El Apocalipsis 22
22
1Mit cʉs̈ ayé ángel tʉs̈actu-is̈ tu'c mʉjnʉ' tʉ'cs̈icway, mit ayé ijtʉu nʉ' iyacpay vida mit que's̈tunas̈ as̈am cristal. Mit ayé mʉjnʉ' pichin meru Dios itrononi'c mam itsʉ̱na-ey ayé borreguwáy Jesucristu. 2Mit ayé mʉjnʉ' pujʉ'c es̈pu̱t calle en ayé nʉ'jcopac mit cada laj nʉ-auni'c ijtʉu tu'c cujy iyacpay vida, mit ayé iwatp doce clase ifruta, mit iyacp itʉjm cada po'. Mit ayé cujy i-ajy ipʉjcap pa iguitu-ac-oytangawa'n jayajwat. 3Mit caja-itáj jem nejʉmay maldición ni'c jem itsʉ̱nawa'n itronojat Dios mit ayé borreguwáy Jesucristu, mit ijayajwat iguiservia̱tcajáj. 4Mit i-e'pcajáj iwindugʉt, mit je' inʉ'jy imuyo'ygáj iwimpacni'jcat. 5Mit jem caja-itáj tsu', ne iganesita̱tcáj ayé luz iyacpay tu'c lámpara ne luz iyacpay s̈ʉjw, ni'c el Señor Dios ita'cs̈cʉs̈áj, mit je'jat manda̱tcáj pa siempre.
Tomo'c pa imi'nwa'n Cristu
6Mit tʉs̈najau ayé ángel:
—Iyacs̈ta'cway ayʉ̱́j lo que inʉmpay Dios, ayé cumplia̱táj. Mit el Señor Dios i-actunʉmgʉs̈p jeme cotscapay pa je', mit i-ajyu't i-ángel pa igui-actujawigʉs̈wa'n ijayajwat jeme jatámpay pe'jyu, mit ayé itp ti ijatwa'n.
7Inʉmp Jesucristu:
—¡Márauga, tʉmi'náj pe'jyu!
Tsʉ̱náj oy jeme iguarda̱támpay lo que inʉmpay ayʉ̱́j libru, mit ayé itp ti ijatwa'n.
8Ʉ̱ Juan tʉnmarau mit tʉn-is̈ ayʉ̱́j cosajat. Mit cʉs̈ tʉs̈marajw mit tʉs̈-is̈ ayé, tʉnicos̈atenda̱jcʉu ita'ná̱m ayé ángel pa tʉs̈-adora̱twa'n je', ni'c je' tʉs̈actu-is̈ ayʉ̱́j cosajat. 9Po je' tʉs̈najau:
—Camwat we'n. Ʉ̱ tʉnservia̱jtap Dios as̈amu mi̱ mit as̈amey inhermanujat jeme cotscapay pa Dios, mit we'ney jeme iguarda̱tcapay lo que inʉmpay ayʉ̱́j libru. Más oy pi adora̱t Dios.
10Mit tʉs̈najau:
—Actujawigʉs̈ jayajwat lo que inʉmpay ayʉ̱́j libru mit camcuyu'ts, ni'c ayé inʉmp ti jatámpay, mit ayé jatáj pe'jyu. 11Jeme iwatpay mal, siguia̱táj iguiwat mal. Mit jeme yo'ypay mancha̱tic mit ma̱jlat, siguia̱táj iyo'y mancha̱tic. Mit jeme iwatpay oy, siguia̱táj iguiwat oy. Mit jeme yo'ypay limpiu, siguia̱táj iyo'y limpiu.
12Inʉmp Jesucristu:
—Márauga, tʉmi'náj pe'jyu, mit tʉnmumi'náj premiu pa tʉs̈mo'wa'n cada jayau as̈amu iguiwajt. 13Ʉ̱ tʉ-Alfa mit Omega, ayé inʉmo'jcʉp ni'c ʉ̱ tʉtsʉ̱najʉ'c mit tʉgacʉs̈áj.
14’Tsʉ̱ngáj oy jeme icuyaguigaway nu'pʉjʉn ma̱jlat, ni'c je'jat itcʉjʉ̱́j derechu pa itsʉ̱ngawa'n mam i-it ayé cujy iyacpay vida, mit oyáj itʉgʉyga en ayé nʉ'jcopac mam imanda̱t Dios. 15Po jeme cajayaumaygapay tangáj pe'ta̱m, as̈am tso'cna'jat, chajyo'ypajyat, ago'cpajyat, tiyu̱s̈wampajyat mit nu'pʉjʉn jeme i-ajca's̈ʉ'jcapay we̱jtat.
