เอเสเคน 7
7
อิสะลาเอน เญย เซ้ด เมว์ย เถา อ๊ะ
1เยีย แอ๋ง ตุ๊ ฒิบ เฒี้ยว เญย หว่า ก๊อง, 2“ป้าม เมี่ยน อ้า! เฒี้ยว ทิน-ฮู่ง ฮนั้ง น้าย นอ ก๊อง บั๋ว อิสะลาเอน เต่ย-ปูง, ‘เซ้ด เมว์ย อ๊ะ. เต่ย-ปูง เญย เปยย ปูง เก๊าะ เญย เซ้ด เมว์ย ฒู้ง เถา อ๊ะ. 3อี้ หฒั่น เม่ย เญย เซ้ด เมว์ย เถา อ๊ะ. เยีย อ๋อย ปุน เยีย เญย กะเฉีย แป๊ด ธ้วด โหฒว ปุน เม่ย. เยีย อ๋อย เอย เม่ย โหฒว เญย เจ๊า เซี้ยม เม่ย เญย ฒุ์ย, หย่า หฒิว เม่ย โหฒว กั้ม เฑี้ย เญย สี่ วิ่น ปุน เม่ย. 4เยีย เญย มฒีง หมั่ง หย่า ไม้ ค้อ-ฟิ ไม้ ค้อ-เลี่ยน. เยียม เม่ย บุด๋ง โหฒว กั้ม เฑี้ย เญย สี่ เญย เฒี่ยง โห่ เยีย อ๋อย เหว่ย เม่ย โหฒว เญย เจ๊า วิ่น ปุน เม่ย. ฮนั้ง หน่าย เม่ย ฯฒฯ ฮิ้ว ตุ๊ เยีย เซ เฒี้ยว. ’
5“เฒี้ยว ทิน-ฮู่ง ฮนั้ง น้าย ก๊อง, ‘เหฒะ หน่าน เถา อ๊ะ, เหยียด หญู่ง เจี๋ย ลิ์ว เหยียด หญู่ง เถา. หมั่ง ม่าะ! เหฒะ หน่าน ฒู้ง เถา ต้าย อ๊ะ. 6เซ้ด เมว์ย เถา อ๊ะ. เซ้ด เมว์ย เถา อ๊ะ. เหว่ย เม่ย เซ้ด เมว์ย เถา อ๊ะ. หมั่ง ม่าะ! หฒะเก้ง เถา อ๊ะ. 7อิสะลาเอน เมี่ยน อ้า!#7:7 ฮิบลู หว่า ก๊อง “เยียม เต่ย-ปูง เญย เมี่ยน”. เม่ย บัว หฒุ เหมียด เญย เฒี่ยง โห่ เถา อ๊ะ. เฒี่ยง โห่ เถา, ฮนอย-เหญียะ ฟัด อ๊ะ. เป๋น ฟ้าน หลุ่น เญย ฮนอย. เยียม บง กู้ หงว่าย ไม้ ม่าย เฌียน-โย่ว เห่ว เญย เฉีย. 8เยีย เซี้ยบๆ เญย อ๋อย ปุน เยีย เญย กะเฉีย แป๊ด ธ้วด ปุน เม่ย, โน์ว เม่ย เถา เยีย เญย กะเฉีย ฟิว. เยีย อ๋อย หฒิว เม่ย โหฒว เญย เจ๊า เซี้ยม เม่ย, หย่า เหว่ย เม่ย โหฒว เหยียด ฒู้ง กั้ม เฑี้ย เญย สี่ ตี่ง เม่ย เญย ฒุ์ย. 9เยีย เญย มฒีง หมั่ง หย่า ไม้ ค้อ-เลี่ยน, ไม้ เลี่ยว เม่ย. เยียม เม่ย บุด๋ง โหฒว กั้ม เฑี้ย เญย สี่ เญย เฒี่ยง โห่ เยีย อ๋อย หฒิว เม่ย โหฒว เญย สี่ วิ่น ปุน เม่ย. ฮนั้ง หน่าย เม่ย ฯฒฯ ฮิ้ว ตุ๊ เบ๊าะ เม่ย วั้ว เต้า เซ เยีย, เฒี้ยว.
