Kwɑn THYËRØ
THYËRØ
Wɑ̈nyi Kwɑn kööb ɑ ri wɑ́ji tyëng Isrɑil ki runn pyɑ̈r ɑ́ngwen møg-ɑ ɑ́mɑg yi gen, cɑg kì ri dhwönhi gen kì Kïti Sinɑy gïti kɑ ɑ́wɑ̈dhi gen wïj keew piny-ɑ ɑ́muuj cøn yi Jwøk kì wɑɑng cyɑ̈ɑ̈ng mwøl. Nyingi wɑ̈nyɑni ɑ́kwɑny-ɑ ri kwøbb-ɑ per gen teg kì yethi wɑ́j-ɑ yije, ɑ løg kwɑni jii Isrɑil, kwɑn-ɑ ɑ́kwɑɑn gen yi Mosɑ̀ kì Kïti Sinɑy, kí kwɑn-ɑ ɑ́cigi gen kwɑnø kì Moɑb kì kömi Nɑm Urdun kì wɑɑng cyɑ̈ɑ̈ng mwøl, kì yij rïny-ɑ kyeelø. Kì kɑɑm kwɑni tyeli mɑl geki kwɑni cyɑ̈n, tyëng Isrɑil ɑ́kedhi Gɑdic Berniyɑ̀ kì wïj keew piny Kɑnɑɑn, kì wɑɑng wurlwɑl, de ge ɑ́dhɑl yi kedhi piny-ɑ ɑ́muuj cøn kì kunɑni. Ge ɑ́bëëd ki runn mø gïïr kì kenyɑni, codhe ɑkedhi gen kömi Nɑm Urdun kì wɑɑng cyɑ̈ɑ̈ng mwøl. Kɑ kwï ji pëgg-ɑ piny kì kenyɑni, de møøgø ɑ́bëëd ri gen gwiir gen kipe kedhi løøg nɑm, piny Kɑnɑɑn.
Kwɑn bɑ wɑ̈nyø me wɑj wɑ́ji ji-ɑ ɑ́lyebbi, ge óböggø yi bëëdi orɑng; ji-ɑ ɑ́pyem dhø Jwøk geki Mosɑ̀ jɑl-ɑ ɑ́kwɑny yi en o pyejje gen. Bɑ wɑ́ji Jwøk ɑ nyi mïdhi könge, kɑ jie nyi korre ceth, ngö muddi gen teeg, o pëthi gen nyødh, o ge pëddi pëëmø. Wɑ̈nyɑni thyew, wɑj-ɑ kwøbbi Mosɑ̀ kɑ ɑ́cunge kì kömi jie, e mɑɑr-ɑ Jwøk kí ji, cɑgg e nyi dhɑl yi mɑgi pyëwe cyɑ̈ng møøgø yøw.
Møg-ɑ Tyëmø
Gwiri Tyëng Isrɑil Kwøbbi Dhwödhø kì Sinɑy 1.1–9.23
1. Kwɑni Tyeli Mɑl 1.1–4.49
2. Cigg Mø Bɑ̈nni 5.1–8.26
3. Ryeew Kwëër Ákɑɑdh (Pisɑ̀) 9.1-23
Cɑg kì Kïti Sinɑy gïti Moɑb 10.1–21.35
Gïg-ɑ Ácwöb kì Moɑb 22.1–32.42
Kwøbbi Wel Cɑg ki Rïp gïti Moɑb 33.1-49
Cigg-ɑ Ámuuj e Nɑm Urdun Nuti Bɑ̈ɑ̈nø 33.50–36.13
Currently Selected:
Kwɑn THYËRØ: shkDCB
Highlight
Copy
Compare
Share
Want to have your highlights saved across all your devices? Sign up or sign in
Shilluk DC Bible © Bible Society in South Sudan, 2011.