16’Ʉ̱ Jesús tʉnajyu't tʉn-ángel pa ma actujawigʉs̈ ayʉ̱́j cosajat nu'pʉjʉn grupu de cupʉcpajyat. Ʉ̱ tʉtsʉ̱najʉ'c mit tʉpichin David ifamiliani'c. Ʉ̱ as̈am tʉma̱jts ta'cs̈pay jopoytsu'mnaj, ni'c tʉmi'náj pa tʉmanda̱twa'n.
17Mit Espíritu Santu mit Cristu ijayajwat inʉmgap:
—Mínga.
Mit jeme imarawámpay ma nʉmey:
—Mínga.
Mit jeme nʉ-u̱go'jcʉpay ma mi'n pa iguipʉctsowa'n we'nujyu ayé nʉ' iyacpay vida, mit jeme iwampay inʉ-u'cwa'n ma mi'n.
18Tʉnactujawip nu'pʉjʉn jeme imarapay lo que inʉmpay ayʉ̱́j libru mit ayé cosajat jeme jatámpay: Te tu'c jayau i-acyagachip ayʉ̱́j libru, Dios igui-acmijnáj ayé castigujat jeme tsʉ̱napay ja'yic en ayʉ̱́j libru. 19Mit te tu'c jayau ichi'jtap tu'c parte lo que inʉmpay ayʉ̱́j libru mit jeme jatámpay, Dios iguichi'jtámpey iparte en ayé libru ijtʉpay Dios, mit ca-ijtʉ̱́j vida cacʉs̈ámpay, mit catsʉ̱náj en ayé nʉ'jcopac icupi̱way Dios, mit ne igapʉctsowáj nejʉmay premiu jeme tsʉ̱napay ja'yic en ayʉ̱́j libru.
20Jesucristu nas̈actujawigap ayʉ̱́j cosajat, mit inʉmp:
—Iyacs̈ta'cway tʉmi'náj pe'jyu.
We'n ma jat. Mi'n Señor Jesús.
21El Señor Jesucristu pi is̈moygac favor pa mijchat minu'pʉjʉjnat. Yam icʉs̈.
Currently Selected:
El Apocalipsis 22: PSNT
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Popoluca de Sayula © Sociedad Bíblica de México, [1969].
El Apocalipsis 22
22
1Mit cʉs̈ ayé ángel tʉs̈actu-is̈ tu'c mʉjnʉ' tʉ'cs̈icway, mit ayé ijtʉu nʉ' iyacpay vida mit que's̈tunas̈ as̈am cristal. Mit ayé mʉjnʉ' pichin meru Dios itrononi'c mam itsʉ̱na-ey ayé borreguwáy Jesucristu. 2Mit ayé mʉjnʉ' pujʉ'c es̈pu̱t calle en ayé nʉ'jcopac mit cada laj nʉ-auni'c ijtʉu tu'c cujy iyacpay vida, mit ayé iwatp doce clase ifruta, mit iyacp itʉjm cada po'. Mit ayé cujy i-ajy ipʉjcap pa iguitu-ac-oytangawa'n jayajwat. 3Mit caja-itáj jem nejʉmay maldición ni'c jem itsʉ̱nawa'n itronojat Dios mit ayé borreguwáy Jesucristu, mit ijayajwat iguiservia̱tcajáj. 4Mit i-e'pcajáj iwindugʉt, mit je' inʉ'jy imuyo'ygáj iwimpacni'jcat. 5Mit jem caja-itáj tsu', ne iganesita̱tcáj ayé luz iyacpay tu'c lámpara ne luz iyacpay s̈ʉjw, ni'c el Señor Dios ita'cs̈cʉs̈áj, mit je'jat manda̱tcáj pa siempre.
Tomo'c pa imi'nwa'n Cristu
6Mit tʉs̈najau ayé ángel:
—Iyacs̈ta'cway ayʉ̱́j lo que inʉmpay Dios, ayé cumplia̱táj. Mit el Señor Dios i-actunʉmgʉs̈p jeme cotscapay pa je', mit i-ajyu't i-ángel pa igui-actujawigʉs̈wa'n ijayajwat jeme jatámpay pe'jyu, mit ayé itp ti ijatwa'n.
7Inʉmp Jesucristu:
—¡Márauga, tʉmi'náj pe'jyu!
Tsʉ̱náj oy jeme iguarda̱támpay lo que inʉmpay ayʉ̱́j libru, mit ayé itp ti ijatwa'n.
8Ʉ̱ Juan tʉnmarau mit tʉn-is̈ ayʉ̱́j cosajat. Mit cʉs̈ tʉs̈marajw mit tʉs̈-is̈ ayé, tʉnicos̈atenda̱jcʉu ita'ná̱m ayé ángel pa tʉs̈-adora̱twa'n je', ni'c je' tʉs̈actu-is̈ ayʉ̱́j cosajat. 9Po je' tʉs̈najau:
—Camwat we'n. Ʉ̱ tʉnservia̱jtap Dios as̈amu mi̱ mit as̈amey inhermanujat jeme cotscapay pa Dios, mit we'ney jeme iguarda̱tcapay lo que inʉmpay ayʉ̱́j libru. Más oy pi adora̱t Dios.
10Mit tʉs̈najau:
—Actujawigʉs̈ jayajwat lo que inʉmpay ayʉ̱́j libru mit camcuyu'ts, ni'c ayé inʉmp ti jatámpay, mit ayé jatáj pe'jyu. 11Jeme iwatpay mal, siguia̱táj iguiwat mal. Mit jeme yo'ypay mancha̱tic mit ma̱jlat, siguia̱táj iyo'y mancha̱tic. Mit jeme iwatpay oy, siguia̱táj iguiwat oy. Mit jeme yo'ypay limpiu, siguia̱táj iyo'y limpiu.
12Inʉmp Jesucristu:
—Márauga, tʉmi'náj pe'jyu, mit tʉnmumi'náj premiu pa tʉs̈mo'wa'n cada jayau as̈amu iguiwajt. 13Ʉ̱ tʉ-Alfa mit Omega, ayé inʉmo'jcʉp ni'c ʉ̱ tʉtsʉ̱najʉ'c mit tʉgacʉs̈áj.
14’Tsʉ̱ngáj oy jeme icuyaguigaway nu'pʉjʉn ma̱jlat, ni'c je'jat itcʉjʉ̱́j derechu pa itsʉ̱ngawa'n mam i-it ayé cujy iyacpay vida, mit oyáj itʉgʉyga en ayé nʉ'jcopac mam imanda̱t Dios. 15Po jeme cajayaumaygapay tangáj pe'ta̱m, as̈am tso'cna'jat, chajyo'ypajyat, ago'cpajyat, tiyu̱s̈wampajyat mit nu'pʉjʉn jeme i-ajca's̈ʉ'jcapay we̱jtat.
16’Ʉ̱ Jesús tʉnajyu't tʉn-ángel pa ma actujawigʉs̈ ayʉ̱́j cosajat nu'pʉjʉn grupu de cupʉcpajyat. Ʉ̱ tʉtsʉ̱najʉ'c mit tʉpichin David ifamiliani'c. Ʉ̱ as̈am tʉma̱jts ta'cs̈pay jopoytsu'mnaj, ni'c tʉmi'náj pa tʉmanda̱twa'n.
17Mit Espíritu Santu mit Cristu ijayajwat inʉmgap:
—Mínga.
Mit jeme imarawámpay ma nʉmey:
—Mínga.
Mit jeme nʉ-u̱go'jcʉpay ma mi'n pa iguipʉctsowa'n we'nujyu ayé nʉ' iyacpay vida, mit jeme iwampay inʉ-u'cwa'n ma mi'n.
18Tʉnactujawip nu'pʉjʉn jeme imarapay lo que inʉmpay ayʉ̱́j libru mit ayé cosajat jeme jatámpay: Te tu'c jayau i-acyagachip ayʉ̱́j libru, Dios igui-acmijnáj ayé castigujat jeme tsʉ̱napay ja'yic en ayʉ̱́j libru. 19Mit te tu'c jayau ichi'jtap tu'c parte lo que inʉmpay ayʉ̱́j libru mit jeme jatámpay, Dios iguichi'jtámpey iparte en ayé libru ijtʉpay Dios, mit ca-ijtʉ̱́j vida cacʉs̈ámpay, mit catsʉ̱náj en ayé nʉ'jcopac icupi̱way Dios, mit ne igapʉctsowáj nejʉmay premiu jeme tsʉ̱napay ja'yic en ayʉ̱́j libru.
20Jesucristu nas̈actujawigap ayʉ̱́j cosajat, mit inʉmp:
—Iyacs̈ta'cway tʉmi'náj pe'jyu.
We'n ma jat. Mi'n Señor Jesús.
21El Señor Jesucristu pi is̈moygac favor pa mijchat minu'pʉjʉjnat. Yam icʉs̈.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Popoluca de Sayula © Sociedad Bíblica de México, [1969].