Mark Mɨ̀nwùə̀ a nɨ zhyə̂ amwuə àŋwàʼnə̀ zə̀
Mɨ̀nwùə̀ a nɨ zhyə̂ amwuə àŋwàʼnə̀ zə̀
Àŋwàʼnə̀ zə̀ la à lə̀ ŋwàʼnə̀ Jònə Mark nɨ à lə̀ pənə môngwàswùumə̀, mbə ŋwùə̀ pɨ̀Jew nɨ pɨ shwəŋə̀nə mbə̀ʼə e amwuə àŋwàʼnə̀ ɨ̀fàʼà ngàŋə ntwuumə̀ Kristù (12.12). Ntwuumə̀ ghù ɨ̀shìʼnə̀ nɨ Mark à lə̀ ŋwàʼnə̀nə la ɨ nèrə̀ a Yěsû tsaʼa ŋònə̀ nɨ à mənə nfàʼà nkɨ mmə ngɨ̀rə̀ mɨ̀nwùə̀ mɨ̀tsùmə̀ nɨ ɨ̀tɨ̀ŋnə̀. Mark à ŋwàʼnə̀ nɨkerə nɨ Yěsû amwuə àlàŋə àghuʼtə̀ nɨ a ghɨ̀rə̀nə pɨ zəənə̀ ɨ̀fàʼà ɨ̀pe nɨ à lə̀ mənə nfàʼà tsaʼa ngàŋə̀ àfàʼà ntsàarə̀ a nɨ pə tsaʼa ɨ̀nèrə̀ ɨ̀nwùə̀. Àŋwàʼnə̀ zə̀ a shwəŋə̀ tsaʼnə Yěsû à zəənə̀nə ngəʼə̀, pɨ kẅùumə̀ e aŋunə àtɨ̀ghə pànkə̀nə, nkɨ ntẅəŋə̀ e, a kɨ nzhwuumə̀ a nɨ̀wɨghə̀.
Lə̌ tsaʼnə pɨ ghàpə̀nə àŋwàʼnə̀ zə̀
Nɨ̀pìʼnə̀nə ntwuumə̀ ghù ɨ̀shìʼnə̀ wa 1.1-13
Àfàʼà Yěsû a Galìlyə̂ 1.14–9.50
Nɨ̀furə̀ a Galìlyə̂ nkoʼò ndèrə̀ a Yèrusalèmə̀ 10.1-50
Ndẅùə̀ndzùmə̀ ngàbə̀ nɨ Yěsû à lə̀ fàʼnə a Yèrusalèmə̀ farə a nɨ̀pwùnə Yèrusalèmə̀ 11.1-15; 47
Tsaʼnə Yěsû à lə̀ zhwuumə̀nə a nɨ̀wɨghə̀ 16.1-8
Tsaʼnə Ndòʼnə̀mbyə̂ à lə̀ nèrə̀nə ɨ̀pɨ̀ŋmə̀ e ambo pə̀ənə̀ nkoʼò ndèrə̀ a nɨ̀pwuurə̀ 16.9-20
Currently Selected:
Mark Mɨ̀nwùə̀ a nɨ zhyə̂ amwuə àŋwàʼnə̀ zə̀: pny
Highlight
Share
Copy
Want to have your highlights saved across all your devices? Sign up or sign in
© 2017, Cameroon Association for Bible Translation and Literacy