1 Kor 11
11
1 #
1 Kor 4:16; Pil 3:17. Yak täudï dɔmic, cït man aa yɛn täu de Kërtho dɔmic.
Kum de Nɔm ë Lämic
2Ënɔɔnë, wek mïthëkɔckuɔ, wek lɛɛc nɔn aa wek a tak ë këriëëc ëbɛ̈n, ku nɔn aa wek jam cï yiɛ̈n week döt, acït man cän e gäm week. 3Ku yɛn de piɔ̈u luɔi bä wek e ŋic, nɔn ee yen Kërtho yen ee nɔm de moc ëbɛ̈n, ku nɔm de tik yen aye moc, ku nɔm de Kërtho yen aye Nhialic. 4Moc ëbɛ̈n, të lɛ̈ŋ en ayï të guiir en wël, ke kuöm nɔm, ka ye yenɔm tɔ yäär. 5Ku tik ëbɛ̈n, të lɛ̈ŋ en ayï të guiir en wël, ke cïï nɔm kuöm, ka ye yenɔm ta yäär: yen akït kekë kë cï muut nɔm. 6Ku tik, të cïï en nɔm kuöm, tɔ tem nɔm aya: ku të ee yen ayäär tëde tik të temë yenɔm ayï të muutë yenɔm, ke tɔ kuöm nɔm. 7#Cäk 1:26,27. Acïï piɛth ëyic tëde moc të kum en enɔm, luɔi cït en Nhialic në täude ku ye dhuëëŋde: ku tik yen aye dhuëëŋ de moc. 8#Cäk 2:18-23. Moc aa cïï bɔ̈ në tik: tik en aa bɔ̈ në moc. 9Ku moc ayadäŋ aa cïï cak në biäk de tik, tik en aa cak në biäk de moc. 10Yen a duëërë tik dhil dɛ këdäŋ ë yenɔm, ke bï riɛl cath ke monyde nyuɔɔth, në biäk de tuucnhial. 11Ku moc acie rëër të cïn tik, ayï tik acie rëër të cïn moc ë Bɛ̈nydïtic. 12Ku acït man ë bï tik në moc, ayï moc aya abɔ̈ në tik, ku bɔ̈ käŋ kedhie tëde Nhialic.
13Thɔ̈ɔ̈ŋkï wapäc: piɛth tëde tik të lɛ̈ŋ en Nhialic ke cïï nɔm kuöm? 14Acakaa piny guöp kën week wɛ̈ɛ̈t, nɔn ee yen ayäär tëde moc, të ciɛth en ke nhïm bär? 15Ku tik të ciɛth en ke nhïm bär, ka ye dhuëëŋ tëde yen: nhïm bär acï ke gäm en në kum bï en rɔt kum. 16Ku na de raan kɔɔr teer, ke wo cïn ciɛɛŋ cït ee kënë, acakaa ɣööt ke Nhialic yiic ayadäŋ, aliu tëde keek.
Këcam Thëën de Bɛ̈nydït
(Math 26:26-29; Mak 14:22-25; Luk 22:14-20)
17Ku në cöökë cöök bä lɛ̈k week ënɔɔnë, we cä lec, ënɔn ë ya wek guëër, acie piathdun, ee rac en aya wek guëër. 18Cöök tueŋ, ënɔn ë ya wek guëër ë ɣön ë Nhialic yic, acä piŋ nɔn aa wek weyiic tek, ku acä gam ë biäk tök. 19Tëŋ ee kɔc ke yiic tek abï dhil nu ë weyiic, ke kɔc cï tɔ ye kɔc piɛth ke ke bï tïc ëgɔk ë we yiic. 20Ënɔn ë ya wek guëër tëtöŋë, acie cäm bä wek këcam thëën ë Bɛ̈nydït aa cam en aya wek guëër. 21Raan ëbɛ̈n ee këcam de yenguöp nööm ku ciɛm, ku ŋɛk acï cɔk nɔ̈k, ku wit ŋɛk ë mɔ̈u. 22Ee käŋö? Cïn ɣöötkuön nu, ɣööt bä wek aa cam thïn, ku dɛ̈kkï? Ku yak ɣön ë Nhialic biɔɔn, ku yak kɔc cïn kaken yɔ̈ɔ̈r? Bä week lɛ̈k ŋö? Bä week lɛc nïïm në baŋ de kënë? We cä lec nïïm.
