Kwan 26
26
Kwano Joisiraili mar'ario
1 #
Kwan 1:1-46
Rumacen ma thoyamo, Rwoth owaco ri Musa kodi Eliazar wod pa Aron, jacway ri Were i wi migam ni, 2“Kwan win lwak pa Isiraili je, cwo cako i oro piero ario kadho malo, cungo kwoŋ pecin pajo, kisi jacwo i Isiraili manyalo kadho i lweny.” 3Musa kodi Eliazar jacway ri Were i wi migam joluwo gi jo kam'othangere ma Mowab i thengi Yordan tirtir gi Yeriko, ka jowaco ni, 4“Kwan win cwo, wok i oro piero ario kadho malo paka Rwoth owodho or ri Musa.”
Me Joisiraili ma jowok i lowo ma Misir. 5Wok i nono pa Ruben, okayo pa Yakobo, wok i peco pa Hanok, peco pa Palu, 6peco pa Heziron kodi peco pa Karim; 7cwo m'okwan je joromo 43,730. 8Palu obedo ba Eliab. 9Eliab obedo ba Nemuel, Dathan kodi Abiram. Dathan kodi Abiram jobedo ji acel ca ma ji joyero, ma jogwenyere kwoŋ Musa kodi Aron kanyacel gi Kora, munyo jogwenyere kwoŋ Rwoth. 10I hongo no ama piny oyawere to mwonyo woko jo kanyacel gi Kora, munyo jotho, munyo mac oreyo woko cwo 250 paka gir'anena ri Joisiraili. 11To wot Kora jok'otho.
12Wok i nono pa Simeo, cungo kwoŋ pecin pajo, peco pa Nemuel, peco pa Yamin, peco pa Yakin, 13peco pa Zera, peco pa Saulo, 14cwo m'okwan joromo 22,200.
15Wok i nono pa Gad, cungo kwoŋ pecin pajo; peco pa Zefon, peco pa Hagi, peco pa Suni, 16peco pa Ozini, peco pa Eri, 17peco pa Arodi kodi peco pa Areli, 18cwo m'okwan joromo 40,500.
19Wot Yuda jobedo Eri kodi Onan ma jotho i piny ma Kanan. 20Nyikway Yuda cungo kwoŋ pecin pajo jobedo, peco pa Sela, peco pa Perez kodi peco pa Zera. 21Me nyikway Perez, peco pa Heziron kodi peco pa Hamul. 22Cwo m'okwan wok i nono pa Yuda joromo 76,500.
23Wok i nono pa Isakar cungo kwoŋ pecin pajo, peco pa Tola, peco pa Puwa, 24peco pa Yasub kodi peco pa Simiron. 25Cwo m'okwan wok i nono pa Isakar joromo 64,300.
26Wok i nono pa Zebulun cungo kwoŋ pecin pajo, peco pa Sered, peco pa Elon kodi peco pa Yalal. 27Wok i nono pa Zebulun, cwo m'okwan joromo 60,500.
28Wok i nono pa Yozefu, cungo kwoŋ pecin pajo, peco pa Manase kodi peco pa Efrayim. 29Wok kwoŋ nyikway Manase, peco pa Makir ba Giliad kodi peco pa Giliad. 30Wok kwoŋ nyikway Giliad, peco pa Lezer, peco pa Helek, 31peco pa Asiriel, peco pa Sekem, 32peco pa Semida kodi peco pa Hefer. 33Onyo Zelofehad wod pa Hefer oyido ongoye gi wote, go oyido nitie gi nyithindho manyir. Jobedo Mala, Nowa, Hogla, Milika kodi Tiriza. 34Wok i nono pa Manase, cwo m'okwan joromo 52,700.
35Wok i nono pa Efrayim cungo kwoŋ pecin pajo, peco pa Suthela, peco pa Beker kodi peco pa Tahan. 36Nyikway Suthela jobedo peco pa Eran. 37Wok i nono pa Efrayim cwo m'okwan joromo 32,500. Me jobedo nyikway Yozefu.
38Wok i nono pa Benyamin cungo kwoŋ pecin pajo, peco pa Bela, peco pa Asibel, peco pa Ahiram, 39peco pa Sefufam, kodi peco pa Hufam. 40Nyikway Bela jobedo peco pa Arid kodi peco pa Naman. 41Wok i nono pa Benyamin cwo m'okwan joromo 45,600.
42Wok i nono pa Dan cungo kwoŋ pecin pajo, peco pa Suham. 43Wok i nono pa Dan cwo m'okwan joromo 64,400.
44Wok i nono pa Aser cungo kwoŋ pecin pajo, peco pa Imina, peco pa Isivi kodi peco pa Beria. 45Nyikway Beria jobedo peco pa Heber kodi peco pa Malikiel. 46Nyingi nyar Aser oyido ilwoŋo ni Sera. 47Wok i nono pa Aser cwo m'okwan joromo 53,400.
