Kolose 2

1Ijiara luŋa ani eramak aŋai afuto ni egiama te eram hatai iko te eram ono aati Hollum hutto Laudisia; buo aati hullomuk 'daŋ, hullo obeŋi 'to igonyuni omom hoŋ. 2Ehanio ni ihuo nyia, itagoliere atajia hosi jiojio, oŋida bati abuaran taji iyaŋuno jihosi attuba arabotie. Teya, iyaŋuno adi amijana ahode hode ania jihosi abiaŋan kuaya. Te ekoi ania, omijani adi isi eram Hollum anna agalik 'to ofioro tulo; inyi Kristo#2:2 eram Hollum anna agalik 'to ofioro tulo; inyi Kristo : igioroni omuk egierita jio, eram Hollum onno otimoi; buo omuk ojiori jio, eram onno otimoi ono Hollum Monye Kristo; buo omuk igioroni jio, eram onno otimoi ono Hollum Monye iko ono Kristo.. 3Tenyi, italeyehini ofioro iko amijana Hollum onno obeŋi aati omijana.

4Ihuania, eramak ni itai, hèlaha obo atulo inyob itai te eram onno obeŋ 'to ara hode, duadi bu imidihai ekenita honyi. 5Nyio, duadi bu abeŋ ni tehiji hatai, adulo ni egigilo tetai. Amuno buo fe ni imijaniere jio iduloro itai agottiere buo fe igolihina jio neruk hatai jio Kristo.

Attuba Manya to Kristo

6Tania, te eruk hatai Kristo Yesu a Lamonye, amanyati te enoso ikonyi. 7Ihuo ayyani, ihumata irriomonia aadde hatai jihonyi, oboloronia jihonyi. Ijiara neruk hatai ogol ihuo ninyia ittiyananierek jihatai. Oduloro esiorio ahumo.

8Ihumata mijio, hèlaha obo atulo inyob itai te ekenita hunna arai 'to asai. Oleye ettiyenita hunia ihuo hunno oyiji, ati arai isi ettiyenita waati ijiai, hunno ofuonni 'to jio ajiohin huttehiji idou iko afau, buo obiaŋara jio Kristo. 9Nyio, to ninyia amanyari Kristo ifau dini, ara nyia inyi luŋa ihuo Hollum. 10Ifut nesu jihatai te enoso hatai ikonyi. Agalik inyi ajiohin iko egoliti hosi 'daŋ.

11Iduha nyia Kristo ewahiti huattek hatai hunno orrohoji 'to, ihuo enne iduhari aboso abelelio addi to huattek hatai. 12#Rom 6:4Nyio, onuhani nyia itai ikonyi to ninyia ifuotuniette itai batisimo; to batisimo buo fe, itubuhuni nyia itai ikonyi, te neruk hatai jio aduaran Hollum inyia itubuhu 'to Kristo toye. 13#Efe 2:1-5Berien, ninyia hémanyati itai iko eyyata buo fe ibiaŋata irata awaati Hollum, aye nyia oloholioo hatai. Ati ihuania, iyaŋuno Hollum jihatai nesu arabotie iko Kristo. Ahohi nyia Hollum eyyata hohoi 'daŋ; 14#Efe 2:15ette buo fe idehina epalita hunyia oŋotoni jihohoi ta amesio hohoi Efahita Mose. Iduha nyia Hollum agolon ono eyyau 'daŋ addi, ette isihonia ikruce. 15Ta akruce ania buo fe, agalik nyia Kristo ajiohin 'daŋ iko egoliti hosi#2:15 agalik nyia Kristo ajiohin 'daŋ iko egoliti hosi : kuyya, iduha nyia Kristo agolon ono ajiohin 'daŋ addi.. Itanyahi nyia inyi isi ariri ihosiere waati, te eniafaru honyi isi, ette itibilana jio akuatan enne itahutaniere inyi agalihina honyi isi.

16 # Rom 14:1-6 Tania, hèlaha obo atulo oŋotok epali jihatai te eram ŋiyo kuyya amata, kuyya te eram oloŋ onno odua 'to, kuyya te eram ono Neyom ono Ayafa Aŋejuk, kuyya te eram ono Sabatto. 17Nyio, arai erre hunia 'daŋ arrijiorihien huno erre hunno ofuoi 'to ifuanna; ati Kristo ara ariŋ ahode. 18Hèlaha obo atulo, oŋotok jihatai epali. Aati ihuo hulia hulle itadarai 'to ta aleyehitta hirre jihosi ihuo arigiai, te enyobio huattek jio enyalam isi iko te etahabuyo ajilohien. Erre asai hunia, nyio, ifuti ossi aati ihuo hulia iko egigilita hunno orrohoji. 19#Efe 4:16Abeŋi isi inyiahi irahan a hulo Kristo, alla ara 'to elettok olo eluluŋ heruhok; anna ara 'to ihuo ahuan honyi. Orumak ahuan ania 'daŋ agolon honyi jio Kristo, elle itaŋiyo 'to buo fe ogottiere ettulita honyi 'daŋ arabotie, buo inyi obobolororo ta agolon ono Hollum.

Amanya Aŋejuk to Kristo

20To ninyia oyeri Kristo, iyeti nyia buo fe itai ikonyi. Tania, ahouni nyia itai addi jio agolon ono ajiohin huttehiji fau iko edou. Nyioti imanyati itai ihuo hérasati itai a hulo afau ana? Nanyio iniŋiete itai etaduarita ihuo, 21“Hèttoŋ aŋiria ana,” “Hènniŋ ana,” “Hèttir buo fe ana”? 22Alla atuhi inya erre hunia 'daŋ, obeŋ obo ayiji inyiak iwanan jihosi. Nyioti ittigemiete itai ahuattek hatai te eram ono etaduarita hunne ittiyenie aati jihatai? 23Igigiloi omuk aati jio owoni etaduarita hunia iko olofioro te ehum hosi iramana atulo imojori bebe, itihaniere ahuan alanyalam, buo fe ittigemiere ahuan honyi. Ati ittallihi etaduarita hunia itik atulo ihaniere ewahiti huan honyi, hunno orrohoji 'to.

Currently Selected:

Kolose 2: EA2003

Highlight

Copy

Compare