Surat ni Jeremias 1
1
1Usa ini ka kopya han surat nga iginpadara ni Jeremias ngadto han mga tawo han Jerusalem san-o hira dad-a nga mga bihag han Babilonianhon nga hadi ngadto ha Babilonia. Aanhi hini dinhe an mensahe nga sugo han Dyos kan Jeremias nga ighatag ha ira.
Inmatubang hin Maiha nga Pagkabihag an mga Tawo
2Nakasala kamo kontra han Dyos. Amo ini an hinungdan kay ano nga dadad-on na kamo nga mga priso ni Hadi Nabucodonosor ngadto ha Babilonia. 3Magpapabilin kamo didto nga mga bihag sulod hin damo nga katuigan, magmamaiha kamo sugad hin kaiha hin pito nga katulinan; katapos, pagmamandoan kamo nga malinawon han Dyos hin pag-uli tikang ha Babilonia.
4Didto ha Babilonia makita kamo hin kadiyosan nga hinimo hin kahoy, salapi, ug bulawan—kadiyosan nga ginpapas-an hin mga tawo ngan nakakapahadlok han mga pagano. 5Kinahanglan maghirot kamo hin diri pagsubad hito nga mga Hentil. Ayaw kamo kahadlok han ira kadiyosan kon iyo hikit-an ini nga ginproprosisyon ngan ginsisingba nira. 6Lugod, siring ha iyo kalugaringon, “Ikaw la, O Ginoo, an kinahanglan pagsingbahon namon.” 7Aadto an anghel han Dyos upod ha iyo; pagmamangnoan kamo niya.
Waray Gamit an mga Diyosdiyos
8Pinurog hin salapi ug bulawan an ira mga diyosdiyos nga may-ada mga dila nga hinimo hin mga panday. Kundi diri ini tinuod nga kadiyosan ngan diri ini hira nakakayakan. 9Naghihimo an mga tawo hin bulawan nga mga korona ngan iginsusul-ot ini ha ulo han ira kadiyosan, ngan ini nga mga diyosdiyos sugad hin kababayen-an nga maruruyagon hin mga alahas. 10Usahay kinakawat han kapadian an salapi ug bulawan tikang han ira kadiyosan ngan ginagasto ini para ha ira ngahaw; 11ihinahatag pa ngani nira an iba hini ngadto han mga magraot nga kababayen-an han templo. Ginbabadoan ini nga kadiyosan nga kahoy, salapi, ug bulawan sugad hin mga tawo hira. 12Kundi bisan kon ginbabadoan ini nga kadiyosan hin pula nga higlawig nga mga panapton sugad hin kahadian, diri hira nakakapugong nga diri hira kahugawan o diri hira pag-anayon. 13Kon putos na an ira mga nawong hin tapotapo han templo, iba in naglilinis ha ira. 14Sugad hin tawo nga mga maghurukom, nakapot hira hin mga baston, kundi waray hira gahom hin pagkastigo bisan kan kanay nga nakakasayop ha ira. 15Usahay may-ada hira mga daga ngan mga parakol ha ira mga kamot, kundi diri hira nakakapanalipod ha ira ngahaw nga diri hira maruba ha pag-awayan o nga diri dad-on hin mga kawatan. 16Nagpapamatuod ini ngatanan nga diri hira kadiyosan—ayaw pagsingba ha ira.
