JOB 40
40
1Kag ang Ginoo nagsabat kay Job:
2“Magapakigsuay bala sa Makaako ang manugbasul?
Ang nagapakigbais sa Dios, magasabat sia sini.”
3Niyan si Job nagsabat sa Ginoo:
4“Yari karon, ako talamayon; ano bala ang akon isabat sa imo?
Ginatabon ko ang akon kamut sa akon baba.
5Sa makaisa nakapamolong ako, kag indi ako magsabat;
sa makaduha, apang indi na ako magpadayon.”
Ang mga Pagpahayag sang Gahum sang Dios
6Niyan ang Ginoo nagsabat kay Job gikan sa buhawi:
7“Wagkusi karon ang imo mga balikawang kaangay sang lalaki;
ako magapamangkot sa imo, kag pahayagan mo ako.
8Walaon mo bala bisan ang akon paghukom?
Tagudilian mo bala ako agud nga mapakamatarung ka?
9May butkon ka bala kaangay sang Dios,
kag makadaguub ka bala sa tingug kaangay sa iya?
10“Pamuni ka karon sing pagkalabaw kag sang pagkatalahoron;
panaput ka sing dungug kag pagkaharianon.
11Ibobo ang mga awas sang imo kaakig,
kag toloka ang tagsatagsa nga bugalon, kag paubsa sia.
12Toloka ang tagsatagsa nga bugalon, kag panuboa sia;
kag linasa ang mga malauton diin sila nagatindug.
13Tagoa sila sing tingub sa yab-ok;
bugkosi ang ila mga nawung sa natago nga duug.
14Niyan ako man magatu-ad sa imo,
nga ang imo too nga kamut nga kaugalingon makaluwas sa imo.
15“Yari karon, ang Behemot,#40:15 Ukon ang hippopotamus.
nga ginhimo ko upud sa imo;
nagahalab sia sing hilamon subong sang baka.
16Yari karon, ang iya kabakud yara sa iya mga balikawang,
kag ang iya kakusug yara sa mga kusug sang iya tiyan.
17Ginahulag niya ang iya ikog subong sang cedro;
ang mga ugat sang iya mga paa nagadinawodawo.
18Ang iya mga tul-an subong sang mga tubo nga saway,
ang iya mga tiil kaangay sang mga bara nga salsalon.
19“Sia ang puno sang mga dalanon sang Dios;
sia lamang nga naghimo sa iya naghatag sa iya sang espada niya!
20Kay ang kabukiran nagapatubas sa iya sing kalan-on
diin ang tanan nga kasapatan sang latagon nagahampang.
21Nagaluko sia sa idalum sang mga kahoy nga lotus,
sa kasiotan sang papiro kag sang luyan.
22Ang mga kahoy nga lotus nagatabon sa iya sang ila landong;
ang mga sause sang sapa nagalibut sa iya.
23Yari karon, kon ang suba nagaawas wala sia nagakurug;
may pagsalig sia bisan ang Jordan magbaha tubtub sa iya baba.
24May magadakup bala sa iya sa nagapanilag sia,
ukon magtuhog sang iya ilong sang siod.
Currently Selected:
JOB 40: ABHIL82
Highlight
Copy
Compare
Share
Want to have your highlights saved across all your devices? Sign up or sign in
Ang Biblia ©1982 Philippine Bible Society
