Wok 13

Miyo Rwoth nyithindho makayo

1Rwoth owaco ri Musa ni, 2“Kethi ran gicen nyithindho makayo, kole kisi okayo pa Joisiraili kodi apa ogwaŋe jobedo aparan.”

Kalima ma Mugat ma buthow

3Aka Musa owaco ri ji ni, “Poyi win ndelo ma wiwok'iye i Misir kam'oyido wibedo ŋecin. Me ndelo ma Rwoth owodho win gi meni pere madwoŋ. Wikiripi camo mugat m'otimi gi thow. 4Wiwok i Misir i ndelo me, i dwe mar'acel, dwe ma Abib. 5Aka ka Rwoth okeli win i lowo pa Jokanan, Johiti, Joamor, Johivi, kodi Joyebus, lowo ma mol gi cak kodi mo kic, ma go ociko kwarere mewin nike bino miyo win, wiripo timo kalima me i dwe mar'acel kisi oro. 6Ma ndelo abirio wiripo camo mugat ma buthow, aka i ndelo mar'abirio wobedi kalima ma miyo Rwoth dwoŋ. 7Ma ndelo abirio wikiripi camo mugat m'otimi gi thow, aka wongoye thow kosa mugat m'otimi gi thow ma wonwaŋere iy'adec mewin. 8Aka wititi ri wot win i ndelo no nike witimo gime kwoŋbedo gima Rwoth otimo riwin munyo wiwok i Misir. 9Kalima me bino bedo rapoy, paka gim'otwey i cingi win kosa ruwaŋ win, bino poyo win medo waco cik pa Rwoth, kwoŋbedo Rwoth owodho win wok i Misir gi meni pere madwoŋ. 10Riameno wiripo timo kalima me i hongo mere kisi oro.”

Nyathi makayo

11“Aka ka Rwoth okeli win i lowo pa Jokanan, paka okwoŋere ri kwarere mewin to miyo win, 12#Wok 34:19-20; Luk 2:23wiripo miyo go okayin mewin kodi apa ogwaŋe. Kisi okayo mewin kodi apa ogwaŋe jobedo apa Rwoth. 13To wiripo wilo okayin pa punde mewin gi nyithindhi rombo ma cwo wok bongi Rwoth. Ka wikimiti wilo, tur win ŋuti gin. Wiripo bende nyewo okayin mewin. 14Comoro ka wot win jopenji win gima gime nyutho, dwoki win nike, gi meni madwoŋ Rwoth owodho wan wok i Misir kam'oyido wabedo ŋecin. 15Munyo Farawo okwero weyo wan kadho, Rwoth oneko kisi okayo i Misir, apa ji kiri g'ogwaŋe. Am'omiyo wamiyo Rwoth okayin mawan kiri gi apa ogwaŋe. To okayin mawan wanyewo jo. 16Gime bino bedo rapoy, paka gim'otwey i cingi wan kosa ruwaŋ wan, bino poyo wan nike Rwoth owodho wan wok i Misir gi meni pere madwoŋ.”

Siro ma Pondeponde gi Siro ma mac

17Aka munyo Farawo oweyo Joisiraili kadho, Were k'otelo jo luwo gi yo ma kidho kiri i thengi Filistia makada nende oyido cek. Kole Were owaco ni, “Ji jonyalo wiro paro pajo gik i Misir ka joneni nike jokidho bedo gi lweny.” 18To Were otelo jo luwo gi thim ma Nam M'obokere. Aka Joisiraili oyido joyikere lwenyo.

19 # Cak 50:25; Yos 24:32 Aka Musa otiŋo cokin ma delkwoŋ Yozefu, paka Yozefu oyido ociko jo timo. Yozefu oyido owaco ni, “Ka Were obothi win, wiripo tiŋo cokin paran wok ka.”

20Joisiraili joeye Sukoth to joketho kambi i Etham i thengi thim. 21Aka Rwoth otelo jo gi siro ma pondeponde odieceŋ nyutho jo yo, kodi siro ma mac wor miyo jo lero, ŋey jowonyal woth wor gi odieceŋ. 22Siro ma pondeponde oyido bedo yuwiy gin odieceŋ, aka siro ma mac bedo wor.

Currently Selected:

Wok 13: DHOCDC

Highlight

Copy