Exodo 32
32
Ang Torite nga Baka nga Bulawan
(Deut. 9:6-29)
1Sang#Bin. 7:40. matalupangdan sang mga tawo nga si Moises nagdugay sa ibabaw sang bukid, kag wala magdulhog, nagtipon sila sa palibot ni Aaron kag nagsiling sa iya, “Dali, himoi kami sing dios#32:1 dios: ukoniban nga mga dios. nga magapangulo sa amon, kay wala namon mahibal-i kon ano ang natabo sining tawo nga si Moises, nga nagpagwa sa amon halin sa Ehipto.”
2Nagsiling si Aaron sa ila, “Panguhaa ninyo ang bulawan nga mga aritos nga ginagamit sang inyo mga asawa, sang inyo mga anak nga lalaki, kag sang inyo mga anak nga babayi, kag dalha ninyo diri sa akon.” 3Gani ginkuha sang tanan nga mga tawo ang ila mga aritos nga bulawan, kag gindala nila ini kay Aaron. 4Gintipon#1 Hari 12:28; Bin. 7:41. niya ang mga aritos nga bulawan, gintunaw kag ginbubo sa hormahan, kag sa sini naghimo sila sing torite nga baka.
Ang mga tawo nagsiling, “O Israel, amo ini ang aton dios, nga nagpagwa sa aton halin sa Ehipto!”
5Sang pagkakita sini ni Aaron, nagpatindog sia sing altar sa atubangan sang torite nga bulawan. Dayon nagpahibalo sia nga nagasiling, “Buas magasaulog kita sing piesta sa kadungganan sang Ginoo.” 6Aga#1 Cor. 10:7. pa sa madason nga adlaw naghalad sila sang mga sapat nga ila ginsunog, kag mga sapat subong mga halad sang paghiambit. Ang mga tawo nagpungko sa pagkaon kag sa pag-inom sang makahulobog nga ilimnon, kag dayon nagkinalipay paagi sa pagsinaot kag pagpakighilawas.
7Ang Ginoo nagsiling kay Moises, “Dalidali ka kag magdulhog, tungod kay ang imo mga tawo nga ginpagwa halin sa Ehipto naghimo sing malaut nga butang kag nagtalikod sa akon. 8Madali lang nila ginbayaan ang mga pagsulondan nga akon gintudlo sa ila: naghimo sila sing isa ka torite nga baka gikan sa gintunaw nga bulawan, kag ginsimba nila ini, kag nagdulot sing mga halad sa sini. Nagsiling sila, ‘O Israel, ini amo ang imo dios nga nagpagwa sa imo halin sa Ehipto.’” 9Ang Ginoo nagsiling kay Moises, “Nakita ko nga ini nga mga tawo matig-a sing ulo. 10Karon, indi ako pagpunggi, kay papason ko sila sa akon nagabalingaso nga kaakig. Dayon ako magahimo sa imo kag sa imo mga kaliwat nga mangin-isa ka daku nga pungsod.”
11Pero#Num. 14:13-19. si Moises nagpakitluoy sa Ginoo nga iya Dios, nga nagasiling, “O Ginoo, ngaa bala magsilabo ang imo kaakig sa sini nga mga tawo, nga imo ginpagwa halin sa Ehipto sa daku nga kusog kag gahom? 12Ngaa bala nga hatagan mo sing kahigayunan ang mga Ehiptohanon sa pagsiling, ‘Ginpagwa niya sila sa Ehipto nga may malain nga tinutuyo sa pagpatay sa ila sa mga kabukiran kag sa paglaglag sa ila sing bug-os?’ Indi pagpadayuna ang imo nagabalingaso nga kaakig, magbaylo ka sing hunahuna, kag indi paglaglaga ang imo mga tawo. 13Dumdoma#Gen. 22:16-17; Gen. 17:8. ang imo mga alagad nga si Abraham, si Isaac, kag si Jacob kag kon ano ang imo ginsaad sa ila sang nagpanumpa ka sa imo kaugalingon nga ngalan, kag nagsiling sa ila, ‘Hatagan ko kamo sing mga kaliwat subong kadamo sang mga bituon sa langit. Ihatag ko sa inyo mga kaliwat ang bug-os nga duta kag mangin-inyo ini sing dayon.’” 14Gani ang Ginoo nagbaylo sang iya hunahuna, kag wala niya ginhimo ang iya ginsiling nga iya laglagon ang mga tawo.
15Si Moises nagbalik kag nagdulhog sa bukid nga nagadala sang duha ka mga lapida nga bato nga nasulatan sa pihak kag pihak kag nagbalik kay Josue nga nagahulat sa iya. 16Ang Dios mismo amo ang naghimo sang mga lapida nga bato kag sa sini iya ginsinsil ang mga kasugoan.
