมี่ยน ท่าย ทิน-ฮู่ง เญย ตอน.”
5เยซู ฮนั้ม ไห่ มาทา บัว อี มั์ว-เซียะ เหธา ลาซาลัด. 6นิ่น ไฮ์ เมี่ยน ก๊อง ลาซาลัด ปุ๊ด เจี๊ยน แป่ง, นิ่น หธ่อ เยียม นิ่น เยียม วั้ว นอม ต๋อง อี ฮนอย ลิ์ว 7หธีง ต้าย ก๊อง บั๋ว นิ่น เญย ไซ-ก๋อ, “บัว แอ๋ง มี่ง ยูเดีย แซ้ง อ๊ะ.”
8ไซ-ก๋อ บัว เตา, “ไซ-เตี๋ย อ้า! เจี๋ย ต้าย ไม้ แก้ง ม่าย บัวะ เหฒีย ฮนอย, เยียม วั้ว เญย ยิวไท เมี่ยน อ๋อย เฒาะ หละเปย๊ย ฒง เม่ย นีอา. เม่ย หธ่อ แอ๋ง อ๋อย มี่ง วั้ว?”
9เยซู เตา, “เหยียด ฮนอย ม่าย เหฒียบ เหญ่ย นอม เฒี่ยง โห่ เญย ฌัง ไม้ เฒ์ย? หาย เต้า ลู่ง ฮนอย หฒั่น ยั่ง เจ๊า, นิ่น ไม้ ดิ๊ หฒุ ดอบ เหว่ย หฒุ นิ่น หมั่ง ตุ๊ ปวัด ป้าม เกน เญย ฌัง. 10มป่า สี ก๊อง นิ่น ลู่ง ม์วน หฒั่น ยั่ง เจ๊า นอ, นิ่น ดิ๊ หฒุ ดอบ เหว่ย หฒุ ไม้ ม่าย ฌัง หฒิว นิ่น.”
11เยซู ฮนั้ง น้าย นอ ก๊อง ลิ์ว นิ่น แอ๋ง ก๊อง, “บัว เญย ต่อย ลาซาลัด มฌ่อม หมี่ อ๊ะ, มป่า เยีย อ๋อย มี่ง เห่ว นิ่น เญีย ต้าย.”
12ไซ-ก๋อ บัว เตา, “เฒี้ยว อ้า! สี ก๊อง นิ่น มฌ่อม นอ, นิ่น ไฮ่ หลง เญย.” 13เยซู ก๊อง เญย เอ๋ย เล์ย เซ ลาซาลัด ไต่ หมี่ อ๊ะ. มป่า ไซ-ก๋อ บัว หล่าย ลาซาลัด ขูง มฌ่อม ฮนั้ง.
14เยซู ฯฒฯ ก๊อง หฒะ บั๋ว นิ่น บัว, “ลาซาลัด ไต่ หมี่ อ๊ะ. 15มป่า เหว่ย เถง เม่ย บัว เสียน เยีย, เยีย อะเฮน้ย เยีย ไม้ ตุ๊ เหธา นิ่น เยียม. บัว มี่ง นิ่น วั้ว เอาะ?”
16โทมัด, ต้ง เมี่ยน เห่ว ซูง-กู้งว์า วั้ว เต้า, ก๊อง บั๋ว เยียม วั้ว เญย ไซ-ก๋อ, “บัว ล่ม ฑ่อย กัน เจี๊ยน ไซ-เตี๋ย มี่ง เอาะ? บัว ฯฒฯ ตุ๊ เหธา นิ่น ไต่.”
เยซู ปุน ไต่ มี่ง เญย เมี่ยน แอ๋ง นั่ง ต้าย
17เยซู มี่ง เถา เบทานี ล์าง วั้ว หฒั่น, ไฮ์ เมี่ยน ก๊อง ลาซาลัด หฒัง เจี๊ยน ตุ๊ เปยย ฮนอย อ๊ะ. 18เบทานี ล์าง เล่ย เยลูซาเลม ฒี่ง ปัว กีโล เจ๊า เญย ต๋อง. 19ยิวไท เมี่ยน ธั้ม เญย ต้าย หมั่ง มาทา เหธา มาลียา, เถง นิ่น บัว ไจ๊ เฑ่า เหว่ย หฒุ นิ่น บัว เญย เน์า ไต่. 20มาทา ไฮ์ ก๊อง เยซู ต้าย อ๊ะ, นิ่น ฯฒฯ ธ้วด มี่ง ฒิบ. มป่า มาลียา หธ่อ เยียม วั้ว เปย๊า. 21มาทา ก๊อง บั๋ว เยซู, “เฒี้ยว อ้า! สี ก๊อง เม่ย เยียม น้าย นอ, เยีย เญย เน์า ไม้ ไต่. 22มป่า, เยีย ฮิ้ว ตุ๊ อี้ หฒั่น เม่ย เถง ทิน-ฮู่ง โท้ หาย หญู่ง, ทิน-ฮู่ง อ๋อย ปุน วั้ว หญู่ง เม่ย.”
