ᐁᐠᓴᑕᐢ 38
38
1ᐁᑯᓯ ᑭ ᐅᓯᐦᑖᐤ ᐊᓂᒪ ᐸᑭᑎᓈᓱᐃᐧᓈᐱᐢᐠ ᐃᑕ ᑭᑕ ᐸᑭᑎᓂᑳᑌᑭ ᒪᒍᐢᑌᐦᐊᒫᑫᐃᐧᓇ ᐊᑫᓯᔭ ᑐᐋᐧᑎᐠ ᐁ ᐋᐸᒋᐋᐟ; ᓂᔮᓇᐣ ᑯᐱᑕ ᑭ ᐃᐢᑳᐧᐤ, ᒥᓇ ᓂᔮᓇᐣ ᑯᐱᑕ ᑭ ᐃᐢᐱᑕᔭᑲᐢᑳᐤ, ᐁ ᑲᑲᑫᔮᐠ; ᐁᑯᓯ ᓂᐢᑐ ᑯᐱᑕ ᑭ ᐃᐢᐱᒋ ᐃᐢᐸᐤ. 2ᑭ ᐅᓯᐦᑖᐤ ᒫᑲ ᐁ ᐅᐟ ᐁᐢᑲᓂᑳᒋᑳᑌᐠ ᓀᐊᐧᔭᐠ ᐁ ᑲᑲᑫᔮᐠ; ᐁ ᐅᐟ ᐁᐢᑲᓂᑳᒋᑳᑌᐠ ᑭ ᒫᒪᐊᐧᐣ; ᑭ ᐁᐧᐁᐧᑲᒧᑖᐤ ᒫᑲ ᐅᓵᐋᐧᐱᐢᐠ. 3ᑭ ᐅᓯᐦᑖᐤ ᒫᑲ ᑲᐦᑭᔭᐤ ᐊᓯᐋᐧᒋᑲᓇ ᐸᑭᑎᓈᓱᐃᐧᓈᐱᐢᑯᕽ, ᐅᔮᑲᓇ, ᒥᓇ ᑳᐧᐸᐋᐊᐧᑳᐧᓇ, ᒥᓇ ᐊᓯᐊᐧᒋᑲᓇ, ᒥᓇ ᐃᐧᔮᓯ ᐅᒋᑳᐧᒋᑲᓇ, ᒥᓇ ᐃᐢᑯᑌᐃᐧᔮᑲᓇ; ᑲᐦᑭᔭᐤ ᐅᐦᐃ ᑳ ᐃᓯ ᐋᐸᑕᑭ, ᐅᓵᐋᐧᐱᐢᐠ ᑭ ᐅᐦᒋ ᐅᓯᐦᑖᐤ. 4ᑭ ᐅᓯᐦᑖᐤ ᒫᑲ ᐸᑭᑎᓈᓱᐃᐧᓈᐱᐢᑯᕽ ᐁ ᐊᔭᐹᐱᐢᑳᐠ ᐅᓵᐋᐧᐱᐢᑯ ᐊᔭᐱᑫᐃᐧᐣ, ᓯᐹ ᐁ ᑲᓯᐢᐳᐊᔮᐠ ᐋᐧᓴᑳᒼ ᐊᑖᒥᕽ, ᐋᐱᑕᐊᐧᔨᕽ ᐊᓂᒪ ᐁ ᐃᐢᐱᒋ ᐃᐢᐹᐠ. 5ᐁᑯᓯ ᑎᐦᑳᐱᐢᑭᓯᑲᓂᕽ ᑭ ᐅᓯᐦᑖᐤ ᓀᐤ ᓵᐳᑕᐁᐧᔮᐱᐢᑲᐧ ᓀᐊᐧᔭᐠ ᐁ ᑲᑫᓯᐱ ᑭᐦᑫᔮᐠ ᐊᓂᒪ ᐅᓵᐋᐧᐱᐢᐠ ᐁ ᐊᔭᐹᐱᐢᑳᐠ, ᐃᑕ ᑭᑕ ᑖᐸᒧᑭ ᐊᐸᓱᔭ. 6ᑭ ᐅᓯᐦᑖᐤ ᒫᑲ ᐊᐸᓱᔭ ᐊᑫᓯᔭ ᑐᐋᐧᑎᐠ ᐁ ᐋᐸᒋᐦᑖᐟ, ᐁᑯᓯ ᑭ ᐁᐧᐁᐧᑲᒧᑖᐤ ᐅᓵᐋᐧᐱᐢᐠ. 