17Nakabati si Josue sang pagsininggit sang mga tawo, kag nagsiling sia kay Moises, “Nabatian ko ang kinagahod sang inaway sa kampo.”
18Si Moises nagsiling, “Ina nga ginahod indi singgit sang pagdaog, ukon ginahod sang paglalaw tungod sang pagkalutos. Ang akon nabatian amo ang gahod sang mga pagkinanta.”
19Sang malapit na si Moises sa kampo kag nakita niya ang torite nga baka kag ang mga tawo nga nagasinaot, naakig gid sia. Ginpusdak niya ang mga lapida nga bato nga iya ginadala kag nabuka ini sa kunsaran sang bukid. 20Ginkuha niya ang torite nga baka nga ila ginhimo, gintunaw kag ginbukbok ini subong sang pulbos, kag ginsabwag niya sa tubig. Dayon ginpainom niya ini sa mga tawo sang Israel. 21Nagsiling si Moises kay Aaron, “Ano bala ang ginhimo sini nga mga tawo sa imo, nga imo sila ginpahimo sining daku nga sala?”
22Nagsabat si Aaron, “Indi ka magkaakig sa akon, nahibal-an mo kon daw ano ang huyog sini nga mga tawo sa paghimo sing malaut. 23Nagsiling sila sa akon, ‘Himoi kami sing isa ka dios nga magapangulo sa amon, kay wala kami makahibalo kon ano na ang natabo sa sini nga tawo nga si Moises nga nagpagwa sa amon halin sa Ehipto.’ 24Ginpamangkot ko sila, ‘Sin-o bala sa inyo ang may bulawan?’ Ginpanguha nila ang ila alahas nga bulawan kag ginhatag sa akon. Ginhaboy ko ini sa kalayo kag nahimo ini nga torite nga baka!”
25Nakita ni Moises nga ang mga tawo nagapinatuyang, kay ginpabay-an sila ni Aaron sa paghimo sang dapat nila ikahuya sa atubang sang ila mga kaaway. 26Gani si Moises nagtindog sa pwertahan sang kampo kag nagsinggit, “Ang bisan sin-o nga luyag magbuylog sa Ginoo, magpalapit sia sa akon!” Gani ang tanan nga mga Levinhon nagtipon sa palibot niya, 27kag nagsiling sia sa ila, “Amo ini ang ginasiling sang Ginoong Dios sang Israel, ‘Ang tagsatagsa sa inyo magtaklos sang iya espada kag libuta ninyo ang bug-os nga kampo halin sa sini nga pwerta pakadto sa isa, kag pamatya ninyo ang inyo mga utod nga lalaki, ang inyo mga abyan, kag ang inyo mga kasilingan.’” 28Gintuman sang mga Levinhon ang ginsugo ni Moises sa ila, kag sa sina nga adlaw 3,000 ka mga tawo ang nagkalamatay. 29Si Moises nagsiling sa mga Levinhon, “Karon nga adlaw ginhalad ninyo ang inyo kaugalingon#32:29 Ang iban nga dumaan nga mga pagbadbadKaron nga adlaw ginhalad ninyo ang inyo kaugalingon; sa HebreoIhalad ang inyo kaugalingon karon nga adlaw; ukonGinhalad kamo karon nga adlaw. subong mga pari sa pag-alagad sa Ginoo, paagi sa pagpatay sang inyo mga anak nga lalaki kag mga utod nga lalaki, gani ang Ginoo nagbendisyon sa inyo karon nga adlaw.”
30Sa madason nga adlaw si Moises nagsiling sa mga tawo, “Nakahimo kamo sing daku nga sala. Pero karon, mataklad ako liwat sa bukid pakadto sa Ginoo, ayhan matigayon ko ang kapatawaran sang inyo mga sala.” 31Gani nagbalik si Moises sa Ginoo kag nagsiling, “Abaw, daku gid nga sala ang nahimo sini nga mga tawo! Naghimo sila sing isa ka dios nga bulawan para sa ila kaugalingon. 32Pero#Sal. 69:28; Bug. 3:5. karon, kon mahimo patawara ang ila sala. Kon indi, ginaampo ko nga panasa ang akon ngalan sa libro nga imo ginsulatan sang mga ngalan sang imo mga katawhan.”
33Ang Ginoo nagsabat kay Moises, “Ang ngalan sang nakasala batok sa akon amo ang panason ko sa akon libro. 34Karon lakat ka, pangulohi ang mga tawo pakadto sa lugar nga ginsiling ko sa imo. Dumdoma nga ang akon anghel magtuytoy sa imo, pero magaabot ang tion nga silutan ko ini nga mga tawo tungod sang ila mga sala.”
35Gani ang Ginoo nagpadala sing balatian sa mga tawo, tungod kay ila ginpilit si Aaron sa paghimo sang torite nga baka.
Currently Selected:
Exodo 32: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
