COLOSAS 3
3
Ang Bag-ong Kabuhi kay Cristo
1Niyan kon nabanhaw kamo upud kay Cristo, pangitaa ang mga butang sa ibabaw, diin si Cristo, nga nagalingkod sa too sang Dios.#Sal. 110:1. 2Ipahamtang ang inyo mga hunahuna sa mga butang sa ibabaw, indi sa mga butang sa duta. 3Kay napatay kamo, kag ang inyo kabuhi natago upud kay Cristo sa Dios. 4Kon si Cristo nga aton kabuhi magpahayag, niyan kamo man magapahayag kaupud niya sa himaya.
5Busa patya ninyo ang dutan-on sa inyo: ang pagkamakihilawason, kahigkoan, malaut nga balatyagon, malaut nga handum, kag pagkamahamkonon, nga amo ang diwata. 6Bangud sini sa ila ang kasingkal sang Dios nagaabut [sa mga anak sang pagkadimatinumanon.] 7Sa ila sini kamo anay naggawi, sang nagkabuhi kamo sa ila. 8Apang karon panghuklas kamo sini tanan: kaakig, kasingkal, malain nga hunahuna, pasipala, kag malaw-ay nga pololongon sang inyo baba. 9Dili kamo magbinutigay, kay nauba ninyo ang daan nga kinaugali#Efe. 4:22. upud ang mga buhat sini 10kag nagsul-ub kamo sang bag-ong kinaugali,#Efe. 4:24; Gen. 1:26. nga ginapabag-o sa ihibalo sono sa larawan sang nagtuga sini.#Gen. 1:26. 11Sa sini walay Griego kag Judio, circuncidado kag dicircuncidado, barbaro, Escita, ulipon, hilway nga tawo, apang si Cristo amo ang tanan, kag sa tanan.
12Niyan sul-ub kamo, subong nga mga pinili sang Dios, balaan kag hinigugma, sing tagiposoon sang pagkaawa, pagkalolo, pagkakubus, pagkamapinailubon, kag pagkamabinatason, 13nga nagapinaumuray#Efe. 4:2. kag nagapinatawaray, kon ang isa may inugsumbung batok sa isa; subong nga ang Ginoo nagpatawad sa inyo, amo man ang himoon ninyo.#Efe. 4:32. 14Kag sa ibabaw sini sa ila tanan isul-ub ninyo ang paghigugma, nga amo ang higut sang kahimpitan. 15Pagahuma ang paghidait ni Cristo sa inyo mga tagiposoon, nga sa amo man ginatawag kamo sa isa ka lawas. Kag magmapinasalamaton kamo. 16Papuy-a ang polong ni Cristo sa inyo sing mabuganaon, sa nagatinudloay kag nagalinaygayay kamo, sa bug-os nga kaalam, kag may mga salmo kag mga ambahanon kag mga kalantahon nga espirituhanon sa pagpasalamat sa Dios sa inyo mga tagiposoon. 17Kag bisan ano ang inyo himoon, sa polong ukon sa buhat, himoa tanan sa ngalan ni Ginoong Jesus, nga nagapasalamat sa Dios nga Amay paagi sa iya.#Efe. 5:19-20.
Mga Katungdanan sa mga Katapu sang Panimalay
18Mga asawa, magpasakup kamo sa inyo mga bana,#Efe. 5:22; 1 Ped. 3:1. subong nga nagakaigo sa Ginoo. 19Mga bana, higugmaa ang inyo mga asawa,#Efe. 5:25; 1 Ped. 3:7. kag dili kamo magmapait sa ila. 20Mga kabataan, tumana ang inyo mga ginikanan sa tanan nga butang, kay ini kalahamut-an sa Ginoo.#Efe. 6:1. 21Mga amay, dili pagpaakiga ang inyo mga kabataan#Efe. 6:4. agud nga indi sila mahanusbu. 22Mga ulipon, tumana ninyo sa tanan nga butang ang inyo dutan-on nga mga agalon, indi sa pag-alagad nga sa mata, subong nga manugpahamuut sa mga tawo, kondi sa kabunayag sang tagiposoon, nga nahadluk sa Ginoo. 23Bisan ano ang inyo himoon, himoa ninyo sing tinagiposoon, subong nga sa Ginoo kag indi nga sa mga tawo, 24nga nakahibalo nga magabaton kamo gikan sa Ginoo sang tumbas sang panublion; ginaalagad ninyo ang Ginoong Cristo. 25Kay ang nagahimo sing dimatarung magabaton liwat sang dimatarung nga iya nahimo,#Efe. 6:5-8. kag walay ginapasulabi sa mga tawo.#Deut. 10:17; Efe. 6:9.
