เอเสเคน 12
12
เอเสเคน โหฒว หญู่ง เฒ้ย ปุน ธีง ยูดา เมี่ยน อ๋อย หฒุ กว๊าด มี่ง
1เยีย ตุ๊ ฒิบ เฒี้ยว เญย หว่า ก๊อง, 2“ป้าม เมี่ยน อ้า! เม่ย เยียม เฮญี้ยว แหง่ง เญย เฒ้ย-ฟุน บุด๋ง. นิ่น บัว ม่าย มฒีง หมั่ง หย่า หมั่ง ไม้ ปวัด, ม่าย มน่อม หมวัง หย่า หมวัง ไม้ ไฮ์, เหว่ย หฒุ นิ่น บัว เป๋น เฮญี้ยว แหง่ง เญย เฒ้ย-ฟุน.#อิสะยา 6:9-10; เยเลมี 5:21; มัดทาย 13:14-15; มาโค 8:18
3“ป้าม เมี่ยน อ้า! เหว่ย น้าย เม่ย อ๋อย หฒุ เบ่น ผุย หฒุ กว๊าด มี่ง เญย เมี่ยน หล่ง เญย กะน้าย หย่า เยียม ลู่ง ฮนอย หฒั่น ตอง เจี๊ยน นิ่น บัว เญย หฑะเฮมียน โหฒว ฮนั้ง หฒุ กว๊าด มี่ง เญย เมี่ยน. เม่ย อ๋อย หฒุ เยียม เม่ย กั้น เยียม เญย ต๋อง โหฒว ฮนั้ง หฒุ กว๊าด มี่ง เญย เมี่ยน, ตอง เจี๊ยน นิ่น บัว มี่ง เยียม กั้น นอม ต๋อง. ไม้ กุ๊น นิ่น บัว เซ เฮญี้ยว แหง่ง เญย เฒ้ย-ฟุน, เหฑีย นิ่น บัว ไฮ่ ฮนั้ม ตุ๊ ทง. 4ลู่ง ฮนอย หฒั่น อ๋อย หฒุ ตอง เจี๊ยน นิ่น บัว ต้อ เบ่น ต้าย เญย กะน้าย ธ้วด, เซ หฒุ กว๊าด มี่ง เญย เมี่ยน เฉียม หล่ง เญย กะน้าย. ลู่ง ม์าน-หฮมวัง เม่ย อ๋อย หฒุ ตอง เจี๊ยน นิ่น บัว ธ้วด มี่ง, ฮนั้ง หฒุ กว๊าด มี่ง เญย เมี่ยน มี่ง นอ. 5เม่ย อ๋อย หฒุ ตอง เจี๊ยน นิ่น บัว เว้ด ทง หฌ่ง ฯฒฯ กัน เว้ด ทง เญย ค้วด ต้อ กะน้าย ธ้วด. 6เหฑียม-ย่าง เญย เฒี่ยง โห่ อ๋อย หฒุ ตอง เจี๊ยน นิ่น บัว เฒาะ กะน้าย อัน บะเต้า ดาม เจี๊ยน ธ้วด มี่ง. เม่ย อ๋อย หฒุ ปวัง เจี๊ยน เฮมียน ปุน เม่ย หมั่ง ไม้ ปวัด เดา, เหว่ย หฒุ เยีย ปุน เม่ย โหฒว นอม จั๋ง-โห่ เหว่ย อิสะลาเอน เมี่ยน.”
7เยีย ฯฒฯ หฒิว เฒี้ยว พ้าย เญย หว่า โหฒว. ลู่ง ฮนอย หฒั่น เยีย ต้อ เยีย เญย กะน้าย ธ้วด, ฮนั้ง หฒุ กว๊าด มี่ง เญย เมี่ยน หล่ง เญย กะน้าย. ลู่ง ม์าน-หฮมวัง เยีย หล่ง กั้น เญย ปั์ว เว้ด ทง เปย๊า เญย หฌ่ง. เหฑียม-ย่าง เญย เฒี่ยง โห่ เยีย ตอง เจี๊ยน นิ่น บัว เฒาะ เยีย เญย กะน้าย อัน บะเต้า ดาม เจี๊ยน มี่ง อ๊ะ.
8ตะเหญ่ย ดอม เยีย แอ๋ง ตุ๊ ฒิบ เฒี้ยว เญย หว่า ก๊อง, 9“ป้าม เมี่ยน อ้า! อิสะลาเอน เญย เฒ้ย-ฟุน, เซ เฮญี้ยว แหง่ง เญย เฒ้ย-ฟุน, ฒู้ง หน่าย เม่ย, ‘เม่ย โหฒว หาย หญู่ง?’
10“เม่ย อ๋อย หฒุ บั๋ว นิ่น บัว, ‘เฒี้ยว ทิน-ฮู่ง ฮนั้ง น้าย ก๊อง, “น้าย เต๋ย หว่า ก๊อง หฒุ เยลูซาเลม วั้ว เต้า ต้ม เจียน เหธา เยียม ฒี่ง กะญั์ว เญย อิสะลาเอน เมี่ยน เญย เหยียด ฒู้ง เฒ้ย-ฟุน.”’ 11อ๋อย หฒุ บั๋ว นิ่น บัว, ‘เยีย กั้น เหว่ย เม่ย บัว เป๋น นอม จั๋ง-โห่. เยีย ฮนั้ง หาย นอ โหฒว, นิ่น บัว หย่า ฮนั้ง วั้ว นอ อ๋อย หฒุ เมี่ยน โหฒว ปุน นิ่น บัว. นิ่น บัว ฒู้ง อ๋อย หฒุ กว๊าด มี่ง.
12“เยียม นิ่น บัว บุด๋ง วั้ว เต้า ต้ม เจียน ลู่ง ม์วน หฒั่น เญย เฒี่ยง โห่ อ๋อย เฒาะ นิ่น เญย กะน้าย อัน เจี๊ยน บะเต้า ต้อ เจี๊ยน ธ้วด มี่ง. นิ่น อ๋อย เว้ด ทง หฌ่ง ยั่ง ทง เญย ต๋อง ธ้วด มี่ง, หย่า อ๋อย ปวัง เจี๊ยน นิ่น เญย เฮมียน เหว่ย ปุน นิ่น กั้น เญย มฒีง หมั่ง ไม้ ปวัด เดา. 13เยีย อ๋อย เฒาะ เยีย เญย มู์ง หฒาว เจี๊ยน นิ่น, นิ่น ฯฒฯ หฒุ เยียม เยีย เญย มู์ง กะญั์ว. เยีย ฯฒฯ ต้อ นิ่น มี่ง เถา บาบีโลน, เซ เคนเดีย เมี่ยน เญย เต่ย-ปูง. ไม้ กุ๊น ฮนั้ง หน่าย, นิ่น ไม้ ตุ๊ ปวัด วั้ว นอม เต่ย-ปูง. นิ่น หย่า อ๋อย หฒุ เยียม วั้ว ไต่.#2 ฮู่ง โต้ว 25:7; เยเลมี 52:11 14เว่ย ก๋อม นิ่น เญย เหยียด ฒู้ง เมี่ยน, เลี่ยม นิ่น เญย ปอง-ปั์ว เมี่ยน เหธา หฒวัง แปง-กวั้น, เยีย อ๋อย ปุน หฑาน มี่ง เถา เปยย ปูง#12:14 ฮิบลู หว่า ก๊อง เปย๊ย ปูง หฑยาว. หย่า อ๋อย แปง หฑุ ด๊าว หฒุ่น นิ่น บัว.
15“เยีย เฒาะ นิ่น บัว ปุน หฑาน มี่ง เยียม เหฒีย ฝีง เมี่ยน, เหฒีย นอม กั๊วะ บุด๋ง วั้ว หฒั่น, นิ่น บัว ฯฒฯ ฮิ้ว ตุ๊ เยีย เซ เฒี้ยว. 16มป่า เยีย อ๋อย เลี่ยว เหฌี่ย เต้า ป๊า เปย๋า ดุ๊ด หฑุ ด๊าว เหธา หง่อ หฮนาง เหธา ววน-แป่ง, เหว่ย ปุน นิ่น บัว มี่ง เยียม นอมๆ กั๊วะ เญย เมี่ยน บุด๋ง เหญี่ยม นิ่น บัว โหฒว เหยียด ฒู้ง กั้ม เฑี้ย เญย สี่, หย่า ฮิ้ว ตุ๊ เยีย เซ เฒี้ยว. ”
เอเสเคน ซิน หฒิน เญย จั๋ง-โห่
17เยีย แอ๋ง ตุ๊ ฒิบ เฒี้ยว เญย หว่า ก๊อง, 18“ป้าม เมี่ยน อ้า! เม่ย อ๋อย หฒุ ซิน หฒิน เจี๊ยน หญั่น หฮนาง, หย่า กั้ม เหฑีย เจี๊ยน ญั่นๆ เญย ฮบ ววม. 19เม่ย อ๋อย หฒุ ก๊อง บั๋ว น้าย นอม เต่ย-ปูง เญย แปะ ฝีง, ‘เฒี้ยว ทิน-ฮู่ง ฮนั้ง น้าย นอ ก๊อง เถา อิสะลาเอน เต่ย-ปูง, เยลูซาเลม ฒี่ง เญย เมี่ยน. นิ่น บัว อ๋อย ซิน หฒิน เจี๊ยน เญย หญั่น หฮนาง, เฮญี้ยว ฮวาง เจี๊ยน เญย ฮบ ววม, เหว่ย หฒุ เยียม นิ่น บัว เญย เต่ย-ปูง กะญั์ว หญู่งๆ กะน้าย อ๋อย หฒุ ธ้าง มี่ง, หลาย เยียม หน่าย เญย หฒวัง เมี่ยน โหฒว โตะ เญย สี่. 