MATEO 2
TB1973

MATEO 2

2
Dagiti mamasirib iti daya.
1Idi ta nayanac ngaruden ni Jesus idiay Bethlehem sadi Judea, #Luc. 2:4, 6, 7.cadagidi aldaw ni Ari Herodes, adtoy, dagiti Mamasirib #Gen. 25:6.cadagiti luglugar iti daya immayda sadi Jerusalem, a cuncunada,
2Sadino ti yan ti nayanac nga Ari dagiti Judio? Ta nakitami ti #Isa. 60:3.bituenna idiay daya, ket immaycam nga agdayaw kencuana.
3Idi mangngeg daytoy ni Ari Herodes, naglagaw ket ti amin a taga Jerusalem nakipaglagawda met.
4Ket idi nga inurnongna amin a panguloen dagiti sacerdote ken dagiti #Esd. 7:6.escriba ti umili, inintuudna no sadino ngata ti pacayanacan ti Cristo.
5Ket kinunada kencuana: Sadi Bethlehem sadi Judea: ta casta ti adda nga insurat #Mik. 5:2. Juan 7:42.di mammadto:
6Ket sica, Bethlehem, daga ni Juda,
Saan a sica ti cababassitan cadagiti principes ti Juda;
Ta sica ti pagtaudanto ti maysa a pangulo
A mangpastor iti ilic nga Israel.
7Iti casta ni Herodes inayabanna dagidi mamasirib iti nalimid, ket inammucodna cadacuada a naimbag ti tiempo a pinagparang ti bituen.
8Ket imbaonna ida sadi Bethlehem, a cuncunana: Incayo ket damagenyo a naimbag ti maipapan iti ubing ket no masapulanyonto, yammoyo caniac, tapno siac mapanacto met agdayaw kencuana.
9Ket idi calpasan ti pannacatimudda iti Ari, napandan ket adtoy, ti bituen a nakitada idiay daya, agturturong iti masangoananda, agingga ti nacagteng, ket nagsardeng iti ngatoen ti yan ti ubing.
10Ket idi a nakitada ti bituen nagragsacda iti napalalo.
11Ket idi simrecda iti balay, nasaracanda ti ubing ken ni Maria nga inana; ket nagrucbabda, nagdaydayawda kencuana; ket linucatanda dagiti gupgupitda, indatonda kencuana dagiti sagsagutda a #Sal. 72:10. Isa. 60:6.balitoc ken incienso ken #Juan 19:39.mirra.
12Ket idinto a napacdaaranda gapu iti maysa a #bil. 13, 19, 22. Mat. 1:20; 27:19.tagtagainep a saanda nga asublin ken Herodes, nagawidda iti dagada iti sabali a dalan.
Panaglemmengda idiay Egipto:—Panagpapatay cadagiti awan basolda.
13Ket idi nacapanawdan, adtoy, ti maysa nga angel ti Apo nagparang iti maysa a tagtagainep ken Jose a cuncunana: Bumangonca, ket alaem ti ubing ken ni inana, ket aglemmengca idiay Egipto, ket agianca sadiay aginga ti panangibagacto kenca, ta ni Herodes sapulennanto ti ubing tapno pucawenna.
14Ket bimmangon, innalana di ubing ken ni inana iti rabii, ket napan idiay Egipto;
15Ket nagian sadiay aginga ti ipapatay ni Herodes: tapno matungpal ti sinao ti Apo gapu iti pannacaaramat ti mammadto a cuncunana:
# Os. 11:1. Nanipud Egipto inayabac ti Anacco.
16Iti casta ni Herodes idi nakitana mga inuy-uyungan dagiti mamasirib, nagpungtot unay: nagbaon ket pinapapatayna dagiti amin nga ubbing a lallaki nga adda idi sadi Bethlehem ken amin a beddengna, manipud cadagiti agtawen ti dua nga agpababa, cas ti tiempo a pannacaawatna a naan-anay cadagiti mamasirib.
17Natungpal ngarud ti naisao iti pannacaaramat ni mammadto a Jeremias a #Jer. 31:15.cuncunana:
18Nangngeg ti timec #Jer. 40:1.idiay Rama,
Sangit ken dungaw a dackel:—
Ni Raquel a sangitanna dagiti annacna;
Ket dina kinayat ti maliuliwa, ta awandan.
Ti panagsublida manipud idiay Egipto.
19Ngem idi natayen ni Herodes, adtoy, maysa nga angel ti Apo agparang iti maysa a #bil. 12.tagtaginep ken Jose sadi Egipto, a cuncunana:
20Bumangonca ket alaem ta ubing ken ni inana, ket inca idiay daga ti Israel: ta nataydan dagidi mangsapul ti biag ti ubing.
21Bimmangon ngarud ket innalana di ubing ken ni inana, ket immay iti daga ti Israel.
22Ket idi mangngegna a ni Arquelao agari idi sadi Judea a maisucat ken Herodes nga amana, nagbuteng a mapan sadiay; ket gapu ta napacdaaran gapu iti maysa a tagtagainep, napan cadagiti disso ti #Mat. 3:13.Galilea;
23Ket immay, ket nagnaed idiay ili a managan #Mat. 4:13. Mar. 1:9. Luc. 1:26. Juan 1:45.Nazaret: tapno matungpal ti sinao dagiti mammadto, a managanto ti #Taga Nazaret.Nazareno.

Ti Biblia © 1973 Philippine Bible Society

Learn More About Ti Biblia (1973)