17Ito nga kadiyosan nga ibinutang ha ira mga templo sugad la hin buong nga makaong hin kawaray pulos. Puno an ira mga mata hin tapotapo nga dara han mga tawo kon nasulod hira han Templo. 18Ginpaparig-on han kapadian an templo pinaagi hin mga sada han mga porta, trangka ug mga balabag, basi diri makasulod an mga kawatan. Trinangkahan hin maupay an kadiyosan sugad hin usa nga priso nga paratayon na tungod hin usa nga pagtalapas kontra han hadi. 19Nagdadagkot an kapadian hin mga suga basi kapawaan an kadiyosan, kundi diri nakakakita ini nga mga diyosdiyos hin bisan usa na manla nga suga. 20Gin-aanay an mga sakob nira sugad han mga tablon han templo ngan nadudumog an ira mga bado, kundi diri ini hira maaram. 21Nag-iitom an ira mga nawong pinaagi han aso didto ha templo. 22Hinahaponan hira hin mga kulalaknit, mga balinsasayaw, ngan iba nga katamsihan, ngan linulunayan hira bisan han kamisayan. 23Nagpapamatuod ini ngatanan nga diri hira mga diyos—ayaw niyo hira pagsingbaha.
24Ginputos hin bulawan ini nga mga diyosdiyos hin pagpahusay ha ira, kundi diri hira naglulugaring hin pagsinaw gawas kon may magpainggat ha ira. Waray hira umabat hin bisan ano han pag-ipisa ha ira ngadto hin mga hurmaan. 25Waray kalainan bisan ano ka mahal an igbayad ha ira; diri gihapon hira nakakaginhawa. 26Kitaa an pagkawaray gamit nira! Diri hira nakakaglugaring hin paglakat, kundi kinahanglan pagpasgon hira. 27Bisan adton mga naninimangno ha ira nakakaawod kon nahuhulog ha tuna an usa han ira mga diyosdiyos ngan kinahanglan puroton liwat ini. Kon ginpapatindog in usa ha ira didto hin usa nga dapit, diri ini nakakakiwa, ngan kon nahihilig ini, diri gud ini nakakaglugaring hin pagtadong. An paghalad hin mga regalo ngadto ha ira sugad la hin paghatag hin mga regalo ngadto hin usa nga minatay. 28Iginbabaligya han kapadian an mga iginhalad ngadto han ira mga diyos ngan ginggagamit an kwarta hini ngahaw nga kapadian para ha ira ngahaw. Ngan gin-aasinan han mga asawa han kapadian an mga ginhalad para hin orhe nga paggamit, ngan diri lugod ini ipinapaangbit ngadto han mga kablas ngan mga magpakalolooy. 29Tinutugotan hin pagkapot han mga halad bisan an kababayen-an nga inabotan han binulan nira nga regla o bag-o pa la nga nag-anak. Nagpapamatuod ini ngatanan nga diri hira mga diyos—ayaw niyo hira pagsingbaha.
30Uunanhon hin katawag nira nga mga diyos nga tinutugotan man an kababayen-an hin paghalad ngadto hini nga mga butang nga hinimo hin kahoy, salapi ug bulawan? 31An kapadian nalingkod pa ngani didto ha mga templo kon masulob-on hira, nga gisi an ira panapton ngan waray tahob an kiniskisan nira nga mga ulo. 32Nakurahab ngan nagoliat an kapadian ha ira pagnguyngoy ha atubangan han ira mga diyos nga daw sugad hin tampo hira hin usa nga tapos. 33Ginhuhugkas nira an mga panapton han ira mga diyos ngan iginhahatag ini ngadto han ira mga asawa ngan mga anak. 34Waray sapayan kon bumulig o magdaot in usa ka tawo hini nga mga diyos, kay diri man ini hira nakakabalos ha ira. Diri ini hira nakakahimo nga hadi in usa ka tawo o nakakahukas ini hira hin pagkahadi hin usa ka tawo, 35ngan diri hira makakapariko hin usa ka tawo o makakahatag ha iya hin bisan ano nga kwarta. Kon may-ada tawo nga nagsusumpa ngadto ha ira kundi diri nagtutuman hini, diri gud hira nakakahimo hin pagpabayad ha ira. 36Diri gud hira nakakatalwas hin usa ka tawo tikang han kamatayon, ngan diri gud hira nakakabulig hin usa nga maluya nga tawo kontra han tawo nga makusog. 37Diri hira makakapahiuli hin pagkita ngadto han mga buta o makakatalwas hin bisan hin-o nga aada ha kakurian. 38Diri ini hira makakapakita hin kalooy ug makakabulig han mga balo ug ilo. 39Ini nga mga butang nga hinimo hin kahoy ngan pinutos hin salapi ug bulawan waray ini hira gahom sugad hin bato nga kinuha tikang han kabukiran; ngan kaaalohan la an mga tawo nga magsisingba ha ira. 40Uunanhon hin pakahunahuna han mga tawo nga mga diyos ini hira o nga pagtawgon hira nga mga diyos?
