MATHAYO MALAGHO GHEZOYA
MALAGHO GHEZOYA
Ilagho jiboie ja Mathayo jaghora malagho mecha kukaia Jesu ni Mkiri uo orelaghiriloghe, nao nuo utumilo ni Mlungu kukatisha malaghiro ghake oreghibonyereghe kwa wandu wake andenyi ya ilaghano ja kala. Agho mecha si kwa wundu ghwa Wayahudi wiekeri awo Jesu orevaloghe na kuzoghua aghadi kwawo, ela ni kwa wurumwengu ghose.
Chuo cha Mathayo chapangilo kwa wuya. Chazoya na kuvalwa kwa Jesu; chawonyera kubaputizwa kwake na matimo, na kuwada wudumiki ghwake ghochila; kufundisha na kuboisa wakongo Galilaya. Nyuma ya agha, Ilagho Jiboie jawonyera charo cha Jesu kufuma Galilaya hata Jerusalemu na malagho gha njumwa ya kutua ya Jesu, na kumeria kwa kusulubishwa na kuruka kwake.
Ilagho Jiboie iji jammbonyera Jesu kukaia Mwalimu M'baa uko na nguma etafsiri Sharia ya Mlungu na kufundisha malagho gha wuzuri ghwa Mlungu. Mafundisho ghake mengi ghakwanywa kwa mafungu masanu: (1) Machili gha mghondinyi aighu ya tabia, na kazi, na kukaia na hachi na kutua kwa wakitina wa wuzuri ghwa mlungunyi (minyango ya 5-7); (2) Mafundisho kwa wanughi ikumi na wawi kwa wundu ghwa wudumwa ghwawo (mnyango ghwa 10); (3) Mifwano ya maza ra Wuzuri ghwa Mlungunyi (mnyango ghwa 13); (4) Mafundisho aighu ya kutambua kwaro wanughi (mnyango ghwa 18); (5) Mafundisho aighu ya kutua kwa ngelo ihi, na kucha kwa wuzuri ghwa Mlungunyi (mnyango ghwa 24-25).
Malagho ghiko andenyi
Kichuku na kuvalwa kwa Jesu 1.1–2.23
Wudumiki ghwa Johane M'baputizi 3.1-12
Kubaputiza na matimo gha Jesu 3.13–4.11
Wudumiki ghwa Jesu kwa wandu Galilaya 4.12–18.35
Kufuma Galilaya hata Jerusalemu 19.1–20.34
Njumwa ya Kutua kaavui na andenyi ya Jerusalemu 21.1–27.66
Kuruka na kuwoneka kwa Bwana 28.1-20
Currently Selected:
MATHAYO MALAGHO GHEZOYA: TAITA
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 1997
All rights reserved.