Le 30
30
Chơnang soh tơmam 'bâu phu
1Ih athei pơm minh pôm chơnang soi păng 'long keo wă kơ soh tơmam 'bâu phu. 2Chơnang să iĕ tŏ ăi, gah tor minh hơgăt, gah wơ̆l minh hơgăt păng kơjung 'bar hơgăt; chơnang soi pơm puăn tŏ ake kơtă hloi.a 3Ih athei lom sư păng maih rơgoh tơ đĭ-đăng akâu sư păng tơ puăn tŏ ake; lem trong păng maih jum dăr. 4Ih athei pơm tơ ala kơ trong gơnăp 'bar tŏ khuen păng maih wă kơ gơh sôr 'long tung sư. 5Ih athei pơm 'bar tŏ 'long tơnung wă tung păng 'long keo, lom păng maih. 6Ih gô ming chơnang soi 'noh gah anăp che pĕng găn jê̆ hom tơdrong pơgơ̆p păng tơnglơ̆p tơdrong 'mêm mơnat đơ̆p kơpal Hom anih Inh gô tơ'bơ̆p ih. 7Rim til pơgê, kơplah Arôn tơ̆k hơmet ŭnh kơđeng, sư gô soh tơmam 'bâu phu tơ anih 'noh. 8Kơplah til kơsơ̆ măng, Arôn kư̆m tơ̆k ŭnh kơđeng, kư̆m gô soh tơmam 'bâu phu; tơmam 'bâu phu 'nâu athei soh pơyơ̆r kơ Kră Yang ling-lang, truh lăm rim jơhnơr. 9Tơ kơpal chơnang soi 'nâu 'nĕ kơ soh tơmam 'bâu phu ưh kơ rơgoh kư̆m ưh kơ gơh pơyơ̆r tơmam soi 'buh soi tơpŭng dah tơmam soi huch. 10Minh sơnăm minh wơ̆t, Arôn gô iŏk pham kon sem dơrong soi 'buh huai đơ̆ng tơdrong yoch, pik tơ kơpal ake chơnang soi wă pơm kơ chơnang soi rơgoh minh wơ̆t rim sơnăm lăm đĭ-đăng jơhnơr. 'Nâu boih jing chơnang soi rơgoh 'lơ̆ng hloh ăn kơ Kră Yang.
Jên wă huai tơdrong arih
11Kră Yang khan kơ Môis: 12Layơ ih chih jô̆ tơmơ̆t kơsô̆ kơ̆l bơngai Isơrael, rim 'nu kơ lu sư athei ăn jên wă huai tơdrong arih kơdih ăn kơ Kră Yang wă huay kơ đei tơdrong jĭ apoh truh lăm kơplah ih oei chih tơmơ̆t jô̆ lu sư. 13Bơngai ayơ đei anăn lăm sơ̆p hla bơar athei ăn jên minh puăt seikơlb kiơ̆ kơ seikơl anih rơgoh, trăp sư dang 'bar-jĭt gera thoi noh, minh puăt seikơl noh jing tơmam pơyơ̆r ăn kơ Kră Yang. 14Dôm lu anăn đei chih jô̆ tơ lăm sơ̆p hla bơar đơ̆ng 'bar-jĭt sơnăm tơ kơpal athei pơyơ̆r ăn kơ Kră Yang. 15Kơplah iĕm pơyơ̆r tơmam 'nâu ăn kơ Kră Yang wă kơ huai tơdrong arih kơdih, lu bơngai mơdrŏng ưh kơ ăn pơhloh, kơ lu bơngai dơnuh kư̆m ưh kơ gơh ăn hơtuch kơ minh puăt seikơl mơ̆n. 16Thoi noh ih ra iŏk jên wă kơ huai tơdrong arih lu bơngai Isơrael, na yua jên 'noh ih tơmơ̆t lăm tơdrong jang lăm Bơsŭn Anih Akŭm, 'noh jing tơmam 'blŏk hơdơ̆r kơ kon pơlei Isơrael pơyơ̆r ăn kơ Kră Yang, wă kơ gơh huai tơdrong arih kơdih akâu iĕm.
Kơthŭng kong
17Kră Yang khan kơ Môis: 18Ih athei pơm kơthŭng păng jơ̆ng kơthŭng păng kong, wă kơ ôp 'nhao, na ih ming dan sư sơlam Bơsŭn Anih Akŭm hăm chơnang soi păng tuh đak lăm noh. 19Arôn hăm lu kon drŏ-nglo sư gô ôp ti păng jơ̆ng lu sư tơ lăm đak noh. 20Kơplah sư mơ̆t tơ lăm Bơsŭn anih akŭm lu sư ôp hơrao jơ̆ng ti, na lu sư huay kơ lôch; păng kơplah năm jê̆ chơnang soi wă 'buh tơmam soi yua ŭnh soh pơyơ̆r kơ Kră Yang, lu sư athei wei răk thoi noh. 21Thoi noh, lu sư athei ôp jơ̆ng ti, wă huay kơ lôch, 'noh jing minh tơdrong juăt ling-lang ăn kơ Arôn hăm adrĕch adrung sư rim jơhnơr.
