Jeemsi 4
4
1Ka boa ale soa ate nama kasim a kpaliŋ chaab ale ta daanika ale chaaba? Ni a kpaliŋ chaab ka nidek ale a yaali diila nyiŋ. 2Ni ta kɔrisa ale ŋanta, alege ni kan nya ba. Ka dila ale soa ate ni a ko nuruba. Ni kasim a yaali ka ni vaanchaab ŋanta, alege ni an baga a nya ba. Ka dila ale soa ate ni sue kasim a kpaliŋ chaab la. Ni le kan puusi a bek Wen ayen wa pai te ni la nyiŋ ale soa ate ni kan nya ba. 3Ni ka popola yɔrisima ale ŋan baai ate ni puusi a bek ayen wa pai te ni la. Ka nidek popola baataŋa yaalika nyiŋ ate ni a bek Wen. Ka dila ale soa ate wa kan pai a te ni. 4Nama kaboŋ nyeerisaŋa nna, nama zɛ ayen doata ale tɛŋka po ka dachaani ale Naawen ya? Dila nyiŋ waai ale a yaali ayen wa chim tɛŋka po doa la a chim ka Naawen dachiak. 5Ni kan a poli ayen ba le ŋmarisi dii Wen Gbaŋka po la, ka kinla. Ba ŋmarisi weeni ayen, <<Chiik kaai ate Wen a pai nyo ti nyiŋsaŋa po la, kasim a yaali ka ŋanta.>> 6Alege ŋmante kaai ate Wen pai te ti la, a pagra gaam chiik kaai ate wa pai nyo ti po la kama. Ba ŋman ŋmarisi Wen Gbaŋka po a weeni ayen, <<Wa ŋmani a te baai ale kan ta kanjanta la kama alege kasim ta chaab ale baai ale a nak ba kuusa la.>> (Wamagsima 3:34)
7Dila nyiŋla ni pai nidek meena a te Wen abe ni zɛri jabioku ate wa nyini ni jigi a chali bɛ. 8Ni forisi paari Wen ate wa mɛ forisi paari ni. Nama baai ale ka tuimbaata nyam la, ni nari ni nisima ale waba tii ate ni a nye la. Nama baai ale ka popola buye nyam la, ni sugri ni popola tɔgatɔga ŋaai ale bo ni suiniima po la a basi. 9Ni basi ate ni sue kaasi abe ni a kum. Ni basi ate ni laataŋa mɛ a tagri chim kumsa, abe ni popeentika a chim sui kaasuŋ. 10Ni yik nidek a zuli Naawen ate wa pai ni chim niŋdeerɔba.
11M suata, ni kan a biisi wabaata wie a te chaaba. Baai ale a biisi wabaata wie a te chaab ale a bo chaab buusa la, bala chaab a biisi ka wabaata wie a te Wen Sinsaŋŋa ale a bu ŋa buusa. Nama dan a bu Wen Sinsaŋŋa buusa, ku a sak se ni kan va ŋa kama la. 12Wen nyiini ale a te sinsaŋŋa ale a bo nuruba buusa mɛ. Wala nyiini le baga vari ti a basi, wala nyiini abe le baga a te ti waalika. Ni dan a bo ni suata buusa, nama a poli ayen ni ka bana?
13Ni ba gela kasim a weeni chaab kama ayen, <<Jinla yaase chum, ti le nyiem a cheŋ tɛŋ ka choa a ga bo dula ate ku paari ase ben la a gerim ate ti nya ligra.>> 14Ni be basi ate m weeni sak ni ayen ni zɛ chum ale ta dii cheen la. Ni a nye se ka pik la, ka dan boro saluiku, ku kan beni ale ge ate ka ŋman a bɛ. 15Ku magsi ka ni a weeni ayen, <<Ku dan ka Naawen yaalika, ti le baga a tom ti tuimaŋa.>> 16Yɔgyɔgla de ni ta ka kanjanta ale a nak kuusa. Ni ale a weeni diila an nala. 17Nuru waai ale seba tuimaŋsa tomka, alege a zɛri ŋa tomka la, wa a nye ka wabiok.
