Röm 11
11
Nyuth Kuɔth kɛ ji̱ I-thɛ-rɛl kɔ̱a̱c lɔaac
1Kä cua̱ thiec i̱, ci Kuoth nɛɛkɛ ɣer? /Cɛ dee a jɛn! Ɣän puɔ̱nydä lapä raan I-thɛ-rɛl mi kuɛ̈ɛ̈ A-bɛ-ram, thok duëël Ben-ya-min. 2/Ken Kuoth nɛɛkɛ tëë cɛ mɛk ni wal ɣer. Kui̱c yɛn min ci ruac Kuɔth ɛ lar kɛ kui̱ E-li-yaa, ɛn ɣöö cɛ Kuoth pal kɛ kui̱ ji̱ I-thɛ-rɛl? 3Cuɛ wee i̱,#11:3 1 Kua̱r 19:10. “Kuäär ni Kuoth, ci kɛn gööku näk, ci kɛn yi̱kniku däk, ci duɔth ni ɣän kärɔa, kä go̱o̱r kɛn näkdä.” 4Kä ci Kuoth ɛ loc i̱di? Cuɛ wee i̱,#11:4 1 Kua̱r 19:18. “Cä rɔɔdä ka̱p nɛy ti bathdɔɔri da̱ŋ bärɔw ti /ka̱n rɔ̱ ka̱m mua̱a̱l kɛ kuoth Baal.” 5Inɔ bä, kɛ jɛn gua̱a̱th ɛmɛ, ɛ te duɔth nath thi̱n, ti ca kuany kɛ puɔ̱th baaŋ Kuɔth. 6Kä mi kuanyɛ kɛ kɛ puɔ̱th baaŋ, /cɛ kɛ kuany kɛ lätkiɛn. Kɛ ɣöö mi ɛ lätkiɛn /ci puɔ̱th baaŋ Kuɔth dee lɛ ŋot ala puɔ̱th baaŋ.
7Kä ɛŋu mi ci tuɔɔk? /Ken I-thɛ-rɛl min go̱o̱rɛ jek. Ci nɛy tin ca kuany ɛ jek, kä cua wuɔ̱th nɛɛni tin kɔ̱ŋ jakä bum. 8Kä ce̱tkɛ min ca gɔ̱r i̱,#11:8 Ica 29:10.
“Ci Kuoth kɛ ka̱m yiëë mi di̱w di̱w,
tekɛ wäŋ ti /ci guic,
kɛ ji̱th ti /ci li̱ŋ,
amäni cäŋ ɛn walɛ.”
9Kä cu Dee-bid wee i̱,#11:9 Diit 69:22-23.
“A gua̱a̱th mi̱ethdiɛn la dhuur
mi kääpkɛ,
kä ala päm mi kɔ̱a̱thkɛ ikä
ala cut kä kɛ.
10A wäŋkiɛn col kɛ ɣöö
/cikɛ bi guic,
kä a rikiɛn goŋ jio̱kiɛn
amäni cäŋ kɛl!”
Dee nɛy diaal kään?
11Kä inɔ, cua̱ thiec i̱, min cikɛ kɔ̱th kɔ̱thikä kɛn ji̱ Juudh ɛ tëth mi cikɛ nor? /Cɛ dee a jɛn! Kä kɛ ɣöö cikɛ duer ci ka̱n ben kä Jur kɛ ɣöö bɛ ji̱ I-thɛ-rɛl jakä tekɛ tiɛɛl. 12Kä täämɛ, duer ji̱ Juudh no̱ŋɛ ni ɣɔw puɔ̱th mi di̱i̱t, kä thöliɛn no̱ŋɛ ni Jur puɔ̱th mi di̱i̱t, kä bi puɔ̱th kulɛ ni̱n di mi wä ji̱ Juudh diaal rɔ̱ wä mat!
Ka̱n Juri
13Täämɛ ruacä kɛ yɛn Jur. Ce̱tnikɛ mɔ ɛ ɣän jääk kä Jur, jakä la̱tdä kä di̱t. 14Kɛ ɣöö bä nɛɛkä jakä tekɛ tiɛɛl, kä bi tha̱a̱ŋkiɛn cu kään. 15Kɛ ɣöö ɣeriɛn lotdɛ ni loc maarä kɛ ɣɔw, kä nhökdiɛn lotdɛ ni tëk li̱eth! 16Mi ca tha̱a̱ŋ wacä min nhiam thöp ala muc mi rɛl rɔ, bi wac kɛɛliw rɔ rɛl, kä mi rɛl cio̱o̱k jiaath rɔ, bi kaar rɔ rɛl bä.
17Kä mi ca tha̱a̱ŋ kari jiaath Ɔ-lip to̱l kä piny, kä ca kaar jiaath Ɔ-lip mi te dɔɔr mat kɛ jɛ kɛɛl. Yɛn jur ce̱t yɛn kɛ jiath Ɔ-lip in te dɔɔr. Kä täämɛ ci buɔ̱m teekä yieekä nyuak kɛ ji̱ Juudh. 18/Cu rɔ liak kɛ kaar. Mi wi̱i̱ rɔ wä liak, tit ɛ ɛn ɣöö /ciɛ ji̱n ɛnɔ luäk cio̱o̱k jiathɔ, duundɛ ɣöö ɛ cio̱o̱k ɛnɔ luäk ji̱ mɔ. 19Kä bi wee i̱, “Ca kar töl kä piny kɛ ɣöö bä gua̱a̱th jek.” 20Nɔmɔ ɛ thuɔ̱k. Ca kɛ töl kä piny kɛ thil ŋäthädiɛn, kä ji̱n cuŋi a bum kɛ ŋa̱th kärɔa. Kɛ ɣöö inɔ /cu bia̱ gua̱n liakä, cuŋni kɛ dual. 21Kɛ kui̱ ɛmɔ mi /ken Kuoth kar tin bä puɔ̱ny jiaath ɛmɔ päl, kä dɔ̱ŋ /cɛ ji̱ bi päl bä. 22Inɔ, nɛn gɔɔy lɔaac Kuɔth kɛnɛ ŋɛ̈nydɛ, ŋɛ̈ny kɛ kui̱ nɛɛni tin ci thöl, kä gɔɔy lɔaac Kuɔth kɛ ji̱, bɛ ji̱ jak kä te rɛy gɔɔyä lɔaacdɛ, kiɛ bɛ ji̱ tɛ̈m raar. 23Kä a cäŋɛ nɛy tin kɔ̱kiɛn, mi /ci kɛn ŋot kɛ buɔ̱m kɛ ciaaŋdiɛn mi thil ŋa̱th, ba kɛ piɛth thi̱n, kɛ ɣöö te Kuoth kɛ lua̱ŋ kɛ ɣöö bɛ kɛ nyɔk kɛ pith thi̱n. 24Kɛ ɣöö mi ca ji̱ tɛ̈m kä kä jiath Ɔ-lip mi ci do̱ny dɔɔr, kä ca ji̱ piɛth jiath Ɔ-lip mi ci do̱ny rɛy kakä min gua̱c kɛ ciaŋ pi̱thä, bɛ kulɛ thia̱k i̱di ɛn ɣöö ba kar tin thuɔ̱k nyɔk kɛ pith jiathdiɛn.
Ba ji̱ I-thɛ-rɛl diaal kän
25Göörä ɣöö bi yɛn mi cuäŋ naath ɛmɛ ŋa̱c, dämaari, kɛ ɣöö /cia rɔ̱ bi lɛ lat i̱ pɛl yɛn. Cu buɔ̱m wec cu ben kä tha̱a̱ŋ ji̱ I-thɛ-rɛl, amäni mëë ci Juri diaal ben thi̱n. 26Kä inɔ, bi ji̱ I-thɛ-rɛl diaal cu kään, ce̱tkɛ min ca gɔ̱r i̱,#11:26-27 Ica 59:20-21, 27:9.
“Bi Luääk ben kä Dha-yɔn.
Bɛ ciaŋ mi thil luth kɛ Kuoth
woc kä do̱r Je-kɔb.”
27“Kä nɛmɛ bɛ a jɛn
ma̱t ruacdä kɛ kɛ,
mi wa̱a̱ dueerkiɛn wä woc.”