Đak rơmă rơgoh
22Kră Yang khan kơ Môis: 23Athei akŭm bĕ lu tơmam 'bâu phu 'lơ̆ng hloh: Tơdrâu kĭ 'long pơgang 'bâu phu, pêng kĭ kơđoh 'long hol 'bâu phu, pêng kĭ chai 'bâu phu. 24Tơdrâu kĭ kơđoh 'long Kasia 'bâu phu. Kiơ̆ kơ anih rơgoh păng puăn lit rơmă 'long ôliwơ.c 25Ih athei iŏk dôm lu tơmam 'bâu phu 'noh, pơm đak rơmă 'bâu phu yua wă pơm pơgang pik 'lơ̆ng, rơgoh. Thoi đak 'bâu phu lŭk hrâu hơbĭ kiơ̆ thoi đe juăt kơ pơm rơmă 'bâu phu, sư jing đak 'bâu phu wă yua pik hling lăm tơdrong rơgoh. 26Klaih kơ noh, ih iŏk đak rơmă 'bâu phu pik tơ lăm Bơsŭn Anih Akŭm tơ hom tơdrong pơgơ̆p. 27Gơ'bang hăm lu tơmam yua lăm sư, jơ̆ng kơđeng hăm lu tơmam yua lăm sư, chơnang soh pơgang 'bâu phu, 28chơnang soi pơyơ̆r 'buh hăm tơmam yua lăm noh, kơthŭng đak hăm jơ̆ng kơthŭng. 29Ih athei 'măn dôm tơmam 'nâu pha pơm tơdrong rơgoh, wă kơ pơm rơgoh hloh, wă kơ tơmam kiơ hơtŭt 'bơm tă kơ gơh rơgoh. 30Ih athei tuh hling đak pơgang 'bâu phu ăn kơ Arôn hăm lu kon drŏ-nglo sư, 'măn lu sư pha wă kơ rơgoh 'lơ̆ng, wă kơ pơm 'bok soi bơ̆jang kơ Inh. 31Păng ih athei khan hăm lu kon pơlei Isơrael: Đak pơgang 'bâu phu 'nâu jơ̆ pơgang 'bâu phu rơgoh hloh wă yua lăm rim jơhnơr lu iĕm. 32'Nĕ ăn kơ đe tuh tơ akâu kon bơngai nai păng kư̆m 'nĕ kơ yua pơm pơgang 'bâu phu ayơ rok kiơ̆, tơmam 'bâu phu 'noh; pơgang 'bâu phu 'nâu jơ̆ pơgang rơgoh, kư̆m gô pơm ăn kơ lu iĕm, gơh rơgoh. 33Tơdah bơngai bu pơm rok pơgang 'bâu phu nhen thoi noh na tuh hling tơ minh bơngai nai, đe gô puh jăk đơ̆ng kon pơlei pơla sư.
Pơgang 'bâu phu 'lơ̆ng rơgoh
34Kră Yang khan kơ Môis: Ih athei iŏk dôm tơmam 'bâu phu wă khan chai 'long hold, kơđoh hmok ka Ônichae, chai 'long Phrankincensef, chai 'long Galbuniumg, đĭ-đăng lu sư iŏk dôm ăi.h 35Ih ăn kơ bơngai gơh pơm pơgang 'bâu phu, gô pơm jing pơgang bâu phu 'lơ̆ng. 'Nâu pơgang 'bâu phu 'lơ̆ng, đei 'boh, tŏ sĕt păng ling rơgoh 'lơ̆ng. 36Athei peh sư jing tơpŭng hĕch, na prôi sư 'bơ̆t anăp kơ Hom pơgơ̆p lăm Bơsŭn Anih Akŭm anih mă Inh gô tơ'bơ̆p ih. Pơgang 'bâu phu âu rơgoh hloh. 37'Nĕ kơ pơm tơmam 'bâu phu thoi 'nâu wă yua kơ iĕm kơdih, ih athei lăng pơm tơmam rơgoh ăn kơ Kră Yang. 38Tơdah bơngai bu pơm nhen thoi noh wă yua kơdih akâu 'bâu phu, đe gô puh tơweh lê̆ sư đơ̆ng kon pơlei Isơrael.
Currently Selected:
Le 30: bdq
Highlight
Copy
Compare
Share
Want to have your highlights saved across all your devices? Sign up or sign in
©Bahnar Bible Association. All rights reserved.
Le 30
30
Chơnang soh tơmam 'bâu phu
1Ih athei pơm minh pôm chơnang soi păng 'long keo wă kơ soh tơmam 'bâu phu. 2Chơnang să iĕ tŏ ăi, gah tor minh hơgăt, gah wơ̆l minh hơgăt păng kơjung 'bar hơgăt; chơnang soi pơm puăn tŏ ake kơtă hloi.a 3Ih athei lom sư păng maih rơgoh tơ đĭ-đăng akâu sư păng tơ puăn tŏ ake; lem trong păng maih jum dăr. 4Ih athei pơm tơ ala kơ trong gơnăp 'bar tŏ khuen păng maih wă kơ gơh sôr 'long tung sư. 5Ih athei pơm 'bar tŏ 'long tơnung wă tung păng 'long keo, lom păng maih. 6Ih gô ming chơnang soi 'noh gah anăp che pĕng găn jê̆ hom tơdrong pơgơ̆p păng tơnglơ̆p tơdrong 'mêm mơnat đơ̆p kơpal Hom anih Inh gô tơ'bơ̆p ih. 7Rim til pơgê, kơplah Arôn tơ̆k hơmet ŭnh kơđeng, sư gô soh tơmam 'bâu phu tơ anih 'noh. 8Kơplah til kơsơ̆ măng, Arôn kư̆m tơ̆k ŭnh kơđeng, kư̆m gô soh tơmam 'bâu phu; tơmam 'bâu phu 'nâu athei soh pơyơ̆r kơ Kră Yang ling-lang, truh lăm rim jơhnơr. 9Tơ kơpal chơnang soi 'nâu 'nĕ kơ soh tơmam 'bâu phu ưh kơ rơgoh kư̆m ưh kơ gơh pơyơ̆r tơmam soi 'buh soi tơpŭng dah tơmam soi huch. 10Minh sơnăm minh wơ̆t, Arôn gô iŏk pham kon sem dơrong soi 'buh huai đơ̆ng tơdrong yoch, pik tơ kơpal ake chơnang soi wă pơm kơ chơnang soi rơgoh minh wơ̆t rim sơnăm lăm đĭ-đăng jơhnơr. 'Nâu boih jing chơnang soi rơgoh 'lơ̆ng hloh ăn kơ Kră Yang.
Jên wă huai tơdrong arih
11Kră Yang khan kơ Môis: 12Layơ ih chih jô̆ tơmơ̆t kơsô̆ kơ̆l bơngai Isơrael, rim 'nu kơ lu sư athei ăn jên wă huai tơdrong arih kơdih ăn kơ Kră Yang wă huay kơ đei tơdrong jĭ apoh truh lăm kơplah ih oei chih tơmơ̆t jô̆ lu sư. 13Bơngai ayơ đei anăn lăm sơ̆p hla bơar athei ăn jên minh puăt seikơlb kiơ̆ kơ seikơl anih rơgoh, trăp sư dang 'bar-jĭt gera thoi noh, minh puăt seikơl noh jing tơmam pơyơ̆r ăn kơ Kră Yang. 14Dôm lu anăn đei chih jô̆ tơ lăm sơ̆p hla bơar đơ̆ng 'bar-jĭt sơnăm tơ kơpal athei pơyơ̆r ăn kơ Kră Yang. 15Kơplah iĕm pơyơ̆r tơmam 'nâu ăn kơ Kră Yang wă kơ huai tơdrong arih kơdih, lu bơngai mơdrŏng ưh kơ ăn pơhloh, kơ lu bơngai dơnuh kư̆m ưh kơ gơh ăn hơtuch kơ minh puăt seikơl mơ̆n. 16Thoi noh ih ra iŏk jên wă kơ huai tơdrong arih lu bơngai Isơrael, na yua jên 'noh ih tơmơ̆t lăm tơdrong jang lăm Bơsŭn Anih Akŭm, 'noh jing tơmam 'blŏk hơdơ̆r kơ kon pơlei Isơrael pơyơ̆r ăn kơ Kră Yang, wă kơ gơh huai tơdrong arih kơdih akâu iĕm.
Kơthŭng kong
17Kră Yang khan kơ Môis: 18Ih athei pơm kơthŭng păng jơ̆ng kơthŭng păng kong, wă kơ ôp 'nhao, na ih ming dan sư sơlam Bơsŭn Anih Akŭm hăm chơnang soi păng tuh đak lăm noh. 19Arôn hăm lu kon drŏ-nglo sư gô ôp ti păng jơ̆ng lu sư tơ lăm đak noh. 20Kơplah sư mơ̆t tơ lăm Bơsŭn anih akŭm lu sư ôp hơrao jơ̆ng ti, na lu sư huay kơ lôch; păng kơplah năm jê̆ chơnang soi wă 'buh tơmam soi yua ŭnh soh pơyơ̆r kơ Kră Yang, lu sư athei wei răk thoi noh. 21Thoi noh, lu sư athei ôp jơ̆ng ti, wă huay kơ lôch, 'noh jing minh tơdrong juăt ling-lang ăn kơ Arôn hăm adrĕch adrung sư rim jơhnơr.
Đak rơmă rơgoh
22Kră Yang khan kơ Môis: 23Athei akŭm bĕ lu tơmam 'bâu phu 'lơ̆ng hloh: Tơdrâu kĭ 'long pơgang 'bâu phu, pêng kĭ kơđoh 'long hol 'bâu phu, pêng kĭ chai 'bâu phu. 24Tơdrâu kĭ kơđoh 'long Kasia 'bâu phu. Kiơ̆ kơ anih rơgoh păng puăn lit rơmă 'long ôliwơ.c 25Ih athei iŏk dôm lu tơmam 'bâu phu 'noh, pơm đak rơmă 'bâu phu yua wă pơm pơgang pik 'lơ̆ng, rơgoh. Thoi đak 'bâu phu lŭk hrâu hơbĭ kiơ̆ thoi đe juăt kơ pơm rơmă 'bâu phu, sư jing đak 'bâu phu wă yua pik hling lăm tơdrong rơgoh. 26Klaih kơ noh, ih iŏk đak rơmă 'bâu phu pik tơ lăm Bơsŭn Anih Akŭm tơ hom tơdrong pơgơ̆p. 27Gơ'bang hăm lu tơmam yua lăm sư, jơ̆ng kơđeng hăm lu tơmam yua lăm sư, chơnang soh pơgang 'bâu phu, 28chơnang soi pơyơ̆r 'buh hăm tơmam yua lăm noh, kơthŭng đak hăm jơ̆ng kơthŭng. 29Ih athei 'măn dôm tơmam 'nâu pha pơm tơdrong rơgoh, wă kơ pơm rơgoh hloh, wă kơ tơmam kiơ hơtŭt 'bơm tă kơ gơh rơgoh. 30Ih athei tuh hling đak pơgang 'bâu phu ăn kơ Arôn hăm lu kon drŏ-nglo sư, 'măn lu sư pha wă kơ rơgoh 'lơ̆ng, wă kơ pơm 'bok soi bơ̆jang kơ Inh. 31Păng ih athei khan hăm lu kon pơlei Isơrael: Đak pơgang 'bâu phu 'nâu jơ̆ pơgang 'bâu phu rơgoh hloh wă yua lăm rim jơhnơr lu iĕm. 32'Nĕ ăn kơ đe tuh tơ akâu kon bơngai nai păng kư̆m 'nĕ kơ yua pơm pơgang 'bâu phu ayơ rok kiơ̆, tơmam 'bâu phu 'noh; pơgang 'bâu phu 'nâu jơ̆ pơgang rơgoh, kư̆m gô pơm ăn kơ lu iĕm, gơh rơgoh. 33Tơdah bơngai bu pơm rok pơgang 'bâu phu nhen thoi noh na tuh hling tơ minh bơngai nai, đe gô puh jăk đơ̆ng kon pơlei pơla sư.
Pơgang 'bâu phu 'lơ̆ng rơgoh
34Kră Yang khan kơ Môis: Ih athei iŏk dôm tơmam 'bâu phu wă khan chai 'long hold, kơđoh hmok ka Ônichae, chai 'long Phrankincensef, chai 'long Galbuniumg, đĭ-đăng lu sư iŏk dôm ăi.h 35Ih ăn kơ bơngai gơh pơm pơgang 'bâu phu, gô pơm jing pơgang bâu phu 'lơ̆ng. 'Nâu pơgang 'bâu phu 'lơ̆ng, đei 'boh, tŏ sĕt păng ling rơgoh 'lơ̆ng. 36Athei peh sư jing tơpŭng hĕch, na prôi sư 'bơ̆t anăp kơ Hom pơgơ̆p lăm Bơsŭn Anih Akŭm anih mă Inh gô tơ'bơ̆p ih. Pơgang 'bâu phu âu rơgoh hloh. 37'Nĕ kơ pơm tơmam 'bâu phu thoi 'nâu wă yua kơ iĕm kơdih, ih athei lăng pơm tơmam rơgoh ăn kơ Kră Yang. 38Tơdah bơngai bu pơm nhen thoi noh wă yua kơdih akâu 'bâu phu, đe gô puh tơweh lê̆ sư đơ̆ng kon pơlei Isơrael.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bahnar Bible Association. All rights reserved.