23Ku yɛn ë löŋ yök tëde Bɛ̈nydït, löŋ cä gäm week aya an: Bɛ̈nydït Yecu, wɛ̈ɛ̈rwakɔ̈u bï e nyiɛɛn thïnë, ke nöm kuïn cï pam, 24ku të cï en thieithieei lueel, ke wɛ̈kic, lueel an, “Ŋäkï, camkï, kënë ee guöpdiën cï dhuööŋ në baŋdun: yak kënë looi në täŋ bä wek ɛn aa tak.” 25#Bɛ̈n 24:8; Jer 31:31-34; Bɛ̈n 24:6-8. Ku yen ee nɔ̈m nööm en bïny aya, të cï kɔc thök ë cäm, ku lueel an, “Bïnyë ee löŋ cï piac mac ë riɛmdï yic: yak kënë looi, të de yen të dɛ̈k wek ë ye, në täŋ bä wek ɛn aa tak.”
26Ku të de yen të cäm wek ee kuïnë ku dɛ̈kkï ee bïnyë, ke thon ë Bɛ̈nydït en nyuɔɔthkï aɣet të bï en bɛ̈n. 27Yen raan ëbɛ̈n raan ee kuïnë kuöc cam, ku kuc dëk ee bïny ë Bɛ̈nydïïtë, ka ye yeyeth dɛ̈ɛ̈r guöp de Bɛ̈nydït ayï riɛmde. 28Ë raan kɔn rɔt thiëëc, ku bï jɔ cam ee kuïnë, ku dëk ee bïnyë. 29Ku raan ee kuöc cam ku kuc dek, ka ye rɔt cäm jäny bï e jɔ̈ɔ̈ny ku dëk rɔt jäny, në kuny kuc en guöp de Bɛ̈nydït nɔn nu yen thïn. 30Yen aye kɔc juëc ë weyiic gup kɔ̈c, ku cïn kë riɛl, ku cï kɔc juëc thou. 31Ku tëë wo ye röt ŋiëc jɔ̈ɔ̈ny, adï cïï wo ye jɔ̈ɔ̈ny. 32Ku të jiëënyë wo, ke wok ee Nhialic wɛ̈ɛ̈t cït man ë mïthke, ke wo cïï bï yiëk yiëth gääk në kɔc ke piny nɔm ëtök. 33Yen aye tëde, wek mïthëkɔckuɔ, të ya wek guëër bäk bɛ̈n cam, ke we ye röt tiit. 34Ku na de raan cï cɔk nɔ̈k, ke cäm paanden, ke we cïï bï jɔ̈ɔ̈ny ë guëërduön ë ya wek guëër. Ku cök kɔ̈k abä ke bɛ̈n guiir apiɛth miäk cän bɛ̈n.
Currently Selected:
1 Kor 11: dip-JPB
Highlight
Share
Copy
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.
1 Kor 11
11
1 #
1 Kor 4:16; Pil 3:17. Yak täudï dɔmic, cït man aa yɛn täu de Kërtho dɔmic.
Kum de Nɔm ë Lämic
2Ënɔɔnë, wek mïthëkɔckuɔ, wek lɛɛc nɔn aa wek a tak ë këriëëc ëbɛ̈n, ku nɔn aa wek jam cï yiɛ̈n week döt, acït man cän e gäm week. 3Ku yɛn de piɔ̈u luɔi bä wek e ŋic, nɔn ee yen Kërtho yen ee nɔm de moc ëbɛ̈n, ku nɔm de tik yen aye moc, ku nɔm de Kërtho yen aye Nhialic. 4Moc ëbɛ̈n, të lɛ̈ŋ en ayï të guiir en wël, ke kuöm nɔm, ka ye yenɔm tɔ yäär. 5Ku tik ëbɛ̈n, të lɛ̈ŋ en ayï të guiir en wël, ke cïï nɔm kuöm, ka ye yenɔm ta yäär: yen akït kekë kë cï muut nɔm. 6Ku tik, të cïï en nɔm kuöm, tɔ tem nɔm aya: ku të ee yen ayäär tëde tik të temë yenɔm ayï të muutë yenɔm, ke tɔ kuöm nɔm. 7#Cäk 1:26,27. Acïï piɛth ëyic tëde moc të kum en enɔm, luɔi cït en Nhialic në täude ku ye dhuëëŋde: ku tik yen aye dhuëëŋ de moc. 8#Cäk 2:18-23. Moc aa cïï bɔ̈ në tik: tik en aa bɔ̈ në moc. 9Ku moc ayadäŋ aa cïï cak në biäk de tik, tik en aa cak në biäk de moc. 10Yen a duëërë tik dhil dɛ këdäŋ ë yenɔm, ke bï riɛl cath ke monyde nyuɔɔth, në biäk de tuucnhial. 11Ku moc acie rëër të cïn tik, ayï tik acie rëër të cïn moc ë Bɛ̈nydïtic. 12Ku acït man ë bï tik në moc, ayï moc aya abɔ̈ në tik, ku bɔ̈ käŋ kedhie tëde Nhialic.