Currently Selected:
Jeemsi 4: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Jeemsi 4
4
1Ka boa ale soa ate nama kasim a kpaliŋ chaab ale ta daanika ale chaaba? Ni a kpaliŋ chaab ka nidek ale a yaali diila nyiŋ. 2Ni ta kɔrisa ale ŋanta, alege ni kan nya ba. Ka dila ale soa ate ni a ko nuruba. Ni kasim a yaali ka ni vaanchaab ŋanta, alege ni an baga a nya ba. Ka dila ale soa ate ni sue kasim a kpaliŋ chaab la. Ni le kan puusi a bek Wen ayen wa pai te ni la nyiŋ ale soa ate ni kan nya ba. 3Ni ka popola yɔrisima ale ŋan baai ate ni puusi a bek ayen wa pai te ni la. Ka nidek popola baataŋa yaalika nyiŋ ate ni a bek Wen. Ka dila ale soa ate wa kan pai a te ni. 4Nama kaboŋ nyeerisaŋa nna, nama zɛ ayen doata ale tɛŋka po ka dachaani ale Naawen ya? Dila nyiŋ waai ale a yaali ayen wa chim tɛŋka po doa la a chim ka Naawen dachiak. 5Ni kan a poli ayen ba le ŋmarisi dii Wen Gbaŋka po la, ka kinla. Ba ŋmarisi weeni ayen, <<Chiik kaai ate Wen a pai nyo ti nyiŋsaŋa po la, kasim a yaali ka ŋanta.>> 6Alege ŋmante kaai ate Wen pai te ti la, a pagra gaam chiik kaai ate wa pai nyo ti po la kama. Ba ŋman ŋmarisi Wen Gbaŋka po a weeni ayen, <<Wa ŋmani a te baai ale kan ta kanjanta la kama alege kasim ta chaab ale baai ale a nak ba kuusa la.>> (Wamagsima 3:34)
7Dila nyiŋla ni pai nidek meena a te Wen abe ni zɛri jabioku ate wa nyini ni jigi a chali bɛ. 8Ni forisi paari Wen ate wa mɛ forisi paari ni. Nama baai ale ka tuimbaata nyam la, ni nari ni nisima ale waba tii ate ni a nye la. Nama baai ale ka popola buye nyam la, ni sugri ni popola tɔgatɔga ŋaai ale bo ni suiniima po la a basi. 9Ni basi ate ni sue kaasi abe ni a kum. Ni basi ate ni laataŋa mɛ a tagri chim kumsa, abe ni popeentika a chim sui kaasuŋ. 10Ni yik nidek a zuli Naawen ate wa pai ni chim niŋdeerɔba.
11M suata, ni kan a biisi wabaata wie a te chaaba. Baai ale a biisi wabaata wie a te chaab ale a bo chaab buusa la, bala chaab a biisi ka wabaata wie a te Wen Sinsaŋŋa ale a bu ŋa buusa. Nama dan a bu Wen Sinsaŋŋa buusa, ku a sak se ni kan va ŋa kama la. 12Wen nyiini ale a te sinsaŋŋa ale a bo nuruba buusa mɛ. Wala nyiini le baga vari ti a basi, wala nyiini abe le baga a te ti waalika. Ni dan a bo ni suata buusa, nama a poli ayen ni ka bana?
13Ni ba gela kasim a weeni chaab kama ayen, <<Jinla yaase chum, ti le nyiem a cheŋ tɛŋ ka choa a ga bo dula ate ku paari ase ben la a gerim ate ti nya ligra.>> 14Ni be basi ate m weeni sak ni ayen ni zɛ chum ale ta dii cheen la. Ni a nye se ka pik la, ka dan boro saluiku, ku kan beni ale ge ate ka ŋman a bɛ. 15Ku magsi ka ni a weeni ayen, <<Ku dan ka Naawen yaalika, ti le baga a tom ti tuimaŋa.>> 16Yɔgyɔgla de ni ta ka kanjanta ale a nak kuusa. Ni ale a weeni diila an nala. 17Nuru waai ale seba tuimaŋsa tomka, alege a zɛri ŋa tomka la, wa a nye ka wabiok.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation