Yiburu 13
13
1Ni kasim ta yaalika ale chaab ase Kirisita bisa la. 2Ni a teeri ate ni siak a tuesi nicham ni yeeŋa. Nuruba gela jam nye dila kama a yaa maa tuesi Wen maarɔba alege zɛ ayen ba ka Wen maarɔba. 3Ni a teeri baai mɛ ale bo likka diina po la wie, ase nama mɛ maa bo ka likka diinaŋa po ale ba la. Ni a teeri baai mɛ ale a nam la ase nama mɛ maari a nam kama la. 4Waai meena a magsi wa a zuli faarika ale yalika. Ba kan taŋ ba gaduokku. Chorɔba ale pooba a magsi ba ta wensie ale chaab. Wen ale bo baai ale kan yali yaase ba faari ale bobi chaab a goa yaase kaboŋ nyeerisa buusa. 5Ni kan basi ate ni nyeboka ale ni popola meena a kasim bo ligra yaalika po, alege, ku a fɛ kama ayen ni basi ate ni sue peenti ale ni ale ta ŋan baai la. Wen weeni ayen, <<Mi kan basi ni diipo diipo, M be kan zɛri ni diipo diipo.>> (Teerika 31:8) 6Dila nyiŋla, ni be basi ate ti nyini peelim a weeni ale suipeentik ayen, <<Naawen ka mi maarɔ, dila nyiŋ m kan chali yɔgsummoa. Be ka wana le baga mu wari a nye?>> (Yiila 118:6)
7Ni teeri ni kpaŋŋa baai ale biisi Wen wanni a sak ni la. Ni poli nya ba nyeboka ale jam ta dii a jam alege ate ba yaa kpi la, ate ni tomsi ba siaka ale jam ka diila. 8Yeezu Kirisita ka dila a ta nyini diem ale jinla ale daaŋa meena wuu. Wa kan maari a tagri diipo diipo. 9Ni kan basi ate sinsak kperikaliisa meena tɔgatɔga a nye ate ni basi suik maŋka vaka. Ku nala kama ate ti tuesi Wen tiirim buui le bu basi ate ti suiniimaŋa pagra ŋmanteka nyiŋ la. Daa ti nin a va ŋandiinta kisita ale ti suiniimaŋa ta pagrimoa. Baai ale a va sinsaŋŋa de chaama la, an diem nya maarika ŋa po. 10Kaabteerɔma ale a tom viuku po la a ka suik a dɛ ŋan baai ale dua kuŋkuŋku zuk la. 11Kaabteerɔ kpioŋku a ta ka duŋsaŋa ziimu a jo jigi dii ale ta tuilum la a nye kaabka wabaata nyiŋ, alege duŋsaŋa ba a ju ka peelim.#13:11 Kaabka 16:27 12Kude nyiŋ Yeezu yaa kpi tɛŋka peelim, ayen wa baga a soti nuruma biem po ale wadek ziimu. 13Dila nyiŋla, ni basi ate ti nyini nuruma boka jigini nakpiaka ase wa ale nye diila a maa nya chivie wa nyiŋ. 14Dii nyiŋla, tɛŋzuk de daa tɛŋ kaai ate ti le boro taam wuu la, ti ta yiila a limisi ka tɛŋ kaai ate ti le nya chum diipo la.
15Dila nyiŋla, ni basi ate ti kasim pai pimpauk ase tama mɛ kaabka la a ta va Yeezu jigi a te Wen. Pimpaukku de, ti pai ka ti noa a weeni ate ku a nyini peelim ayen wa ka ti Nyɔnɔ Yeezu Kirisita. 16Ni kan baŋ ate ni a tom wamaŋsa a te nuruba abe ni pai ŋan baai ate ni ta la a chari chaab, dii nyiŋla, wieŋa de a nye ase ka kaabka la a te Wen ate wa sui a peenti.
17Ni a zuli ni kpaŋŋa noa ale dii meena wuu ate ba a weeni ni la. Ba kasim a nya ni zuk kama daa meena, dii nyiŋla, Wen le bek ba kama ase ba ale a nya ni zuk ate dii ale dii nye la. Ni be dan a te ba zula, ba a tom ba tuimaŋa ale ka suipeentik. Kan daa di, ba a tom ale ka sui kaasima. Dila be kan maari ni.
18Ni kasim a puusi Wen a te ti. Tama dek seba chak kama ti popola po ayen ti an nye wari kaasiya, dii nyiŋla, ti a yaali kama ayen ti kasim a tom a va ku suiku diipo meena wuu. 19M be a saalim ni ale ka ninmuna ayen, ni puusi Wen ate wa basi ate m pilim ŋman jam ni jigi yɔgyɔgla.
20Yɔgyɔgla de suiyɔgni Wenni waai ale nak piisaŋa Naapeerik Kpioŋku a yiti kum po nɔiyeŋ kaai ale kaa kpeglim la ziimu nyiŋ la, wala ka ti Nyɔnɔwa Yeezu, 21m be a puusi a te wa kama ayen wa le va Yeezu Kirisita nyiŋ a te ni jamaŋ meena ate ni a yaali ale ninmuna la ate ni baga a tom wa ale a yaali diila. Mi a puusi kama ayen wa nye ate ti meena chim nuru baai chaab ale a nye ate wa sui a peenti la. Dii nyiŋla, nya kude a basi kama ate Yeezu Kirisita a nya zula taam wuu. Ku be nye dila.
22M suata, mi a saalim kama ayen ni lak tue nalimnyiini ale chichiiba a wom tuntomika de ate m weeni a deŋsi ni kpa la, dii nyiŋla, gbaŋka de ate m ŋmarisi a te ni la, an wɔŋa gaam taam ya. 23Mi a yaali ayen m weeni a sak ni kama ayen ba lak ti suoku Timoti likka dɔk po a basi kama. Wa dan jam nwuli, ate m cheena, m le ta wa maa jam kama. 24Puusi ni kpaŋŋa meena ale Wen nuruma meena te ti. Ti suataŋa baai ale nyini Itali tɛŋka a maa bo ale ti la, a puusi ni.
25Naawen ŋmanteka a bo ale ni meena.
Currently Selected:
Yiburu 13: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Yiburu 13
13
1Ni kasim ta yaalika ale chaab ase Kirisita bisa la. 2Ni a teeri ate ni siak a tuesi nicham ni yeeŋa. Nuruba gela jam nye dila kama a yaa maa tuesi Wen maarɔba alege zɛ ayen ba ka Wen maarɔba. 3Ni a teeri baai mɛ ale bo likka diina po la wie, ase nama mɛ maa bo ka likka diinaŋa po ale ba la. Ni a teeri baai mɛ ale a nam la ase nama mɛ maari a nam kama la. 4Waai meena a magsi wa a zuli faarika ale yalika. Ba kan taŋ ba gaduokku. Chorɔba ale pooba a magsi ba ta wensie ale chaab. Wen ale bo baai ale kan yali yaase ba faari ale bobi chaab a goa yaase kaboŋ nyeerisa buusa. 5Ni kan basi ate ni nyeboka ale ni popola meena a kasim bo ligra yaalika po, alege, ku a fɛ kama ayen ni basi ate ni sue peenti ale ni ale ta ŋan baai la. Wen weeni ayen, <<Mi kan basi ni diipo diipo, M be kan zɛri ni diipo diipo.>> (Teerika 31:8) 6Dila nyiŋla, ni be basi ate ti nyini peelim a weeni ale suipeentik ayen, <<Naawen ka mi maarɔ, dila nyiŋ m kan chali yɔgsummoa. Be ka wana le baga mu wari a nye?>> (Yiila 118:6)
7Ni teeri ni kpaŋŋa baai ale biisi Wen wanni a sak ni la. Ni poli nya ba nyeboka ale jam ta dii a jam alege ate ba yaa kpi la, ate ni tomsi ba siaka ale jam ka diila. 8Yeezu Kirisita ka dila a ta nyini diem ale jinla ale daaŋa meena wuu. Wa kan maari a tagri diipo diipo. 9Ni kan basi ate sinsak kperikaliisa meena tɔgatɔga a nye ate ni basi suik maŋka vaka. Ku nala kama ate ti tuesi Wen tiirim buui le bu basi ate ti suiniimaŋa pagra ŋmanteka nyiŋ la. Daa ti nin a va ŋandiinta kisita ale ti suiniimaŋa ta pagrimoa. Baai ale a va sinsaŋŋa de chaama la, an diem nya maarika ŋa po. 10Kaabteerɔma ale a tom viuku po la a ka suik a dɛ ŋan baai ale dua kuŋkuŋku zuk la. 11Kaabteerɔ kpioŋku a ta ka duŋsaŋa ziimu a jo jigi dii ale ta tuilum la a nye kaabka wabaata nyiŋ, alege duŋsaŋa ba a ju ka peelim.#13:11 Kaabka 16:27 12Kude nyiŋ Yeezu yaa kpi tɛŋka peelim, ayen wa baga a soti nuruma biem po ale wadek ziimu. 13Dila nyiŋla, ni basi ate ti nyini nuruma boka jigini nakpiaka ase wa ale nye diila a maa nya chivie wa nyiŋ. 14Dii nyiŋla, tɛŋzuk de daa tɛŋ kaai ate ti le boro taam wuu la, ti ta yiila a limisi ka tɛŋ kaai ate ti le nya chum diipo la.