13Thɔ̈ɔ̈ŋkï wapäc: piɛth tëde tik të lɛ̈ŋ en Nhialic ke cïï nɔm kuöm? 14Acakaa piny guöp kën week wɛ̈ɛ̈t, nɔn ee yen ayäär tëde moc, të ciɛth en ke nhïm bär? 15Ku tik të ciɛth en ke nhïm bär, ka ye dhuëëŋ tëde yen: nhïm bär acï ke gäm en në kum bï en rɔt kum. 16Ku na de raan kɔɔr teer, ke wo cïn ciɛɛŋ cït ee kënë, acakaa ɣööt ke Nhialic yiic ayadäŋ, aliu tëde keek.
Këcam Thëën de Bɛ̈nydït
(Math 26:26-29; Mak 14:22-25; Luk 22:14-20)
17Ku në cöökë cöök bä lɛ̈k week ënɔɔnë, we cä lec, ënɔn ë ya wek guëër, acie piathdun, ee rac en aya wek guëër. 18Cöök tueŋ, ënɔn ë ya wek guëër ë ɣön ë Nhialic yic, acä piŋ nɔn aa wek weyiic tek, ku acä gam ë biäk tök. 19Tëŋ ee kɔc ke yiic tek abï dhil nu ë weyiic, ke kɔc cï tɔ ye kɔc piɛth ke ke bï tïc ëgɔk ë we yiic. 20Ënɔn ë ya wek guëër tëtöŋë, acie cäm bä wek këcam thëën ë Bɛ̈nydït aa cam en aya wek guëër. 21Raan ëbɛ̈n ee këcam de yenguöp nööm ku ciɛm, ku ŋɛk acï cɔk nɔ̈k, ku wit ŋɛk ë mɔ̈u. 22Ee käŋö? Cïn ɣöötkuön nu, ɣööt bä wek aa cam thïn, ku dɛ̈kkï? Ku yak ɣön ë Nhialic biɔɔn, ku yak kɔc cïn kaken yɔ̈ɔ̈r? Bä week lɛ̈k ŋö? Bä week lɛc nïïm në baŋ de kënë? We cä lec nïïm.
23Ku yɛn ë löŋ yök tëde Bɛ̈nydït, löŋ cä gäm week aya an: Bɛ̈nydït Yecu, wɛ̈ɛ̈rwakɔ̈u bï e nyiɛɛn thïnë, ke nöm kuïn cï pam, 24ku të cï en thieithieei lueel, ke wɛ̈kic, lueel an, “Ŋäkï, camkï, kënë ee guöpdiën cï dhuööŋ në baŋdun: yak kënë looi në täŋ bä wek ɛn aa tak.” 25#Bɛ̈n 24:8; Jer 31:31-34; Bɛ̈n 24:6-8. Ku yen ee nɔ̈m nööm en bïny aya, të cï kɔc thök ë cäm, ku lueel an, “Bïnyë ee löŋ cï piac mac ë riɛmdï yic: yak kënë looi, të de yen të dɛ̈k wek ë ye, në täŋ bä wek ɛn aa tak.”
26Ku të de yen të cäm wek ee kuïnë ku dɛ̈kkï ee bïnyë, ke thon ë Bɛ̈nydït en nyuɔɔthkï aɣet të bï en bɛ̈n. 27Yen raan ëbɛ̈n raan ee kuïnë kuöc cam, ku kuc dëk ee bïny ë Bɛ̈nydïïtë, ka ye yeyeth dɛ̈ɛ̈r guöp de Bɛ̈nydït ayï riɛmde. 28Ë raan kɔn rɔt thiëëc, ku bï jɔ cam ee kuïnë, ku dëk ee bïnyë. 29Ku raan ee kuöc cam ku kuc dek, ka ye rɔt cäm jäny bï e jɔ̈ɔ̈ny ku dëk rɔt jäny, në kuny kuc en guöp de Bɛ̈nydït nɔn nu yen thïn. 30Yen aye kɔc juëc ë weyiic gup kɔ̈c, ku cïn kë riɛl, ku cï kɔc juëc thou. 31Ku tëë wo ye röt ŋiëc jɔ̈ɔ̈ny, adï cïï wo ye jɔ̈ɔ̈ny. 32Ku të jiëënyë wo, ke wok ee Nhialic wɛ̈ɛ̈t cït man ë mïthke, ke wo cïï bï yiëk yiëth gääk në kɔc ke piny nɔm ëtök. 33Yen aye tëde, wek mïthëkɔckuɔ, të ya wek guëër bäk bɛ̈n cam, ke we ye röt tiit. 34Ku na de raan cï cɔk nɔ̈k, ke cäm paanden, ke we cïï bï jɔ̈ɔ̈ny ë guëërduön ë ya wek guëër. Ku cök kɔ̈k abä ke bɛ̈n guiir apiɛth miäk cän bɛ̈n.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.