Currently Selected:
COLOSAS 3: ABHIL82
Highlight
Copy
Compare
Share
Want to have your highlights saved across all your devices? Sign up or sign in
Ang Biblia ©1982 Philippine Bible Society
COLOSAS 3
3
Ang Bag-ong Kabuhi kay Cristo
1Niyan kon nabanhaw kamo upud kay Cristo, pangitaa ang mga butang sa ibabaw, diin si Cristo, nga nagalingkod sa too sang Dios.#Sal. 110:1. 2Ipahamtang ang inyo mga hunahuna sa mga butang sa ibabaw, indi sa mga butang sa duta. 3Kay napatay kamo, kag ang inyo kabuhi natago upud kay Cristo sa Dios. 4Kon si Cristo nga aton kabuhi magpahayag, niyan kamo man magapahayag kaupud niya sa himaya.
5Busa patya ninyo ang dutan-on sa inyo: ang pagkamakihilawason, kahigkoan, malaut nga balatyagon, malaut nga handum, kag pagkamahamkonon, nga amo ang diwata. 6Bangud sini sa ila ang kasingkal sang Dios nagaabut [sa mga anak sang pagkadimatinumanon.] 7Sa ila sini kamo anay naggawi, sang nagkabuhi kamo sa ila. 8Apang karon panghuklas kamo sini tanan: kaakig, kasingkal, malain nga hunahuna, pasipala, kag malaw-ay nga pololongon sang inyo baba. 9Dili kamo magbinutigay, kay nauba ninyo ang daan nga kinaugali#Efe. 4:22. upud ang mga buhat sini 10kag nagsul-ub kamo sang bag-ong kinaugali,#Efe. 4:24; Gen. 1:26. nga ginapabag-o sa ihibalo sono sa larawan sang nagtuga sini.#Gen. 1:26. 11Sa sini walay Griego kag Judio, circuncidado kag dicircuncidado, barbaro, Escita, ulipon, hilway nga tawo, apang si Cristo amo ang tanan, kag sa tanan.
12Niyan sul-ub kamo, subong nga mga pinili sang Dios, balaan kag hinigugma, sing tagiposoon sang pagkaawa, pagkalolo, pagkakubus, pagkamapinailubon, kag pagkamabinatason, 13nga nagapinaumuray#Efe. 4:2. kag nagapinatawaray, kon ang isa may inugsumbung batok sa isa; subong nga ang Ginoo nagpatawad sa inyo, amo man ang himoon ninyo.#Efe. 4:32. 14Kag sa ibabaw sini sa ila tanan isul-ub ninyo ang paghigugma, nga amo ang higut sang kahimpitan. 15Pagahuma ang paghidait ni Cristo sa inyo mga tagiposoon, nga sa amo man ginatawag kamo sa isa ka lawas. Kag magmapinasalamaton kamo. 16Papuy-a ang polong ni Cristo sa inyo sing mabuganaon, sa nagatinudloay kag nagalinaygayay kamo, sa bug-os nga kaalam, kag may mga salmo kag mga ambahanon kag mga kalantahon nga espirituhanon sa pagpasalamat sa Dios sa inyo mga tagiposoon. 17Kag bisan ano ang inyo himoon, sa polong ukon sa buhat, himoa tanan sa ngalan ni Ginoong Jesus, nga nagapasalamat sa Dios nga Amay paagi sa iya.#Efe. 5:19-20.
Mga Katungdanan sa mga Katapu sang Panimalay
18Mga asawa, magpasakup kamo sa inyo mga bana,#Efe. 5:22; 1 Ped. 3:1. subong nga nagakaigo sa Ginoo. 19Mga bana, higugmaa ang inyo mga asawa,#Efe. 5:25; 1 Ped. 3:7. kag dili kamo magmapait sa ila. 20Mga kabataan, tumana ang inyo mga ginikanan sa tanan nga butang, kay ini kalahamut-an sa Ginoo.#Efe. 6:1. 21Mga amay, dili pagpaakiga ang inyo mga kabataan#Efe. 6:4. agud nga indi sila mahanusbu. 22Mga ulipon, tumana ninyo sa tanan nga butang ang inyo dutan-on nga mga agalon, indi sa pag-alagad nga sa mata, subong nga manugpahamuut sa mga tawo, kondi sa kabunayag sang tagiposoon, nga nahadluk sa Ginoo. 23Bisan ano ang inyo himoon, himoa ninyo sing tinagiposoon, subong nga sa Ginoo kag indi nga sa mga tawo, 24nga nakahibalo nga magabaton kamo gikan sa Ginoo sang tumbas sang panublion; ginaalagad ninyo ang Ginoong Cristo. 25Kay ang nagahimo sing dimatarung magabaton liwat sang dimatarung nga iya nahimo,#Efe. 6:5-8. kag walay ginapasulabi sa mga tawo.#Deut. 10:17; Efe. 6:9.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ang Biblia ©1982 Philippine Bible Society