Уэрэд 40
40
40-нэ Уэрэд
ЦӀыху сымаджэм и тхьэлъэӀу
1УэрэдыӀуэхэмрэ пшынауэхэмрэ я пашэм папщӀэ. Даут и уэрэд
2Гъуэгу махуэ теуващ тхьэмыщкӀэм
хуэгумащӀэр.
Махуаем ар хишыжынщ Зиусхьэным.
3Зиусхьэным ар къихъумэнщ,
псэууэ къигъэнэнщ.
ЩӀыгум ар щынасыпыфӀэнщ.
И бийхэм я Ӏэ ирилъхьэнкъым ар.
4Узым щиубыдкӀэ,
гуащӀэ къритынщ Зиусхьэным.
Сымаджэ хъумэ, Абы игъэхъужынщ.
5Сэ жысӀащ: Зиусхьэн! ГущӀэгъу къысхуэщӀ,
сыгъэхъужь,
сэ Уи пащхьэ гуэныхь щызлэжьащ.
6Ӏей къысхужаӀэ си бийхэм:
«Мыр щылӀэнур, и цӀэ щыкӀуэдыжынур дапщэщ?»
7Силъагъун фӀэигъуэу зыгуэр къысхуэкӀуэмэ,
пщӀэ зимыӀэ псалъэ жеӀэ:
игу хъыбар Ӏейхэр еӀуатэ,
щӀэкӀыжмэ, ар цӀыхум яхуеӀуэтэж.
8ЗэкӀэ сызылъагъу мыхъухэр
си нэщӀыбагъкӀэ щоӀущащэ,
Бзаджагъэ къызащӀэну ягу иралъхьэ.
9ЖаӀэ: зыгъэлӀэн уз къеуэлӀащ абы,
ар къэтэджыжынукъым.
10Нэхъ сызыщыгугъ си ныбжьэгъуу
си шыгъупӀастэ зыдэзгуэшауэ щытам
и щӀыб къысхуигъазэри, бий къысхуэхъуащ.
11Ауэ, Уэ Зиусхьэн, гущӀэгъу къысхуэщӀ,
сыкъызэфӀэгъэувэжи,
абыхэм яхуэфащэр ялъызгъэсынщ.
12НэфӀкӀэ укъызэрызэплъыр къызегъащӀэ
си бийр къызэрыстемыкӀуэм.
13Сызэрыхейм папщӀэ Уэ сыпӀыгъщ,
Уи пащхьэ игъащӀэкӀэ сибгъэуващ.
14ЩӀэблэ зэкӀэлъыкӀуэхэм я щытхъур ейщ
Зиусхьэным,
Израилым и Тхьэм! Ӏэмин, Ӏэмин!
Currently Selected:
Уэрэд 40: KbdNTGP2017
Highlight
Copy
Compare
Share
Want to have your highlights saved across all your devices? Sign up or sign in
© Библиер зэдзэкӀыным елжь Институт, 1993, 2007, 2011, 2017
