Matayo 1
DHOPE

Matayo 1

1
Kwarere pa Yesu Kristo
(Luk 3:23-38)
1Me a bol ma nywolirok pa Yesu Kristo, nyakwar Daudi aka nyakwar Abraham: 2Abraham onywolo Isaka, Isaka onywolo Yakobo, Yakobo onywolo Yuda gi wutmin go; 3Yuda to nywolo Perez gi Zera i yok jo Tamar, Perez onywolo Heziron, Heziron onywolo Ram; 4Ram onywolo Aminadab, Aminadab onywolo Nason, Nason onywolo Salimon; 5Salimon gi cege Rahab to jonywolo Bowaz, Bowaz gi cege Ruth to jonywolo Obed, Obed onywolo Yese; 6#2 Kerin 24:14-15; 2 Kigana 36:10; Yer 27:20Yese onywolo Daudi Kere. Daudi onywolo Solomon ma min oyido obedo cipa Uriya; 7Solomon onywolo Rehobowam, Rehobowam onywolo Abija, Abija onywolo Asa; 8Asa onywolo Yehosafat, Yehosafat onywolo Yoram; Yoram onywolo Uziya; 9Uziya onywolo Yotham, Yotham onywolo Ahaz, Ahaz onywolo Hezekia; 10Hezekia onywolo Manase; Manase onywolo Amos, Amos onywolo Yosia; 11Yosia to nywolo Yekonia gi wutmin go, gikenyo to itero jo paka ŋecin yu Babilon; 12Munyo otiek tero jo yu Babilon, Yekonia onywolo Salutiel, Salutiel to nywolo Zerubabel; 13Zerubabel to nywolo Abiud, Abiud to nywolo Eliakim, Eliakim to nywolo Azor; 14Azor to nywolo Zadok; Zadok to nywolo Akim, Akim to nywolo Eliyudi, 15Eliyudi to nywolo Eliazar; Eliazar to nywolo Mathan, Mathan to nywolo Yakobo; 16Yakobo onywolo Yozefu, m'obedo cwor Maria, m'onywolo Yesu m'ilwoŋo ni Kristo. 17Riameno, wok kwoŋ Abraham tundo kwoŋ Daudi, obedo luse ji apar g'aŋwen; odoko wok kwoŋ Daudi, tundo munyo oter jo yu Babilon, obedo luse ji apar g'aŋwen; kendo wok munyo oter jo yu Babilon tundo kwoŋ Kristo, bende obedo luse ji apar g'aŋwen.
Nywolirok pa Yesu Kristo
(Luk 2:1-7)
18 # Luk 1:27 Me apaka nywolirok pa Yesu Kristo obedo: Munyo Yozefu fodi oyido nyaka jocikere nywomirok kodi Maria min Yesu, mafodi k'orwako go i ot, to nenere ni go oyido otieko gamo iye i meni pa Cuny Maleŋ. 19Gikenyo Yozefu cwore, rupiri oyido obedo dhano m'otire aka k'omito miyo go wickwot, oyido paro weyo go nyaliŋliŋ. 20Neni, munyo fodi go paro ameno, malaika pa Rwoth to bino rigo i lek, to waco rigo ni, “Yozefu wod pa Daudi, Ikir'ilwor rwako Maria bedo dhako perin, rupiri go yac gi meni pa Cuny Maleŋ. 21#Luk 1:31Go bino nywolo nyathi majayac, aka ibino cwoko nyinge ni Yesu; rupiri go ama bino botho ji pere kwoŋ reco pajo.” 22Gino je otimere, ŋey gima jatuci wac Were oluwo wotundi i kare ni, 23#Isa 7:14“Nyako mambula bino gamo iye, to nywolo nyathi majayac, m'ibino cwoko nyinge ni Manwer.” Dwoŋ mere ni, “Were nigi wan.” 24Yozefu munyo ocew, to timo paka malaika pa Were owaco rigo, to tero Maria bedo cege; 25#Luk 2:21aka k'obedo gine tundo munyo ocowo nywolo nyathi no to cwoko nyinge ni Yesu.

Dhopadhola DC Bible © Bible Society of Uganda, 2018.

Learn More About KITAWO MALEŊ