กง-โฒ่ 7

สะเทเฟน เตา ต้ม ไซ เมี่ยน

1ต้ม ไซ เมี่ยน หน่าย ก๋า สะเทเฟน, “น้าย เต๋ย สี่ หฒะเก้ง ม่าย เญย ไฟ?”

2สะเทเฟน เตา, “หฒวัง เมี่ยน โก๋ เหธา หฒวัง ก๋อ-โย์ว อ่า, หมวัง เยีย ก๊อง โอ่. บัว เญย อง-ถาย, อับลาฮัม, เยียม เมโสโปเตเมีย ไม้ แก้ง มี่ง ฮาลาน วั้ว หฒั่น, ฌัง-หล่าง เญย ทิน-ฮู่ง หิ่น ธ้วด ต้าย 3ก๊อง บั๋ว นิ่น, ‘อ๋อย หฒุ กวั่ง เจี๊ยน เม่ย เญย เต่ย-ปูง เหธา เม่ย เญย เธียน-เธะ มี่ง เยียม ต้ง เยีย อ๋อย ปุน เม่ย ฮิ้ว วั้ว นอม เต่ย-ปูง.’#ทิน เต่ย โต้ว 12:1

4“อับลาฮัม ฯฒฯ ธ้วด เคนเดีย เมี่ยน เญย เต่ย-ปูง มี่ง เยียม ฮาลาน เต่ย-ปูง. นิ่น เญย เตีย ไต่ มี่ง, ทิน-ฮู่ง พ้าย อับลาฮัม ต้าย เยียม อี้ หฒั่น เม่ย บัว เยียม น้าย นอม เต่ย-ปูง.#ทิน เต่ย โต้ว 11:31; 12:4 5วั้ว หฒั่น ทิน-ฮู่ง เลี่ยม เหยียด นอม เหฒา-เป๊น ธ้าย เญย เดา หย่า ไม้ ปุน โหฒว นิ่น เญย ป่วน. มป่า อับลาฮัม ไม้ แก้ง ม่าย ฝุเจว๊ย วั้ว หฒั่น ทิน-ฮู่ง แล์ง ปุน น้าย นอม เต่ย-ปูง นิ่น เหธา นิ่น เญย เฒ้ย-ฟุน.#ทิน เต่ย โต้ว 12:7; 13:15; 15:18; 17:8 6ทิน-ฮู่ง ฮนั้ง น้าย นอ ก๊อง บั๋ว นิ่น, ‘เม่ย เญย เฒ้ย-ฟุน อ๋อย หฒุ เยียม กั้น นอม กั๊วะ, หฒุ วั้ว นอม กั๊วะ เญย เมี่ยน ห่อย นิ่น บัว โหฒว โน่ว, เหฒย นิ่น บัว เฝย แป๊ะ หฮญัง.#ทิน เต่ย โต้ว 15:13-14 7มป่า เยีย อ๋อย ตี่ง ห่อย นิ่น บัว โหฒว โน่ว วั้ว เต๋ย เมี่ยน เญย ฒุ์ย. ฆะฮ้า นิ่น บัว อ๋อย ธ้วด วั้ว นอม เต่ย-ปูง ต้าย เยียม น้าย นอม ต๋อง หฒั่ง เยีย.’#ธ้วด อียิบ 3:12 8ทิน-ฮู่ง ฯฒฯ ปุน เจี๋ย ก๊าด เญย เล์ย โหฒว แล์ง แหง่ง หว่า เญย จั๋ง-โห่.#ทิน เต่ย โต้ว 17:10-14 ฮนั้ง หน่าย อับลาฮัม เญย ตอน, อีสัก, ธ้วด เสย ปวั๊ง เหฮยียด ฮนอย, อับลาฮัม เถง นิ่น เจี๋ย ก๊าด เญย เล์ย. อีสัก โหฒว ยาโค้บ เญย เตีย, ยาโค้บ หย่า โหฒว บัว เญย เหฒียบ เหญ่ย เต้า อง-ถาย เญย เตีย.#ทิน เต่ย โต้ว 21:2-4; 25:26; 29:31-35; 30:1-24; 35:16-18; 35:23-26

