1 TESALONICA 3
3
1Busa sang indi na kami makabatas, ginpakamaayo namun nga bayaan kami lamang sa Atenas,#Binu. 17:15. 2kag ginpadala namun si Timoteo, nga amon utud kag alagad sang Dios sa maayong balita ni Cristo, sa pagpalig-on sa inyo sa inyo pagtoo kag paglaygay sa inyo, 3agud nga walay tawo nga mati-ong sining mga kapipit-an. Kamo gid nakasayud nga ini amo ang aton bahin. 4Kay sang kaupud kami ninyo, nagsugid kami sa inyo nga daan nga magaantus kita sing kapipit-an; subong nga ini nahanabu, kag kamo nakahibalo. 5Sa sining kabangdanan, sang indi na ako makabatas, nagpadala ako agud nga makahibalo ako sang inyo pagtoo, sa kahadluk basi kon sa anong bagay ang panulay nagsulay sa inyo kag ang amon pagpangabudlay nanginwalay pulus.
6Apang karon sang pag-abut ni Timoteo sa amon gikan sa inyo,#Binu. 18:5. kag nagdala sa amon sing malipayong mga balita sang inyo pagtoo kag paghigugma kag nagsugid nga sa gihapon ginadumdum ninyo kami sing maayo kag ginahidlaw sa pagpakigkita sa amon, subong nga kami man sa inyo— 7sa sining kabangdanan, mga kauturan, nalipay kami nahanungud sa inyo sa tanan namun nga kasisit-an kag kapipit-an bangud sang inyo pagtoo; 8kay karon nagakabuhi kami, kon magtindug kamo sing malig-on sa Ginoo. 9Kay ano bala nga pagpasalamat ang idolot namun sa Dios tungud sa inyo, tungud sang bug-os nga kalipay nga amon ginabatiag tungud sa inyo sa atubangan sang Dios, 10nga nagapangamuyo sing hanuut sa adlaw kag gab-i nga magkitaay kita sa nawung kag nawung kag mahimun-an namun ang kakulangan sang inyo pagtoo?
11Karon kabay nga ang aton Dios kag Amay gid, kag ang aton Ginoong Jesus, magtuytuy sang amon dalanon sa inyo; 12kag kabay nga ang Ginoo magdugang kag magpabugana sa inyo sa gugma ang isa ayon sa isa kag ayon sa tanan nga tawo, subong nga kami man ayon sa inyo, 13sa katuyoan nga mapalig-on niya ang inyo mga tagiposoon nga disalawayon sa pagkabalaan sa atubangan sang aton Dios kag Amay, sa pag-abut sang aton Ginoong Jesus kaupud sang tanan niya nga balaan.
Currently Selected:
1 TESALONICA 3: ABHIL82
Highlight
Copy
Compare
Share
Want to have your highlights saved across all your devices? Sign up or sign in
Ang Biblia ©1982 Philippine Bible Society
