ᓂᐢᑕᒼ ᑲᕒᐃᐣᑎᔭᓇ 9

1ᓇᒪ ᒋ ᓂ ᑎᐯᔨᒥᓱᐣ? ᓇᒪ ᒋ ᓂᐟ ᐊᐹᐢᑎᓬᐃᐃᐧᐣ? ᓇᒪ ᒋ ᓂ ᑭ ᐋᐧᐸᒫᐤ ᒋᓴᐢ ᑳ ᑎᐯᔨᒥᑯᔭᕽ? ᓇᒪ ᒋ ᑭᔭᐋᐧᐤ ᓂᐟ ᐊᑐᐢᑫᐃᐧᐣ ᑳ ᑎᐯᔨᐦᒋᑫᐟ ᐃᓯ? 2ᑭᐢᐱᐣ ᐋᑕ ᑯᑕᑲᐠ ᓇᒪᐃᐧᔭ ᐊᐹᐢᑎᓬ ᓂᐟ ᐃᑕᐱᐣ, ᑭᔭᐋᐧᐤ ᐃᐧᔭ ᑲᓇᑫ: ᒋᑫᒫ ᑭᔭᐋᐧᐤ ᐅᐦᒋ ᑫᒋᓈᑕᐢᑌᐤ ᓂᐟ ᐊᐸᐢᑎᓬᐃᐃᐧᐃᐧᐣ ᑳ ᑎᐯᔨᐦᒋᑫᐟ ᐃᓯ.

3ᐅᒥᓯ ᓂᐟ ᐃᓯ ᓇᐢᑫᐧᐊᐧᓯᐋᐊᐧᐠ ᐊᓂᑭ ᑳ ᑲᑫᐧᒋᒥᒋᐠ. 4ᓇᒪ ᒋ ᐃᑌᔨᑕᒫᑭ ᓂ ᑲ ᑭ ᒥᒋᓱᓈᐣ ᒥᓇ ᒥᓂᑳᐧᓈᐣ? 5ᓇᒪᐃᐧᔭ ᒋ ᐃᑌᔨᑕᒫᑭ ᓂ ᑲ ᑭ ᐸᐸᒧᑕᐋᓈᐣ ᐁ ᐃᐧᐃᐧᔮᕽ ᐅᑖᐯᑕᒧ, ᑖᐱᐢᑯᐨ ᑯᑕᑲᐠ ᐊᐹᐢᑎᓬᐊᐠ, ᒥᓇ ᐅᒋᐋᐧᒪ ᑳ ᑎᐯᔨᐦᒋᑫᐟ, ᒥᓇ ᓯᐸᐢ? 6ᐊᐦᐳ ᒋ ᓂᔭ ᐱᑯ ᒥᓇ ᐹᕒᓇᐸᐢ, ᓇᒪᐃᐧᔭ ᓂ ᑲ ᑭ ᐳᓂ ᐊᑐᐢᑳᓈᐣ ᑭᐢᐱᐣ ᐃᑌᔨᑕᒫᑭ? 7ᑖᓈᓇ ᓯᒫᑲᓂᐢ ᐃᐧᔭ ᑌᐸᐃᑫᐢᑕᒫᓱᐟ? ᐊᐁᐧᓇ ᐃᐧᑳᐨ ᑫᐢᑎᑳᑕᕽ ᓱᒥᓂᑭᐢᑎᑳᐣ ᐁᑳ ᒫᑲ ᑭᑕ ᒥᒋᐟ ᐁ ᒥᓂᓯᐊᐧᓂᔨᐠ? ᐊᐦᐳ ᐊᐁᐧᓇ ᐃᐧᑳᐨ ᐁᓴᒫᐟ ᐱᓯᐢᑭᐊᐧ, ᐁᑳ ᒫᑲ ᑭᑕ ᐅᐦᑕᑕᕽ ᑐᐦᑐᓵᐳ? 