Röm 10
10
1Dämaari, min go̱o̱r lɔcdä jɛ ɛlɔ̱ŋ, min la palä Kuoth ɛ jɛn ɣöö dee nɛɛkä kään. 2Ɣän dëë lar ni ɣöö cikɛ rɔ̱ ka̱m Kuoth, duundɛ ɣöö /kenkɛ rɔ̱ ka̱m Kuoth kɛ duɔ̱ɔ̱p ŋäcä mi thuɔ̱k. 3Kɛ ɣöö kui̱c kɛn duɔ̱ɔ̱p in moc Kuoth naath cuɔ̱ɔ̱ŋ kɛ jɛ, kä cukɛ go̱r ni duɔ̱ɔ̱pdiɛn, kä /ken kɛn go̱r ni duɔ̱ɔ̱p cuŋni Kuɔth. 4Kɛ ɣöö Kritho ɛ jɛn pek ŋutdä, kɛ ɣöö dee nɛy diaal tin tekɛ ŋa̱th tekɛ cuŋ.
Ka̱n ɛ duŋ nɛɛni diaal
5Muthɛ cɛ gɔ̱a̱r kɛ kui̱ cuŋni tin jëkɛ kɛ ŋuɔ̱t i̱,#10:5 Liib 18:5. “Ram mi wä ŋuɔ̱t ti̱ti̱ wä luɔ̱th bɛ tëk kɛ kɛ.” 6Kä duundɛ ɣöö ɛ cuŋ tin jëkɛ kɛ ŋa̱th i̱,#10:6-8 Ŋuɔ̱t 30:12-14. “/Cu rɔ jio̱k i̱, ‘Ɛŋa mi bi wä nhial?’ ” (kɛ ɣöö bɛ Kritho wä nööŋ piny) 7kiɛ bi wee i̱, “Ɛŋa mi bi wä piny?” (kɛ ɣöö bɛ Kritho wä nööŋ raar li̱th). 8Kä nɛmɛ ɛ min latdɛ i̱,
“Riet thia̱kɛ kɛ yɛ,
tëë thokdun, kɛnɛ lo̱ckun”
(ɛ jɛn riet ŋäthä min latnɛ). 9Kɛ ɣöö mi wiaa jɛ lar kɛ thokdun ɛn ɣöö Yecu ɛ Kuäär, kä ŋäth yɛn ɛ rɛy lɔaacdun ɛn ɣöö ci Kuoth ɛ jiɛc li̱th, bia kään. 10Kɛ ɣöö muɔckɛ raan cuɔ̱ɔ̱ŋ kɛ ŋa̱th lɔaacdɛ, kä ram mi lat ŋa̱thdɛ kɛ thokdɛ bɛ kään. 11Ci ruac Kuɔth wee i̱,#10:11 Ica 28:16. “Thilɛ ram mi ŋääth jɛ mi ba jakä po̱c.” 12Kɛ ɣöö thilɛ dääk kam ji̱ Juudh kɛnɛ ji̱ Gɛ-rith, kɛ ɣöö Kuäär ni Kuoth ɛ kɛl, kä ɛ jɛn Kuäär ni Kuoth nɛɛni diaal, kä la tho̱pɛ puɔ̱th nɛy diaal tin ŋa̱thkɛ jɛ. 13Kä ci ruac Kuɔth wee i̱,#10:13 Yo-el 3:5. “Nɛy diaal tin cɔalkɛ ciöt Kua̱r ni Kuoth bikɛ kään.”
14Kä dee naath ɛ cɔl kɛ luäk i̱di mi /ci kɛn ɛ ŋäth? Kä dee kɛn ɛ ŋäth i̱di ɛn ram min /ken kɛn ɛ met liŋ? Kä dee kɛn ɛ liŋ i̱di, mi thilɛ ram mi ci jɛ la̱tkɛ? 15Kä dee naath ruac lat i̱di, mi /ka̱n kɛ ja̱k? Ce̱tkɛ min ca gɔ̱r i̱,#10:15 Ica 52:7. “Ku ben nɛɛni tin ŋööŋkɛ thuk ruaacni tin gɔw lɛ gɔw i̱di!” 16Kä /ken kɛn diaal ruaacni tin gɔw luɔ̱th, kɛ ɣöö ci I-ca-yaa wee i̱,#10:16 Ica 53:1. “Kuäär ni Kuoth, ɛŋa mi ci ruacda ŋäth?” 17Kɛ ɣöö ŋa̱th bëë kä mi ca liŋ, kä mi ca liŋ bëë kɛ lat cio̱tdä Kritho.
18Kä cua̱ thiec i̱, /ken kɛn ɛ liŋ? Ɛpuc, ca liŋ, kɛ ɣöö ca lat i̱,
# 10:18 Diit 19:4. “Ci jɔwdiɛn wä rɛy ɣɔaa kɛɛliw,
ci rieetkiɛn cop pekni ɣɔaa.”
19Kä cua̱ rɔ nyɔk kɛ thiec, /kenɛ cop lɔc ji̱ I-thɛ-rɛl? Kɛ nhiam ci Muthɛ wee i̱,#10:19 Ŋuɔ̱t 32:21.
“Bä yɛ jakä tekɛ tiɛɛl kɛ kui̱
nɛɛni tin /ci tɔ̱ a do̱r,
bä yɛ jakä ŋɛ̈ny kɛ kui̱
döör mi dɔ̱a̱r.”
20Inɔ cu I-ca-yaa rɔ liak wëë i̱,#10:20 Ica 65:1.
“Ca ɣä jek ɛ nɛy ti /ka̱n ɣä go̱r,
cä rɔ nyuɔ̱th nɛy ti
/ka̱n ɣä thiec.”
21Kä kɛ kui̱ ji̱ I-thɛ-rɛl cuɛ wee i̱,#10:21 Ica 65:2. “Kɛ cäŋ kɛɛliw cä tetkä ta̱r nɛy ti thil luth ti bum wuɔ̱thkiɛn.”
Currently Selected:
Röm 10: nusNHB
Highlight
Copy
Compare
Share
Want to have your highlights saved across all your devices? Sign up or sign in
Nuer Bible © Bible Society in South Sudan 1998,2012.