An Katuyawan hin Pagsingba hin mga Diyosdiyos
Nagdadara hin kaarawdan an mga Babilonianhon ngadto han kalugaringon nira nga mga diyos. 41Kon diri nakakayakan in usa ka tawo ira gindadara ini hiya ngadto han templo ngan ginhahangyo hi Bel nga ihatag hini nga tawo an gahom hin pakayakan, nga sugad nga hi Bel nakakasabot hini ngatanan. 42Bisan kon an mga tawo maaram nga diri nakakabulig an ira mga diyos matig-a gud an ira mga ulo ngan nagpapadayon hira hin pagsingba hini nga mga diyos. 43Diri amo la ini, kundi may-ada kababayen-an nga nagbabagkos han ira ngahaw mga hawak ngan nagkakalingkod ha ligid han dalan, nga nagtutubod hin insyenso ngan nagtutubyan han ira kalugaringon kay mga babaye hira nga magraot an bantog. Kon kinukuha in usa ha ira para hin pakighilawas, nabalik hiya hin pagtamay han babaye nga sapit niya nga waray igo nga kahusay nga asay pilion hiya. 44Buwa an ngatanan hiunong hini nga mga diyosdiyos. Uunanhon hin pakahunahuna han mga tawo nga mga diyos hira o pagtawgon hira nga mga diyos?
45Ginhihimo ini nga mga diyos hin mga panday ngan mga platero, sanglit diri gud hira mahihimo nga bisan ano nga butang kon diri himoon hira sugad han karuyag hini nga mga tawo. 46Diri ngani maiha an kinabuhi han parahimo ha ira, sanglit uunanhon nira hin pakatuha hin mga dyos? 47Waray mabibilin hini nga mga tawo kundi an kalimbongi ngan kaalohi la sugad nga panurondon para han tiarabot nga mga katulinan. 48Kon naabot an araway ngan mga kasamok, naghuhunahuna an kapadian kon ngain hira kakadto hin pagtago dara an ira mga diyos. 49Diri nakakabulig ini nga mga diyosdiyos kon aada na an mga araway ngan mga kasamok. Kay ano nga diri nakakasabot an mga tawo nga diri mga diyos ini nga mga diyosdiyos?
50Kahoy la nga pinutos hin salapi ug bulawan ini nga mga diyosdiyos; may adlaw nga hisasabotan ini hira nga diri ini hira tinuod nga mga diyos. 51Makakasabotan ngatanan nga kanasoran ngan kahadian nga mga binuhat la hin mga kamot hin tawo an mga diyosdiyos. Waray hira gahom hin usa nga diyos, 52ngan kinahanglan hibaroan han tagsatagsa nga diri gud hira tinuod nga mga diyos.
53Diri ini nga mga diyos makakahimo nga hadi hin usa ka tawo; diri ini hira makakapauran. 54Diri hira makakaghukom hiunong han kalugaringon nira nga mga butang o makakahatag hin katadongan ngadto hin tawo nga ginbuhatan hin kasaypanan; waray gud nira mahihimo nga bisan ano. Sugad ini hira hin kawaray gamit hin mga uwak nga naglulupadlupad ha kahanginan. 55Kon nasusunog in usa nga templo nagdadadlagan an kapadian hin pagtalwas han ira kalugaringon, samtang an mga diyosdiyos nga kahoy nga binawbawan hin salapi ug bulawan binabayaan nira nga masunog sugad hin kahoy nga mga tablon. 56Diri hira makakaato hin kahadian o makakakadto ha pag-awayan kontra hin mga kaaway. Uunanhon hin pakatuod han mga tawo nga mga diyos hira?
