Кьурумда 24
24
1Реббидиз Исраилдиз хийир-дуьа авуна кӀанзавайди Билъамаз акурла, ам виликдай хьиз, чинебан ишараяр жагъуриз фенач, амма кьурумдихъ чин элкъуьрна. 2Билъамаз тайифаяр тирвал акъвазнавай Исраил акурла, адак Аллагьдин руьгь акатна 3ва ада ван хкажна лагьана:
«Им Билъаман, Бегъаран хцин, хабар я,
вичин вилиз ачухдиз аквазвайда гузвай хабар я,
4вичиз Аллагьдин гафарин ван жезвайда гузвай хабар я,
вичиз вири Алакьдайдан патай тир карагунар аквазвайда,
вич метӀерал ярх жез, вилер ачух яз амукьзавайда гузвай хабар я:
5Гьикьван иер я, Якьуб, ви алачухар,
ви юрдар, Исраил!
6Абур хумравдин тарарин жуьреда экӀя хьанва,
вацӀув гвай багълар хьиз,
алоэдин тарар хьиз, акӀурнавай Реббиди,
цив гвай муьтквер хьиз.
7Абурун чӀварахрив гвай бедрейрай яд алахьиз фида:
яд абурун тумариз бес кьадар жеда.
Абурун пачагь Агагалай чӀехи жеда;
абурун уьлкведин дережа кьакьанди жеда.
8Мисридай абур Аллагьди ахкъудна,
Аллагьдин къуват – чӀурун жунгавдин къуват я.
Абуру душман халкьар туькьуьнзава,
абурун кӀарабар куьлуь ийизва,
абур хьелералди язава.
9Аслан хьиз, илис жезва абур, къаткизва,
диши аслан хьиз –
нихъ абур къарагъардай жуьрэт жеда?
Квез хийир-дуьа ийизвайбур
хийир-дуьадик хьуй,
лянет ийизвайбур лагьайтӀа – лянетдик!»
10Балакьак Билъаман хъел акатна. Ада гъутар чуькьвена ва адаз лагьана: «За ваз зи душманар лянет авун патал эверайди я, амма вуна абуруз галаз-галаз пуд гъилера хийир-дуьа авуна! 11Гила, квахь инлай! КӀвализ ахлад! За ваз кьадардилай артухни гьуьрмет авун хиве кьунай, амма Реббиди вун ахьтин гьуьрметдикай магьрум авуна».
Билъама гайи эхиримжи хабар
12Билъама Балакьаз жаваб гана: «Бес за ви векилриз лагьаначирни: 13„Балакьа заз гьатта вичин гимишривни къизилрив ацӀай имаратар теклиф авуртӀани, завай, жуваз кӀандайвал хъсанвал ва писвал авуналди, Реббидин эмирдилай элячӀиз жедачир; за Реббиди заз вуч лугьузватӀа, гьам лугьун лазим я“? 14Вуч ийин, зун элкъвена жуван халкьдин патав хъфизва, амма зав и халкьди гележегда ви халкьдиз вуч ийидатӀа, гьадакай вун хабардар ийиз тур».
15Ада кьилел ван хкажна лагьана:
«Им хабар я Билъаман, Бегъаран хцинди, я,
вичин вилиз ачухдиз аквазвайдан хабар я,
16вичиз Аллагьдин гафарин ван жезвайдан хабар я,
вичин чирвилер виридалай Виниздан патай тирдан,
вичиз вири Алакьдайдан патай тир карагунар аквазвайдан хабар я,
вич метӀерал ярх жез, вилер ачух жезвайдан:
17аквазва Ам, амма исятда ваъ;
Килигзава Адаз, амма гьелелиг мукьувай ваъ.
Якьубакай гъед хкаж жезва;
Исраилдин патай гьукумдин лаш хкаж жезва
ва Магьабдин пелер кукӀварзава
ва Шетан вири эвледар язава.
18Эдам кьада,
Сеир, адан душман, кьада,
амма Исраил мягькем жеда.
19Якьубакай гьаким жеда
ва шегьерда хилас хьайибур тергда».
20Билъамаз Амалехъ акуна ва ван хкажна хабар гана:
«Халкьарин арада Амалехъ сад лагьайди тир,
амма гележегда даим яз танкь хьана фида».
21Адаз къабилияр акуна ва ван хкажна хабар гана:
«Куь утагъ хата авачирди я,
куь муг рагал ала;
22амма къабилар цӀук кутада
куьн Ашурда есирвиле кьадалди вилик».
23Ада ван хкажна хабар гана:
«Мусибат хьана, Аллагьди икӀ авурла, вуж чан алаз амукьда?
24Китимдай гимияр къведа;
Ашурни Эбер муьтӀуьгъарда,
амма чебни даим яз тӀанкь хьана фида».
25Билъам кӀвачин хьана, элкъвена вичин кӀвализ хъфена, ва Балакьни вичин рекье аваз фена.
