Baruc 4
4
1An Kinaadman amo an basahan han mga sugo han Dyos, an Balaod nga magpapadayon tubtob ha kataposan. Mabubuhi an ngatanan nga madangop ha iya, kundi magkakamatay adton mga magpapasibaya ha ira. 2Dangop han Kinaadman, mga tawo han Israel, ngan kapot ha iya. Sulsoga an dalan tipakadto han kamalamrag han iya kapawa. 3Ayaw igtubyan an aton mahimayaon nga mga katungod ngadto hin bisan ano nga mga tawo. 4Hin kapalaran naton, mga tawo han Israel; kay maaram kita kon ano an nakakalipay han Dyos!
Ginliaw an Jerusalem
5Pagmadasigon kamo, mga tawo ko, kamo nga nagpadayon nga diri hingalimtan an ngaran han Israel. 6Iginbaligya kamo ngadto hin Hentil nga mga nasod, kundi diri tuyo an pagpuo ha iyo. Tungod kay gintukso niyo an Dyos nga masina, igintubyan kamo niya ngadto han iyo mga kaaway. 7Han paghalad niyo hin mga halad nga tinubod ngadto hin mga yawa, ngan diri ngadto han Dyos, iyo gintukso nga masina hiya nga naghimo ha iyo. 8Hinngalimtan niyo an Waray Katapusan nga Dyos nga nagpakaon ha iyo han bata pa kamo, ngan kahuman ginbido niyo an Jerusalem nga daw usa niyo nga iroy. 9Kinmita an Jerusalem nga ginkastigo kamo han Dyos kay nasina an Dyos ha iyo, ngan nagsiring an Jerusalem han ngatanan nga higrani nga mga syudad, “Tan-awa an dako nga kakurian nga iginhatag ha akon han Dyos. 10Kinmita ako han akon mga anak nga ginhalin nga mga bihag, usa nga pagkabihag nga inmabot ha ira tikang han waray katapusan nga Dyos. 11Ginpatubo ko an akon mga anak ha dako nga kalipay, kundi nagtangis ngan nagmabidoon ako han paghibulag nira ha akon. 12Waray unta malipay in bisan hin-o tungod han akon pag-antos yana nga balo na ako nga babaye ngan damo han akon mga anak in nabihag ha akon. Ginsalikway nira an Balaod han Dyos ngan an ira mga sala naghimo ha akon nga usa nga binayaan nga syudad. 13Waray hira pagtahod han iya mga sugo ngan waray hira mag-ukoy hin kinabuhi nga subay han mga sugo; dinmiri hira nga iya pagmandoan hira ha dalan han pagkamatadong.
14“Pakadi, kamo ngatanan nga higarani nga mga syudad, ngan palandonga niyo kon gin-unan-o han Waray Kamatayon nga Dyos hin paghalin han akon mga anak ngadto ha pagkabihag. 15Nagdara hiya hin usa nga nasod nga diri nira karuyag tikang hin hirayo nga dapit, waray alo nga nasod nga nagyayakan hin langyaw nga pinulongan ngan waray pagtahod han mga tigurang ngan waray kalooy han kabataan. 16Amo ini nga mga tawo an naghalin nga mga bihag han akon mga anak, ngan ginbayaan ako nga usa nga balo nga babaye nga nag-usaan na la.
17“Mga ginhalin nga bihag nga anak ko, waray ako mahihimo hin pagbulig ha iyo. 18Hiya la nga naghatag ha iyo hini nga kastigo an makakatalwas ha iyo tikang han iyo mga kaaway. 19Pagkalakat na la kamo, mga anak ko; paglugaring na la kamo. Nag-uusaan na la ako. 20Ginhugkas ko na an panapton nga hilawig nga akon ginbado ha mga adlaw han kalinaw, ngan nagbado ako sugad hin usa ka tawo nga masulob-on. Tatawagon ko an waray katapusan nga Dyos hin pakibulig samtang nga buhi pa ako.
21“Pagmadasigon kamo, mga anak ko, ngan pangaraba kamo han Dyos hin pakibulig. Tatalwason kamo niya tikang han iyo magraogdaog ug magkusog nga mga kaaway. 22Natapod ako nga diri maiha bubuhian kamo han Waray Kataposan nga Dyos. An Baraan nga iyo waray kataposan nga magtaralwas maglilipay ha iyo, kon ipakita ha iyo an iya kalooy. 23Nagtangis ngan nagnguyngoy ako han paghalina ha iyo nga mga bihag; ibabalik kamo han Dyos ngan paglilipayon ako niya ha kadayonan. 24Sugad nga an higrani nga mga syudad kinmita han pagbihaga ha iyo, diri maiha makita hira nga maabot an Waray Kataposan nga Dyos, luob han mahimayaon nga kaanyag hin pagtalwas ha iyo. 25Mga anak ko, antosa nga mapailobon an sirot han Dyos. Ginraogdaog kamo han iyo mga kaaway, kundi diri maiha makita kamo han ira kapuo ngan aada ha iyo an kalooy. 26Mga anak ko, linmapos an akon paghigugma ha iyo, kundi kinahanglan magsulsog kamo hin makuri nga mga dalan; ginbihag kamo sugad hin mga karnero nga hindakpan dida han pagsulong hin mga kaaway.