28Kä thuk ti gɔw kɛ kui̱ Yecu kɛ kɛn ji̱ tɛ̈r Kuɔth, kɛ kui̱dun, kä ni kɛ kuëny Kuɔth kɛ kɛn nɛy tin nhɔakɛ kɛ kui̱ gua̱ndɔɔŋnikiɛn tëë wal. 29Kɛ ɣöö /ca muc kɛnɛ ciöt Kuɔth nyɔk kɛ loc jɔk. 30Ce̱tkɛ ɣöö mëëdan /ci yɛn Kuoth luth, kä täämɛ cia kɔ̱a̱c lɔaac jek kɛ thil luthädiɛn. 31Kä ɛn täämɛ cikɛ thil luth, kä ca kɔ̱a̱c lɔaac jek bä kɛ kɔ̱a̱c lɔaac in ca nyuɔ̱th yɛ. 32Ci Kuoth nɛy diaal yiɛn kɛ thil luthä, kɛ ɣöö bɛ tekɛ kɔ̱a̱c lɔaac kɛ nɛɛni diaal.
Liakɛ Kuoth
33Kua di̱t riäŋä kɛnɛ pɛl amäni ŋäc Kuɔth mi ŋuɛɛnɛ! Kä ɛŋa mi dee lukdɛ ŋa̱c? Kä ɛŋa ŋäc dupkɛ mɔ? 34Ce̱tkɛ min ci ruac Kuäär ni Kuɔth ɛ lar i̱,#11:34 Ica 40:13-14.
“Kä ɛŋa mi ŋäc ca̱r Kuɔth?
Kä ɛŋa mi bia̱ lueekdɛ?”
35 # 11:35 I-yob 41:11. “Kä ɛŋa ci jɛ moc muc ɔ,
kɛ ɣöö ba jɛ luɔ̱c muc?”
36Kɛ ɣöö ŋɔak diaal bäkɛ kä jɛ, kä tëkɛ kɛ jɛ, kä wäkɛ kä jɛ. A puɔny tekɛ jɛ, amäni cäŋ kɛl! Inɔnɔ.
Currently Selected:
Röm 11: nusNHB
Highlight
Copy
Compare
Share
Want to have your highlights saved across all your devices? Sign up or sign in
Nuer Bible © Bible Society in South Sudan 1998,2012.
Röm 11
11
Nyuth Kuɔth kɛ ji̱ I-thɛ-rɛl kɔ̱a̱c lɔaac
1Kä cua̱ thiec i̱, ci Kuoth nɛɛkɛ ɣer? /Cɛ dee a jɛn! Ɣän puɔ̱nydä lapä raan I-thɛ-rɛl mi kuɛ̈ɛ̈ A-bɛ-ram, thok duëël Ben-ya-min. 2/Ken Kuoth nɛɛkɛ tëë cɛ mɛk ni wal ɣer. Kui̱c yɛn min ci ruac Kuɔth ɛ lar kɛ kui̱ E-li-yaa, ɛn ɣöö cɛ Kuoth pal kɛ kui̱ ji̱ I-thɛ-rɛl? 3Cuɛ wee i̱,#11:3 1 Kua̱r 19:10. “Kuäär ni Kuoth, ci kɛn gööku näk, ci kɛn yi̱kniku däk, ci duɔth ni ɣän kärɔa, kä go̱o̱r kɛn näkdä.” 4Kä ci Kuoth ɛ loc i̱di? Cuɛ wee i̱,#11:4 1 Kua̱r 19:18. “Cä rɔɔdä ka̱p nɛy ti bathdɔɔri da̱ŋ bärɔw ti /ka̱n rɔ̱ ka̱m mua̱a̱l kɛ kuoth Baal.” 5Inɔ bä, kɛ jɛn gua̱a̱th ɛmɛ, ɛ te duɔth nath thi̱n, ti ca kuany kɛ puɔ̱th baaŋ Kuɔth. 6Kä mi kuanyɛ kɛ kɛ puɔ̱th baaŋ, /cɛ kɛ kuany kɛ lätkiɛn. Kɛ ɣöö mi ɛ lätkiɛn /ci puɔ̱th baaŋ Kuɔth dee lɛ ŋot ala puɔ̱th baaŋ.
7Kä ɛŋu mi ci tuɔɔk? /Ken I-thɛ-rɛl min go̱o̱rɛ jek. Ci nɛy tin ca kuany ɛ jek, kä cua wuɔ̱th nɛɛni tin kɔ̱ŋ jakä bum. 8Kä ce̱tkɛ min ca gɔ̱r i̱,#11:8 Ica 29:10.
“Ci Kuoth kɛ ka̱m yiëë mi di̱w di̱w,
tekɛ wäŋ ti /ci guic,
kɛ ji̱th ti /ci li̱ŋ,
amäni cäŋ ɛn walɛ.”
9Kä cu Dee-bid wee i̱,#11:9 Diit 69:22-23.
“A gua̱a̱th mi̱ethdiɛn la dhuur
mi kääpkɛ,
kä ala päm mi kɔ̱a̱thkɛ ikä
ala cut kä kɛ.
10A wäŋkiɛn col kɛ ɣöö
/cikɛ bi guic,
kä a rikiɛn goŋ jio̱kiɛn
amäni cäŋ kɛl!”
Dee nɛy diaal kään?
11Kä inɔ, cua̱ thiec i̱, min cikɛ kɔ̱th kɔ̱thikä kɛn ji̱ Juudh ɛ tëth mi cikɛ nor? /Cɛ dee a jɛn! Kä kɛ ɣöö cikɛ duer ci ka̱n ben kä Jur kɛ ɣöö bɛ ji̱ I-thɛ-rɛl jakä tekɛ tiɛɛl. 12Kä täämɛ, duer ji̱ Juudh no̱ŋɛ ni ɣɔw puɔ̱th mi di̱i̱t, kä thöliɛn no̱ŋɛ ni Jur puɔ̱th mi di̱i̱t, kä bi puɔ̱th kulɛ ni̱n di mi wä ji̱ Juudh diaal rɔ̱ wä mat!
Ka̱n Juri
13Täämɛ ruacä kɛ yɛn Jur. Ce̱tnikɛ mɔ ɛ ɣän jääk kä Jur, jakä la̱tdä kä di̱t. 14Kɛ ɣöö bä nɛɛkä jakä tekɛ tiɛɛl, kä bi tha̱a̱ŋkiɛn cu kään. 15Kɛ ɣöö ɣeriɛn lotdɛ ni loc maarä kɛ ɣɔw, kä nhökdiɛn lotdɛ ni tëk li̱eth! 16Mi ca tha̱a̱ŋ wacä min nhiam thöp ala muc mi rɛl rɔ, bi wac kɛɛliw rɔ rɛl, kä mi rɛl cio̱o̱k jiaath rɔ, bi kaar rɔ rɛl bä.
17Kä mi ca tha̱a̱ŋ kari jiaath Ɔ-lip to̱l kä piny, kä ca kaar jiaath Ɔ-lip mi te dɔɔr mat kɛ jɛ kɛɛl. Yɛn jur ce̱t yɛn kɛ jiath Ɔ-lip in te dɔɔr. Kä täämɛ ci buɔ̱m teekä yieekä nyuak kɛ ji̱ Juudh. 18/Cu rɔ liak kɛ kaar. Mi wi̱i̱ rɔ wä liak, tit ɛ ɛn ɣöö /ciɛ ji̱n ɛnɔ luäk cio̱o̱k jiathɔ, duundɛ ɣöö ɛ cio̱o̱k ɛnɔ luäk ji̱ mɔ. 19Kä bi wee i̱, “Ca kar töl kä piny kɛ ɣöö bä gua̱a̱th jek.” 20Nɔmɔ ɛ thuɔ̱k. Ca kɛ töl kä piny kɛ thil ŋäthädiɛn, kä ji̱n cuŋi a bum kɛ ŋa̱th kärɔa. Kɛ ɣöö inɔ /cu bia̱ gua̱n liakä, cuŋni kɛ dual. 21Kɛ kui̱ ɛmɔ mi /ken Kuoth kar tin bä puɔ̱ny jiaath ɛmɔ päl, kä dɔ̱ŋ /cɛ ji̱ bi päl bä. 22Inɔ, nɛn gɔɔy lɔaac Kuɔth kɛnɛ ŋɛ̈nydɛ, ŋɛ̈ny kɛ kui̱ nɛɛni tin ci thöl, kä gɔɔy lɔaac Kuɔth kɛ ji̱, bɛ ji̱ jak kä te rɛy gɔɔyä lɔaacdɛ, kiɛ bɛ ji̱ tɛ̈m raar. 23Kä a cäŋɛ nɛy tin kɔ̱kiɛn, mi /ci kɛn ŋot kɛ buɔ̱m kɛ ciaaŋdiɛn mi thil ŋa̱th, ba kɛ piɛth thi̱n, kɛ ɣöö te Kuoth kɛ lua̱ŋ kɛ ɣöö bɛ kɛ nyɔk kɛ pith thi̱n. 24Kɛ ɣöö mi ca ji̱ tɛ̈m kä kä jiath Ɔ-lip mi ci do̱ny dɔɔr, kä ca ji̱ piɛth jiath Ɔ-lip mi ci do̱ny rɛy kakä min gua̱c kɛ ciaŋ pi̱thä, bɛ kulɛ thia̱k i̱di ɛn ɣöö ba kar tin thuɔ̱k nyɔk kɛ pith jiathdiɛn.
Ba ji̱ I-thɛ-rɛl diaal kän
25Göörä ɣöö bi yɛn mi cuäŋ naath ɛmɛ ŋa̱c, dämaari, kɛ ɣöö /cia rɔ̱ bi lɛ lat i̱ pɛl yɛn. Cu buɔ̱m wec cu ben kä tha̱a̱ŋ ji̱ I-thɛ-rɛl, amäni mëë ci Juri diaal ben thi̱n. 26Kä inɔ, bi ji̱ I-thɛ-rɛl diaal cu kään, ce̱tkɛ min ca gɔ̱r i̱,#11:26-27 Ica 59:20-21, 27:9.
“Bi Luääk ben kä Dha-yɔn.
Bɛ ciaŋ mi thil luth kɛ Kuoth
woc kä do̱r Je-kɔb.”
27“Kä nɛmɛ bɛ a jɛn
ma̱t ruacdä kɛ kɛ,
mi wa̱a̱ dueerkiɛn wä woc.”
28Kä thuk ti gɔw kɛ kui̱ Yecu kɛ kɛn ji̱ tɛ̈r Kuɔth, kɛ kui̱dun, kä ni kɛ kuëny Kuɔth kɛ kɛn nɛy tin nhɔakɛ kɛ kui̱ gua̱ndɔɔŋnikiɛn tëë wal. 29Kɛ ɣöö /ca muc kɛnɛ ciöt Kuɔth nyɔk kɛ loc jɔk. 30Ce̱tkɛ ɣöö mëëdan /ci yɛn Kuoth luth, kä täämɛ cia kɔ̱a̱c lɔaac jek kɛ thil luthädiɛn. 31Kä ɛn täämɛ cikɛ thil luth, kä ca kɔ̱a̱c lɔaac jek bä kɛ kɔ̱a̱c lɔaac in ca nyuɔ̱th yɛ. 32Ci Kuoth nɛy diaal yiɛn kɛ thil luthä, kɛ ɣöö bɛ tekɛ kɔ̱a̱c lɔaac kɛ nɛɛni diaal.
Liakɛ Kuoth
33Kua di̱t riäŋä kɛnɛ pɛl amäni ŋäc Kuɔth mi ŋuɛɛnɛ! Kä ɛŋa mi dee lukdɛ ŋa̱c? Kä ɛŋa ŋäc dupkɛ mɔ? 34Ce̱tkɛ min ci ruac Kuäär ni Kuɔth ɛ lar i̱,#11:34 Ica 40:13-14.
“Kä ɛŋa mi ŋäc ca̱r Kuɔth?
Kä ɛŋa mi bia̱ lueekdɛ?”
35 # 11:35 I-yob 41:11. “Kä ɛŋa ci jɛ moc muc ɔ,
kɛ ɣöö ba jɛ luɔ̱c muc?”
36Kɛ ɣöö ŋɔak diaal bäkɛ kä jɛ, kä tëkɛ kɛ jɛ, kä wäkɛ kä jɛ. A puɔny tekɛ jɛ, amäni cäŋ kɛl! Inɔnɔ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuer Bible © Bible Society in South Sudan 1998,2012.