23เยซู ก๊อง บั๋ว นิ่น, “เม่ย เญย เน์า แอ๋ง อ๋อย นั่ง ต้าย.”
24มาทา เตา, “เฒ์ย เญย, เยีย ฮิ้ว ตุ๊ เถา ฆะฮ้า ลาย วั้ว ฮนอย, หฒวัง เมี่ยน นั่ง ต้าย วั้ว หฒั่น, นิ่น หย่า แอ๋ง นั่ง ต้าย.”
25เยซู ก๊อง บั๋ว นิ่น, “เยีย เซ ต้ง ปุน เมี่ยน นั่ง ต้าย ม่าย แหม่ง เฒี่ยง วั้ว เต้า. หาย เต้า เสียน เยีย, ไม้ กุ๊น นิ่น ไต่ มี่ง, นิ่น แอ๋ง อ๋อย นั่ง ต้าย. 26หาย เต้า เฒี่ยง เจี๊ยน หย่า เสียน เยีย, วั้ว เต้า เหยียด ลิ์ว ไม้ ไต่. น้าย เม่ย เสียน เญย ไฟ?”
27มาทา เตา, “เฒี้ยว อ้า! เยีย เสียน เญย. เยีย เสียน เม่ย หฒะเก้ง กีตู่,#11:27 ไฟ เมสิยา. ทิน-ฮู่ง เญย ตอน, ต้ง อ๋อย เหฌี่ย ต้าย เยียม น้าย ป้าม เกน วั้ว เต้า.”
เยซู เญี้ยม
28มาทา ฮนั้ง น้าย นอ ก๊อง ลิ์ว, นิ่น หฑวน มี่ง ปี๋ง เจี๊ยน บั๋ว นิ่น เญย เฑี์ย, มาลียา, “ไซ-เตี๋ย เถา ต้าย อ๊ะ. นิ่น หย่า เห่ว เม่ย.” 29มาลียา ไฮ์ น้าย เต๋ย หว่า ฯฒฯ เซี้ยบๆ เญย เจี์ย ซิน มี่ง เยซู วั้ว. 30วั้ว หฒั่น เยซู ไม้ แก้ง เปียะ ล์าง, หธ่อ เยียม มาทา ปวั้ง นิ่น วั้ว นอม ต๋อง. 31เหธา มาลียา เยียม เปย๊า เถง นิ่น ไจ๊ เฑ่า วั้ว เต๋ย เมี่ยน, ปวัด มาลียา ฮวาง เจี๊ยน เจี์ย ซิน ธ้วด, นิ่น บัว ฯฒฯ กัน เจี๊ยน มี่ง, หล่าย นิ่น มี่ง วั้ว โฒ้ว เญี้ยม มเปย.
32มาลียา มี่ง เถา เยซู วั้ว, เยี้ยด ปวัด ฯฒฯ เกว่ย เหฌี่ย นิ่น เญย เหฒา กะเฮลน ก๊อง, “เฒี้ยว อ้า! สี ก๊อง เม่ย เยียม น้าย, เยีย เญย เน์า ไม้ ไต่.”
33เยซู ปวัด มาลียา เญี้ยม, กัน มาลียา ต้าย วั้ว เต๋ย ยิวไท เมี่ยน หย่า เญี้ยม, นิ่น ฯฒฯ ไฮ์ เฮญี้ยว มุน ไห่, เฑ่า ไห่. 34เยซู หน่าย, “เม่ย บัว ต้อ นิ่น มี่ง หฒัง หาย?”
นิ่น บัว เตา, “เฒี้ยว อ้า! ต้าย หมั่ง ม่าะ!”
35เยซู เญี้ยม.