10“‘หมั่ง ม่าะ! วั้ว นอม ฮนอย อ๋อย เซี้ยบๆ เญย เถา. เม่ย บัว หฒุ เหมียด เญย เฒี่ยง โห่ ฒู้ง เถา อ๊ะ. ปย๊า-บย่า ปุ๊ด เญว์ย.#7:10 ไฟ “ไม้ แป้ง ฟิม เญย เจ๊า”. โหฒว เหมา เญย เจ๊า ฆอย เปี้ยง. 11โหฒว เธี้ยว โหฒว โตะ เญย สี่ โฮล ต้าย เป๋น ติ้ว โหฒว เอ๊าะ สี่ เญย ปย๊า-บย่า. ไม้ เหฒ่ง เหยียด เต้า เมี่ยน. นิ่น บัว ปู๋ง-หฒัวะ เญย เจ๊า เหธา นิ่น บัว เญย ฒิ่น ฒ่อย ไม้ ม่าย. เยียม นิ่น บัว บุด๋ง หย่า ไม้ ม่าย หาย เต้า ตุ๊ โหฒว โฮล. 12เฒี่ยง โห่ เถา. ฮนอย-เหญียะ เถา ฟัด อ๊ะ. ม์าย เญย เมี่ยน ไม้ ตู๋ง อะเฮน้ย, หม่าย เญย เมี่ยน ไม้ ตู๋ง เฑ่า, เหว่ย หฒุ นิ่น บัว หฒวัง เมี่ยน ตุ๊ ทิน-ฮู่ง โน์ว. 13หม่าย เญย เมี่ยน หธ่อ เฒี่ยง เจี๊ยน เญย เฒี่ยง โห่ ไม้ ตุ๊ แอ๋ง หฑวน นิ่น หม่าย เญย เดา วั้ว. เหว่ย หฒุ น้าย หล่าว ย่าง เญย สี่ ก๊อง หฒุ นิ่น บัว หฒวัง เมี่ยน หย่า ไม้ ไฮ่ ก๊อย เหยี่ยน. หลาย นิ่น บัว เญย ฒุ์ย ไม้ ม่าย หาย เต้า ไฮ่ เปว ตุ๊ กั้น เญย แหม่ง. 14นิ่น บัว ฒู้ง ปย๊ม จอง หลิ่ว เล์ย เบ๊าะ จ๋า, มป่า ไม้ ม่าย เมี่ยน ธ้วด มี่ง เบ๊าะ เหว่ย หฒุ นิ่น บัว เญย หฒวัง เมี่ยน หฒุ เยีย โน์ว.
อิสะลาเอน เมี่ยน หฒุ ตี่ง ฒุ์ย
15“‘เยียม ฒี่ง กะเหญี่ย ม่าย หฑุ ด๊าว. ฒี่ง กะญั์ว ม่าย ววน-แป่ง เหธา หง่อ หฮนาง เญย เจ๊า. เยียม หล่ม-ฮวาง เญย เมี่ยน หฒุ หฑุ ด๊าว ไต๋. เยียม ฒี่ง กะญั์ว วั้ว เต๋ย หง่อ หฮนาง หย่า ปุ๊ด ววน-แป่ง ไต่. 16สี ก๊อง ม่าย หาย เต้า เปย๋า ดุ๊ด, ตุ๊ แหม่ง ธ้วด นอ, นิ่น ฯฒฯ เยียม วั้ว บง. เก๊าะ-เมี่ยน เหว่ย เก๊าะ-เมี่ยน เญย ฒุ์ย เห่ว ฮนั้ง เยียม ฮ์อง เญย แปะ ก๊บ นอ. 17เต้าๆ เญย ปั์ว ด้ม เมา เญย, เต้าๆ เญย ธี่ง เบาะ ญั่นๆ เญย.#7:17 ฮิบลู หว่า ก๊อง ...เมา ฮนั้ง ววม. 18นิ่น บัว ฒุ เจี๊ยน#7:18 ไฟ ไซ. ล่าม่า เดีย-โธว, ซิน หฒิน ญั่นๆ เญย. หมั่ง เต้าๆ เญย เฮมียน ปวัด นิ่น บัว ไญ้ เหฑ่ง, มฆ้อง หย่า หฒุ เถย ฌัง. 19นิ่น บัว เฒาะ นิ่น บัว เญย ญ่าน ฒอย กวั่ง วั้ว จาย-ห่อง. นิ่น บัว เญย เจียม ฮนั้ง ม่าย หวุย เญย กะน้าย. หฒุ เฒี้ยว โน์ว เญย ฮนอย นิ่น บัว เญย เจียม ญ่าน ไม้ ไฮ่ เหฌียว นิ่น บัว. นิ่น บัว เญย เจียม ญ่าน ไม้ ไฮ่ เถง นิ่น บัว เฮญี้ยว ไม้ เซีย ไฟ ปุน นิ่น บัว เญย กะเซีย เป๊ว, เหว่ย หฒุ น้าย เต๋ย เจียม ญ่าน โหฒว ปุน นิ่น บัว#7:19 ฮิบลู หว่า ก๊อง ดิ๊ หฒุ ดอบ. ป์าม ฒุ์ย. 20นิ่น บัว เธง นิ่น บัว เหฑว่ย ไห่ เญย เซียว-เซ้ด หย่า หล่ง โหฒว นิ่น บัว เญย กั้ม เฑี้ย ไห่, ไล่ ฮลบ เญย หมิ่ว-ฝัง. ฮนั้ง หน่าย เยีย หธีง ปุน วั้ว เต๋ย กะน้าย เหว่ย นิ่น บัว เป๋น ม่าย หวุย เญย กะน้าย. 21เยีย ฯฒฯ เฒาะ จิว ปุน กั้น ฝีง เมี่ยน เป๋น ลู้ ต้าย เญย กะน้าย, หย่า จิว ปุน ลู่ง เดี๊ย เญย เอ๊าะ เมี่ยน เป๋น ธ้าง ต้าย เญย กะน้าย. นิ่น บัว ฯฒฯ โหฒว ปุน ม่าย หวุย. 22เยีย ฯฒฯ เนี้ยว เฮมียน ไม้ หมั่ง นิ่น บัว, นิ่น บัว ฯฒฯ โหฒว ปุน เยีย จ๋าย เญย ต๋อง ม่าย หวุย. จั๋น-หฒะ หย่า เปียะ ต้าย ปุน ต๋อง ไม้ ธีง-เหฑ่ง.
23“‘หลิ่ว เล์ย หลิ่ม#7:23 ฮิบลู หว่า ก๊อง หลิ่ว เล์ย หลิ่ม. ม่าย เต๋ย โซว ก๊อง “ปุน เป๋น ป่าย ฮวาง เญย ต๋อง” ไฟ หญู่งๆ หลุ่น เหฑ่ง. เหว่ย หฒุ ม่าย ไต๋ เมี่ยน ปุน ฑย้าม เหลี่ยว ธ้วด เญย สี่ ปวั๊ง เต่ย-ปูง หย่า ม่าย โตะ เญย สี่ ปวั๊ง ฒี่ง. 24เหว่ย น้าย เยีย อ๋อย ปุน เหฒีย กั๊วะ เก้า เธี้ยว เจี๋ย เญย เมี่ยน ต้าย แฑง นิ่น บัว เญย เปย๊า. เยีย หย่า อ๋อย ปุน เก้า เฮ้น เจี๋ย เญย เมี่ยน โหฒว เหมา เญย เจ๊า ป่า หมี่ อ๊ะ. นิ่น บัว ธีง-เหฑ่ง เญย ต๋อง หย่า หฒุ ม่าย หวุย. 25หฒุ โค้ว เญย เฒี่ยง โห่ เถา, นิ่น บัว อ๋อย ล์อ แป้ง ออน มป่า ล์อ ไม้ ตุ๊ เหยียด เต๋ย. 26เหฒะ หน่าน จา ม่าย เหฒะ หน่าน, หว่า-หฑยาว หฑิบ หว่า หฑยาว เหยียด คัง เจี๋ย เหยียด คัง. นิ่น บัว ล์อ โต่ว หว่า เมี่ยน โจ้ว หล่าว ย่าง เญย สี่. ไซ เมี่ยน ไม้ หฌาว เล์ย-หลัด. เมี่ยน โก๋ ธ่าง ล่าง เญย เจ๊า หย่า ตั๋ง เหฑ่ง หมี่ อ๊ะ. 27ฮู่ง เตี๋ย เฑ่า เญี้ยม, ต้ม เจียน ไฮ์ ไม้ ลั่ม ฮนั้ม อ๊ะ. เต่ย-ปูง เญย แปะ ฝีง ปั์ว หฒิน หลาย กั้ม เหฑีย. เยีย ฯฒฯ เหว่ย นิ่น บัว โหฒว เญย เจ๊า วิ่น ปุน นิ่น บัว. เยีย หย่า อ๋อย เซี้ยม นิ่น บัว หฒิว นิ่น บัว กั้น เซี้ยม เญย หฒะเอ๋ย. นิ่น บัว ฯฒฯ ฮิ้ว ตุ๊ เยีย เซ เฒี้ยว. ’”
Currently Selected:
เอเสเคน 7: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
