MGA SALMO 6
6
Pangamuyo nga Kalooyan sa Tion sang Kagamo
Sa Pangolong manuglanton: sa mga tolonggon nga may cuerdas; sono sa Ang Seminit. Salmo ni David.
1O Ginoo, dili ako pagsabdonga sa imo kaakig,
kag dili ako pagsiloti sa imo kasingkal.#Sal. 38:1.
2Kalooyi ako, O Ginoo, kay nagakag-as ako;
O Ginoo, ayoha ako, kay ang akon mga tul-an ginatublag.
3Ang akon kalag man ginatublag sing tama.
Apang ikaw, O Ginoo—tubtub bala san-o?
4Balik ka, O Ginoo, luwasa ang akon kalag;
luwasa ako tungud sa imo malig-on nga paghigugma.
5Kay sa kamatayon wala sing pagdumdum sa imo;
sa Sheol sin-o bala ang magapasalamat sa imo?
6Ginalapyo ako sang akon pag-ugayong;
sa tagsa ka gab-i ginapalangoy ko ang akon higdaan;
ginabunyagan ko ang akon higdaan sang akon mga luha.
7Ang akon mga mata nagapanghuyus tungud sa kalisud,
nagapangdulum bangud sang tanan ko nga kasumpung.
8Palayo sa akon, tanan kamo nga manughikut sang kalautan;#Mat. 7:23; Luc. 13:27.
kay ang Ginoo nagpamati sang tingug sang akon paghibi.
9Ang Ginoo nagpamati sang akon pag-ampo;
ang Ginoo magabaton sang akon pangamuyo.
10Ang tanan ko nga kaaway mahuy-an kag gamohan sing tama;
magatalikod sila, kag mahuy-an sila sa hinali.
Currently Selected:
MGA SALMO 6: ABHIL82
Highlight
Copy
Compare
Share
Want to have your highlights saved across all your devices? Sign up or sign in
Ang Biblia ©1982 Philippine Bible Society
