ᓃᓵᐧᐤ ᑲᕒᐃᐣᑎᔭᓇ 13
13
1 #
ᑎᔪᑕᕒᐊᓇᒥ 17:6; 19:15 ᐁᐊᐧᑯᒪ ᓂᐢᑖᐧᐤ ᐁ ᐃᐧ ᐯ ᓇᑕᐋᐧᐸᒥᑕᑯᐠ. ᐅᑐᓂᐋᐧᕽ ᐅᐦᒋ ᓂᓱ ᐊᐦᐳ ᓂᐢᑐ ᐅᑖᒋᒧᐊᐧᐠ ᑲᐦᑭᔭᐤ ᐃᑌᐧᐃᐧᐣ ᑭᑕ ᐋᔮᑕᐢᑖᓂᐊᐧᐣ. 2ᓵᓴᐩ ᓂ ᑭ ᐃᑖᐧᐣ ᒥᓇ ᒫᑲ ᓂᔮᐠ ᓂᐟ ᐃᑖᐧᐣ, ᑖᐱᐢᑯᐨ ᑭᑖᐧᒼ ᑳ ᐋᐧᐸᒥᑕᑯᐠ, ᐁᑯᓯ ᒥᓇ ᐁᑲᐧ, ᐁᑳ ᐁ ᐋᐧᐸᒥᑕᑯᐠ, ᐊᓂᑭ ᓂᐟ ᐃᑖᐊᐧᐠ ᐊᐊᐧᓯᐢᐱ ᑳ ᑭ ᒪᒋᑐᑕᑭᐠ, ᒥᓇ ᑲᐦᑭᔭᐤ ᑯᑕᑲᐠ. ᑭᐢᐱᐣ ᒥᓇ ᐯ ᐃᑐᐦᑌᔮᓂ, ᓇᒪᐃᐧᔭ ᓂ ᑲ ᒪᓈᒋᐃᐋᐧᐣ; 3ᐃᐧᔭ ᐁ ᓇᑐᓇᒣᐠ ᑫᒋᓈᐅᐃᐧᐣ ᙭ ᐁ ᐱᑭᐢᑫᐧᐟ ᓂᔭ ᐅᐦᒋ; ᑭᔭᐋᐧᐤ ᐃᓯ ᐁᑳ ᑳ ᓀᓱᐃᐧᓯᐟ, ᒫᑲ ᑳ ᒪᐢᑲᐃᐧᓯᐟ ᐁ ᑭᑭᐢᑳᑯᔦᐠ: 4ᒋᑫᒫ ᑭ ᒋᐢᑕᐦᐋᐢᑳᐧᑖᐤ ᓀᓱᐃᐧᓯᐃᐧᓂᕽ, ᒫᑲ ᐱᒫᑎᓯᐤ ᐅ ᒪᐢᑲᐃᐧᓯᐃᐧᓂᔨᕽ ᑭᓭᒪᓂᑐᐊᐧ. ᑭᔮᓇᐤ ᒫᑲ ᒥᓇ ᑭ ᓀᓱᐃᐧᓯᓈᓇᐤ ᑭᑭ ᐃᐧᔭ, ᒫᑲ ᑭ ᑳ ᐃᐧᒋ ᐱᒫᑎᓯᒫᓇᐤ ᐅ ᒪᐢᑲᐃᐧᓯᐃᐧᓂᕽ ᑭᓭᒪᓂᑐ ᑭᔭᐋᐧᐤ ᐃᓯ. 5ᑲᑫᐧᒋᐃᓱᐠ, ᑭᐢᐱᐣ ᑖᐯᐧᔦᔨᑕᒧᐃᐧᓂᕽ ᐁᔮᐁᐧᑫᐧ; ᑫᒋᓈᐃᓱᐠ. ᐊᐦᐳ ᒋ ᓇᒪᐃᐧᔭ ᑭ ᑭᐢᑫᔨᑌᓈᐋᐧᐤ ᑭᔭᐋᐧᐤ ᑎᐱᔭᐤ, ᒋᓴᐢ ᙭ ᐁ ᑭᑭᐢᑳᑯᔦᐠ? ᑭᐢᐱᐣ ᐅᑎ ᓇᒪᐃᐧᔭ ᑭ ᐁᐧᐱᓂᑳᓱᓈᐋᐧᐤ. 6ᒫᑲ ᓂ ᐸᑯᓭᔨᒧᐣ ᑭᑕ ᑭᐢᑫᔨᑕᒣᐠ ᐁᑳ ᓂᔭᓈᐣ ᐁ ᐁᐧᐱᓂᑳᓱᔮᕽ. 7ᐁᑲᐧ ᒫᑲ ᓂᐟ ᐊᔭᒥᐦᐁᐢᑕᐋᐧᐤ ᑭᓭᒪᓂᑐ ᐁᑳ ᑭᑕ ᐃᑐᑕᒣᐠ ᑳ ᒫᔮᑕᕽ; ᓇᒪᐃᐧᔭ ᓂᔭᓈᐣ ᑭᑕ ᐅᐦᒋ ᓇᐁᔨᑖᑯᓯᔮᕽ, ᒫᑲ ᑭᔭᐋᐧᐤ ᑭᑕ ᐃᑐᑕᒣᐠ ᐊᓂᒪ ᑳ ᒥᔮᐧᐸᒥᓈᑲᐧᕽ, ᐋᑕ ᓂᔭᓈᐣ ᑖᐱᐢᑯᐨ ᐅᐁᐧᐱᓂᑳᓱᐊᐧᐠ ᐃᓯᓈᑯᓯᔮᕽ. 