57Ini nga mga diyosdiyos nga hinimo hin kahoy nga binawbawan hin salapi ug bulawan diri makakapanalipod ha ira ngahaw tikang hin mga kawatan o tikasan, 58nga nagtitikas han salapi ug bulawan ngan han mga panapton han mga diyos ngan ira gindadara ini ngatanan. Waray nahihimo han mga diyos hin pagpugong ha ira. 59Mauruupay pa in bisan ano nga butang tikang hin usa nga hadi nga maisog ngadto hin usa nga mapulsanon nga daba kay hin usa nga diyos nga diri tinuod. Mauruupay bisan in usa nga sada hin porta kay hin usa nga diri tinuod nga diyos; kay nakakapanalipod in usa nga sada hin porta han mga butang ha sulod han balay. Mauruupay bisan an kahoy nga harigi dida hin usa nga palasyo kay hin usa nga diri tinuod nga diyos.
60Iginhatag han Dyos an adlaw, an bulan, ngan an kabito-an hin paghatag hin kapawa, ngan nagsusugot hira ha iya. 61Amo man an kikidlat ug hangin. Hinkikit-an an kikidlat ha kahigrayoan, ngan nahuyop an hangin ha ngatanan nga dapit. 62Kon ginsusugo ha Dyos an mga dampog hin pagsarang han bug-os nga kalibutan, nasugot hira. 63Kon nagsusugo an Diyos nganhi ha ubos hin kalayo tikang ha langit hin pagsunog han kabukiran ngan mga kagurangan, nagtutuman ini hira han iginsusugo ha ira. Diri makakahimo hini nga mga butang an mga diyosdiyos—diri ngani hira makakasubad hin maupay. 64Kay ano nga pagtatawgon hira nga mga diyos, nga diri man hira nakakabulig ha aton o nakakadaot ha aton ha bisan ano nga paagi? 65Mag-aram kamo nga diri hira mga diyos, sanglit ayaw kamo pagsingba ha ira.
66Waray gahom ini nga mga diyos han kahadian; diri hira makakagpanhimaraot ha ira o makakagpakaupay ha ira. 67Diri hira makakahimo para han kanasoran hin bisan ano nga mga tigaman didto ha langit; diri hira makakasirang sugad han adlaw o han bulan. 68Mauruupay pa an ihalas nga kamanampan kay hito nga mga diyosdiyos; nakakalikay an kamanampan hin kataragman hin pagpanalipod ha ira ngahaw. 69Sanglit uraura na hin kadayag nga diri hira mga diyos, sanglit ayaw kamo pagsingba ha ira.
70Ini nga ira mga diyos nga kahoy nga pinutos hin salapi ug bulawan makakabulig hira sugad la hin pahoy didto ha butnga hin kahumayan; diri gud ini makakapanalipod. 71Sugad la hira hin mga sapinit dida hin usa nga tanaman; diri ini nakakatabog han katamsihan, lugod mahapon an katamsihan dida ha ira. Ini nga mga diyos sugad la hin patay nga lawas nga iginlabog ngadto ha kasisidman. 72Nadudumog an pula nga higlawig nga mga panapton nga lino#1:72 lino; ha Griego, marpil. nga ira isinusul-ot, sanglit maaram kita nga diri hira mga diyos. Ha kataposan pagkukutkoton hira hin mga anay, ngan onina waray bisan diin ug bisan hin-o nga makakagamit ha ira.
73An matadong nga tawo mauruupay pa kay han iba; diri hiya nagtatag-iya hin bisan ano nga mga diyosdiyos, ngan diri gud hira makakauwat ha iya.
