COLOSAS 4
4
1Mga agalon, buhata sa inyo mga ulipon ang matarung kag nagakaangay, sa nahibaloan nga kamo man may Agalon sa langit.#Efe. 6:9.
Pangamuyo kag Maalamon nga Paggawi
2Padayon kamo sing malig-on sa pangamuyo, nga nagabantay sa sini nga may pagpasalamat; 3kag magpangamuyo tungud sa amon man, agud nga ang Dios magbukas sa amon sing ganhaan nga sa polong, sa pagpamolong sang tinago ni Cristo, nga bangud sa iya ako nabilanggo, 4agud nga mapahayag ko ini, sono sa dapat ko ipamolong.
5Maggawi sa kaalam ayon sa mga tagaluwas, nga nagahimulus sang tion.#Efe. 5:16. 6Magpamolong kamo sa gihapon nga may bugay, nga naunawan sing asin, agud nga makahibalo kamo kon ano ang dapat nga pagsabat ninyo sa tagsatagsa.
Ang Pag-abut ni Tiquico kag ni Onesimo
7Ang tanan ko nga kahimtangan ipahibalo sa inyo ni Tiquico;#Binu. 20:4; 2 Tim. 4:12. sia utud nga hinigugma kag matutum nga alagad kag masigkaulipon sa Ginoo. 8Sia ginpadala ko sa inyo tungud sini gid nga katuyoan, agud nga masayuran ninyo ang amon kahimtangan kag malipay niya ang inyo mga tagiposoon,#Efe. 6:21-22. 9kag kaupud niya si Onesimo,#Filem. 10-12. ang matutum kag hinigugma nga utud, nga isa sa inyo. Sila magapahibalo sa inyo sang tanan nga butang nga nahanabu diri.
Katapusan nga mga Pag-abiabi
10Si Aristarco#Binu. 19:29; 27:2; Filem. 24. nga masigkabinilanggo ko nagaabiabi sa inyo, kag si Marcos#Binu. 12:12, 25; 13:13; 15:37-39. nga pakaisa ni Bernabe (nga nahanungud sa iya nagbaton kamo sing mga sogo—kon makara sia sa inyo, batona ninyo sia), 11kag si Jesus nga ginatawag si Justo. Ini sila lamang ang mga tawo sang circuncision sa tunga sang akon mga masigkamanugpangabudlay nga sa ginharian sang Dios, kag sila nanginkalipay nakon. 12Si Epafras,#Col. 1:7; Filem. 23. nga isa sa inyo, nga ulipon ni Cristo Jesus, nagaabiabi sa inyo, nga sa gihapon nagapanumdum sa inyo sing hanuut sa iya mga pangamuyo, agud nga magtindug kamo nga hamtong kag napasalig sing bug-os sa tanan nga kabubut-on sang Dios. 13Kay ginasaksihan ko sia nga nagpangabudlay sia sing daku tungud sa inyo kag sa mga yara sa Laodicea kag sa mga sa Hierapolis. 14Si Lucas#2 Tim. 4:11; Filem. 24. nga manugbulong nga hinigugma kag si Demas#2 Tim. 4:10; Filem. 24. nagaabiabi sa inyo. 15Abiabiha ninyo sa ngalan ko ang mga kauturan sa Laodicea, kag si Ninfa kag ang iglesia nga yara sa iya balay. 16Kag kon mabasa ining sulat sa tunga ninyo, ipabasa man sa iglesia sang mga taga-Laodicea; kag tatapa ninyo nga mabasa man ninyo ang sulat gikan sa Laodicea. 17Kag isiling ninyo kay Arquipo,#Filem. 2. “Magtinguha sa pagtuman sang hilikuton nga nabaton mo sa Ginoo.”
18Ako, si Pablo, nagasulat sining pag-abiabi sa akon kaugalingon nga kamut. Dumduma ninyo ang akon mga gapus. Ang bugay manginkaupud ninyo.
Currently Selected:
COLOSAS 4: ABHIL82
Highlight
Copy
Compare
Share
Want to have your highlights saved across all your devices? Sign up or sign in
Ang Biblia ©1982 Philippine Bible Society