36วั้ว เต๋ย ยิวไท เมี่ยน ก๊อง, “หมั่ง ก๋า, นิ่น ด่ง หน่าย ฮนั้ม ลาซาลัด.” 37มป่า ม่าย เต๋ย ก๊อง, “นิ่น ปุน มฒีง แม่ง เญย เมี่ยน ไฮ่ หมั่ง ตุ๊ ปวัด. วั้ว หญู่ง นิ่น ไม้ ไฮ่ ปุน น้าย เต้า เมี่ยน ไม้ ไต่ ไฟ?”
เยซู เห่ว ลาซาลัด นั่ง ต้าย
38เยซู แอ๋ง ไฮ์ เฮญี้ยว มุน, เฑ่า ไห่, ฯฒฯ มี่ง วั้ว โฒ้ว. วั้ว นอม โฒ้ว เซ แบ๋ง-ค้วด. ม่าย นอม หละเปย๊ย โฮล เญย แบะ เจี๊ยน ค้วด-ด่าง. 39เยซู ก๊อง, “เฒาะ ฆอย หละเปย๊ย ม่าะ!”
ไต่ วั้ว เต้า ลาซาลัด เญย ต่อ, มาทา, ก๊อง บั๋ว เยซู, “เฒี้ยว อ้า! หฒัง เจี๊ยน ตุ๊ เปยย ฮนอย อ๊ะ. ต๋าย เหฒวย ไห่.”
40เยซู ก๊อง บั๋ว นิ่น, “เยีย บั๋ว เจี๋ย เม่ย ไม้ เฒ์ย? สี ก๊อง เม่ย เสียน, เม่ย อ๋อย ตุ๊ ปวัด ทิน-ฮู่ง เญย ฌัง-หล่าง.”
41วั้ว เต๋ย เมี่ยน ฯฒฯ เฒาะ ฆอย หละเปย๊ย. เยซู เธา เฮมียน หมั่ง กู้ หงว่าย ลู่ง ก๊อง, “อา เตีย อ้า! เยีย แล์ง ฒี่ง เหว่ย หฒุ เตีย หมวัง เยีย เญย หว่า. 42เยีย ฮิ้ว ตุ๊ เตีย หาย หฒั่น หย่า หมวัง เยีย, มป่า เยีย ฮนั้ง น้าย นอ ก๊อง เซ เหว่ย ปุน โซ้ว กะเฮลน น้าย เต๋ย เมี่ยน เสียน เตีย พ้าย เยีย ต้าย.”
43เยซู ก๊อง ลิ์ว น้าย เต๋ย หว่า นิ่น เฉีย โฮล เญย เห่ว เจี๊ยน ก๊อง, “ลาซาลัด อ้า! ธ้วด ต้าย ม่าะ!”
44ไต่ มี่ง วั้ว เต้า เมี่ยน ฯฒฯ ธ้วด ต้าย อ๊ะ. นิ่น เญย ปั์ว-เหฒา หธ่อ ม่าย เดีย เหฑ่น เจี๊ยน. เฮมียน หย่า ม่าย เดีย ปวัง เจี๊ยน. เยซู บั๋ว นิ่น บัว, “ฆ่ง เถง นิ่น ไจ๊ ฆอย, ปู๋ง นิ่น ม่าะ!”
เมี่ยน ต๊า หฒะเอ๋ย ไต๋ เยซู
(เป๊ย หมั่ง มัดทาย 26:1-5; มาโค 14:1-2; ลูกา 22:1-2)
45ฮนั้ง หน่าย ต้าย หมั่ง มาลียา วั้ว เต๋ย ยิวไท เมี่ยน ธั้ม ปวัด เยซู โหฒว น้าย เต๋ย สี่ ฯฒฯ เสียน นิ่น. 46มป่า ม่าย เต๋ย หฑวน มี่ง ก๊อง เหฑ่ง เยซู โหฒว เญย เจ๊า-โหล่ว ปุน ฟาลิสี เมี่ยน หมวัง. 47น้าย เต๋ย ไซ เมี่ยน เปย๊ย เหธา ฟาลิสี เมี่ยน ฯฒฯ เห่ว กุ๊น สี่ หวุ่ย เญย เมี่ยน กั๊บ ฒุ้น ธ่าง ล่าง. นิ่น บัว ก๊อง, “อา, บัว อ๋อย หฒุ ฮนั้ง หาย นอ โหฒว? น้าย ล่าน เมี่ยน โหฒว บัวะ ฮ่อง เญย จั๋ง-โห่ ธั้ม ไห่. 48สี ก๊อง บัว เซว่ย นิ่น ฮนั้ง น้าย โหฒว เจี๊ยน มี่ง, เมี่ยน ฯฒฯ เสียน นิ่น เหฑ่ง อ๊ะ. ฮนั้ง หน่าย, โลมา เจียน อ๋อย ปั่ง น้าย นอม ฉัง โหฒว หว่าย บัว หฒั่ง ทิน-ฮู่ง เญย เปย๊า, หย่า โหฒว หว่าย บัว เญย ฝีง.”