Currently Selected:
Surat ni Jeremias 1: MBBSAM
Highlight
Share
Copy
Want to have your highlights saved across all your devices? Sign up or sign in
Baraan nga Biblia © Philippine Bible Society, 1984
Surat ni Jeremias 1
1
1Usa ini ka kopya han surat nga iginpadara ni Jeremias ngadto han mga tawo han Jerusalem san-o hira dad-a nga mga bihag han Babilonianhon nga hadi ngadto ha Babilonia. Aanhi hini dinhe an mensahe nga sugo han Dyos kan Jeremias nga ighatag ha ira.
Inmatubang hin Maiha nga Pagkabihag an mga Tawo
2Nakasala kamo kontra han Dyos. Amo ini an hinungdan kay ano nga dadad-on na kamo nga mga priso ni Hadi Nabucodonosor ngadto ha Babilonia. 3Magpapabilin kamo didto nga mga bihag sulod hin damo nga katuigan, magmamaiha kamo sugad hin kaiha hin pito nga katulinan; katapos, pagmamandoan kamo nga malinawon han Dyos hin pag-uli tikang ha Babilonia.
4Didto ha Babilonia makita kamo hin kadiyosan nga hinimo hin kahoy, salapi, ug bulawan—kadiyosan nga ginpapas-an hin mga tawo ngan nakakapahadlok han mga pagano. 5Kinahanglan maghirot kamo hin diri pagsubad hito nga mga Hentil. Ayaw kamo kahadlok han ira kadiyosan kon iyo hikit-an ini nga ginproprosisyon ngan ginsisingba nira. 6Lugod, siring ha iyo kalugaringon, “Ikaw la, O Ginoo, an kinahanglan pagsingbahon namon.” 7Aadto an anghel han Dyos upod ha iyo; pagmamangnoan kamo niya.
Waray Gamit an mga Diyosdiyos
8Pinurog hin salapi ug bulawan an ira mga diyosdiyos nga may-ada mga dila nga hinimo hin mga panday. Kundi diri ini tinuod nga kadiyosan ngan diri ini hira nakakayakan. 9Naghihimo an mga tawo hin bulawan nga mga korona ngan iginsusul-ot ini ha ulo han ira kadiyosan, ngan ini nga mga diyosdiyos sugad hin kababayen-an nga maruruyagon hin mga alahas. 10Usahay kinakawat han kapadian an salapi ug bulawan tikang han ira kadiyosan ngan ginagasto ini para ha ira ngahaw; 11ihinahatag pa ngani nira an iba hini ngadto han mga magraot nga kababayen-an han templo. Ginbabadoan ini nga kadiyosan nga kahoy, salapi, ug bulawan sugad hin mga tawo hira. 12Kundi bisan kon ginbabadoan ini nga kadiyosan hin pula nga higlawig nga mga panapton sugad hin kahadian, diri hira nakakapugong nga diri hira kahugawan o diri hira pag-anayon. 13Kon putos na an ira mga nawong hin tapotapo han templo, iba in naglilinis ha ira. 14Sugad hin tawo nga mga maghurukom, nakapot hira hin mga baston, kundi waray hira gahom hin pagkastigo bisan kan kanay nga nakakasayop ha ira. 15Usahay may-ada hira mga daga ngan mga parakol ha ira mga kamot, kundi diri hira nakakapanalipod ha ira ngahaw nga diri hira maruba ha pag-awayan o nga diri dad-on hin mga kawatan. 16Nagpapamatuod ini ngatanan nga diri hira kadiyosan—ayaw pagsingba ha ira.
17Ito nga kadiyosan nga ibinutang ha ira mga templo sugad la hin buong nga makaong hin kawaray pulos. Puno an ira mga mata hin tapotapo nga dara han mga tawo kon nasulod hira han Templo. 18Ginpaparig-on han kapadian an templo pinaagi hin mga sada han mga porta, trangka ug mga balabag, basi diri makasulod an mga kawatan. Trinangkahan hin maupay an kadiyosan sugad hin usa nga priso nga paratayon na tungod hin usa nga pagtalapas kontra han hadi. 19Nagdadagkot an kapadian hin mga suga basi kapawaan an kadiyosan, kundi diri nakakakita ini nga mga diyosdiyos hin bisan usa na manla nga suga. 20Gin-aanay an mga sakob nira sugad han mga tablon han templo ngan nadudumog an ira mga bado, kundi diri ini hira maaram. 21Nag-iitom an ira mga nawong pinaagi han aso didto ha templo. 22Hinahaponan hira hin mga kulalaknit, mga balinsasayaw, ngan iba nga katamsihan, ngan linulunayan hira bisan han kamisayan. 23Nagpapamatuod ini ngatanan nga diri hira mga diyos—ayaw niyo hira pagsingbaha.
24Ginputos hin bulawan ini nga mga diyosdiyos hin pagpahusay ha ira, kundi diri hira naglulugaring hin pagsinaw gawas kon may magpainggat ha ira. Waray hira umabat hin bisan ano han pag-ipisa ha ira ngadto hin mga hurmaan. 25Waray kalainan bisan ano ka mahal an igbayad ha ira; diri gihapon hira nakakaginhawa. 26Kitaa an pagkawaray gamit nira! Diri hira nakakaglugaring hin paglakat, kundi kinahanglan pagpasgon hira. 27Bisan adton mga naninimangno ha ira nakakaawod kon nahuhulog ha tuna an usa han ira mga diyosdiyos ngan kinahanglan puroton liwat ini. Kon ginpapatindog in usa ha ira didto hin usa nga dapit, diri ini nakakakiwa, ngan kon nahihilig ini, diri gud ini nakakaglugaring hin pagtadong. An paghalad hin mga regalo ngadto ha ira sugad la hin paghatag hin mga regalo ngadto hin usa nga minatay. 28Iginbabaligya han kapadian an mga iginhalad ngadto han ira mga diyos ngan ginggagamit an kwarta hini ngahaw nga kapadian para ha ira ngahaw. Ngan gin-aasinan han mga asawa han kapadian an mga ginhalad para hin orhe nga paggamit, ngan diri lugod ini ipinapaangbit ngadto han mga kablas ngan mga magpakalolooy. 29Tinutugotan hin pagkapot han mga halad bisan an kababayen-an nga inabotan han binulan nira nga regla o bag-o pa la nga nag-anak. Nagpapamatuod ini ngatanan nga diri hira mga diyos—ayaw niyo hira pagsingbaha.
30Uunanhon hin katawag nira nga mga diyos nga tinutugotan man an kababayen-an hin paghalad ngadto hini nga mga butang nga hinimo hin kahoy, salapi ug bulawan? 31An kapadian nalingkod pa ngani didto ha mga templo kon masulob-on hira, nga gisi an ira panapton ngan waray tahob an kiniskisan nira nga mga ulo. 32Nakurahab ngan nagoliat an kapadian ha ira pagnguyngoy ha atubangan han ira mga diyos nga daw sugad hin tampo hira hin usa nga tapos. 33Ginhuhugkas nira an mga panapton han ira mga diyos ngan iginhahatag ini ngadto han ira mga asawa ngan mga anak. 34Waray sapayan kon bumulig o magdaot in usa ka tawo hini nga mga diyos, kay diri man ini hira nakakabalos ha ira. Diri ini hira nakakahimo nga hadi in usa ka tawo o nakakahukas ini hira hin pagkahadi hin usa ka tawo, 35ngan diri hira makakapariko hin usa ka tawo o makakahatag ha iya hin bisan ano nga kwarta. Kon may-ada tawo nga nagsusumpa ngadto ha ira kundi diri nagtutuman hini, diri gud hira nakakahimo hin pagpabayad ha ira. 36Diri gud hira nakakatalwas hin usa ka tawo tikang han kamatayon, ngan diri gud hira nakakabulig hin usa nga maluya nga tawo kontra han tawo nga makusog. 37Diri hira makakapahiuli hin pagkita ngadto han mga buta o makakatalwas hin bisan hin-o nga aada ha kakurian. 38Diri ini hira makakapakita hin kalooy ug makakabulig han mga balo ug ilo. 39Ini nga mga butang nga hinimo hin kahoy ngan pinutos hin salapi ug bulawan waray ini hira gahom sugad hin bato nga kinuha tikang han kabukiran; ngan kaaalohan la an mga tawo nga magsisingba ha ira. 40Uunanhon hin pakahunahuna han mga tawo nga mga diyos ini hira o nga pagtawgon hira nga mga diyos?