8ᐅᐦᐃ ᑳ ᐃᑌᐧᔮᐣ ᐊᔨᓯᔨᓂᐊᐧᐠ ᒋ ᐅ ᐱᑭᐢᑫᐧᐃᐧᓂᐋᐧᐤ ᑳ ᐋᐸᒋᑖᔮᐣ? ᐊᐦᐳ ᒋ ᐅᔭᓱᐁᐧᐃᐧᐣ ᐁᑯᓯ ᒥᓇ ᐃᑌᐧᒪᑲᐣ? 9#ᑎᔪᑕᕒᐊᓇᒥ 25:4; 1 ᑎᒪᑏ 5:18ᒋᑫᒫ ᐃᑕᓯᓇᐦᐃᑳᑌᐤ ᐅᔭᓱᐁᐧᐃᐧᓂᕽ ᒧᓯᐢ, ᓇᒪᐃᐧᔭ ᑭ ᑲ ᑭᐳᑐᓀᐱᑖᐤ ᒧᐢᑐᐢ ᒣᑳᐧᐨ ᐁ ᐸᐃᐧᐢᑲᐋᐧᐟ ᐸᑫᐧᓯᑲᓂᑳᓇ. ᒧᐢᑐᓴᐧ ᒋ ᐱᑯ ᑭᓭᒪᓂᑐ ᑳ ᒥᑐᓀᔨᒫᐟ, 10ᐊᐦᐳ ᒋ ᑭᔮᓇᐤ ᐅᐦᒋ ᑳ ᐃᑌᐧᐟ? ᐁᐦᐁ, ᑭᔮᓇᐤ ᐅᐦᒋ ᑳ ᑭ ᐃᑕᓯᓇᐦᐃᑳᑌᐠ: ᒋᑫᒫ ᐊᓇ ᑳ ᐱᑯᐱᒋᑫᐟ ᐅ ᑲ ᐱᑯᐱᒋᑳ ᐸᑯᓭᔨᒧᐃᐧᓂᕽ, ᒥᓇ ᐊᓇ ᑳ ᐸᐊᐧᐃᑫᐟ, ᐅ ᑲ ᐸᐊᐧᐃᑳ ᐁ ᐸᑯᓭᔨᒧᐟ ᑭᑕ ᐅᐦᑕᒋᑫᐟ. 11#ᕒᐅᒪᓇ 15:27ᑭᐢᐱᐣ ᑭ ᑭ ᑭᐢᑎᑫᑐᑖᑎᓈᐣ ᐊᒑᐦᑯᐃᐧ ᑫᑲᐧᔭ, ᒥᐢᑕᐦᐃ ᒋ ᑭᐢᐱᐣ ᓂ ᒪᓂᓯᑳᓈᐣ ᐊᐢᑭᐃᐧ ᑫᑲᐧᔭ ᑳ ᐊᔮᔦᐠ? 12ᑭᐢᐱᐣ ᑯᑕᑲᐠ ᐅᐦᑎᓂᑫᐊᐧᐠ ᐅᒪ ᐁ ᐃᑕᐢᑌᐠ ᑭᑕ ᐃᑐᑕᒣᐠ, ᓇᒪ ᒋ ᓇᐊᐧᐨ ᓂᔭᓈᐣ? ᒫᑲ ᐁᔨᐁᐧᕽ ᓇᒪᐃᐧᔭ ᓄᐦᒋ ᐋᐸᒋᑖᓈᐣ ᐅᒪ ᐁ ᐃᑕᐢᑌᐠ; ᒫᑲ ᑲᐦᑭᔭᐤ ᑫᑲᐧᐩ ᓂ ᓇᔭᑌᐣ ᐁᑳ ᓈᐣᑕᐤ ᐃᓯ ᑭᑕ ᑭᐱᒋᑖᔮᕽ ᐅ ᒥᔮᐧᒋᒧᐃᐧᐣ ᙭. 