Chiinika 2
2
1Naawen a jam weeni Moosis ale Aaron ayen, 2<<Izirali demma a kali gilim Tuka Viuku ate ku yalima maga dega, nidoa meena ale ba dɔkdemma tikti kiri.>>
3Baai ale kali kori geŋka a tuk wenbinni pusika jigini la ka Juda labika ale ba bo dula ba tiktiwa kiri. Juda demma niŋdeerɔwa ale Amminadab biika Nayson. 4Wa labika jam ka tusa pisiyopɔi ale ŋanaansi ale kobsiyuebi (74,600).
5Isaka dɔkku ale ba kali dula. Isaka dɔkku niŋdeerɔwa ale Zuar biika Netanel. 6Wa labika jam ka tusa pisinu ale ŋanaansi ale kobsinaansi (54,400).
7Zebulun dɔkku ale ba kali dula. Zebulun niŋdeerɔwa jam le Yelon biika Eliab. 8Wa labika jam ka tusa pisinu ale ŋayopɔi ale kobsinaansi (57,400).
9Nuru baai meena ale jam kali Juda jigi a ta va ba labika ale ka diila jam ka tusa kook ale pinaanuŋ ale ŋayuebi ale kobsinaansi (186,400). Ba ale dɛ niŋ a cheŋ.
10Yeseoku ale chim ka Aruben labika kabini ale ba kali ba tiktiwa kiri. Sedeur biika Elizur ale Aruben dɔkku niŋdeerɔ. 11Wa labika jam ka tusa pisinaansi ale ŋayuebi ale kobsinu (46,500).
12Simeyon dɔkku ale ba kali dula. Ba niŋdeerɔwa ale Zurisaddai biika Selumiel. 13Wa labika jam ka tusa pisinu ale neok ale kobsita (59,300).
14Gad dɔkku ale ba kali dula. Gad nuruma niŋdeerɔwa ale Deuel biika Eliasaf. 15Wa labika jam ka tusa pisinaansi ale ŋanu ale kobsiyuebi ale pisinu (45,650).
16Nuruma meena ale jam kali ale Aruben la, a ta va ba labika ale ka diila, jam ka tusa kook ale pisinu ale dinyi ale kobsinaansi ale pisinu (151,450). Ba ale ba saari buyewa a cheŋ.
17Tuka Viuku ale Livaima a yaa le bo suŋsuŋ. Ba le nyini ka dila degadega ase ba ale jam ba boka jigini diila, waai meena a bo wa tiktiwa kiri.
18Yeniŋka geŋsa ale chim ka Ɛfraim labika kabini a bo ba tiktiwa kiri. Ɛfraim demma niŋdeerɔwa ale Ammiyud nidoabinni Elisama. 19Wa labika ka tusa pisinaansi ale kobsinu (40,500).
20Manasa dɔkku ale ba kali dula. Bala niŋdeerɔwa ale Pedazur nidoabinni Gamaliil. 21Wa labika ka tusa pisita ale ŋaye ale kobsiye (32,200).
22Benjamin dɔkku ale ba kali dula. Gideoni nidoabinni Abidan ale Benjamin demma niŋdeerɔ. 23Wa labika ka tusa pisita ale ŋanu ale kobsinaansi (35,400).
24Nidoama meena ale jam bo Ɛfraim nisa po la jam ka tusa kook ale naaniŋ ale kook (108,100). Ba ale nyini a cheŋ saari buta.
25Wiilukku geŋsa ale chim ka Dan labika kabini a bo ba tiktiwa kiri. Dan dɔkku nuruma niŋdeerɔwa ale Ammisaddai nidoabinni Ayiezer. 26Wa labika ka tusa pisiyuebi ale ŋaye ale kobsiyopɔi (62,700).
27Asɛ dɔkku nuruma ale ba kali dula, Asɛ dɔkku demma niŋdeerɔwa ale Okran nidoabinni Pagiel. 28Wa labika ka tusa pisinaansi ale dinyi ale kobsinu (41,500).
29Nafitali dɔkku ale ba kali dula. Bala niŋdeerɔwa ale Enan nidoabinni Ayira. 30Wa labika ka tusa pisinu ale ŋata ale kobsinaansi (53,400). 31Nidoama meena ale jam bo Dan dɔkku la jam ka tusa kook ale pisinu ale ŋayopɔi ale kobsiyuebi (157,600). Bala ale ba wari ŋaaŋ a nyini cheŋ a kali ba tiktiwa kiri. 32Izirali demma ale nna ate ba jam chiini a ta va ba dɔkdemma ale ka diila. Baai meena ale jam bo jigi yeŋ a ta va ba labika la jam ka tusa kobsiyuebi ale ŋata ale kobsinu ale pisinu (603,550). 33Livaima ba an jam chiini ba a gum Izirali dem mbala po ase Naawen ale jam weeni Moosis diila.
34Ate Izirali demma a jam nye dii meena ate Naawen a weeni Moosis la. Dila dekdek ate ba jam kali ba tiktima kie la. Nuru meena ale wa yezuk ale wa dɔkdem.
Currently Selected:
Chiinika 2: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation