Le 25
25
Kră Yang 'Bok Kei-Dei athei Môis pơm Bơsŭn Anih Akŭm
1Kră Yang khan kơ Môis: 2Athei khan kơ bơngai Isơrael pơyơ̆r tơmam ăn kơ Inh; ih athei iŏk tơmam đơ̆ng bơngai bu đei jơhngơ̆m hiôk pơyơ̆r ăn kơ Inh noh. 3'Nâu tơmam pơyơ̆r ih gô iŏk đơ̆ng lu sư; hu, maih kong, 4Brai jơk 'brê hơhĭm, 'brê gôh, che 'bui brai se, che sŏk bơbe, akar triu tơno tong đak 'brê, 5akar ka tih, 'long Keo, 6đak rơmă plei ôliwơ tơ̆k ŭnh jrĕnh, tơmam wă pơm đak 'bâu phu wă pik wă pơm pơgang 'bâu phu, 7Tơmo rang gĭt nai wă pơklep tơ êphot păng che atol tơ kơtơh. 8Lu sư gô pơm ăn kơ Inh minh anih kơkuh rơgoh păng Inh gô oei tŏk-bŏk lu sư. 9Athei pơm Bơsŭn Anih Akŭm hăm tơmam yua lei-lăi thoi Inh gô tơ'bôh ăn kơ ih.
Hom tơdrong pơgơ̆p
10Thoi noh ih athei lu sư pơm minh pôm hom hăm 'long Keo, tor sư 'bar hơgăt minh puăt, wơ̆l minh hơgăt minh puăt păng kơjung sư kư̆m minh hơgăt minh puăt. 11Iŏk maih rơgoh lom pơklep lăm păng đaih păng pơm gơnăp sư tăp dăr păng maih. 12Ih kư̆m athei hling puăn tŏ khuen maih 'măn lê̆ tơ puăn pah jơ̆ng mum hom; 'bar tŏ jơ̆ng mum gah âu, 'bar tŏ jơ̆ng mum gah to, 13kư̆m pơm 'bar tŏ 'long tơnung hăm 'long Keo, lom hăm maih; 14na sôr tơmơ̆t tơ lăm bơlôh khuen 'bar pah jơ̆ng mum hom, wă kơ tung hom. 15'Long tơnung noh lê̆ hloi lăm bơlôh khuen, 'nĕ pă plôh. 16Ih athei tah lăm hom tơdrong pơgơ̆p khôi juăt nơ̆r mă tơtă Inh gô ăn kơ ih.
Tơnglơ̆p tơdrong 'mêm mơnat
17Ih kư̆m athei pơm minh hlak tơnglơ̆p tơdrong 'mêm mơnat păng maih rơgoh, tor 'bar hơgăt minh puăt, wơ̆l minh hơgăt minh puăt. 18Kŭm pơm kơtă hloi 'bar tŏ rup chêrubim hăm maih, dan 'bar pah kơ̆l tơnglơ̆p tơdrong 'mêm mơnat, 19dan hloh tơ 'nguaih, minh pôm rup jih gah âu păng minh pôm rup jih gah to. Ih athei pơm rup chêrubim dan sư tơ 'bar pah jih. 20'Bar tŏ chêrubim gô bơyar pơnăr, klơ̆p kơpal tơnglơ̆p tơdrong 'mêm mơnat, tơwih măt tơklă băl lăng tơpăt tơ tơnglơ̆p tơdrong 'mêm mơnat. 21Ih athei dan tơnglơ̆p tơdrong 'mêm mơnat tơ kơpal hom, lăm hom ih tah khôi juăt nơ̆r tơtă Inh gô ăn kơ ih. 22Inh gô tơ'bơ̆p ih tơ noh, tơ kơpal tơnglơ̆p tơdrong 'mêm mơnat sơlam 'bar tŏ rup chêrubim, tơ kơpal hom tơdrong pơgơ̆p noh Inh gô bơtho tơ'bôh kơ ih dôm tơdrong tơtă kơ lu bơngai Isơrael.
Gơ'bang dan 'bĕng rơgoh
23Ih athei pơm minh pôm gơ'bang păng 'long keo; tor sư 'bar hơgăt, wơ̆l sư minh hơgăt păng kơjung minh hơgăt minh puăt, 24ih lom păng maih rơgoh păng pơm minh trong gơnăp tăp dăr hăm maih; 25ih pơm 'long găn tăp dăr gơ'bang dang tŏ pah, na pơm gơnăp hăm maih minh trong tăp dăr. 26Đơ̆ng noh ih tah puăn tŏ khuen maih tơ puăn pah mum jơ̆ng gơ'bang. 27Gơwang khuen noh jê̆ 'long găn sư, wă sôr 'long tơnung tung gơ'bang. 28Ih athei pơm 'long tơnung hăm 'long keo, lom păng maih, đe gô yua wă tung gơ'bang noh. 29Ih kư̆m athei iŏk maih rơgoh pơm pơnhan chhĕr, pơnhan, klĭnh păng kơchŏk wă yua tuh tơmam pơyơ̆r huch sa. 30Tơ kơpal gơ'bang ih gô 'măn 'bĕng tơpŭng athei đei ling-lang 'bơ̆t anăp Inh.
Jơ̆ng kơđeng maih
31Ih athei pơm jơ̆ng ŭnh kơđeng hăm maih rơgoh, jơ̆ng, akâu, 'long pơdơ̆ng, plei hăm pơkao kơđeng pơm đĭ păng maih hơjơ̆m pơiel. 32'Bar pah akâu ŭnh kơđeng đei tơdrâu tŏ dơng tơ'bla, pêng tŏ dơng tơ'bla gah âu, pêng tŏ dơng tơ'bla gah to.
33Lăm tơdrâu tŏ dơng tơ'bla sư chăt đơ̆ng jơ̆ng kơđeng rim kơ dơng tơ'bla đei pêng tŏ plei kơchŏk pơm thoi pơkao amandê,a minh pôm rơnôp păng pơkao. 34Kơpal akâu jơ̆ng kơđeng, kư̆m dai đei puăn tŏ plei kơchŏk pơm thoi pơkao amandê đei minh pôm rơnôp păng pơkao sư. 35Lăm tơdrâu tŏ dơng tơ'bla đơ̆ng akâu jơ̆ng ŭnh kơđeng, kư̆ kơ rim 'bar tŏ dơng tơ'bla, tơ ala đei minh pôm rơnôp. 36Rơnôp păng dơng tơ'bla, tơ'bưh hơbĭ pơm hăm maih đe tơtang blat. 37Ih kư̆m athei pơm tơpơh tŏ brai kơđeng đe wă tơ̆k ŭnh kơđeng na pơchrang hơdah tơ anăp. 38Chơkep kăt rơnok brai ŭnh kơđeng păng pơnhan chhĕr dan rơnok sư kư̆m pơm păng maih rơgoh. 39Đe gô yua minh talângb maih rơgoh pơm jơ̆ng ŭnh kơđeng păng tơmam wă yua hơmet sư. 40Thoi noh ih athei lăng, kư̆ kơ pơm rok hơbŏ thoi đei tơ'bôh kơ ih boih tơ kơpal kông.
Currently Selected:
Le 25: bdq
Highlight
Copy
Compare
Share
Want to have your highlights saved across all your devices? Sign up or sign in
©Bahnar Bible Association. All rights reserved.
Le 25
25
Kră Yang 'Bok Kei-Dei athei Môis pơm Bơsŭn Anih Akŭm
1Kră Yang khan kơ Môis: 2Athei khan kơ bơngai Isơrael pơyơ̆r tơmam ăn kơ Inh; ih athei iŏk tơmam đơ̆ng bơngai bu đei jơhngơ̆m hiôk pơyơ̆r ăn kơ Inh noh. 3'Nâu tơmam pơyơ̆r ih gô iŏk đơ̆ng lu sư; hu, maih kong, 4Brai jơk 'brê hơhĭm, 'brê gôh, che 'bui brai se, che sŏk bơbe, akar triu tơno tong đak 'brê, 5akar ka tih, 'long Keo, 6đak rơmă plei ôliwơ tơ̆k ŭnh jrĕnh, tơmam wă pơm đak 'bâu phu wă pik wă pơm pơgang 'bâu phu, 7Tơmo rang gĭt nai wă pơklep tơ êphot păng che atol tơ kơtơh. 8Lu sư gô pơm ăn kơ Inh minh anih kơkuh rơgoh păng Inh gô oei tŏk-bŏk lu sư. 9Athei pơm Bơsŭn Anih Akŭm hăm tơmam yua lei-lăi thoi Inh gô tơ'bôh ăn kơ ih.
Hom tơdrong pơgơ̆p
10Thoi noh ih athei lu sư pơm minh pôm hom hăm 'long Keo, tor sư 'bar hơgăt minh puăt, wơ̆l minh hơgăt minh puăt păng kơjung sư kư̆m minh hơgăt minh puăt. 11Iŏk maih rơgoh lom pơklep lăm păng đaih păng pơm gơnăp sư tăp dăr păng maih. 12Ih kư̆m athei hling puăn tŏ khuen maih 'măn lê̆ tơ puăn pah jơ̆ng mum hom; 'bar tŏ jơ̆ng mum gah âu, 'bar tŏ jơ̆ng mum gah to, 13kư̆m pơm 'bar tŏ 'long tơnung hăm 'long Keo, lom hăm maih; 14na sôr tơmơ̆t tơ lăm bơlôh khuen 'bar pah jơ̆ng mum hom, wă kơ tung hom. 15'Long tơnung noh lê̆ hloi lăm bơlôh khuen, 'nĕ pă plôh. 16Ih athei tah lăm hom tơdrong pơgơ̆p khôi juăt nơ̆r mă tơtă Inh gô ăn kơ ih.
Tơnglơ̆p tơdrong 'mêm mơnat
17Ih kư̆m athei pơm minh hlak tơnglơ̆p tơdrong 'mêm mơnat păng maih rơgoh, tor 'bar hơgăt minh puăt, wơ̆l minh hơgăt minh puăt. 18Kŭm pơm kơtă hloi 'bar tŏ rup chêrubim hăm maih, dan 'bar pah kơ̆l tơnglơ̆p tơdrong 'mêm mơnat, 19dan hloh tơ 'nguaih, minh pôm rup jih gah âu păng minh pôm rup jih gah to. Ih athei pơm rup chêrubim dan sư tơ 'bar pah jih. 20'Bar tŏ chêrubim gô bơyar pơnăr, klơ̆p kơpal tơnglơ̆p tơdrong 'mêm mơnat, tơwih măt tơklă băl lăng tơpăt tơ tơnglơ̆p tơdrong 'mêm mơnat. 21Ih athei dan tơnglơ̆p tơdrong 'mêm mơnat tơ kơpal hom, lăm hom ih tah khôi juăt nơ̆r tơtă Inh gô ăn kơ ih. 22Inh gô tơ'bơ̆p ih tơ noh, tơ kơpal tơnglơ̆p tơdrong 'mêm mơnat sơlam 'bar tŏ rup chêrubim, tơ kơpal hom tơdrong pơgơ̆p noh Inh gô bơtho tơ'bôh kơ ih dôm tơdrong tơtă kơ lu bơngai Isơrael.
Gơ'bang dan 'bĕng rơgoh
23Ih athei pơm minh pôm gơ'bang păng 'long keo; tor sư 'bar hơgăt, wơ̆l sư minh hơgăt păng kơjung minh hơgăt minh puăt, 24ih lom păng maih rơgoh păng pơm minh trong gơnăp tăp dăr hăm maih; 25ih pơm 'long găn tăp dăr gơ'bang dang tŏ pah, na pơm gơnăp hăm maih minh trong tăp dăr. 26Đơ̆ng noh ih tah puăn tŏ khuen maih tơ puăn pah mum jơ̆ng gơ'bang. 27Gơwang khuen noh jê̆ 'long găn sư, wă sôr 'long tơnung tung gơ'bang. 28Ih athei pơm 'long tơnung hăm 'long keo, lom păng maih, đe gô yua wă tung gơ'bang noh. 29Ih kư̆m athei iŏk maih rơgoh pơm pơnhan chhĕr, pơnhan, klĭnh păng kơchŏk wă yua tuh tơmam pơyơ̆r huch sa. 30Tơ kơpal gơ'bang ih gô 'măn 'bĕng tơpŭng athei đei ling-lang 'bơ̆t anăp Inh.
Jơ̆ng kơđeng maih
31Ih athei pơm jơ̆ng ŭnh kơđeng hăm maih rơgoh, jơ̆ng, akâu, 'long pơdơ̆ng, plei hăm pơkao kơđeng pơm đĭ păng maih hơjơ̆m pơiel. 32'Bar pah akâu ŭnh kơđeng đei tơdrâu tŏ dơng tơ'bla, pêng tŏ dơng tơ'bla gah âu, pêng tŏ dơng tơ'bla gah to.
33Lăm tơdrâu tŏ dơng tơ'bla sư chăt đơ̆ng jơ̆ng kơđeng rim kơ dơng tơ'bla đei pêng tŏ plei kơchŏk pơm thoi pơkao amandê,a minh pôm rơnôp păng pơkao. 34Kơpal akâu jơ̆ng kơđeng, kư̆m dai đei puăn tŏ plei kơchŏk pơm thoi pơkao amandê đei minh pôm rơnôp păng pơkao sư. 35Lăm tơdrâu tŏ dơng tơ'bla đơ̆ng akâu jơ̆ng ŭnh kơđeng, kư̆ kơ rim 'bar tŏ dơng tơ'bla, tơ ala đei minh pôm rơnôp. 36Rơnôp păng dơng tơ'bla, tơ'bưh hơbĭ pơm hăm maih đe tơtang blat. 37Ih kư̆m athei pơm tơpơh tŏ brai kơđeng đe wă tơ̆k ŭnh kơđeng na pơchrang hơdah tơ anăp. 38Chơkep kăt rơnok brai ŭnh kơđeng păng pơnhan chhĕr dan rơnok sư kư̆m pơm păng maih rơgoh. 39Đe gô yua minh talângb maih rơgoh pơm jơ̆ng ŭnh kơđeng păng tơmam wă yua hơmet sư. 40Thoi noh ih athei lăng, kư̆ kơ pơm rok hơbŏ thoi đei tơ'bôh kơ ih boih tơ kơpal kông.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bahnar Bible Association. All rights reserved.