1 TESALONIKA 1

1 # Ehanita 17:1 Ani alia Paulo iko Silas buo Timoteyo…

Jio eluluŋ heruhok otto Tesalonika hulla arai 'to a hulo Hollum, Monye, buo fe a hulo Yesu Kristo, Lamonye:

Ijiara ayiji taji iko nelik tajia hatawana jihatai.

Amanya iko Neruk ono Aati Tesalonika

2Edulo hohoi esiorio ahumo jio Hollum tetai 'daŋ, buo fe edulo amojo tetai. 3Ihosiere Hollum, Monye hohoi, edulo hohoi eyiyiutta egemita hatai huno neruk iko huno abuaran taji, buo agolon ono eyihina hatai jio Yesu Kristo, Lamonye hohoi. 4Illarak iko haniyarak hohoi, emijak hohoi jio obuor ataji Hollum itai. Anyimu inyi itai awaati honyi. 5Nyio, ebeŋ nyia hohoi ekiana jihatai Asayyo Ayijok hunia te etuhe ijiai; ati eyaŋuno nyia buo fe hohoi isi ta naduaran iko to Loholio Olibo, buo fe te eruk hohoi nelahode ono Asayyo hunia. Imijana itai emanya nyia hohoi aŋai ihiji hatai. Ara nyia inyi iluahiere itai. 6#Ehanita 17:5-9Ijifatiete nyia itai emanyiti hohoi iko huno Lamonye. Duadi bu irumana itai ettigemita arriai, ifuotuna nyia itai ekiana ania ta amuno onno ottu 'to jio Loholio Olibo. 7Tania, irata nyia itai etahuti jio eruhok 'daŋ hutto Masedonia iko hutto Akaya. 8Nyio, ibiaŋata nyia itai itisarrahina ekiana ono Lamonye Masedonia iko Akaya ijiai, ati akuataru nyia buo fe eruk hatai Hollum amasik 'daŋ. Tania, abeŋ obo ariŋ enne ewak hohoi ikiana. 9Ikianai nyia aati hia 'daŋ eram ono efuotuna hatai hohoi onno oyyu; buo fe aŋai ibusana itai amojo jio arrijiorihien, ittata iyituno jio Hollum, igiamari jio Hollum ahode hode, lesuoni. 10Ikianai nyia buo fe isi te etila hatai attuna ono Lonyi Hollum tedou…Lonyi honyi Yesu, linyia itubuhu inyi toye, inyi nyia italuahu hohoi jio ajore Hollum onno ottu 'to.

Currently Selected:

1 TESALONIKA 1: EA2003

Highlight

Copy

Compare