Kwɑn 7
7
Gïg-ɑ Ámëggi Jwøng-ɑ Ácwɑ̈ɑ̈j yi Jɑgg
1Cyɑ̈ng-ɑ ɑ́rum Mosɑ̀ ki cwöödhi kemi kwëër Jwøng-ɑ Ácwɑ̈ɑ̈j piny, gø ɑ́gïïnye ki møøw dhetun geki jɑmme bënn, kí jɑmmi këli lɑm, kɑ gï thyeye bënn. 2Codhe, kɑ jø wɑ̈thi kɑ̈llì, ɑ ɑ́bëëd gɑ jɑgg kì Isrɑil, jøg-ɑ ɑ́cungi kì kömi kwɑni ji, 3ókɑ̈nø ki gïg muuj gen Jwøng-ɑ Ácwɑ̈ɑ̈j, ge ɑ́kɑ̈ɑ̈l-ɑ yɑ̈th-ɑ nyi pyejji gɑ ɑ́bïkyel, kí wɑ̈dhh-ɑ pyejji gen gɑ pyɑ̈rø wïdɑ́ryew. Jɑgg ɑ́ryew kì kömi yɑ̈y ɑ́kyel, o jɑgø ɑ́muuj-ɑ wɑdh ɑ́kyel. 4Aköbbi Mosɑ̀ yi Jwøng-ɑ Ácwɑ̈ɑ̈j kinni, 5“Kwɑny gïgɑni kipe gwøng-ɑ nyi gwøg kì Kemi Kwër. Mëggí gen Kwɑrri Leebì, yï ködd-ɑ kömi gïg-ɑ nyi gwøg yi gen.” 6Codhe, kɑ wɑ̈dhh geki yɑ̈ɑ̈th mëggi Kwɑrri Leebì yi Mosɑ̀. 7Gøl Gercön ɑ́mëgge yɑ̈ɑ̈th ɑ́ryew, kí wɑ̈dhh ɑ́ngwen. 8Kɑ gøl Merɑrì wɑ̈d Aɑron mëgge yɑ̈ɑ̈th ɑ́ngwen kí wɑ̈dhh ɑ́bïdɑ̈g 9De gøl Kɑ̈ɑ̈th nuti nëngø yi Mosɑ̀ ki yɑ̈ɑ̈th wɑlɑ̀ wɑ̈dhh, mɑ́ jɑmmi kwër møg-ɑ mïdhi yi gen nyi byel ɑ wɑ̈thi tøg.
10Pëjjɑni ɑ́kɑ̈ni thyew ki gïg-ɑ thyeey këli lɑm. Keny-ɑ ɑ́wɑ̈nhi jɑmmɑni bøli këli lɑm, 11ɑköbbi Mosɑ̀ yi Jwøng-ɑ Ácwɑ̈ɑ̈j kinni, “Köbbí gen kinni, ki cyɑ̈ng pyɑ̈rø wïdɑ́ryew, bɑ jɑgø ɑ́kyel ɑ nyi muujø kì cyɑ̈ng ɑ́kyel ki jɑmme kì këli lɑm.”