9“น้าย เต๋ย อง-ถาย เหมว่ย เจี๊ยะ นิ่น บัว เญย โย์ว, โยเซ้บ, ฯฒฯ หม่าย นิ่น มี่ง อียิบ เต่ย-ปูง โหฒว โน่ว. มป่า ทิน-ฮู่ง เหธา นิ่น เยียม,#ทิน เต่ย โต้ว 37:11,28; 39:2,21 10เหฌียว นิ่น เปย๋า ดุ๊ด หน่าน ฒี่ง. ทิน-ฮู่ง ปุน โยเซ้บ ม่าย ธง-เม่ง หย่า โหฒว ตุ๊ หอบ อียิบ เต่ย-ปูง เญย ฟาโล ฮู่ง. ฟาโล ฮู่ง ฯฒฯ ปุน นิ่น โหฒว หฒูง กุ๊น อียิบ เต่ย-ปูง หย่า กุ๊น เหฑ่ง ฮู่ง ติ่น.#ทิน เต่ย โต้ว 41:39-41

11“ฆะฮ้า อียิบ เต่ย-ปูง เหธา คานาอัน เต่ย-ปูง ปวั้ง หฒุ ต้ม หง่อ ห่อย นิ่น บัว โค้ว. บัว เญย อง-ถาย ล์อ ไม้ ตุ๊ หาย หญู่ง หญั่น อ๊ะ.#ทิน เต่ย โต้ว 42:1-2 12มป่า ยาโค้บ ไฮ์ ก๊อง อียิบ เต่ย-ปูง ม่าย ล่าง หฒิ, นิ่น ฯฒฯ พ้าย บัว เญย อง-ถาย มี่ง ตะเยี้ยด หฑุ่น. 13ตะเหญ่ย หฑุ่น โยเซ้บ ปุน นิ่น เญย ก๋อ เหธา โย์ว ฮิ้ว ตุ๊ นิ่น. ฟาโล ฮู่ง ฯฒฯ ฮิ้ว ตุ๊ โยเซ้บ เญย ฮมวั้ง ต่อย เญย เจ๊า-โหล่ว.#ทิน เต่ย โต้ว 45:1,16 14โยเซ้บ ฯฒฯ ปุน หว่า มี่ง บั๋ว นิ่น เญย เตีย, ยาโค้บ, เหธา นิ่น เญย เหยียด ฒู้ง ฮมวั้ง ต่อย ต้าย. (เหยียด ฒู้ง ม่าย เธี้ยด เหฒียบ ฮม์ ล่าน เมี่ยน.)#7:14 เป๊ย หมั่ง หฑั่ม เล์ย-หลัด 10:22.#ทิน เต่ย โต้ว 45:9-10,17-18; 46:27 15ยาโค้บ เหธา บัว เญย อง-ถาย ฯฒฯ ซุ้ย มี่ง อียิบ เต่ย-ปูง หย่า เยียม วั้ว เกวย เสย.#ทิน เต่ย โต้ว 46:1-7; 49:33 16นิ่น บัว เญย เซย ต้อ หฑวน เซเคม, หฒัง เจี๊ยน อับลาฮัม หล่ง ญ่าน เถง ฮาโม เญย ตอน ม์าย วั้ว นอม โฒ้ว.#ทิน เต่ย โต้ว 23:3-16; 33:19; 50:7-13; โยซูวา 24:32

17“อ๊า ลั่ม เต๋ย เถา ทิน-ฮู่ง อ๋อย โหฒว เอย นิ่น แล์ง ปุน อับลาฮัม เญย หว่า, อิสะลาเอน เมี่ยน เยียม อียิบ เต่ย-ปูง หฮยาง ตุ๊ ธั้ม ไห่.#ธ้วด อียิบ 1:7-8 18โหฒว เกา, แอ๋ง ม่าย เต้า เซียง-ฮู่ง กุ๊น อียิบ เต่ย-ปูง. นิ่น หย่า ไม้ ฮิ้ว ตุ๊ เหยียด เต๋ย โยเซ้บ. 19นิ่น ดั๊ว บัว น้าย ฝีง เมี่ยน หย่า โหฒว โตะ ปุน บัว เญย อง-ถาย, อ๊าบ นิ่น บัว เฒาะ นิ่น บัว เญย กู้งว์า กวั่ง, ปุน กู้งว์า ไม้ ม่าย แหม่ง เฒี่ยง.#ธ้วด อียิบ 1:10-11,22