27“Pagmadasigon kamo, mga anak ko, ngan pangaraba han Dyos hin pakibulig. Ginkastigo kamo niya, kundi diri hiya mangangalimot ha iyo. 28Sugad nga hadto gintuyo niyo hin pagpahirayo sa Dyos, yana balik kamo ngadto ha ira dara in napulo ka pilo nga pagtalinguha hin pag-alagad ha iya. 29Hiya nga nagdara ha iyo hini nga mga karat-an, amo an magtatalwas ha iyo ngan magdadara ha iyo hin waray kataposan nga kalipay.”
Ginpatapod hin Tambulig an Jerusalem
30Pagmadasigon, Jerusalem. Magliliaw ha iyo yana an Dyos nga naghatag ha iyo han iyo ngaran. 31Maghihingalooy adton mga nagraogdaog ha iyo ngan unina ikinalipay nira han kapukan niyo. 32Maghihingalooy adton mga syudad nga nag-oripon han iyo mga anak. An paghingalooy amo an dadangatan han Babilonia nga syudad nga nagdakop han iyo mga anak nga kalalaken-an. 33Sugad nga nalipay ito nga syudad han kapukan ngan kabungkag niyo, magmamasulob-on hiya kon pagbayaan ngan mag-usaan na la hiya. 34An iya mapahitas-on nga mga paghambog hihimoon ko nga kasubo ngan kukuhaon ko an iya damo nga mga tawo nga iya ipinaparayaw. 35Ako nga Waray Kataposan nga Dyos an magpapalusad ngada ha iya hin kalayo, ngan diri ini mapaparong sulod hin damo nga mga adlaw. An mga nabungkag nga nasalin dida ha iya mahihimo nga pamabloan hin mga yawa ha maiha ngan mga tiarabot nga panahon.
36Siplat ngadto ha sinirangan, Jerusalem, ngan tan-awa an kalipayan nga dara ha iyo han Dyos. 37Tan-awa, nagkakaabot na an mga anak nga gindara nga bihag tikang ha imo. Gintirok hira tikang ha sinirangan ngan tikang ha katundan pinaagi han sugo han Dyos, an Usa nga Baraan. Ngan yana nauli na hira nga malipayon dida han himaya han Dyos.
Currently Selected:
Baruc 4: MBBSAM
Highlight
Share
Copy
Want to have your highlights saved across all your devices? Sign up or sign in
Baraan nga Biblia © Philippine Bible Society, 1984
Baruc 4
4
1An Kinaadman amo an basahan han mga sugo han Dyos, an Balaod nga magpapadayon tubtob ha kataposan. Mabubuhi an ngatanan nga madangop ha iya, kundi magkakamatay adton mga magpapasibaya ha ira. 2Dangop han Kinaadman, mga tawo han Israel, ngan kapot ha iya. Sulsoga an dalan tipakadto han kamalamrag han iya kapawa. 3Ayaw igtubyan an aton mahimayaon nga mga katungod ngadto hin bisan ano nga mga tawo. 4Hin kapalaran naton, mga tawo han Israel; kay maaram kita kon ano an nakakalipay han Dyos!
Ginliaw an Jerusalem
5Pagmadasigon kamo, mga tawo ko, kamo nga nagpadayon nga diri hingalimtan an ngaran han Israel. 6Iginbaligya kamo ngadto hin Hentil nga mga nasod, kundi diri tuyo an pagpuo ha iyo. Tungod kay gintukso niyo an Dyos nga masina, igintubyan kamo niya ngadto han iyo mga kaaway. 7Han paghalad niyo hin mga halad nga tinubod ngadto hin mga yawa, ngan diri ngadto han Dyos, iyo gintukso nga masina hiya nga naghimo ha iyo. 8Hinngalimtan niyo an Waray Katapusan nga Dyos nga nagpakaon ha iyo han bata pa kamo, ngan kahuman ginbido niyo an Jerusalem nga daw usa niyo nga iroy. 9Kinmita an Jerusalem nga ginkastigo kamo han Dyos kay nasina an Dyos ha iyo, ngan nagsiring an Jerusalem han ngatanan nga higrani nga mga syudad, “Tan-awa an dako nga kakurian nga iginhatag ha akon han Dyos. 10Kinmita ako han akon mga anak nga ginhalin nga mga bihag, usa nga pagkabihag nga inmabot ha ira tikang han waray katapusan nga Dyos. 11Ginpatubo ko an akon mga anak ha dako nga kalipay, kundi nagtangis ngan nagmabidoon ako han paghibulag nira ha akon. 12Waray unta malipay in bisan hin-o tungod han akon pag-antos yana nga balo na ako nga babaye ngan damo han akon mga anak in nabihag ha akon. Ginsalikway nira an Balaod han Dyos ngan an ira mga sala naghimo ha akon nga usa nga binayaan nga syudad. 13Waray hira pagtahod han iya mga sugo ngan waray hira mag-ukoy hin kinabuhi nga subay han mga sugo; dinmiri hira nga iya pagmandoan hira ha dalan han pagkamatadong.