An Katuyawan hin Pagsingba hin mga Diyosdiyos
Nagdadara hin kaarawdan an mga Babilonianhon ngadto han kalugaringon nira nga mga diyos. 41Kon diri nakakayakan in usa ka tawo ira gindadara ini hiya ngadto han templo ngan ginhahangyo hi Bel nga ihatag hini nga tawo an gahom hin pakayakan, nga sugad nga hi Bel nakakasabot hini ngatanan. 42Bisan kon an mga tawo maaram nga diri nakakabulig an ira mga diyos matig-a gud an ira mga ulo ngan nagpapadayon hira hin pagsingba hini nga mga diyos. 43Diri amo la ini, kundi may-ada kababayen-an nga nagbabagkos han ira ngahaw mga hawak ngan nagkakalingkod ha ligid han dalan, nga nagtutubod hin insyenso ngan nagtutubyan han ira kalugaringon kay mga babaye hira nga magraot an bantog. Kon kinukuha in usa ha ira para hin pakighilawas, nabalik hiya hin pagtamay han babaye nga sapit niya nga waray igo nga kahusay nga asay pilion hiya. 44Buwa an ngatanan hiunong hini nga mga diyosdiyos. Uunanhon hin pakahunahuna han mga tawo nga mga diyos hira o pagtawgon hira nga mga diyos?
45Ginhihimo ini nga mga diyos hin mga panday ngan mga platero, sanglit diri gud hira mahihimo nga bisan ano nga butang kon diri himoon hira sugad han karuyag hini nga mga tawo. 46Diri ngani maiha an kinabuhi han parahimo ha ira, sanglit uunanhon nira hin pakatuha hin mga dyos? 47Waray mabibilin hini nga mga tawo kundi an kalimbongi ngan kaalohi la sugad nga panurondon para han tiarabot nga mga katulinan. 48Kon naabot an araway ngan mga kasamok, naghuhunahuna an kapadian kon ngain hira kakadto hin pagtago dara an ira mga diyos. 49Diri nakakabulig ini nga mga diyosdiyos kon aada na an mga araway ngan mga kasamok. Kay ano nga diri nakakasabot an mga tawo nga diri mga diyos ini nga mga diyosdiyos?
50Kahoy la nga pinutos hin salapi ug bulawan ini nga mga diyosdiyos; may adlaw nga hisasabotan ini hira nga diri ini hira tinuod nga mga diyos. 51Makakasabotan ngatanan nga kanasoran ngan kahadian nga mga binuhat la hin mga kamot hin tawo an mga diyosdiyos. Waray hira gahom hin usa nga diyos, 52ngan kinahanglan hibaroan han tagsatagsa nga diri gud hira tinuod nga mga diyos.
53Diri ini nga mga diyos makakahimo nga hadi hin usa ka tawo; diri ini hira makakapauran. 54Diri hira makakaghukom hiunong han kalugaringon nira nga mga butang o makakahatag hin katadongan ngadto hin tawo nga ginbuhatan hin kasaypanan; waray gud nira mahihimo nga bisan ano. Sugad ini hira hin kawaray gamit hin mga uwak nga naglulupadlupad ha kahanginan. 55Kon nasusunog in usa nga templo nagdadadlagan an kapadian hin pagtalwas han ira kalugaringon, samtang an mga diyosdiyos nga kahoy nga binawbawan hin salapi ug bulawan binabayaan nira nga masunog sugad hin kahoy nga mga tablon. 56Diri hira makakaato hin kahadian o makakakadto ha pag-awayan kontra hin mga kaaway. Uunanhon hin pakatuod han mga tawo nga mga diyos hira?