48Wok i nono pa Nafital cungo kwoŋ pecin pajo, peco pa Yazel, peco pa Guni, 49peco pa Yezer kodi peco pa Silam. 50Wok i nono pa Nafital cwo m'okwan joromo 45,400. 51Me welo pa cwo Isiraili m'okwan je, aka joromo 601,730.
52 #
Kwan 34:13; Yos 14:1-2 Rwoth oluwo gi Musa ka waco ni, 53“Pok lowo ri nonin cungo kwoŋ welo pajo. 54Miy adec madwoŋ ri nono madwoŋ, aka imiy adec mathin ri nono mathin. Kisi nono ripo limo adec ma ripo gi welo mere. 55T'iripo poko lowo gi bolo kwir, cungo kwoŋ nyingi nono. 56Ilapoko lowo gi bolo kwir i dier nono madwoŋ kodi mathin.”
57Nono pa Jolevi jobedo pecin pa Gerisom, Kohath kodi Merari. 58Nyikway jo jobedo pecin pa Libini, Hebron, Mali, Musi kodi Kora. Kohath obedo ba Amram. 59Cipa Amram oyido Yokebed nyar Levi, m'onywol i Misir. Yokebed onywolo ri Amram Aron, Musa kodi nyamin jo Miriam. 60#Kwan 3:2Wot Aron jobedo Nadab, Abihu, Eliazar kodi Ithamar. 61#Jolevi 10:1-2; Kwan 3:4Nadab kodi Abihu jotho munyo jomiyo cowirok ma kiripi ruwaŋ Rwoth. 62Nyithindho ma cwo wok i dwe acel kadho malo ma k'okwan jo kanyacel gi Joisiraili oyido joromo 23,000 aka k'opoki jo lim i Isiraili.
63Me nonin ma Musa kodi Eliazar jacway ri Were i wi migam jokwano munyo jokwano Joisiraili kam'othangere ma Mowab i thengi Yordan tirtir gi Yeriko 64Ongoye jacwo ma k'okwan kwoŋ cwo ma Musa kodi Aron oyido jotieko kwano marapena i thim ma Sinai. 65#Kwan 14:26-35Rwoth oyido otieko waco kwoŋ jo ni, “Joripo tho i thim ma Sinai.” Ongoye kwoŋ jo m'oboth kwanyo woko Kaleb wod pa Yefune kodi Yosuwa wod pa Nun.
Currently Selected:
Kwan 26: DHOPE
Highlight
Copy
Compare
Share
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.
Kwan 26
26
Kwano Joisiraili mar'ario
1 #
Kwan 1:1-46
Rumacen ma thoyamo, Rwoth owaco ri Musa kodi Eliazar wod pa Aron, jacway ri Were i wi migam ni, 2“Kwan win lwak pa Isiraili je, cwo cako i oro piero ario kadho malo, cungo kwoŋ pecin pajo, kisi jacwo i Isiraili manyalo kadho i lweny.” 3Musa kodi Eliazar jacway ri Were i wi migam joluwo gi jo kam'othangere ma Mowab i thengi Yordan tirtir gi Yeriko, ka jowaco ni, 4“Kwan win cwo, wok i oro piero ario kadho malo paka Rwoth owodho or ri Musa.”
Me Joisiraili ma jowok i lowo ma Misir. 5Wok i nono pa Ruben, okayo pa Yakobo, wok i peco pa Hanok, peco pa Palu, 6peco pa Heziron kodi peco pa Karim; 7cwo m'okwan je joromo 43,730. 8Palu obedo ba Eliab. 9Eliab obedo ba Nemuel, Dathan kodi Abiram. Dathan kodi Abiram jobedo ji acel ca ma ji joyero, ma jogwenyere kwoŋ Musa kodi Aron kanyacel gi Kora, munyo jogwenyere kwoŋ Rwoth. 10I hongo no ama piny oyawere to mwonyo woko jo kanyacel gi Kora, munyo jotho, munyo mac oreyo woko cwo 250 paka gir'anena ri Joisiraili. 11To wot Kora jok'otho.
12Wok i nono pa Simeo, cungo kwoŋ pecin pajo, peco pa Nemuel, peco pa Yamin, peco pa Yakin, 13peco pa Zera, peco pa Saulo, 14cwo m'okwan joromo 22,200.
15Wok i nono pa Gad, cungo kwoŋ pecin pajo; peco pa Zefon, peco pa Hagi, peco pa Suni, 16peco pa Ozini, peco pa Eri, 17peco pa Arodi kodi peco pa Areli, 18cwo m'okwan joromo 40,500.
19Wot Yuda jobedo Eri kodi Onan ma jotho i piny ma Kanan. 20Nyikway Yuda cungo kwoŋ pecin pajo jobedo, peco pa Sela, peco pa Perez kodi peco pa Zera. 21Me nyikway Perez, peco pa Heziron kodi peco pa Hamul. 22Cwo m'okwan wok i nono pa Yuda joromo 76,500.
