Baruc 5
5
1Jerusalem, lubasa an mga panapton nga imo ginbado ha imo kamasulob-on ngan kagul-anan, ngan isul-ot an waray kataposan nga kaanyag han himaya han Dyos. 2Itapis an kirugpos han pagkamatadong han Dyos. Ibutang ha imo ulo an korona han himaya han Waray Kataposan nga Dyos. 3Ipapakita han Dyos an imo kaanyag ngadto han tagsa nga nasod ha tuna. 4Masiring hiya ha kadayonan ha iyo, “Himyang na an iyo kamutangan tungod han iyo pagkamatadong, ngan an iyo pagkamaanyag tungod han iyo paghigugma ha ako.”#5:4 Masiring hiya…paghigugma ha akon; o Tatagan ka niya hini nga ngaran ha kadayonan: “Kalina tikang han pagkamatadong ngan Himaya tikang han Kadyosnon.”
5Tukdaw, Jerusalem, tindog ha bawbaw han bukid; tan-awa kon ngain dadad-a han Dyos, an Usa nga Baraan, an iyo mga anak nga tikang ha sinirangan ngan tikang ha katundan. Malipayon hira tungod kay an Dyos nahinumdom ha ira. 6Jerusalem, ginbihag an imo mga anak han imo mga kaaway; ginbayaan ka nira nga baktas, kundi iginbalik hira han Dyos ngada ha imo lukop han hadianon nga kamaanyag. 7Nagsugo an Dyos nga pagpanason an tagsa nga hitaas nga bukid ngan an kapungtoran nga waray katubtoban; nagsugo hiya nga pagtak-opan an mga kahamub-an ngan pagpatagon an tuna, basi magkaabot hin waray kahadlok an mga tawo han Israel dida han himaya han Dyos. 8Ha pagsugo han Dyos, matubo in mga kagurangan hin maghamot nga kakahoyan basi makahatag hin lindong para han mga tawo han Israel. 9Dadad-on han Dyos hin pag-uli an Israel. Mabalik hira upod in dako nga kalipay, nga gin-unhan han iya pagkalooy ngan pagkamatadong, nga ginlilibotan han iya mahimayaon nga kapawa.
Currently Selected:
Baruc 5: MBBSAM
Highlight
Share
Copy
Want to have your highlights saved across all your devices? Sign up or sign in
Baraan nga Biblia © Philippine Bible Society, 1984
Baruc 5
5
1Jerusalem, lubasa an mga panapton nga imo ginbado ha imo kamasulob-on ngan kagul-anan, ngan isul-ot an waray kataposan nga kaanyag han himaya han Dyos. 2Itapis an kirugpos han pagkamatadong han Dyos. Ibutang ha imo ulo an korona han himaya han Waray Kataposan nga Dyos. 3Ipapakita han Dyos an imo kaanyag ngadto han tagsa nga nasod ha tuna. 4Masiring hiya ha kadayonan ha iyo, “Himyang na an iyo kamutangan tungod han iyo pagkamatadong, ngan an iyo pagkamaanyag tungod han iyo paghigugma ha ako.”#5:4 Masiring hiya…paghigugma ha akon; o Tatagan ka niya hini nga ngaran ha kadayonan: “Kalina tikang han pagkamatadong ngan Himaya tikang han Kadyosnon.”
5Tukdaw, Jerusalem, tindog ha bawbaw han bukid; tan-awa kon ngain dadad-a han Dyos, an Usa nga Baraan, an iyo mga anak nga tikang ha sinirangan ngan tikang ha katundan. Malipayon hira tungod kay an Dyos nahinumdom ha ira. 6Jerusalem, ginbihag an imo mga anak han imo mga kaaway; ginbayaan ka nira nga baktas, kundi iginbalik hira han Dyos ngada ha imo lukop han hadianon nga kamaanyag. 7Nagsugo an Dyos nga pagpanason an tagsa nga hitaas nga bukid ngan an kapungtoran nga waray katubtoban; nagsugo hiya nga pagtak-opan an mga kahamub-an ngan pagpatagon an tuna, basi magkaabot hin waray kahadlok an mga tawo han Israel dida han himaya han Dyos. 8Ha pagsugo han Dyos, matubo in mga kagurangan hin maghamot nga kakahoyan basi makahatag hin lindong para han mga tawo han Israel. 9Dadad-on han Dyos hin pag-uli an Israel. Mabalik hira upod in dako nga kalipay, nga gin-unhan han iya pagkalooy ngan pagkamatadong, nga ginlilibotan han iya mahimayaon nga kapawa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Baraan nga Biblia © Philippine Bible Society, 1984