12-83Kɑ cyɑ̈nggi muujø mi gen lwøb gen kinni:
| Cyɑ̈ng | Kɑl | Jɑgø |
|---|---|---|
| Cyɑ̈ng-ɑ mɑl | Yeudɑ̀ | Nɑkcön wɑ̈d Aminɑdɑb |
| Ryeew cyɑ̈ng | Isɑkɑr | Nethɑnel wɑ̈d Dhuɑr |
| Dɑ̈ɑ̈g cyɑ̈ng | Dhebulun | Eliɑb wɑ̈d Kelön |
| Ngween cyɑ̈ng | Ruben | Elidhur wɑ̈d Cedeur |
| Bïïj cyɑ̈ng | Cimeøn | Celumeil wɑ̈d Dhuricɑdɑy |
| Bïkyeel cyɑ̈ng | Gɑd | Eliɑsɑp wɑ̈d Deuel |
| Bïryeew Cyɑ̈ng | Eprɑim | Elicɑmɑ̀ wɑ̈d Amiud |
| Bïdɑ̈ɑ̈g cyɑ̈ng | Mɑnɑsè | Gɑmɑliel wɑ̈d Pedɑdhur |
| Bïngween cyɑ̈ng | Ben Yɑmïn | Abidɑn wɑ̈d Gideonì |
| Pyɑ̈ri Cyɑ̈ng | Dɑn | Akiedher wɑ̈d Amicɑdɑy |
| Pyɑ̈rø wïdɑ́kyel cyɑ̈ng | Aceer | Pɑgiel wɑ̈d Okrɑn |
| Pyɑ̈rø wïdɑ́ryew cyɑ̈ng | Nɑptɑlì | Akirɑ̀ wɑ̈d Enɑn |
Jɑmm-ɑ ɑ́kɑ̈ɑ̈l yi gen bënn pɑ̈r kinni tïp; jɑgø ɑ́kyel ɑ́kɑ̈ɑ̈l-ɑ, tɑbi ɑ́tegø ɑ́kyel, kɑ̀ rømii gwøg-ɑ kïlø ɑ́kyel kí budi kïlø. Kí óthɑ̈ngi ɑ́tegø ɑ́kyel, kɑ̀ rømii gwøg-ɑ grɑmm miy ɑ́bïdɑ̈g ki rum-ɑ bɑ ɑyïëy kì kej kwër, ge ɑ́kɑ̈ɑ̈l ge pɑ̈ng gɑ ɑ́ryew bënn yi møng-ɑ búr me bɑ ɑnyöm ki møøw dhetun. Kí tɑbi dhɑb ɑ́kyel, kɑ̀ rømii gwøg-ɑ grɑmm miyø kí pyɑ̈rø, e pɑ̈ng yi bɑkur, kí wɑdh ówöb, kí órömø ɑ́kyel me dwøng, kí órömø me thinh rune ɑ́kyel men gwøg ɑ́ gënh-ɑ nyi rɑ̈b bëne, kí ónywøg ɑ́kyel men gwøg ɑ́ gënhi orøg, kí wɑ̈dhh ɑ́ryew, kí órömm ɑ́bïkyel møg døngø, kí ónyögg ɑ́bïkyel, kí órömm mø thønhø runi gen ɑ́kyel møg muuj bënn gɑ gënhi mër.
84-88Kwɑnni jɑmm-ɑ ɑ́kɑ̈ɑ̈l yi jɑggɑni gɑ pyɑ̈rø wïdɑ́ryew, gɑ møg thyeey Kengø, kɑ̀ reb gen bënn bɑ
- tɑ̈mmi dhɑb pyɑ̈rø wïdɑ́ryew, kí óthɑ̈ggi ɑ́tegø pyɑ̈rø wïdɑ́ryew, kɑ̀ røm gen ge bɑ kïllì 27.6
- óthɑ̈ggi dhɑb pyɑ̈rø wïdɑ́ryew, ge pɑ̈ng yi bɑkur, kɑ̀ røm gen, ge bɑ kïlø 1.32
- wɑ̈dhh pyɑ̈rø wïdɑ́ryew, kí órömm pyɑ̈rø wïdɑ́ryew, kí órömm-ɑ thønhø runi gen ɑ́kyel, gɑ pyɑ̈rø wïdɑ́ryew møg gwøg gɑ gënh-ɑ nyi rɑ̈b bëne, kí gïncɑm.
- ónyögg pyɑ̈rø wïdɑ́ryew møg gwøg gɑ gëdhhi orøg.
- wɑ̈dhh pyɑ̈r ɑ́ryew wïdɑ́ngwen, kí órömm pyɑ̈r ɑ́bïkyel, kí ónyögg pyɑ̈r ɑ́bïngwen, kí órömm-ɑ thønhø runi gen ɑ́kyel gɑ pyɑ̈r ɑ́bïj møg gwøg gɑ gënhi mër.
89Keny-ɑ ɑ́kedhi Mosɑ̀ yij Kemi Kwër be kwøb ki Jwøng-ɑ Ácwɑ̈ɑ̈j, cwɑggi Jwøng-ɑ Ácwɑ̈ɑ̈j ɑ́lïngi yi en ge kɑ̈ɑ̈l-ɑ kömi kum Sɑnduug Cigg kì kɑɑm kerobb ryeet.
Currently Selected:
Kwɑn 7: shkDCB
Highlight
Copy
Compare
Share
Want to have your highlights saved across all your devices? Sign up or sign in
Shilluk DC Bible © Bible Society in South Sudan, 2011.