8ᒋᑫᒫ ᓇᒪᐃᐧᔭ ᑫᑲᐧᐩ ᓂ ᑲ ᑭ ᐃᑐᑌᓈᐣ ᑭᑕ ᓇᑳᐢᑲᒫᕽ ᑖᐯᐧᐃᐧᐣ, ᒫᑲ ᑭᑕ ᐃᐧᒋᑖᔮᕽ ᑖᐯᐧᐃᐧᐣ. 9ᓂ ᒪᒪᐦᑖᑯᓯᓈᐣ ᒫᑲ, ᑭᐢᐱᐣ ᓂᔭᓈᐣ ᐁ ᓀᓱᐃᐧᓯᔮᕽ, ᑭᔭᐋᐧᐤ ᑭ ᒪᐢᑲᐃᐧᓯᓈᐋᐧᐤ: ᐅᒪ ᒥᓇ ᓂ ᓇᑐᑌᓈᐣ ᐁ ᐊᔭᒥᐦᐋᔮᕽ, ᑭ ᑭᓯᐃᑯᐃᐧᓯᐃᐧᓂᐋᐧᐤ. 10ᐁᐊᐧᑯ ᐅᒪ ᐅᐦᒋ ᑳ ᒪᓯᓇᐦᐊᒫᑕᑯᐠ ᐅᐦᐃ ᒣᑳᐧᐨ ᐁᑳ ᐁ ᐋᐧᐸᒥᑕᑯᐠ, ᐃᐢᐱ ᐋᐧᐸᒥᑕᑳᐧᐃᐧ ᐁᑳ ᑭᑕ ᐋᐦᑯᓇᒫᑕᑯᐠ, ᐁ ᑭ ᐃᓯ ᑎᐯᔨᑕᒧᐃᐟ ᑳ ᑎᐯᔨᐦᒋᑫᐟ ᑭᑕ ᐅᐱᓂᐁᐧᔮᐣ ᓇᒪᐃᐧᔭ ᒫᑲ ᑭᑕ ᓂᐦᒋᐁᐧᐱᓂᐁᐧᔮᐣ.
11ᐃᐢᑳᐧᔮᓂᕽ ᒫᑲ, ᓂᒋᐋᐧᒥᑎᐠ, ᑭᐟ ᐊᑕᒥᐢᑳᑎᓈᐋᐧᐤ, ᑭ ᑲ ᐃᐧ ᑭᓯᐃᑯᐃᐧᓯᓈᐋᐧᐤ; ᑭ ᑲ ᐃᐧ ᒥᔪᑌᐁᐃᑲᐃᐧᓈᐋᐧᐤ; ᑭᑕ ᐃᐧ ᐯᔭᑲᐧᐣ ᐁ ᐃᓯ ᐅ ᒥᑐᓀᔨᒋᑲᓀᔦᐠ; ᒥᔪ ᐃᐧᒉᑐᐃᐧᓂᕽ ᐱᒫᑎᓯᐠ: ᐁᑯᓯ ᑭᓭᒪᓂᑐ ᑳ ᑎᐯᔨᑕᕽ ᓵᑭᐦᐃᐁᐧᐃᐧᐣ ᒥᓇ ᒥᔪ ᐃᐧᒉᑐᐃᐧᐣ ᑭ ᑲ ᐃᐧᒉᐃᐧᑯᐋᐧᐤ. 12ᐊᔭᑕᒥᐢᑯᑖᑐᐠ ᑲᓈᒋ ᐅᒉᑐᐃᐧᓂᕽ.
13ᑲᐦᑭᔭᐤ ᐅᑲᓈᑎᓯᐊᐧᐠ ᑭᐟ ᐊᑕᒥᐢᑳᑯᐋᐧᐊᐧᐠ.
14ᐅ ᑭᓭᐋᐧᑎᓯᐃᐧᐣ ᑳ ᑎᐯᔨᒥᑯᔭᕽ ᒋᓴᐢ ᙭, ᒥᓇ ᐅ ᓵᑭᐦᐃᐁᐧᐃᐧᐣ ᑭᓭᒪᓂᑐ, ᒥᓇ ᐅ ᐃᐧᒋᐃᐁᐧᐃᐧᐣ ᑳ ᑲᓈᑎᓯᐟ ᐊᐦᒑᕽ. ᑭ ᑲ ᐃᐧ ᐃᐧᒉᐃᐧᑯᓈᐋᐧᐤ ᑲᐦᑭᔭᐤ.
Currently Selected:
ᓃᓵᐧᐤ ᑲᕒᐃᐣᑎᔭᓇ 13: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