20ม่าย เมี่ยน เยียม เญย ฒี่ง ฯฒฯ เป๋น ฒี่ง ฮวาง. เฒี่ยง นอม เต่ย-ปูง หย่า เป๋น ป่าย ฮวาง เญย ต๋อง. เม่ย บัว ฯฒฯ ฮิ้ว ตุ๊ เยีย เซ เฒี้ยว. ’”
เมี่ยน อะเฮน้ย เญย หว่า-อ๊อม เหธา เมี่ยน ไม้ อะเฮน้ย หมวัง เญย เฝียน
21เยีย แอ๋ง ตุ๊ ฒิบ เฒี้ยว เญย หว่า ก๊อง, 22“ป้าม เมี่ยน อ้า! เม่ย บัว ม่าย หว่า-อ๊อม ก๊อง เถา อิสะลาเอน เต่ย-ปูง ไม้ เฒ์ย? เม่ย บัว ก๊อง, ‘เหยียด ฮนอย เจี๋ย เหยียด ฮนอย, หญู่งๆ หิ่น ย่าง เญย สี่ เฒียง หน่าย ป่า หมี่ อ๊ะ.’ 23เม่ย อ๋อย หฒุ บั๋ว นิ่น บัว, ‘เฒี้ยว ทิน-ฮู่ง ฮนั้ง น้าย ก๊อง. เยีย อ๋อย ปุน น้าย ติ้ว หว่า-เป๊ย ตั๋ง หมี่ อ๊ะ. เยียม อิสะลาเอน เต่ย-ปูง ยั่ง น้าย เจี๋ย นิ่น บัว ไม้ ตุ๊ หล่ง โหฒว หว่า-เป๊ย อ๊ะ.’ อ๋อย หฒุ บั๋ว นิ่น บัว, ‘เฒี่ยง โห่ เถา ฟัด, หญู่งๆ หล่าว ย่าง เญย สี่ อ๋อย ธ้วด ต้าย เฒียน. 24เหว่ย หฒุ เยียม น้าย มี่ง เยียม อิสะลาเอน เญย เฒ้ย-ฟุน บุด๋ง ไม้ ม่าย จ๊า หิ่น ย่าง เญย สี่ ไฟ โต่ว จ๊า หว่า เธง เมี่ยน. 25มป่า เยีย, เฒี้ยว, อ๋อย ก๊อง ต้ง เยีย อ๋อย ก๊อง เญย หว่า. หฒิว เยีย ก๊อง เญย หว่า หฒะเก้ง อ๋อย ธ้วด ต้าย หย่า ไม้ ไง่. โอ เฮญี้ยว แหง่ง เญย เฒ้ย-ฟุน อ้า! เยียม เม่ย บัว เฒี่ยง เญย ฮนอย เหญียะ เยีย อ๋อย ก๊อง ธ้วด หว่า หย่า เอย เจี๊ยน โหฒว. น้าย เซ เฒี้ยว ทิน-ฮู่ง ก๊อง เญย หว่า.’”
26เยีย ตุ๊ ฒิบ เฒี้ยว เญย หว่า ก๊อง, 27“ป้าม เมี่ยน อ้า! หมั่ง ม่าะ! อิสะลาเอน เมี่ยน เญย เฒ้ย-ฟุน ก๊อง, ‘นิ่น ปวัด วั้ว เต๋ย หิ่น ย่าง เญย สี่ ก๊อง หฒุ ฆะฮ้า ฮี้ง เญย ฮนอย-เหญียะ. นิ่น หย่า โต่ว หว่า ก๊อง เถา หธ่อ เยียม โก เญย เฒี่ยง โห่.’
28“เหว่ย น้าย เม่ย อ๋อย หฒุ ก๊อง บั๋ว นิ่น บัว, ‘เฒี้ยว ทิน-ฮู่ง ฮนั้ง น้าย นอ ก๊อง. เยียม น้าย มี่ง เยีย เญย หว่า ไม้ ม่าย เหยียด โจ๋ว ไง่. เยีย ก๊อง เญย หว่า หฒะเก้ง อ๋อย ธ้วด ต้าย. น้าย เซ เฒี้ยว ทิน-ฮู่ง ก๊อง เญย หว่า.’”
Currently Selected:
เอเสเคน 12: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
