Левит 11
11
Цевр болн бузр малмудын тускар
1Деед Эзн Моше Ахарон хойрт келв:
2– Израилин улст соңсхад келтн: «Һазр деер бәәх тадна идх бод малмуд эн. 3Тадн салата турутнриг болн кевлһән кевдг малмудыг идҗ чадҗанат. 4Тиим малмуд дундас темә бичә идтн (тедн кевлһән кевв чигн, болв сала турутнр биш, дәкәд тер таднд цевр биш), 5дамаг#11:5 Даман – Израильд бәәдг үсн теҗәлтә бичкн зерлг адусн. (эн кевлһән кевдг болв чигн, сала турута биш, таднд цевр биш), 6туулаг (эн кевлһән кевдг болв чигн, сала турута биш, дәкәд таднд цевр биш), 7һаха (эн сала турута мал болв чигн, болв кевлһ кевхш, дәкәд таднд цевр биш). 8Теднә мах бичә идтн, үксн юмна цогц бичә көндәтн. Таднд тедн бузр болҗана.
9Усн дотр бәәх адусдас, теңгсин болн һолын уснд бәәдг әмтә адусдас сервәтә болн гилвснтә юмс идтн. 10Сервә болн гилвсн уга теңгсин болн һолын уснд бигшҗәх үүрмг әмтә адусд болн уснд бәәдг талдан тоотс таднд җигшүртә болх. 11Эннь таднд җигшүртә: теднә махинь бичә идтн, үксн тиим юмст дурго болтн. 12Усн дотр бәәдг сервә болн гилвсн уга адусд таднд җигшүртә.
13Тадна җигшх шовуд эн (тедниг идҗ болшго, эдн җигшүртә): һәрд, ик махсг шовун, скопа, 14элә болн зүсн-зүүл начн, 15зүсн-зүүл керәс, 16шар шовун, сипуха, цах шовун болн зүсн-зүүл харцх шовуд, 17неясыть, баклан, совка, 18цаһан һурвлһ, көдә һазрин һурвлһ, гекс, 19ханчилду шовун, зүсн-зүүл көк хутн шовуд, цоклур болн бавуха.
20Дөрвн көлтә нисдг үүрмг әмтә хорхас таднд җигшүртә болх. 21Болв тадн дөрвн көлтә нисдг үүрмг әмтә адусдыг идҗ чадҗанат. Теднд иим көләс талдан һазр деегүр һәрәдхләрн нуһлгддг көлтә. 22Тегәд тадн зүсн-зүүл царцахас, ямаран чигн ут көлтә царцахас, зүсн-зүүл мөрн царцахас болн ямаран чигн бичкн царцахас идҗ чадҗанат. 23Наадк дөрвн көлтә нисдг әмтә хорха-хотн таднд җигшүртә болх.
24Иим адусдас көлтә тадн бузрдхит, үксн юмна цогцинь көндәсн күн асхн күртл цевр биш болх. 25Тиим цогц өргсн күн хувцан уһах йоста. Тер күн асхн күртл бузр болх. 26Сала турутань биш, эс гиҗ кевлһән эс кевдг малмуд таднд бузр. Теднә үксн цогциг көндәсн күн цевр биш. 27Дөрвн көлтә тавгар ишкәд йовдг мал-адусд таднд цугтан бузр. Тиим үксн юмсин цогц көндәсн күн асхн күртл цевр биш. 28Кемр тиим малын күш өргхлә, хувцан уһах йоста, тер күн асхн күртл цевр биш. Тиим мал-адусн таднд бузр.
29Һазр деерәһүр бигшәд гүүдг үүрмг әмтә юмсудас таднд бузрнь сохр нумн, хулһн, зүсн-зүүл ик гүрвлдәс, 30геккон, толвң эрәтә гүрвлдә, йирин гүрвлдә, сцинк болн хамелеон. 31Эдн бузр үүрмг әмтә адусд. Тиим үксн адусд көндәсн күн асхн күртл цевр биш. 32Тиим үксн адусн юн деер болвчн унхла, тернь бузр болх. Модар кегдсн, эдәр, арсар, эс гиҗ шүрүн эдәр кегдсн юмн деер унхла, тернь цевр биш. Кемр тер юмн эзндән кергтә болхла, терүг уснд тәвх кергтә. Тегәд тер асхн күртл бузр болх, дәкәд цевр болх. 33Кемр тер үүрмг әмтә адусд шавр савд орхла, терүнә бәәсн юмн бузрдҗ одх. Тиим савиг хамхлх кергтә. 34Идтхә гисн хотд тер савас усн орхлаг, уутха гисн усн тер савас кегдхләг, тедн ямаран савд эс бәәв чигн цугтан бузр болҗана. 35Үксн эн үүрмг әмтә адусд юмн деер унв чигн цугтан цевр биш болҗана. Һулмт эс гиҗ беш болну, тедниг хамхлх кергтә. Тедн цевр биш, таднд тедн цевр биш. 36Ямаран чигн булгта һазр, эс гиҗ усн хурдг нүкн цевр болх, зуг терүн дотр чивҗәх үксн үүрмг адусиг көндәсн күн бузрдх. 37Кемр тиим үксн адусн тәргдх экн деер унхла, тернь цевр кевәрн үлдх. 38Болв кемр тер усн дотрк тәрәнә экн деер унхла, тер экн таднд цевр биш.
39Кемр хотд орулх мал үкҗ одхла, тиигхлә кен чигн күн терүнә цогц көндәхлә асхн күртл цевр биш болх. 40Эн махнас идсн күн эврәннь хувцан уһах йоста, тегәд асхн күртл цевр биш болх. Тиим малын күш өргсн күн асхн күртл хувцан уһах зөвтә. Тер күн асхн күртл цевр биш болх.
41Һазр деерәһәр мөлкҗ йовх үүрмг әмтә адусдыг идҗ болшго, эннь җигшүртә. 42Тиим үүрмг әмтә адусдыг бичә идтн: элкәрн һазр деерәһәр мөлкдг, дөрвн тавгарн йовдгиг, эс гиҗ олн көлтә юмсиг. Эннь цугтан җигшүртә. 43Ямаран чигн үүрмг әмтә юмсар бичә бийән бузрдатн, теднәс көлтә бичә бузр болтн, бичә цевр бәәдлән геетн. 44Яһад гихлә Би – Деед Эзн, тадна Бурхнв. Әрүн болтн, бийиннь әрүн бәәдлән хадһлтн, яһад гихлә Би әрүнв. Һазр деерәһәр гүүҗ йовх үүрмг әмтә юмсудас көлтә бичә бузрдтн. 45Би – Деед Эзн, тадна Бурхн болхар тадниг Египетәс һарһлав. Әрүн болтн, яһад гихлә Би әрүнв.
46Бод малын болн нисдг үүрмг әмтә адусдын, усн дотр эрвлзәд гүүҗәх зүсн-зүүл әмд юмсин, һазр деерәһәр мөлкҗәх үүрмг әмд адусдын туск закан эн. 47Эннь цевр бишиг цевр юмнас йилһх: идх әмд юмсиг идшго әмд юмсдас йилһх закан».
Currently Selected:
Левит 11: ХКО_ӘБ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