14“Pakadi, kamo ngatanan nga higarani nga mga syudad, ngan palandonga niyo kon gin-unan-o han Waray Kamatayon nga Dyos hin paghalin han akon mga anak ngadto ha pagkabihag. 15Nagdara hiya hin usa nga nasod nga diri nira karuyag tikang hin hirayo nga dapit, waray alo nga nasod nga nagyayakan hin langyaw nga pinulongan ngan waray pagtahod han mga tigurang ngan waray kalooy han kabataan. 16Amo ini nga mga tawo an naghalin nga mga bihag han akon mga anak, ngan ginbayaan ako nga usa nga balo nga babaye nga nag-usaan na la.
17“Mga ginhalin nga bihag nga anak ko, waray ako mahihimo hin pagbulig ha iyo. 18Hiya la nga naghatag ha iyo hini nga kastigo an makakatalwas ha iyo tikang han iyo mga kaaway. 19Pagkalakat na la kamo, mga anak ko; paglugaring na la kamo. Nag-uusaan na la ako. 20Ginhugkas ko na an panapton nga hilawig nga akon ginbado ha mga adlaw han kalinaw, ngan nagbado ako sugad hin usa ka tawo nga masulob-on. Tatawagon ko an waray katapusan nga Dyos hin pakibulig samtang nga buhi pa ako.
21“Pagmadasigon kamo, mga anak ko, ngan pangaraba kamo han Dyos hin pakibulig. Tatalwason kamo niya tikang han iyo magraogdaog ug magkusog nga mga kaaway. 22Natapod ako nga diri maiha bubuhian kamo han Waray Kataposan nga Dyos. An Baraan nga iyo waray kataposan nga magtaralwas maglilipay ha iyo, kon ipakita ha iyo an iya kalooy. 23Nagtangis ngan nagnguyngoy ako han paghalina ha iyo nga mga bihag; ibabalik kamo han Dyos ngan paglilipayon ako niya ha kadayonan. 24Sugad nga an higrani nga mga syudad kinmita han pagbihaga ha iyo, diri maiha makita hira nga maabot an Waray Kataposan nga Dyos, luob han mahimayaon nga kaanyag hin pagtalwas ha iyo. 25Mga anak ko, antosa nga mapailobon an sirot han Dyos. Ginraogdaog kamo han iyo mga kaaway, kundi diri maiha makita kamo han ira kapuo ngan aada ha iyo an kalooy. 26Mga anak ko, linmapos an akon paghigugma ha iyo, kundi kinahanglan magsulsog kamo hin makuri nga mga dalan; ginbihag kamo sugad hin mga karnero nga hindakpan dida han pagsulong hin mga kaaway.
27“Pagmadasigon kamo, mga anak ko, ngan pangaraba han Dyos hin pakibulig. Ginkastigo kamo niya, kundi diri hiya mangangalimot ha iyo. 28Sugad nga hadto gintuyo niyo hin pagpahirayo sa Dyos, yana balik kamo ngadto ha ira dara in napulo ka pilo nga pagtalinguha hin pag-alagad ha iya. 29Hiya nga nagdara ha iyo hini nga mga karat-an, amo an magtatalwas ha iyo ngan magdadara ha iyo hin waray kataposan nga kalipay.”
Ginpatapod hin Tambulig an Jerusalem
30Pagmadasigon, Jerusalem. Magliliaw ha iyo yana an Dyos nga naghatag ha iyo han iyo ngaran. 31Maghihingalooy adton mga nagraogdaog ha iyo ngan unina ikinalipay nira han kapukan niyo. 32Maghihingalooy adton mga syudad nga nag-oripon han iyo mga anak. An paghingalooy amo an dadangatan han Babilonia nga syudad nga nagdakop han iyo mga anak nga kalalaken-an. 33Sugad nga nalipay ito nga syudad han kapukan ngan kabungkag niyo, magmamasulob-on hiya kon pagbayaan ngan mag-usaan na la hiya. 34An iya mapahitas-on nga mga paghambog hihimoon ko nga kasubo ngan kukuhaon ko an iya damo nga mga tawo nga iya ipinaparayaw. 35Ako nga Waray Kataposan nga Dyos an magpapalusad ngada ha iya hin kalayo, ngan diri ini mapaparong sulod hin damo nga mga adlaw. An mga nabungkag nga nasalin dida ha iya mahihimo nga pamabloan hin mga yawa ha maiha ngan mga tiarabot nga panahon.
36Siplat ngadto ha sinirangan, Jerusalem, ngan tan-awa an kalipayan nga dara ha iyo han Dyos. 37Tan-awa, nagkakaabot na an mga anak nga gindara nga bihag tikang ha imo. Gintirok hira tikang ha sinirangan ngan tikang ha katundan pinaagi han sugo han Dyos, an Usa nga Baraan. Ngan yana nauli na hira nga malipayon dida han himaya han Dyos.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Baraan nga Biblia © Philippine Bible Society, 1984