Забур 55
55
Аллагьдик умуд кутун
1Манидаррин чӀехидаз. «Яргъал мегъуьн тамавай лиф» манидин макьам ягъиз. Давудан шиир. Вич филиштий ри Гатда кьур чӀавуз.
2Аллагь! Регьим ая заз,
куьз лагьайтӀа инсанри зун хурук кутунва,
зал гьужумиз, дарда твазва гьар юкъуз.
3Гьар юкъуз зун душманри кутазва хурук,
завди дяве ийизвайбур гзаф я.
Я виридалай Кьакьанди,
4Заз кичӀе тирла,
за Вак умуд кутазва.
5Аллагь, за Ви гафунин ийизва тариф,
за Вак умуд кутазва.
Квач зак кичӀевал,
инсандивай
вуч ийиз жеда заз?
6Зи гафар душманри гьар юкъуз
чӀуру патахъ элкъуьрзава,
заз писвал ийиз кӀанз
фенд туькӀуьрзава.
7ЧӀуру икьрар кутӀунзава, чинебавал хуьз,
зун рекьиз кӀанз, залай вилер алудзавач.
8Абурув тахсирдай гудай жазадикай катиз тамир,
Аллагь, Жуван хъилеваз ярх ая халкьар!
9Чизва Ваз зи теспачавиликай,
Жуван къапуниз кӀватӀа зи накъвар, –
Ви къаргъуда тушни абур авайди?
10Зи душманар элкъведа кьулухъди,
куьмек це лугьуз за авурла минет.
Гьа икӀ заз жезва чир
Аллагьди зи пад кьазвайди.
11Аллагь, за Ви гафунин тариф ийизва:
тарифзава, Ребби, за Ви гафунин.
12Аллагьдик за умуд кутазва.
Квач зак кичӀевал, –
вуч ийиз жеда заз инсандивай?
13Аллагь, за гуда Ваз вяд авурди,
за гъида Ваз шукурдин къурбандар чӀехи.
14На ажалдикай хиласна зун,
зи кӀвачерив татаб жез вуганач,
зун Ви вилик къекъуьн патал
чан алайбурун экуьна.
Currently Selected:
Забур 55: ЛезПК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024