20“ต๋อย หฒุ วั้ว หฒั่น โมเซ ธ้วด เสย ต้าย, หย่า เอย ทิน-ฮู่ง ปวัด, นิ่น เฒี่ยง ตุ๊ เหฑว่ย ไห่. นิ่น เญย เตี๋ย หม่า ฯฒฯ ต้อ นิ่น เยียม เปย๊า ปวั๊ง ปัว หฮลา เหญียะ.#ธ้วด อียิบ 2:2 21เถา หฒุ กวั่ง กะเหญี่ย วั้ว หฒั่น, ฮู่ง เญย เซียะ ฯฒฯ ฮล้อบ ต้าย ต้อ โฮล โหฒว นิ่น กั้น เญย ตอน.#ธ้วด อียิบ 2:3-10 22โมเซ ตุ๊ โหะ เหฑ่ง อียิบ เมี่ยน เญย ธง-เม่ง เญย เจ๊า. นิ่น ก๊อง เญย หว่า, โหฒว เญย สี่, หฒะเก้ง โหฒว ตุ๊ ไกว ไห่.

23“โมเซ ตุ๊ เฝย เหฒียบ หฮญัง วั้ว หฒั่น, นิ่น เจี์ย เฮญี้ยว มี่ง หมั่ง เหธา นิ่น จวั่ง ฝีง วั้ว เต๋ย อิสะลาเอน เมี่ยน.#ธ้วด อียิบ 2:11-15 24มี่ง เกา, ปวัด เต้า อียิบ เมี่ยน ห่อย เต้า อิสะลาเอน เมี่ยน. โมเซ มี่ง เถง หฒุ ห่อย วั้ว เต้า จ๊าว เซี่ยว ฯฒฯ ไต๋ วั้ว เต้า อียิบ เมี่ยน. 25(โมเซ หล่าย เหธา นิ่น จวั่ง ฝีง เญย เมี่ยน ไฮ่ ฮิ้ว ตุ๊ ทิน-ฮู่ง อ๋อย หล่ง นิ่น เหฌียว นิ่น บัว, มป่า นิ่น บัว ไม้ เปียะ เฮญี้ยว.) 26ตะเหญ่ย ฮนอย นิ่น แอ๋ง ปวัด อี เต้า อิสะลาเอน เมี่ยน เบ๊าะ จ๋า, นิ่น ฯฒฯ มี่ง ป๊า นิ่น บัว. นิ่น ก๊อง, ‘ก๋อ-โย์ว อ้า! เม่ย บัว ล่ม ฑ่อย อิสะลาเอน เมี่ยน, เหว่ย หาย ติ่ว ล่าน อ๋อย ห่อย ล่าน?’

27“มป่า ต้ง ต่อง วั้ว เต้า ฟ้ง โมเซ เปย๋า ฆอย. นิ่น ก๊อง, ‘หาย เต้า ออน เม่ย ต้าย กุ๊น เยีย บัว, เถง เยีย บัว ตุ๋น สี่? 28เม่ย อ๋อย ไต๋ เยีย ฮนั้ง อะฮนอย เม่ย ไต๋ วั้ว เต้า อียิบ เมี่ยน น่อ?’ 29โมเซ ไฮ์ น้าย เต๋ย หว่า นิ่น ฯฒฯ เปย๋า ธ้วด อียิบ เต่ย-ปูง มี่ง เยียม มีเดียน เต่ย-ปูง. เยียม วั้ว นิ่น ตุ๊ อี เต้า ตอน ต้าย อ๊ะ.#ธ้วด อียิบ 18:3-4

30“เจี๋ย ลิ์ว เฝย เหฒียบ หฮญัง, โมเซ เยียม วั้ว เต่ย-ปูง-ฮวาง, เล่ย ซีนาย บง ไม้ หนั่ง โก, ม่าย เต้า ฟิน-เมี่ยน เยียม เหฒียะ เจี๊ยน เดี๋ยง-ตอน-ฟ้ม เญย โต์ว-เบียด กะญั์ว หิ่น ปุน โมเซ ปวัด.#ธ้วด อียิบ 3:1-10 31โมเซ ปวัด ฯฒฯ บัวะ ฮ่อง ไห่. มี่ง ฟัด เต๋ย หมั่ง ฯฒฯ ไฮ์ เฒี้ยว เญย เฉีย ก๊อง, 32‘เยีย เซ เม่ย เญย อง-ถาย เญย ทิน-ฮู่ง, อับลาฮัม, อีสัก เหธา ยาโค้บ เญย ทิน-ฮู่ง.’ โมเซ กั้ม เหฑีย ไห่, ซิน หฒิน, เลี่ยม ไม้ ก๊าม หมั่ง.

33“เฒี้ยว แอ๋ง ก๊อง บั๋ว นิ่น, ‘ทุด ฆอย เฮ่ ม่าะ! เม่ย อี้ หฒั่น โซ้ว เจี๊ยน น้าย นอม ต๋อง เซ ธีง-เหฑ่ง เญย เดา. 34เยีย ปวัด เยีย เญย เมี่ยน เยียม อียิบ เต่ย-ปูง เสี่ยว โค้ว, หย่า ไฮ์ นิ่น บัว ฌุ่น เจี๊ยน เยียม. เยีย ฯฒฯ เหฌี่ย ต้าย อ๋อย เหฌียว นิ่น บัว. ต้าย ม่าะ! เยีย อ๋อย พ้าย เม่ย มี่ง อียิบ เต่ย-ปูง.’

35“น้าย เต้า โมเซ ต้ง ฒิ่น ด่าง อิสะลาเอน เมี่ยน เฆ่ม วั้ว เต้า. นิ่น บัว ก๊อง, ‘หาย เต้า ออน เม่ย ต้าย กุ๊น เยีย บัว, เถง เยีย บัว ตุ๋น สี่?’ ทิน-ฮู่ง กั้น หล่ง เยียม เดี๋ยง-ตอน-ฟ้ม หิ่น ธ้วด วั้ว เต้า ฟิน-เมี่ยน พ้าย โมเซ กุ๊น นิ่น บัว หย่า เหฌียว นิ่น บัว.#ธ้วด อียิบ 2:14 36นิ่น ต้อ แปะ ฝีง ธ้วด อียิบ เต่ย-ปูง หย่า เยียม อียิบ เต่ย-ปูง, เยียม ค้อย-ซิ, หย่า เยียม เฝย เหฒียบ หฮญัง เต่ย-ปูง-ฮวาง โหฒว บัวะ ฮ่อง เญย สี่ เหธา จั๋ง-โห่.#ธ้วด อียิบ 7:3; 14:21; ซ้าว เมี่ยน 14:33

37“ต้ง น้าย เต้า โมเซ ก๊อง บั๋ว อิสะลาเอน เมี่ยน, ‘ทิน-ฮู่ง อ๋อย เหว่ย เม่ย บัว พ้าย เต้า โต่ว หว่า เมี่ยน ฮนั้ง เยีย นอ,#7:37 ฮนั้ง เยีย นอ ไฟ “ฮนั้ง นิ่น พ้าย เยีย นอ”. เยียม เม่ย บัว เญย ก๋อ-โย์ว บุด๋ง ธ้วด ต้าย.’#หฑั่ม เล์ย-หลัด 18:15,18 38ต้ง น้าย เต้า เหธา อิสะลาเอน เมี่ยน กั๊บ ฒุ้น เยียม เต่ย-ปูง-ฮวาง. นิ่น เหธา บัว เญย อง-ถาย หย่า เหธา เยียม ซีนาย บง เหธา นิ่น ก๊อง หว่า วั้ว เต้า ฟิน-เมี่ยน เยียม, หย่า ฒิบ เฒี่ยง เจี๊ยน เญย โต์ จิว ปุน บัว.#ธ้วด อียิบ 19:1—20:17; หฑั่ม เล์ย-หลัด 5:1-33

39“มป่า บัว เญย อง-ถาย เฆ่ม โมเซ, ไม้ คั้ง หมวัง นิ่น เญย หว่า. เฮญี้ยว ขูง ฮนั้ม ต๋าว ซิน หฑวน วั้ว อียิบ เต่ย-ปูง ฮนั้ง. 40นิ่น บัว ฯฒฯ บั๋ว อาโลน, ‘โท้ เม่ย เหฒย เต๋ย เฒี่ยน เญย ฝัง เยี์ยน เยีย บัว เญย เจ๊า ม่าะ! ต้อ เยีย บัว ธ้วด อียิบ เต่ย-ปูง วั้ว เต้า โมเซ อง เจี๋ย หาย หมี่ อ๊ะ, เยีย บัว หย่า ไม้ ฮิ้ว.’#ธ้วด อียิบ 32:1 41ต้ง วั้ว หฑุ่น นิ่น บัว โหฒว เต้า ง่ง โก๊ว ตอน เญย ฝัง, ต้อ กะน้าย มี่ง เหฒี่ย, หย่า เบ่น หญั่น ฮบ โห่ว นิ่น บัว กั้น เญย ปั์ว เหฒย ต้าย เญย กะน้าย.#ธ้วด อียิบ 32:2-6 42ทิน-ฮู่ง ฯฒฯ ไม้ หมั่ง นิ่น บัว อ๊ะ. เซว่ย นิ่น บัว หฒั่ง กู้ หงว่าย ลู่ง เญย เหฮลย, ฮนั้ง เฟี้ย เจี๊ยน โต่ว หว่า เมี่ยน เญย โซว นอ. โซว ก๊อง,#อาโม้ด 5:25-27

‘อิสะลาเอน เมี่ยน อ้า!

เม่ย บัว เยียม เฝย เหฒียบ หฮญัง เต่ย-ปูง-ฮวาง,

เม่ย บัว ไม้ เฒ์ย ไต๋ แซง-คู้ เหฒี่ย เยีย.

43เม่ย บัว แกง โมเล้ก เฒี่ยน เญย ด๊บ-ลิ่ว,

หย่า แกง เลฟาน เฒี่ยน เญย เหฮลย,#7:43 นิ่น บัว โหฒว เป๋น ฝัง ต้าย หฒั่ง.

เซ เม่ย บัว กั้น เหฒย ต้าย หฒั่ง เญย หมิ่ว-ฝัง.

เหว่ย น้าย เยีย อ๋อย กว๊าด เม่ย บัว มี่ง บาบีโลน เญย วั้ว ด่าง แหมง.’

44“บัว เญย อง-ถาย เยียม เต่ย-ปูง-ฮวาง วั้ว หฒั่น, นิ่น บัว ม่าย วั้ว นอม แล์ง แหง่ง หว่า เญย ด๊บ-ลิ่ว. น้าย นอม ด๊บ-ลิ่ว นิ่น บัว เอย ทิน-ฮู่ง พ้าย โมเซ หย่า ปุน โมเซ ปวัด เจี๋ย เญย หญู่ง เฒ้ย โหฒว ต้าย.#ธ้วด อียิบ 25:9,40 45ฆะฮ้า บัว เญย อง-ถาย ตุ๊ หฑิบ วั้ว นอม หฒั่ง ทิน-ฮู่ง เญย ด๊บ-ลิ่ว หย่า เปี้ยน กัน เจี๊ยน โยซูวา มี่ง. เถา นิ่น บัว ต้าย แฑง เต่ย-ปูง, ต้ง ทิน-ฮู่ง หฒุ่น เยียม ด่าง วั้ว เต๋ย เมี่ยน ถุย ธ้วด น้าย นอม เต่ย-ปูง, นิ่น บัว เปี้ยน เจี๊ยน วั้ว นอม ด๊บ-ลิ่ว เปียะ. ด๊บ-ลิ่ว หย่า เยียม หน่าย เถา ดาวิด ฮู่ง เญย ลู่ง เดี๊ย.#โยซูวา 3:14-17 46ดาวิด ฮู่ง ตุ๊ ทิน-ฮู่ง อะเฮน้ย นิ่น, ฯฒฯ โท้ ทิน-ฮู่ง ปุน นิ่น ลิ์ว เล์ย นอม ต๋อง ปุน ยาโค้บ เญย ทิน-ฮู่ง เยียม.#2 ซามูเอน 7:1-16; 1 ฒุ่น ต่อย โต้ว 17:1-14 47มป่า ต้ง ซาโลมอน เหว่ย ทิน-ฮู่ง ตุ๊ โหฒว วั้ว นอม เปย๊า.#1 ฮู่ง โต้ว 6:1-38; 2 ฒุ่น ต่อย โต้ว 3:1-17

48“มป่า เยียม ฮลัง เจี๋ย เญย ทิน-ฮู่ง ไม้ เฒ์ย เยียม เมี่ยน โหฒว ต้าย เญย เปย๊า. ฮนั้ง โต่ว หว่า เมี่ยน ก๊อง,

49“ลู่ง เซ เยีย เญย เหว่ย,

เดา เซ เยีย หลอง เหฒา เญย ต๋อง.

เม่ย บัว เหว่ย เยีย เหธย เญย ติ่น อ๋อย ฮนั้ง หาย นอ?#7:49 ม่าย เต๋ย โซว ฟาน ต้าย ก๊อง อ๋อย เยียม หาย?

เยีย ตุ๊ ฮิด ขวน เญย ต๋อง อ๋อย เยียม หาย?#อิสะยา 66:1-2

50น้าย เต๋ย กะน้าย เหยียด ฒู้ง

เซ เยีย กั้น เญย ปั์ว เหฒย ต้าย ไม้ เฒ์ย?”’

51“เม่ย บัว เฮญี้ยว แหง่ง เญย เมี่ยน อ้า! เม่ย บัว มน่อม โฮ์, ไม้ หมวัง ทิน-ฮู่ง. เม่ย บัว เหธา เม่ย บัว เญย อง-ถาย ฟี่ ฮนั้ง เญย, หาย หฒั่น หย่า แหง่ง เจี๊ยน สีง ลี่ง.#อิสะยา 63:10 52ม่าย หาย เต้า โต่ว หว่า เมี่ยน ไม้ หฒุ เม่ย บัว เญย อง-ถาย โหฒว โตะ เจี๋ย? เลี่ยม ต้าย โต่ว หว่า ก๊อง แป้ง ฟิม วั้ว เต้า อ๋อย ต้าย, บัว เญย อง-ถาย ฒู้ง ไต๋ นิ่น บัว กวั่ง หมี่ อ๊ะ. อี้ หฒั่น แป้ง ฟิม วั้ว เต้า เม่ย บัว หม่าย หย่า ไต๋ นิ่น กวั่ง. 53ฟิน-เมี่ยน จิว ทิน-ฮู่ง เญย เล์ย-หลัด ปุน เม่ย บัว, เม่ย บัว หย่า ตุ๊ ฒิบ หมี่ อ๊ะ, มป่า ไม้ เอย เจี๊ยน โหฒว.”

เมี่ยน ฒง สะเทเฟน ไต่

54กุ๊น สี่ วั้ว กวั้น เมี่ยน ไฮ์ สะเทเฟน ก๊อง น้าย เต๋ย หว่า, นิ่น บัว เฉีย เจี์ย! ไห่, ฯฒฯ ตับ ญ่า ตับ เธ้ย เญย. 55มป่า สะเทเฟน ม่าย สีง ลี่ง เยียม ปวั๊ง เฮญี้ยว. นิ่น หมั่ง กู้ หงว่าย ลู่ง, ปวัด ทิน-ฮู่ง เญย ฌัง-หล่าง หย่า ปวัด เยซู โซ้ว เจี๊ยน ทิน-ฮู่ง เญย บย่าว แหมง ปูง. 56นิ่น ก๊อง, “เม่ย บัว หมั่ง ก๋า ม่าะ! เยีย ปวัด ลู่ง แก้ง ฆอย, หย่า ปวัด ป้าม เมี่ยน เญย ตอน โซ้ว เจี๊ยน ทิน-ฮู่ง เญย บย่าว แหมง ปูง.”

57หฒวัง เมี่ยน แอ๋ง ไฮ์ นิ่น ฮนั้ง น้าย นอ ก๊อง, นิ่น บัว ฯฒฯ ฌี่ หฌูง หฌุด เญย เห่ว, หย่า หล่ง ปั์ว ฒด เจี๊ยน มน่อม ค้วด ถิว มี่ง ธา สะเทเฟน, 58หลั่น นิ่น ธ้วด กะเหญี่ย หฒิ ฒี่ง, เฒาะ หละเปย๊ย ฒง ไต่ นิ่น. ต๋อย เหฒง วั้ว เต๋ย เมี่ยน ไจ๊ นิ่น บัว เญย ต้ม ลุย อัน เจี๊ยน เต้า เมี่ยน หลุน เมี่ยน, บั๋ว เห่ว เซาโล, เญย เหฒา-เฮลน.

59เมี่ยน หล่ง หละเปย๊ย ฒง เกา สะเทเฟน, สะเทเฟน เห่ว เจี๊ยน ทิน-ฮู่ง ก๊อง, “เฒี้ยว เยซู อ้า! โท้ เม่ย ฒิบ เยีย เญย ลี่ง ว่วน!” 60นิ่น เกว่ย เหฌี่ย เดา เห่ว เฉีย โฮล เญย ก๊อง, “เฒี้ยว อ้า! โท้ เม่ย กวั่ง ฆอย ไม้ ตู๋ง หล่ง นิ่น บัว โหฒว น้าย เต๋ย ฒุ์ย.” ก๊อง เซ้ด หว่า นิ่น ฯฒฯ ตั๋ง เฉีย หมี่ อ๊ะ.

Currently Selected:

กง-โฒ่ 7: IuMiTH

Highlight

Copy

Compare