Kwɑn 7
7
Gïg-ɑ Ámëggi Jwøng-ɑ Ácwɑ̈ɑ̈j yi Jɑgg
1Cyɑ̈ng-ɑ ɑ́rum Mosɑ̀ ki cwöödhi kemi kwëër Jwøng-ɑ Ácwɑ̈ɑ̈j piny, gø ɑ́gïïnye ki møøw dhetun geki jɑmme bënn, kí jɑmmi këli lɑm, kɑ gï thyeye bënn. 2Codhe, kɑ jø wɑ̈thi kɑ̈llì, ɑ ɑ́bëëd gɑ jɑgg kì Isrɑil, jøg-ɑ ɑ́cungi kì kömi kwɑni ji, 3ókɑ̈nø ki gïg muuj gen Jwøng-ɑ Ácwɑ̈ɑ̈j, ge ɑ́kɑ̈ɑ̈l-ɑ yɑ̈th-ɑ nyi pyejji gɑ ɑ́bïkyel, kí wɑ̈dhh-ɑ pyejji gen gɑ pyɑ̈rø wïdɑ́ryew. Jɑgg ɑ́ryew kì kömi yɑ̈y ɑ́kyel, o jɑgø ɑ́muuj-ɑ wɑdh ɑ́kyel. 4Aköbbi Mosɑ̀ yi Jwøng-ɑ Ácwɑ̈ɑ̈j kinni, 5“Kwɑny gïgɑni kipe gwøng-ɑ nyi gwøg kì Kemi Kwër. Mëggí gen Kwɑrri Leebì, yï ködd-ɑ kömi gïg-ɑ nyi gwøg yi gen.” 6Codhe, kɑ wɑ̈dhh geki yɑ̈ɑ̈th mëggi Kwɑrri Leebì yi Mosɑ̀. 7Gøl Gercön ɑ́mëgge yɑ̈ɑ̈th ɑ́ryew, kí wɑ̈dhh ɑ́ngwen. 8Kɑ gøl Merɑrì wɑ̈d Aɑron mëgge yɑ̈ɑ̈th ɑ́ngwen kí wɑ̈dhh ɑ́bïdɑ̈g 9De gøl Kɑ̈ɑ̈th nuti nëngø yi Mosɑ̀ ki yɑ̈ɑ̈th wɑlɑ̀ wɑ̈dhh, mɑ́ jɑmmi kwër møg-ɑ mïdhi yi gen nyi byel ɑ wɑ̈thi tøg.
10Pëjjɑni ɑ́kɑ̈ni thyew ki gïg-ɑ thyeey këli lɑm. Keny-ɑ ɑ́wɑ̈nhi jɑmmɑni bøli këli lɑm, 11ɑköbbi Mosɑ̀ yi Jwøng-ɑ Ácwɑ̈ɑ̈j kinni, “Köbbí gen kinni, ki cyɑ̈ng pyɑ̈rø wïdɑ́ryew, bɑ jɑgø ɑ́kyel ɑ nyi muujø kì cyɑ̈ng ɑ́kyel ki jɑmme kì këli lɑm.”
12-83Kɑ cyɑ̈nggi muujø mi gen lwøb gen kinni:
| Cyɑ̈ng | Kɑl | Jɑgø |
|---|---|---|
| Cyɑ̈ng-ɑ mɑl | Yeudɑ̀ | Nɑkcön wɑ̈d Aminɑdɑb |
| Ryeew cyɑ̈ng | Isɑkɑr | Nethɑnel wɑ̈d Dhuɑr |
| Dɑ̈ɑ̈g cyɑ̈ng | Dhebulun | Eliɑb wɑ̈d Kelön |
| Ngween cyɑ̈ng | Ruben | Elidhur wɑ̈d Cedeur |
| Bïïj cyɑ̈ng | Cimeøn | Celumeil wɑ̈d Dhuricɑdɑy |
| Bïkyeel cyɑ̈ng | Gɑd | Eliɑsɑp wɑ̈d Deuel |
| Bïryeew Cyɑ̈ng | Eprɑim | Elicɑmɑ̀ wɑ̈d Amiud |
| Bïdɑ̈ɑ̈g cyɑ̈ng | Mɑnɑsè | Gɑmɑliel wɑ̈d Pedɑdhur |
| Bïngween cyɑ̈ng | Ben Yɑmïn | Abidɑn wɑ̈d Gideonì |
| Pyɑ̈ri Cyɑ̈ng | Dɑn | Akiedher wɑ̈d Amicɑdɑy |
| Pyɑ̈rø wïdɑ́kyel cyɑ̈ng | Aceer | Pɑgiel wɑ̈d Okrɑn |
| Pyɑ̈rø wïdɑ́ryew cyɑ̈ng | Nɑptɑlì | Akirɑ̀ wɑ̈d Enɑn |
Jɑmm-ɑ ɑ́kɑ̈ɑ̈l yi gen bënn pɑ̈r kinni tïp; jɑgø ɑ́kyel ɑ́kɑ̈ɑ̈l-ɑ, tɑbi ɑ́tegø ɑ́kyel, kɑ̀ rømii gwøg-ɑ kïlø ɑ́kyel kí budi kïlø. Kí óthɑ̈ngi ɑ́tegø ɑ́kyel, kɑ̀ rømii gwøg-ɑ grɑmm miy ɑ́bïdɑ̈g ki rum-ɑ bɑ ɑyïëy kì kej kwër, ge ɑ́kɑ̈ɑ̈l ge pɑ̈ng gɑ ɑ́ryew bënn yi møng-ɑ búr me bɑ ɑnyöm ki møøw dhetun. Kí tɑbi dhɑb ɑ́kyel, kɑ̀ rømii gwøg-ɑ grɑmm miyø kí pyɑ̈rø, e pɑ̈ng yi bɑkur, kí wɑdh ówöb, kí órömø ɑ́kyel me dwøng, kí órömø me thinh rune ɑ́kyel men gwøg ɑ́ gënh-ɑ nyi rɑ̈b bëne, kí ónywøg ɑ́kyel men gwøg ɑ́ gënhi orøg, kí wɑ̈dhh ɑ́ryew, kí órömm ɑ́bïkyel møg døngø, kí ónyögg ɑ́bïkyel, kí órömm mø thønhø runi gen ɑ́kyel møg muuj bënn gɑ gënhi mër.
84-88Kwɑnni jɑmm-ɑ ɑ́kɑ̈ɑ̈l yi jɑggɑni gɑ pyɑ̈rø wïdɑ́ryew, gɑ møg thyeey Kengø, kɑ̀ reb gen bënn bɑ
- tɑ̈mmi dhɑb pyɑ̈rø wïdɑ́ryew, kí óthɑ̈ggi ɑ́tegø pyɑ̈rø wïdɑ́ryew, kɑ̀ røm gen ge bɑ kïllì 27.6
- óthɑ̈ggi dhɑb pyɑ̈rø wïdɑ́ryew, ge pɑ̈ng yi bɑkur, kɑ̀ røm gen, ge bɑ kïlø 1.32
- wɑ̈dhh pyɑ̈rø wïdɑ́ryew, kí órömm pyɑ̈rø wïdɑ́ryew, kí órömm-ɑ thønhø runi gen ɑ́kyel, gɑ pyɑ̈rø wïdɑ́ryew møg gwøg gɑ gënh-ɑ nyi rɑ̈b bëne, kí gïncɑm.
- ónyögg pyɑ̈rø wïdɑ́ryew møg gwøg gɑ gëdhhi orøg.
- wɑ̈dhh pyɑ̈r ɑ́ryew wïdɑ́ngwen, kí órömm pyɑ̈r ɑ́bïkyel, kí ónyögg pyɑ̈r ɑ́bïngwen, kí órömm-ɑ thønhø runi gen ɑ́kyel gɑ pyɑ̈r ɑ́bïj møg gwøg gɑ gënhi mër.
89Keny-ɑ ɑ́kedhi Mosɑ̀ yij Kemi Kwër be kwøb ki Jwøng-ɑ Ácwɑ̈ɑ̈j, cwɑggi Jwøng-ɑ Ácwɑ̈ɑ̈j ɑ́lïngi yi en ge kɑ̈ɑ̈l-ɑ kömi kum Sɑnduug Cigg kì kɑɑm kerobb ryeet.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Shilluk DC Bible © Bible Society in South Sudan, 2011.