7ᐁᑯᑕ ᒫᑲ ᑭ ᐊᐢᑖᐤ ᐊᓂᐦᐃ ᐊᐸᓱᔭ ᐁ ᑖᐸᒧᑖᐟ ᓵᐳᑕᐁᐧᔮᐱᐢᑯᕽ ᐊᔨᑕᐤ ᐸᑭᑎᓈᓱᐃᐧᓈᐱᐢᑯᕽ, ᑭᑕ ᐅᐦᒋ ᐱᒥᐃᐧᑖᕽ; ᑭ ᐃᐧᐦᐹᐤ ᐃᐧᔭ ᓇᐸᑭᑕᑲᐧ ᐁ ᐅᐦᒋ ᐅᓯᐦᒋᑳᑌᐠ.
8 #
ᐁᐠᓴᑕᐢ 30:18
ᑭ ᐅᓯᐦᑖᐤ ᒫᑲ ᑳᓯᑫᐧᐃᐧᔮᑲᐣ ᐅᓵᐋᐧᐱᐢᐠ ᐁ ᐋᐸᒋᐦᑖᐟ, ᒥᓇ ᐁ ᐅᐢᑳᑎᑳᑌᐠ ᐅᓵᐋᐧᐱᐢᐠ; ᐅ ᐋᐧᐸᒧᓈᐱᐢᑯᐋᐧᐊᐧ ᐊᑐᐢᑫᐃᐧ ᐃᐢᑫᐧᐊᐧᐠ ᑳ ᐊᑐᐢᑫᒋᐠ ᐁ ᐃᐢᑳᐧᑌᒥᐊᐧᕽ ᒫᐊᐧᒋᐦᐃᑐᐃᐧ ᒥᑭᐋᐧᑊ.
9ᑭ ᐅᓯᐦᑖᐤ ᒫᑲ ᐱᐢᑭᑖᔭᐃᐧᑲᒥᐠ; ᓵᐊᐧᓄᕽ ᐃᑌᐦᑫ ᑭ ᐊᑯᑖᐤ ᐁ ᐊᑯᒋᑲᓂᑲᑌᐠ ᐊᓂᒪ ᐱᐢᑭᑖᔭᐃᐧᑲᒥᐠ ᑳ ᒥᔭᐧᒋᑳᑌᐠ ᐋᐧᐱᐢᑫᑭᐣ ᒥᑖᐦᑐᒥᑕᓇᐤ ᑯᐱᑕ ᐃᔨᑯᕽ. 10ᒋᒪᒋᑲᓇ ᒫᑲ ᓂᓯᑕᓇᐤ, ᒥᓇ ᑖᐱᑎᑖᑲᓇ ᓂᓯᑕᓇᐤ, ᐅᓵᐋᐧᐱᐢᐠ; ᐅᒋᑳᐧᒋᑲᓈᐱᐢᑲᐧ ᒥᓇ ᓴᑳᐱᑳᓂᓴ ᐋᐧᐱᐢᑭ ᓱᓂᔮᐤ. 11ᑭᐁᐧᑎᓄᕽ ᒫᑲ ᐃᑌᐦᑫ ᒥᑖᐦᑐᒥᑕᓇᐤ ᑯᐱᑕ, ᒋᒪᒋᑲᓇ ᓂᓯᑕᓇᐤ ᒥᓇ ᑖᐱᑎᑕᑲᓇ ᓂᓯᑕᓇᐤ, ᐅᓵᐋᐧᐱᐢᐠ: ᐁ ᐅᒋᑳᐧᒋᑲᓈᐱᐢᑯᐊᐧᑭ ᒋᒪᒋᑲᓇ ᒥᓇ ᓴᑳᐱᑳᓂᓴ ᐋᐧᐱᐢᑭᓱᓂᔮᐤ. ᐁ ᐃᐢᑳᐧᑌᒥᐊᐧᕽ ᐱᐢᑭᑖᔭᐃᐧᑲᒥᐠ ᑭ ᐅᓯᐦᑖᐤ ᐁ ᐃᓯ ᓇᑲᒋᐦᑖᐟ ᐅᒪᓯᓂᐢᑕᐃᑫᐤ, ᒋᐯᑕᑫᐧᑭᐣ, ᒥᓇ ᒋᐯᑕᑯᒥᐦᑫᐧᑭᐣ, ᒥᓇ ᐸᑲᐢᑭᒥᐦᑫᐧᑭᐣ, ᒥᓇ ᐁ ᒥᔪᒋᑳᑌᐠ ᐋᐧᐱᐢᑫᑭᐣ; ᓂᓯᑕᓇᐤ ᑯᐱᑕ ᒫᑲ ᑭ ᐃᐢᑳᐧᐤ, ᒥᓇ ᓂᔮᓇᐣ ᑯᐱᑕ ᑭ ᐃᐢᐱᒋ ᐃᐢᐹᐤ, ᑖᐱᐢᑯᐨ ᐃᓴ ᐱᑯ ᐊᑯᒋᑲᓇ ᐱᐢᑭᑖᔭᐃᐧᑲᒥᑯᕽ. 12ᐁᑯᓯ ᐃᐧᔭ ᓀᑳᐯᐊᓄᕽ ᐃᑌᐦᑫ ᑭ ᐊᔮᐊᐧ ᐊᑯᒋᑲᓇ ᓂᔮᓇᓄᒥᑕᓇᐤ ᑯᐱᑕ ᐃᔨᑯᕽ, ᒋᒪᒋᑲᓇ ᒥᑖᑕᐦᐟ, ᒥᓇ ᑖᐱᑎᑖᑲᓇ ᒥᑖᑕᐦᐟ; ᐅᒋᑳᐧᒋᑲᓈᐱᐢᑲᐧ ᒥᓇ ᓴᑳᐱᑳᓂᓴ ᐊᐧᐱᐢᑭᓱᓂᔮᐤ. 13ᐋᐧᐸᓄᑖᕽ ᒫᑲ ᐃᑌᐦᑫ ᓂᔮᓇᓄᒥᑕᓇᐤ ᑯᐱᑕ. 14ᐊᓂᐦᐃ ᒫᑲ ᐊᑯᒋᑲᓇ ᓇᐸᑌ ᐁ ᐃᐢᑳᐧᑌᒥᐊᐧᕽ ᒥᑖᑕᐦᐟ ᓂᔮᓈᓄᓵᑊ ᑭ ᐃᐢᑳᐧᐊᐧ; ᒋᒪᒋᑲᓇ ᓂᐢᑐ ᒥᓇ ᑖᐱᑎᑖᑲᓇ ᓂᐢᑐ. 15ᐁᑯᓯ ᐃᓯ ᒫᑲ ᒥᓇ ᑫᐧᐢᑭ; ᐅᑌ ᐃᑌᑫᓂᐢᐠ ᒥᓇ ᓀᑌ ᐃᑌᑫᓂᐢᐠ ᐊᔨᑕᐤ ᐁ ᐃᐢᑳᐧᑌᒥᐊᐧᕽ ᐱᐢᑭᑖᔭᐃᐧᑲᒥᐠ, ᐊᑯᒋᑲᓇ ᒥᑖᑕᐦᐟ ᓂᔮᓇᓄᓵᑊ ᑯᐱᑕ ᑭ ᐃᐢᑫᐧᑲᒧᐊᐧ, ᒋᒪᒋᑲᓇ ᓂᐢᑐ ᒥᓇ ᑖᐱᑎᑖᑲᓇ ᓂᐢᑐ. 16ᑲᐦᑭᔭᐤ ᐊᑯᒋᑲᓇ ᒥᓯᐁᐧ ᐋᐧᐢᑳ ᐱᐢᑭᑖᔭᐃᐧᑲᒥᑯᕽ ᐁ ᒥᔪᒋᑳᑌᐠ ᐋᐧᐱᐢᑫᑭᐣ ᑭ ᐋᐸᑕᐣ. 17ᐊᓂᐦᐃ ᒫᑲ ᑖᐱᑎᑖᑲᓇ ᐱᐢᑭᑖᔭᐃᐧᑲᒥᑯᕽ ᐅᓵᐋᐧᐱᐢᐠ ᑭ ᐋᐸᑎᓯᐤ; ᐅᒋᑳᐧᒋᑲᓈᐱᐢᑲᐧ ᒥᓇ ᓴᑲᐱᑳᓂᓴ ᐋᐧᐱᐢᑭᓱᓂᔮᐤ; ᒥᓇ ᐁ ᐅᐢᑎᑳᐧᓂᑳᒋᑳᑌᑭ ᑭ ᐁᐧᐁᐧᑲᒧᐋᐤ ᐋᐧᐱᐢᑭᓱᓂᔮᐤ; ᒥᓇ ᑲᐦᑭᔭᐤ ᒋᒪᒋᑲᓇ ᐱᐢᑭᑖᔭᐃᐧᑲᒥᑯᕽ ᐋᐧᐱᐢᑭᓱᓂᔮᐤ ᑭ ᐅᐦᒋ ᐊᐧᐁᐧᓯᒋᑳᑌᐊᐧ. 18ᐊᓂᒪ ᒫᑲ ᑭᑕ ᐊᑯᑌᐠ ᐁ ᐃᐢᑳᐧᑌᒥᐊᐧᕽ ᐱᐢᑭᑖᔭᐃᐧᑲᒥᐠ ᑭ ᐅᐟ ᐊᑐᐢᑫᐃᐧᓂᐤ ᐅᒪᓯᓂᐢᑕᐃᑫᐤ, ᒋᐯᑕᑫᐧᑭᐣ, ᒥᓇ ᒋᐯᑕᑯᒥᐦᑫᐧᑭᐣ, ᒥᓇ ᐸᑲᐢᑭᒥᐦᑫᐧᑭᐣ, ᒥᓇ ᐁ ᒥᔪᒋᑳᑌᐠ ᐋᐧᐱᐢᑫᑭᐣ; ᐁᑯᓯ ᓂᓯᑕᓇᐤ ᑯᐱᑕ ᑭ ᐃᐢᑳᐧᐤ, ᒥᓇ ᓂᔮᓇᐣ ᑯᐱᑕ ᑭ ᐃᐢᐱᑕᔭᑲᐢᑫᑲᐣ, ᑖᐱᐢᑯᐨ ᑳ ᐊᑯᒋᑲᓂᐊᐧᕽ ᐱᐢᑭᑖᔭᐃᐧᑲᒥᐠ. 19ᒋᒪᒋᑲᓇ ᒫᑲ ᑭ ᓀᐃᐧᓇᐧ ᒥᓇ ᑖᐱᑎᑖᑲᓇ ᑭ ᓀᐃᐧᓇᐧ, ᐅᓵᐋᐧᐱᐢᐠ; ᐁ ᐅᒋᑳᐧᒋᑲᓈᐱᐢᑯᐊᐧᑭ ᐋᐧᐱᐢᑭᓱᓂᔮᐤ, ᒥᓇ ᐋᐧᐱᐢᑭᓱᓂᔮᐤ ᐁ ᐁᐧᐁᐧᑲᒧᐃᐦᐟ ᐁ ᐅᐢᑎᑳᐧᓂᑳᒋᑳᑌᑭ ᒥᓇ ᐁ ᐊᐧᐁᐧᓯᒋᑳᑌᑭ. 20ᑲᐦᑭᔭᐤ ᒫᑲ ᒋᐢᑌᑲᐦᐃᑲᓇ ᐊᓂᒪ ᒥᑭᐋᐧᑊ, ᒥᓇ ᐱᐢᑭᑖᔭᐃᐧᑲᒥᑯᕽ ᒥᓯᐁᐧ ᐋᐧᓴᑳᒼ ᐅᓵᐋᐧᐱᐢᐠ ᑭ ᐋᐸᑎᓯᐤ.
21ᐁᐊᐧᑯ ᐅᒪ ᒫᒪᐃᐧ ᑭᑕ ᐋᐸᑕᑭ ᐁᑯᑕ ᒥᑭᐋᐧᐱᕽ ᐊᓂᒪ ᐅᑎ ᑭᐢᑫᔨᑕᒧᐦᐃᐁᐧᐃᐧᓂ ᒥᑭᐋᐧᐠ ᐁ ᑭ ᐊᑎ ᐃᓯ ᐊᑭᑌᑭ, ᐁ ᑭ ᐃᑕᓱᐁᐧᐟ ᒧᓯᐢ, ᐅᐟ ᐊᑐᐢᑫᐃᐧᓂᐋᐧᐤ ᐅᐦᒋ ᓬᐃᐸᐃᑕᐠ, ᐅᒋᐦᒋᕽ ᐅᐦᒋ ᐃᐦᑌᒫᕒ, ᐅᑯᓯᓴ ᐁᕒᐊᐣ ᐊᔭᒥᐦᐁᐃᐧᔨᓂᐤ. 22ᒥᓇ ᐯᓴᓬᐃᓬ ᐅᑯᓯᓴ ᔪᕒᐊᐩ ᐅᑯᓯᓴ ᐦᐊᕒ, ᐅ ᐱᐢᑭᑐᑌᐃᐧᓯᐃᐧᐣ ᒍᑕ, ᑭ ᐅᓯᐦᑖᐤ ᑲᐦᑭᔭᐤ ᑳ ᑎᐯᔨᐦᒋᑫᐟ ᑳ ᑭ ᐃᑕᓱᐋᐧᑖᐟ ᒧᓯᓴ. 23ᑭ ᐃᐧᒋᐦᐃᐠ ᒫᑲ ᐊᐦᐋᓬᐃᔮᑊ, ᐅᑯᓯᓴ ᐊᐦᐃᓭᒫᐠ, ᐅ ᐱᐢᑭᑐᑌᐃᐧᓯᐃᐧᓂᕽ ᑖᐣ ᐅᐦᒋ, ᐅᒪᓯᓈᐱᐢᑲᐦᐃᑫᐤ, ᒥᓇ ᐅᑲᑫᑖᐊᐧᑐᐢᑫᐤ, ᒥᓇ ᑳ ᒪᓯᓂᐢᑕᐊᕽ ᒋᐯᑕᑫᐧᑭᐣ, ᒥᓇ ᒋᐯᑕᑯᒥᐦᑫᐧᑭᐣ, ᒥᓇ ᐸᑲᐢᑭᒥᐦᑫᐧᑭᐣ, ᒥᓇ ᑳ ᒥᔮᐧᓯᐠ ᐋᐧᐱᐢᑫᑭᐣ.
24ᑲᐦᑭᔭᐤ ᐅᓵᐃᐧᓱᓂᔮᐤ ᑳ ᑭ ᐋᐸᒋᐦᐃᐦᐟ ᐊᑐᐢᑫᐃᐧᓂᕽ ᑲᐦᑭᔭᐤ ᑳ ᑭ ᐊᑐᐢᑳᒋᑳᑌᐠ ᑲᓈᒋᑲᒥᑯᕽ, ᐊᓇ ᐅᑎ ᐅᓵᐃᐧᓱᓂᔮᐤ ᑳ ᑭ ᐸᑭᑎᓈᓱᕽ, ᑫᑳᐟ ᓂᐢᑐᒥᑕᓇᐤ ᑖᓬᐊᐣᑕ, ᐊᔨᐋᐧᐠ ᑌᐸᑯᐹᐧᐤ ᒥᑖᐦᑐᒥᑕᓇᐤ ᒥᓇ ᓂᐢᑐᒥᑕᓇᐤ ᓭᑭᓬᐊ, ᑳ ᐃᑕᑭᒋᑳᑌᐠ ᓭᑭᓬ ᑲᓈᒋᑲᒥᑯᕽ. 25#ᐁᐠᓴᑕᐢ 30:11-16ᐅ ᐋᐧᐱᐢᑭᓱᓂᔮᒥᐋᐧᐊᐧ ᒫᑲ ᐊᓂᑭ ᑳ ᑭ ᐊᑭᒥᐦᒋᐠ ᐁ ᒫᒪᐁᐧᔭᑎᒋᐠ ᒥᑖᐦᑐᒥᑕᓇᐤ ᑖᓬᐃᐣᑕ, ᐊᔨᐋᐧᐠ ᑭᐦᒋᒥᑖᐦᑐᒥᑕᓇᐤ ᒥᓇ ᑌᐸᑯᐹᐧᐤ ᒥᑖᐦᑐᒥᑕᓇᐤ ᑌᐸᑯᐦᐳᒥᑕᓇᐤ ᓂᔮᓇᐣ ᐊᔨᐋᐧᐠ ᓭᑭᓬᐊ, ᑳ ᐃᑕᑭᒋᑳᑌᐠ ᓭᑭᓬ ᑲᓈᒋᑲᒥᑯᕽ. 26#ᒫᐟᔪ 17:24ᐯᔨᐠ ᐱᑲ, ᐯᔭᐠ ᐊᔨᓯᔨᓂᐤ, ᐁᐊᐧᑳᐧᓂᒪ ᐋᐱᑕᐤ ᓭᑭᓬ, ᑳ ᐃᑕᑭᒋᑳᑌᐠ ᓭᑭᓬ ᑲᓈᒋᑲᒥᑯᕽ, ᑲᐦᑭᔭᐤ ᐊᐃᐧᔭᐠ ᑳ ᐊᑎ ᑕᑯᐟ ᐊᓂᐦᐃ ᑳ ᐊᑭᒥᒥᐦᐟ, ᓂᓯᑕᓇᐤ ᐁ ᐃᑕᐦᑐᐱᐳᓀᐧᐟ ᒥᓇ ᐊᔨᐋᐧᐠ, ᓂᑯᑖᐧᓵᐧᐤ ᒥᑖᐦᑐᒥᑕᓇᐤ ᑕᐦᑐ ᑭᐦᒋ ᒥᑖᐦᑐᒥᓇᐤ ᐊᔨᐋᐧᐠ ᓂᔮᓇᓈᐧᐤ ᒥᑖᐦᑐᒥᑕᓇᐤ ᒥᓇ ᓂᔮᓇᓄᒥᑕᓇᐤ ᐊᔨᓯᔨᓂᐊᐧᐠ. 27ᐁᑯᓯ ᐊᓂᑭ ᒥᑖᐦᑐᒥᑕᓇᐤ ᑖᓬᐃᐣᑕ ᐋᐧᐱᐢᑭᓱᓂᔮᐤ ᑭ ᐋᐸᒋᐋᐤ ᑎᐦᑳᐱᐢᑭᓯᑲᓂᕽ ᐁ ᐅᓯᐦᒋᑳᑌᑭ ᑖᐱᑎᑖᑲᓇ ᑲᓈᒋᑲᒥᑯᕽ, ᒥᓇ ᑖᐱᑎᑖᑲᓇ ᐊᓂᒪ ᐋᑯᔦᑲᐦᐃᑲᐣ; ᒥᑖᐦᑐᒥᑕᓇᐤ ᑖᐱᑎᑖᑲᓇ ᐊᓂᐦᐃ ᒥᑖᐦᑐᒥᑕᓇᐤ ᑖᓬᐃᐣᑕ, ᐯᔭᐠ ᑖᓬᐊᐣᐟ ᐯᔭᐠ ᑖᐱᑎᑖᑲᐣ. 28ᒫᑲ ᐃᐧᔭ ᐊᓂᐦᐃ ᑭᐦᒋᒥᑖᐦᑐᒥᑕᓇᐤ ᑌᐸᑯᐹᐧᐤ ᒥᑖᐦᑐᒥᑕᓇᐤ ᑌᐸᑯᐦᐳᒥᑕᓇᐤ ᒥᓇ ᓂᔮᓇᐣ ᐊᔨᐋᐧᐠ ᓭᑭᓬᐊ ᑭ ᐅᓯᐦᑖᐤ ᐅᒋᑳᐧᒋᑲᓈᐱᐢᑲᐧ ᒋᒪᒋᑲᓂᕽ ᒥᓇ ᑭ ᐁᐧᐁᐧᑲᒧᑖᐤ ᐁ ᐅᐢᑎᑳᐧᓂᑳᑌᑭ, ᒥᓇ ᐁ ᐋᐧᐢᑳ ᐊᐧᐁᐧᓯᒋᑳᑌᑭ. 29ᐁᑯᓯ ᐃᐧᔭ ᐅᓵᐋᐧᐱᐢᐠ ᑳ ᑭ ᐸᑭᑎᓈᓱᕽ ᑌᐸᑯᐦᐳᒥᑕᓇᐤ ᑖᓬᐊᐣᑕ, ᒥᓇ ᓂᓵᐧᐤ ᑭᐦᒋᒥᑖᐦᑐᒥᑕᓇᐤ ᓀᐋᐧᐤ ᒥᑖᐦᑐᒥᑕᓇᐤ ᐊᔨᐊᐧᐠ ᓭᑭᓬᐊ. 30ᐁᐊᐧᑫᐧᔨᐤ ᑭ ᐋᐸᒋᐦᑖᐤ ᐁ ᐅᓯᐦᑖᐟ ᑖᐱᑎᑖᑲᓇ ᐁ ᐃᐢᑳᐧᑌᒥᐊᐧᕽ ᒫᐊᐧᒋᐦᐃᑐᐃᐧ ᒥᑭᐋᐧᑊ, ᒥᓇ ᐅᓵᐋᐧᐱᐢᑯᐃᐧ ᐸᑭᑎᓈᓱᐃᐧᓈᐱᐢᐠ, ᒥᓇ ᑳ ᐊᔭᐹᐱᐢᑳᐠ ᐅᓵᐋᐧᐱᐢᐠ ᐁᑯᑕ, ᒥᓇ ᑲᐦᑭᔭᐤ ᐊᓯᐊᐧᒋᑲᓇ ᑳ ᐋᐸᑕᑭ ᐸᑭᑎᓈᓱᐃᐧᓈᐱᐢᑯᕽ. 31ᐁᑯᓯ ᒥᓇ ᑖᐱᑎᑖᑲᓇ ᐱᐢᑭᑖᔭᐃᐧᑲᒥᑯᕽ ᒥᓇ ᑖᐱᑎᑖᑲᓇ ᐁ ᐃᐢᑳᐧᑌᒥᐊᐧᕽ ᐱᐢᑭᑖᔭᐃᐧᑲᒥᐠ, ᒥᓇ ᒋᐢᑌᑲᐦᐃᑲᓇ ᒫᐊᐧᒋᐦᐃᑐᐃᐧ ᒥᑭᐋᐧᐱᕽ ᒥᓇ ᑲᐦᑭᔭᐤ ᒋᐢᑌᑲᐦᐃᑲᓇ ᐱᐢᑭᑖᔭᐃᐧᑲᒥᑯᕽ ᐋᐧᓴᑳᒼ.
Currently Selected:
ᐁᐠᓴᑕᐢ 38: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
