1 TESALONIKA 2

Egiama Paulo Tesalonika

1Illarak iko haniyarak hohoi, imijana itai ta ahuattek hatai jio obeŋ nyia afuanna hohoi jihatai ara asai. 2#Ehanita 16:19-24; 17:1-9Imijana itai jio enyurak nyia hohoi ettigemita iko emoriti ibore gala Filipi ninyia hèbeŋ hohoi efuonnu jihatai Tesalonika. Ara duadi bu oluaji aati hulle ihari 'to eram hohoi, isiarak nyia Hollum jihohoi agolon tajia iramaniere jihatai Asayyo Ayijok hunno ofuonni 'to jihonyi. 3Obeŋ attana hohoi ara to obo epali, kuyya to obo egigilo onno orroho 'to, kuyya buo fe jio ewak hohoi inyob obo atulo. 4Ati ekianatio hohoi oŋitek 'daŋ ihuo awak Hollum, nyio, aŋotok inyi jio osiru jihohoi ittittoyere Asayyo Ayijok. Ebeŋ hohoi ewak itamunoyo aati, ati itamunoyere Hollum, ollo omijak 'to atajia hohoi. 5Imijana itai bebe jio, ebeŋ hohoi etafoyoŋio itai te ekenita hohoi buo fe ebeŋ etihotio obo eŋaru te ekenita hunia. Hollum, inyi asuut hohoi. 6Ebeŋ nyia hohoi ettifia olohuo jio obo atulo, ara duadi bu jihatai kuyya jio aati hullomuk. 7Ta arahan hohoi elefahat Kristo, eremik nyia hohoi iwahan omuk erre jihatai. Ati ninyia ewanari hohoi ikatai, enyalam nyia hohoi ihuo nonye#2:7 ninyia ewanari hohoi ikatai, enyalam nyia hohoi ihuo nonye : igioroni omuk egierita jio; era nyia hohoi ihuo aduri ninyia ewanari hohoi ikatai; era nyia hohoi ihuo nonye. onno omijio 'to aduri honyi. 8Ta abuaran tajia hohoi itai, inyi ninyia esiaraniere hohoi jihatai obiaŋara Asayyo Hollum Ayijok hama, ati esiarak nyia hohoi duadi bu ahuattek hohoi. Nyio, obuori nyia atajia hohoi itai bebe! 9Hode, illarak iko haniyarak hohoi, hèbiaŋata itai iguotti aŋai nyia egiama hohoi buo fe epulo! Egiama nyia hohoi ta afanni iko ta arue jio oŋida hohoi ebeŋ ettigemio itai, to ninyia ettittoyere hohoi jihatai Asayyo Ayijok huno Hollum.

10Irata itai asuuti hohoi, buo fe Hollum ara asuut, jio emanya nyia hohoi ihiji hatai heruhok ta alibori iko ta abisan, buo fe obeŋ obo epali. 11Imijana itai aŋai ehanio nyia hohoi itai 'daŋ ababo ihuo enne ihanierek esiok jio aduri hosi. 12Etagol nyia hohoi atajia hatai buo fe etilik isi. Edulo nyia hohoi eramio itai oŋida imanyati amanya enne itamunoyo 'to Hollum linyia iloŋu 'to itai Ilobie iko ikuatan honyi.

13Edulo buo fe hohoi esiorio ahumo jio Hollum te eram ana: Ninyia eyaŋuniere hohoi jihatai ekiana Hollum, itaniŋuna nyia itai ittata iruk jio ara inyi luŋa ekiana Hollum, buo obiaŋara ono aati. Inyi enne igiama 'to ania ituajin hatai, heruhok. 14#Ehanita 17:5Illarak iko haniyarak hohoi, iduoŋi jihatai erre hunyia iduoŋi 'to jio eluluŋi heruhok Hollum hutta fau Yudea iko jio aati hulla arai 'to a hulo Kristo Yesu. Nyio, irumana itai ettigemita jio aati hatai ihuo ninyia orumanierek isi ettigemita jio Yudei; 15#Ehanita 9:23, 29; 13:45, 50; 14:2, 5, 19; 17:5, 13; 18:12hunyia ottohori 'to Yesu, Lamonye iko ekianak Hollum, ette buo fe ittigemio hohoi. Isi italoŋoji Hollum bebe! Osuarik isi aati 'daŋ! 16Awahi nyia isi itik hohoi ittittoyere asayyo jio Alufajak jio oŋida bati isi italahunie. Ihuo nyia, itufutani isi eyyata hosi 'daŋ hunne iyyauttai isi toloŋi. Ihuania, attu tibuo luŋa ajore Hollum jihosi.

Awahan Paulo Inyiak Leten Imijuno Isi

17Alla ara jihohoi, illarak iko haniyarak hohoi, arasai nyia atajia hohoi ikatai, duadi bu iyarai hohoi addi kai to hosiere hatai. Ettoho hohoi bebe amolie hatai. Ewak luŋa hohoi bebe ifuatan imijuno itai. 18Ewak nyia hohoi icaharu jihatai. Nani, ta ahuan hoŋ, akem nyia ni enyiahita arriai icohuniere ajihatai, ati itihotio nyia Sittan hohoi. 19Anyio riŋ 'tadi enne iyaŋuno 'to jihohoi eyihina kuyya amuno kuyya etadara ihosiere Yesu, Lamonye hohoi, alla attu inyi? Obiaŋara soho itai? 20Hode, itai tibuo iyaŋuniete jihohoi etadara iko amuno!

Currently Selected:

1 TESALONIKA 2: EA2003

Highlight

Copy

Compare