Currently Selected:
Кьурумда 24: ЛезПК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024
Кьурумда 24
24
1Реббидиз Исраилдиз хийир-дуьа авуна кӀанзавайди Билъамаз акурла, ам виликдай хьиз, чинебан ишараяр жагъуриз фенач, амма кьурумдихъ чин элкъуьрна. 2Билъамаз тайифаяр тирвал акъвазнавай Исраил акурла, адак Аллагьдин руьгь акатна 3ва ада ван хкажна лагьана:
«Им Билъаман, Бегъаран хцин, хабар я,
вичин вилиз ачухдиз аквазвайда гузвай хабар я,
4вичиз Аллагьдин гафарин ван жезвайда гузвай хабар я,
вичиз вири Алакьдайдан патай тир карагунар аквазвайда,
вич метӀерал ярх жез, вилер ачух яз амукьзавайда гузвай хабар я:
5Гьикьван иер я, Якьуб, ви алачухар,
ви юрдар, Исраил!
6Абур хумравдин тарарин жуьреда экӀя хьанва,
вацӀув гвай багълар хьиз,
алоэдин тарар хьиз, акӀурнавай Реббиди,
цив гвай муьтквер хьиз.
7Абурун чӀварахрив гвай бедрейрай яд алахьиз фида:
яд абурун тумариз бес кьадар жеда.
Абурун пачагь Агагалай чӀехи жеда;
абурун уьлкведин дережа кьакьанди жеда.
8Мисридай абур Аллагьди ахкъудна,
Аллагьдин къуват – чӀурун жунгавдин къуват я.
Абуру душман халкьар туькьуьнзава,
абурун кӀарабар куьлуь ийизва,
абур хьелералди язава.
9Аслан хьиз, илис жезва абур, къаткизва,
диши аслан хьиз –
нихъ абур къарагъардай жуьрэт жеда?
Квез хийир-дуьа ийизвайбур
хийир-дуьадик хьуй,
лянет ийизвайбур лагьайтӀа – лянетдик!»
10Балакьак Билъаман хъел акатна. Ада гъутар чуькьвена ва адаз лагьана: «За ваз зи душманар лянет авун патал эверайди я, амма вуна абуруз галаз-галаз пуд гъилера хийир-дуьа авуна! 11Гила, квахь инлай! КӀвализ ахлад! За ваз кьадардилай артухни гьуьрмет авун хиве кьунай, амма Реббиди вун ахьтин гьуьрметдикай магьрум авуна».
Билъама гайи эхиримжи хабар
12Билъама Балакьаз жаваб гана: «Бес за ви векилриз лагьаначирни: 13„Балакьа заз гьатта вичин гимишривни къизилрив ацӀай имаратар теклиф авуртӀани, завай, жуваз кӀандайвал хъсанвал ва писвал авуналди, Реббидин эмирдилай элячӀиз жедачир; за Реббиди заз вуч лугьузватӀа, гьам лугьун лазим я“? 14Вуч ийин, зун элкъвена жуван халкьдин патав хъфизва, амма зав и халкьди гележегда ви халкьдиз вуч ийидатӀа, гьадакай вун хабардар ийиз тур».
15Ада кьилел ван хкажна лагьана:
«Им хабар я Билъаман, Бегъаран хцинди, я,
вичин вилиз ачухдиз аквазвайдан хабар я,
16вичиз Аллагьдин гафарин ван жезвайдан хабар я,
вичин чирвилер виридалай Виниздан патай тирдан,
вичиз вири Алакьдайдан патай тир карагунар аквазвайдан хабар я,
вич метӀерал ярх жез, вилер ачух жезвайдан:
17аквазва Ам, амма исятда ваъ;
Килигзава Адаз, амма гьелелиг мукьувай ваъ.
Якьубакай гъед хкаж жезва;
Исраилдин патай гьукумдин лаш хкаж жезва
ва Магьабдин пелер кукӀварзава
ва Шетан вири эвледар язава.
18Эдам кьада,
Сеир, адан душман, кьада,
амма Исраил мягькем жеда.
19Якьубакай гьаким жеда
ва шегьерда хилас хьайибур тергда».
20Билъамаз Амалехъ акуна ва ван хкажна хабар гана:
«Халкьарин арада Амалехъ сад лагьайди тир,
амма гележегда даим яз танкь хьана фида».
21Адаз къабилияр акуна ва ван хкажна хабар гана:
«Куь утагъ хата авачирди я,
куь муг рагал ала;
22амма къабилар цӀук кутада
куьн Ашурда есирвиле кьадалди вилик».
23Ада ван хкажна хабар гана:
«Мусибат хьана, Аллагьди икӀ авурла, вуж чан алаз амукьда?
24Китимдай гимияр къведа;
Ашурни Эбер муьтӀуьгъарда,
амма чебни даим яз тӀанкь хьана фида».
25Билъам кӀвачин хьана, элкъвена вичин кӀвализ хъфена, ва Балакьни вичин рекье аваз фена.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024