Horiso 58
58
Apinh Kră Yang phak lu bơngai pơm kơnê̆
Tơdrong hơri Đawit pơm, pơm ăn kơ thây bơtho hơri. Kiơ̆ kơ tơ'nguơ̆ “'nĕ kơ pơrăm”
1Ơ lu drŏ-nglo kon bơngai, lu iĕm ngăn hăm trŏ pơma 'lơ̆ng tơpăt ưh?
Lu iĕm sek tơlang kon bơngai tơpăt hă?
2Ưh ôh lăm jơhngơ̆m iĕm tơchĕng tơdrong kơnê̆,
na ti iĕm pơm kơnê̆a Tơ lăm teh đak.
3Lu bơngai pơm kơnê̆ đei đơ̆ng oei lăm klak mĕ sư.
Lu sư pơma hơlĕnh plêl iŏk đơ̆ng 'nao tơpŭ.
4Hơkăm lu sư thoi hơkăm 'bih:
Lu sư thoi 'bih dong klĭk chĭt lê̆ đon sư.
5Ưh pă 'maih mơ̆ng nơ̆r bơngai pơhlŭ;
Mă pơhlŭ hơlĕnh hơgei dang yơ.
6Ơ Kră Yang 'Bok Kei-Dei, apinh ih gơ̆ lê̆ hơnĕnh đơ̆ng 'bơ̆r lu sư.
Ơ Kră Yang, apinh gơ̆ lê̆ grĕng dăm-brang mơlôh.
7Ăn kơ lu sư hiong, thoi đak pơhoch!
Dah sư tah 'brơ̆m rĕng, pơm kơ 'brơ̆m noh tŭl.
8Ăn kơ lu sư thoi hơbâu hiong biŏng năm tơ nai.
Kŭm thoi nge đe tơhuŏng rơngăt. Ưh kơ 'bôh măt 'năr!
9Adrol kơ pla ŭnh truh tơ gŏ lu iĕm. Kră Yang 'Bok Kei-Dei ăn kial hơbŭt tih pơđông lê̆ hơpaih.
Mă oei hơdrih dah ŭnh oei sa.
10Lu bơngai tơpăt gô chơt hiôk dah lu sư 'bôh tơdrong pơm tơwih, kơ bơngai kơnê̆.
Lu sư gô tong jơ̆ng tơ pham lu bơngai kơnê̆.
11Na đe gô khan: “Sĭt tơpă gô đei apah kơ lu bơngai tơpăt,
Sĭt tơpă đei Kră Yang 'Bok Kei-Dei sek tơlang kơpal teh.”
Currently Selected:
Horiso 58: bdq
Highlight
Share
Copy
Want to have your highlights saved across all your devices? Sign up or sign in
©Bahnar Bible Association. All rights reserved.
Horiso 58
58
Apinh Kră Yang phak lu bơngai pơm kơnê̆
Tơdrong hơri Đawit pơm, pơm ăn kơ thây bơtho hơri. Kiơ̆ kơ tơ'nguơ̆ “'nĕ kơ pơrăm”
1Ơ lu drŏ-nglo kon bơngai, lu iĕm ngăn hăm trŏ pơma 'lơ̆ng tơpăt ưh?
Lu iĕm sek tơlang kon bơngai tơpăt hă?
2Ưh ôh lăm jơhngơ̆m iĕm tơchĕng tơdrong kơnê̆,
na ti iĕm pơm kơnê̆a Tơ lăm teh đak.
3Lu bơngai pơm kơnê̆ đei đơ̆ng oei lăm klak mĕ sư.
Lu sư pơma hơlĕnh plêl iŏk đơ̆ng 'nao tơpŭ.
4Hơkăm lu sư thoi hơkăm 'bih:
Lu sư thoi 'bih dong klĭk chĭt lê̆ đon sư.
5Ưh pă 'maih mơ̆ng nơ̆r bơngai pơhlŭ;
Mă pơhlŭ hơlĕnh hơgei dang yơ.
6Ơ Kră Yang 'Bok Kei-Dei, apinh ih gơ̆ lê̆ hơnĕnh đơ̆ng 'bơ̆r lu sư.
Ơ Kră Yang, apinh gơ̆ lê̆ grĕng dăm-brang mơlôh.
7Ăn kơ lu sư hiong, thoi đak pơhoch!
Dah sư tah 'brơ̆m rĕng, pơm kơ 'brơ̆m noh tŭl.
8Ăn kơ lu sư thoi hơbâu hiong biŏng năm tơ nai.
Kŭm thoi nge đe tơhuŏng rơngăt. Ưh kơ 'bôh măt 'năr!
9Adrol kơ pla ŭnh truh tơ gŏ lu iĕm. Kră Yang 'Bok Kei-Dei ăn kial hơbŭt tih pơđông lê̆ hơpaih.
Mă oei hơdrih dah ŭnh oei sa.
10Lu bơngai tơpăt gô chơt hiôk dah lu sư 'bôh tơdrong pơm tơwih, kơ bơngai kơnê̆.
Lu sư gô tong jơ̆ng tơ pham lu bơngai kơnê̆.
11Na đe gô khan: “Sĭt tơpă gô đei apah kơ lu bơngai tơpăt,
Sĭt tơpă đei Kră Yang 'Bok Kei-Dei sek tơlang kơpal teh.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bahnar Bible Association. All rights reserved.