49น้าย กวั้น เมี่ยน ม่าย เต้า, บั๋ว เห่ว คายาฟ้าด, ต้ง วั้ว หฮญัง โหฒว ต้ม ไซ เมี่ยน. นิ่น ก๊อง, “เม่ย บัว ไม้ ฮิ้ว ตุ๊ หาย หญู่ง. 50เม่ย บัว ไม้ ฮิ้ว ไฟ? ปุน เหยียด เต้า เมี่ยน ไต่ ตี๊ แปะ ฝีง เซ เก้า หลง เหยียด ฝีง เมี่ยน หฒุ เหมียด เหฑ่ง.” 51คายาฟ้าด ก๊อง น้าย เต๋ย หว่า เซ ไม้ เฒ์ย เอย นิ่น กั้น เญย เฮญี้ยว ฮนั้ม ธ้วด ต้าย ก๊อง. เซ เหว่ย หฒุ วั้ว หฮญัง นิ่น โหฒว ต้ม ไซ เมี่ยน ฯฒฯ ก๊อง ฒิ่น โฮ์ หว่า, ก๊อง เยซู อ๋อย หฒุ เหว่ย เหยียด ฝีง ยิวไท เมี่ยน ไต่. 52หย่า ไม้ เฒ์ย เหว่ย วั้ว ฝีง ไต่ ฮนั้ง. นิ่น หย่า ไต่ เหว่ย เซียว ฒุ้น ทิน-ฮู่ง เญย น่าม โญ์ว, เซ เยียม หฑาน วั้ว เต๋ย, กั๊บ ฒุ้น ต้าย เป๋น เหยียด กวั้น. 53เยียม หน่าย ฮนอย ต้าย, โหฒว โฮล เญย ยิวไท เมี่ยน เจี์ย กอน ต๊า หฒะเอ๋ย ไต๋ เยซู.
54เหว่ย น้าย เยซู ไม้ ฮนั้ง ฒิ่น ด่าง ตอง หฒวัง โย่ว ยูเดีย แซ้ง ปุน ยิวไท เมี่ยน ปวัด. นิ่น มี่ง นอม ล์าง เห่ว เอฟาอิม, นิด เต่ย-ปูง-ฮวาง ฟัด เญย, เหธา นิ่น เญย ไซ-ก๋อ บัว เยียม วั้ว.
55อ๊า ลั่ม เต๋ย เถา ยิวไท เมี่ยน เจี๋ย เสีย แหม่ง ฒิบ, เมี่ยน ธั้ม เยียม ฟาม-ปูง เฝย โหล่ว มี่ง เยลูซาเลม ฒี่ง เหว่ย เอย เจี๊ยน เล์ย สา หวุย หธีง ต้าย เจี๋ย ฒิบ. 56นิ่น บัว เยียม หฒั่ง ทิน-ฮู่ง เญย เปย๊า-เฮลน ล์อ เยซู. ล่าน หน่าย ล่าน, “อา, เม่ย ฮนั้ง หาย นอ ฮนั้ม? ต๋าย นิ่น ไม้ ต้าย น้าย เจี๋ย ฒิบ ซ่าะ?” 57วั้ว หฒั่น ไซ เมี่ยน เปย๊ย เหธา ฟาลิสี เมี่ยน จา เหฒียง หว่า ก๊อง, สี ก๊อง หาย เต้า ฮิ้ว ตุ๊ เยซู เยียม หาย อ๋อย หฒุ มี่ง บั๋ว นิ่น บัว, นิ่น บัว ฯฒฯ ไฮ่ มี่ง เฒาะ นิ่น.
Currently Selected:
โยฮัน 11: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007