57Ini nga mga diyosdiyos nga hinimo hin kahoy nga binawbawan hin salapi ug bulawan diri makakapanalipod ha ira ngahaw tikang hin mga kawatan o tikasan, 58nga nagtitikas han salapi ug bulawan ngan han mga panapton han mga diyos ngan ira gindadara ini ngatanan. Waray nahihimo han mga diyos hin pagpugong ha ira. 59Mauruupay pa in bisan ano nga butang tikang hin usa nga hadi nga maisog ngadto hin usa nga mapulsanon nga daba kay hin usa nga diyos nga diri tinuod. Mauruupay bisan in usa nga sada hin porta kay hin usa nga diri tinuod nga diyos; kay nakakapanalipod in usa nga sada hin porta han mga butang ha sulod han balay. Mauruupay bisan an kahoy nga harigi dida hin usa nga palasyo kay hin usa nga diri tinuod nga diyos.
60Iginhatag han Dyos an adlaw, an bulan, ngan an kabito-an hin paghatag hin kapawa, ngan nagsusugot hira ha iya. 61Amo man an kikidlat ug hangin. Hinkikit-an an kikidlat ha kahigrayoan, ngan nahuyop an hangin ha ngatanan nga dapit. 62Kon ginsusugo ha Dyos an mga dampog hin pagsarang han bug-os nga kalibutan, nasugot hira. 63Kon nagsusugo an Diyos nganhi ha ubos hin kalayo tikang ha langit hin pagsunog han kabukiran ngan mga kagurangan, nagtutuman ini hira han iginsusugo ha ira. Diri makakahimo hini nga mga butang an mga diyosdiyos—diri ngani hira makakasubad hin maupay. 64Kay ano nga pagtatawgon hira nga mga diyos, nga diri man hira nakakabulig ha aton o nakakadaot ha aton ha bisan ano nga paagi? 65Mag-aram kamo nga diri hira mga diyos, sanglit ayaw kamo pagsingba ha ira.
66Waray gahom ini nga mga diyos han kahadian; diri hira makakagpanhimaraot ha ira o makakagpakaupay ha ira. 67Diri hira makakahimo para han kanasoran hin bisan ano nga mga tigaman didto ha langit; diri hira makakasirang sugad han adlaw o han bulan. 68Mauruupay pa an ihalas nga kamanampan kay hito nga mga diyosdiyos; nakakalikay an kamanampan hin kataragman hin pagpanalipod ha ira ngahaw. 69Sanglit uraura na hin kadayag nga diri hira mga diyos, sanglit ayaw kamo pagsingba ha ira.
70Ini nga ira mga diyos nga kahoy nga pinutos hin salapi ug bulawan makakabulig hira sugad la hin pahoy didto ha butnga hin kahumayan; diri gud ini makakapanalipod. 71Sugad la hira hin mga sapinit dida hin usa nga tanaman; diri ini nakakatabog han katamsihan, lugod mahapon an katamsihan dida ha ira. Ini nga mga diyos sugad la hin patay nga lawas nga iginlabog ngadto ha kasisidman. 72Nadudumog an pula nga higlawig nga mga panapton nga lino#1:72 lino; ha Griego, marpil. nga ira isinusul-ot, sanglit maaram kita nga diri hira mga diyos. Ha kataposan pagkukutkoton hira hin mga anay, ngan onina waray bisan diin ug bisan hin-o nga makakagamit ha ira.
73An matadong nga tawo mauruupay pa kay han iba; diri hiya nagtatag-iya hin bisan ano nga mga diyosdiyos, ngan diri gud hira makakauwat ha iya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Baraan nga Biblia © Philippine Bible Society, 1984