23Wok i nono pa Isakar cungo kwoŋ pecin pajo, peco pa Tola, peco pa Puwa, 24peco pa Yasub kodi peco pa Simiron. 25Cwo m'okwan wok i nono pa Isakar joromo 64,300.
26Wok i nono pa Zebulun cungo kwoŋ pecin pajo, peco pa Sered, peco pa Elon kodi peco pa Yalal. 27Wok i nono pa Zebulun, cwo m'okwan joromo 60,500.
28Wok i nono pa Yozefu, cungo kwoŋ pecin pajo, peco pa Manase kodi peco pa Efrayim. 29Wok kwoŋ nyikway Manase, peco pa Makir ba Giliad kodi peco pa Giliad. 30Wok kwoŋ nyikway Giliad, peco pa Lezer, peco pa Helek, 31peco pa Asiriel, peco pa Sekem, 32peco pa Semida kodi peco pa Hefer. 33Onyo Zelofehad wod pa Hefer oyido ongoye gi wote, go oyido nitie gi nyithindho manyir. Jobedo Mala, Nowa, Hogla, Milika kodi Tiriza. 34Wok i nono pa Manase, cwo m'okwan joromo 52,700.
35Wok i nono pa Efrayim cungo kwoŋ pecin pajo, peco pa Suthela, peco pa Beker kodi peco pa Tahan. 36Nyikway Suthela jobedo peco pa Eran. 37Wok i nono pa Efrayim cwo m'okwan joromo 32,500. Me jobedo nyikway Yozefu.
38Wok i nono pa Benyamin cungo kwoŋ pecin pajo, peco pa Bela, peco pa Asibel, peco pa Ahiram, 39peco pa Sefufam, kodi peco pa Hufam. 40Nyikway Bela jobedo peco pa Arid kodi peco pa Naman. 41Wok i nono pa Benyamin cwo m'okwan joromo 45,600.
42Wok i nono pa Dan cungo kwoŋ pecin pajo, peco pa Suham. 43Wok i nono pa Dan cwo m'okwan joromo 64,400.
44Wok i nono pa Aser cungo kwoŋ pecin pajo, peco pa Imina, peco pa Isivi kodi peco pa Beria. 45Nyikway Beria jobedo peco pa Heber kodi peco pa Malikiel. 46Nyingi nyar Aser oyido ilwoŋo ni Sera. 47Wok i nono pa Aser cwo m'okwan joromo 53,400.
48Wok i nono pa Nafital cungo kwoŋ pecin pajo, peco pa Yazel, peco pa Guni, 49peco pa Yezer kodi peco pa Silam. 50Wok i nono pa Nafital cwo m'okwan joromo 45,400. 51Me welo pa cwo Isiraili m'okwan je, aka joromo 601,730.
52 #
Kwan 34:13; Yos 14:1-2 Rwoth oluwo gi Musa ka waco ni, 53“Pok lowo ri nonin cungo kwoŋ welo pajo. 54Miy adec madwoŋ ri nono madwoŋ, aka imiy adec mathin ri nono mathin. Kisi nono ripo limo adec ma ripo gi welo mere. 55T'iripo poko lowo gi bolo kwir, cungo kwoŋ nyingi nono. 56Ilapoko lowo gi bolo kwir i dier nono madwoŋ kodi mathin.”
57Nono pa Jolevi jobedo pecin pa Gerisom, Kohath kodi Merari. 58Nyikway jo jobedo pecin pa Libini, Hebron, Mali, Musi kodi Kora. Kohath obedo ba Amram. 59Cipa Amram oyido Yokebed nyar Levi, m'onywol i Misir. Yokebed onywolo ri Amram Aron, Musa kodi nyamin jo Miriam. 60#Kwan 3:2Wot Aron jobedo Nadab, Abihu, Eliazar kodi Ithamar. 61#Jolevi 10:1-2; Kwan 3:4Nadab kodi Abihu jotho munyo jomiyo cowirok ma kiripi ruwaŋ Rwoth. 62Nyithindho ma cwo wok i dwe acel kadho malo ma k'okwan jo kanyacel gi Joisiraili oyido joromo 23,000 aka k'opoki jo lim i Isiraili.
63Me nonin ma Musa kodi Eliazar jacway ri Were i wi migam jokwano munyo jokwano Joisiraili kam'othangere ma Mowab i thengi Yordan tirtir gi Yeriko 64Ongoye jacwo ma k'okwan kwoŋ cwo ma Musa kodi Aron oyido jotieko kwano marapena i thim ma Sinai. 65#Kwan 14:26-35Rwoth oyido otieko waco kwoŋ jo ni, “Joripo tho i thim ma Sinai.” Ongoye kwoŋ jo m'oboth kwanyo woko Kaleb wod pa Yefune kodi Yosuwa wod pa Nun.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.