15Dila nyiŋla, ni basi ate ti kasim pai pimpauk ase tama mɛ kaabka la a ta va Yeezu jigi a te Wen. Pimpaukku de, ti pai ka ti noa a weeni ate ku a nyini peelim ayen wa ka ti Nyɔnɔ Yeezu Kirisita. 16Ni kan baŋ ate ni a tom wamaŋsa a te nuruba abe ni pai ŋan baai ate ni ta la a chari chaab, dii nyiŋla, wieŋa de a nye ase ka kaabka la a te Wen ate wa sui a peenti.
17Ni a zuli ni kpaŋŋa noa ale dii meena wuu ate ba a weeni ni la. Ba kasim a nya ni zuk kama daa meena, dii nyiŋla, Wen le bek ba kama ase ba ale a nya ni zuk ate dii ale dii nye la. Ni be dan a te ba zula, ba a tom ba tuimaŋa ale ka suipeentik. Kan daa di, ba a tom ale ka sui kaasima. Dila be kan maari ni.
18Ni kasim a puusi Wen a te ti. Tama dek seba chak kama ti popola po ayen ti an nye wari kaasiya, dii nyiŋla, ti a yaali kama ayen ti kasim a tom a va ku suiku diipo meena wuu. 19M be a saalim ni ale ka ninmuna ayen, ni puusi Wen ate wa basi ate m pilim ŋman jam ni jigi yɔgyɔgla.
20Yɔgyɔgla de suiyɔgni Wenni waai ale nak piisaŋa Naapeerik Kpioŋku a yiti kum po nɔiyeŋ kaai ale kaa kpeglim la ziimu nyiŋ la, wala ka ti Nyɔnɔwa Yeezu, 21m be a puusi a te wa kama ayen wa le va Yeezu Kirisita nyiŋ a te ni jamaŋ meena ate ni a yaali ale ninmuna la ate ni baga a tom wa ale a yaali diila. Mi a puusi kama ayen wa nye ate ti meena chim nuru baai chaab ale a nye ate wa sui a peenti la. Dii nyiŋla, nya kude a basi kama ate Yeezu Kirisita a nya zula taam wuu. Ku be nye dila.
22M suata, mi a saalim kama ayen ni lak tue nalimnyiini ale chichiiba a wom tuntomika de ate m weeni a deŋsi ni kpa la, dii nyiŋla, gbaŋka de ate m ŋmarisi a te ni la, an wɔŋa gaam taam ya. 23Mi a yaali ayen m weeni a sak ni kama ayen ba lak ti suoku Timoti likka dɔk po a basi kama. Wa dan jam nwuli, ate m cheena, m le ta wa maa jam kama. 24Puusi ni kpaŋŋa meena ale Wen nuruma meena te ti. Ti suataŋa baai ale nyini Itali tɛŋka a maa bo ale ti la, a puusi ni.
25Naawen ŋmanteka a bo ale ni meena.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation