Kolose 1

1Ani alia Paulo, elefahata Kristo Yesu ta awahan ono Hollum; ani iko illa hohoi Timoteyo — 2Egiorok hohoi jio aati Hollum hutto Kolose, hulla arai 'to a heruhok ayijok te enoso iko Kristo.

Ijiara Hollum Monye hohoi, isiarak jihatai ayiji iko elik tajia.

Amojo ono Esiarana Ahumo

3Oŋitek 'daŋ, elle emojo hohoi tetai, esiaratta hohoi ahumo jio Hollum, Monye Yesu Kristo, Lamonye hohoi. 4Etayiru hohoi eram ono neruk hatai jio Yesu Kristo iko abuaran tajia hatai aati Hollum 'daŋ; 5te eyihina hatai jio ariŋ onno ottunani onno oyyu lidou tetai. Tetteri, itayiruna nyia itai eram ono eyihina ania to ninyia ifuotuniette itai Asayyo Ayijok, hunna arai 'to ahode. 6Many tetteri holoŋ ninyia itayiruniette itai buo fe imijana nelahode ono eram ono ayiji taji Hollum, isarrari asayyo hunia afau 'daŋ, buo iyaŋuttai ayiji ihuo anna ararik isi jihatai. 7#Kol 4:12; Fel v:23Itayiruna nyia itai eram ono ayiji taji Hollum jio Epafra, apit ihuo hohoi. Ara inyi ahegiamani oloyijio olo Kristo, elle igiama 'to imaji hohoi#1:7 imaji hohoi : igioroni egierita jio imaji hatai.. 8Inyi nyia buo fe iramak hohoi eram ono abuaran tajia enne isiarak Oloholio jihatai.

9Eram ania enne edulori hohoi amojo tetai many hétayiru hohoi eram hatai. Emojo hohoi jio, ijiara Hollum itahutak jihatai erre 'daŋ hunna awak inyi, oŋida bati itai iwanata iko olofioro buo amijana enne isiarak Oloholio honyi jihatai. 10Tania, iremehina adi itai imanya ihua awak Lamonye, buo fe iduloro ehanio hirre hunno omuno inyi. Iyaŋuno adi amanya hatai ania ehanita 'daŋ hunno oyiji 'to, ittata adi ihum imijana Hollum bebe. 11-12Ijiara itagoli itai ta agolon onno ottu 'to jio aduaran honyi anna agalik 'to, oŋida bati itai iremehina dihuna erre 'daŋ dee. Ta amuno, isiatta ahumo jio#1:11-12: dee. Ta amuno, isiatta ahumo jio : kuyya ta adihan dee iko ta amuno. Isiatta ahumo jio. Monye, elle itasiru 'to itai ifuotuniere buo fe erre hunno ottunak inyi ilobie ono afaŋan, a huno aati honyi. 13Inyi nyia italahu hohoi jio agolon ono edumele, ette iyaŋuno hohoi ilobie ono Lonyi honyi, ollo omuno inyi bebe. 14#Efe 1:7Tenyi, etalahuno ta ahohino ono eyyata.

Ŋai Kristo iko Egiama Honyi

15Kristo inyi arrijiori Hollum ollo obeŋ honyek igonyu. Inyi Lonyi Hollum oloŋeu, alla agalik 'to erre 'daŋ hunno oyyeuni. 16Tenyi, oyyeu nyia Hollum erre 'daŋ hutte idou iko hutta fau; hunno oleye iko hunno obeŋi 'to oleye. Tenyi buo fe, oyyeuni nyia eduariti iko egoliti 'daŋ hunne ilohittohi 'to ihiji idou iko afau. Oyyeu nyia Hollum erre 'daŋ tenyi buo fe a hunonyi. 17Owon nyia Kristo hobeŋi oyyeuni erre 'daŋ, buo fe tenyi, ihuhumanie erre 'daŋ gele gele, imasik hosi. 18#Efe 1:22-23Kristo, inyi elettok olo eluluŋ heruhok anna ara 'to ihuo ahuan honyi. Inyi iyaŋuno nesu jio ahuan ania. Inyi Lonyi Hollum oloŋeu, linyia itubuhuni toye jio, oŋida bati inyi hama agalik erre 'daŋ. 19Hollum nyia ta ahuan honyi awak jio, ijiara luŋa Lonyi honyi hétera ihuo inyi. 20#Efe 2:16To Lonyi buo fe, inyiahuno nyia Hollum erre 'daŋ hutte idou iko hutta fau ajihonyi, ette itimuoruna isi 'daŋ to nooto Lonyi honyi#1:20 to nooto Lonyi honyi : kuyya, ta naye Lonyi honyi likruce., linyia oye 'to ikruce.

21Berien, ilamajata nyia itai jio Hollum, buo fe irata amiorok honyi te egigilita iko te ehanita hatai hunno orrohoji 'to. 22Ati itimuoru Hollum itai to ninyia arari Lonyi honyi atulo ette iye jio, oŋida itai ifuatta iwotia ihosiere Hollum aliborok, obeŋ obo epali kuyya eyyau. 23Oduloro luŋa igottiere buo fe igolihina jio neruk hatai. Hèdehina neyihina ninyia ifuotuna itai to ninyia itayiruniette itai asayyo ayijok. Isi asayyo hunia hunna arari ni Paulo a hegiamai; ittittoyere isi jio atulo 'daŋ ta fau.

Egiama Paulo Ihiji Iluluŋ Heruhok

24Ihuania, amuno ni bebe ta arumana hoŋ ettigemita te eram hatai. Amuno buo fe ni jio, ta arumana ono ahuan hoŋ ettigemita imaji Kristo, atuhok ni ettigemita hunyia orumak Kristo, te eram ono eluluŋ heruhok, anna ara 'to ahuan honyi. 25Hollum nyia ani onyimu a hegiamani olo eluluŋ heruhok. Ihanak inyi ani ituhoniere ettittoyo sayyo honyi, iluahiere itai. 26Obeŋi nyia iramani asayyo hunia jio aati eberien; ati ihuania, italeyehi Hollum isi jio aati honyi. 27Ihan nyia inyi erre hunia, nyio, awak nyia inyi oŋida itai Alufajak imijana ayiji iko elamani ono eram honyi anna agalik 'to ofioro tulo. Awanan Kristo ituajin hatai, eram ania anna agalik 'to ofioro waati; inyi enne iyaŋuno 'to jihatai eyihina jio, ifuatta adi buo fe ifuotuna akuatan ono Hollum. 28Ania, ettittoyere hohoi eram Kristo jio aati 'daŋ. To ofioro hohoi 'daŋ, esario hohoi buo fe ettiyenio isi jio, oŋida bati hohoi eyaŋuno isi 'daŋ ababo ihosiere Hollum awaati hulla amijani 'to erre, te enoso hosi iko Kristo. 29Inyi anna afutori ni egiama ta agolon enne isiarak Kristo jihoŋ.

Currently Selected:

Kolose 1: EA2003

Highlight

Copy

Compare