13#ᑎᔪᑕᕒᐊᓇᒥ 18:1ᓇᒪ ᒋ ᑭ ᑭᐢᑫᔨᑌᓈᐋᐧᐤ ᐊᓂᑭ ᑳ ᐸᒥᑖᒋᐠ ᑲᓈᒋ ᑫᑲᐧᔭ ᒥᒋᐊᐧᐠ ᐊᓂᐦᐃ ᑭᐦᒋ ᐊᔭᒥᐦᐁᐃᐧᑲᒥᑯᕽ ᑳ ᐊᔮᑭ, ᒥᓇ ᐊᓂᑭ ᑳ ᑕᓯᑲᑭᐠ ᐸᑭᑎᓈᓱᐃᐧᓈᐱᐢᐠ ᐅᐦᑎᓂᑫᐊᐧᐠ ᐸᑭᑎᓈᓱᐃᐧᓈᐱᐢᑯᕽ? 14#ᒫᐟᔪ 10:10; ᓬᐅᐠ 10:7ᐁᑯᓯ ᒫᑲ ᒥᓇ ᑳ ᑎᐯᔨᐦᒋᑫᐟ ᑭ ᐃᓯ ᐅᔭᑭᑕᒼ ᐊᓂᑭ ᑳ ᑲᑫᐢᑭᒥᐁᐧᒋᐠ ᒥᔮᐧᒋᒧᐃᐧᐣ ᑭᑕ ᐅᐦᒋ ᐱᒫᑎᓯᒋᐠ ᒥᔮᐧᒋᒧᐃᐧ? 15ᒫᑲ ᓇᒪ ᑫᑲᐧᐩ ᐅᐦᐃ ᓂᔭ ᐃᐧᔭ ᓄᐦᒋ ᐋᐸᒋᑖᐣ: ᒥᓇ ᓇᒪᐃᐧᔭ ᐅᐦᐃ ᓂ ᒪᓯᓇᐁᐣ ᓂᔭ ᐁᑯᓯ ᑭᑕ ᐃᑐᑖᑲᐃᐧᔮᐣ; ᒋᑫᒫ ᓇᐊᐧᐨ ᑭᑕ ᒥᔮᐧᓯᐣ ᓂᔭ ᐃᐧᔭ ᑭᑕ ᓂᐱᔮᐣ, ᐃᔨᑯᕽ ᐊᐃᐧᔭᐠ ᐊᔨᓯᔨᓂᐤ ᑭᑕ ᒪᐢᑲᒥᐟ ᓂ ᑲᑭᒋᒧᐃᐧᐣ. 16ᒋᑫᒫ ᑭᐢᐱᐣ ᑲᑫᐢᑭᒥᐁᐧᔮᓂ ᒥᔮᐧᒋᒧᐃᐧᐣ, ᓇᒪ ᑫᑲᐧᐩ ᐃᐦᑕᑲᐧᐣ ᑭᑕ ᐅᐦᒋ ᑲᑭᐦᒋᒧᔮᐣ; ᒋᑫᒫ ᐃᑕᐢᑌᐤ ᑭᑕ ᐃᑐᑕᒫᐣ: ᓇᒪᐃᐧᔭ ᐯᔭᑕᐠ ᓂ ᑲ ᐋᔨᒥᐅᐣ ᑭᐢᐱᐣ ᐁᑳ ᑲᑫᐢᑭᒥᐁᐧᔮᓂ ᒥᔮᐧᒋᒧᐃᐧᐣ. 17ᑭᐢᐱᐣ ᒫᑲ ᐅᒪ ᐃᑐᑕᒫᓂ ᓂᔭ ᓂᐟ ᐃᑌᔨᑕᒧᐃᐧᐣ ᐅᐦᒋ, ᓂᐟ ᐊᔮᐣ ᑎᐸᐦᐊᒫᑯᐃᐧᐣ: ᒫᑲ ᑭᐢᐱᐣ ᐁᑳ ᓂᔭ ᐁ ᐃᑌᔨᑕᒫᐣ, ᓂ ᐸᑭᑎᓇᒫᑲᐃᐧᐣ ᐸᒥᑖᓱᐃᐧᐣ. 18ᑫᑲᐧᐩ ᒫᑲ ᐁᑲᐧ ᓂ ᑎᐸᐦᐊᒫᑯᐃᐧᐣ? ᐁᐊᐧᑯᒪ, ᑲᑫᐢᑭᒥᐁᐧᔮᓂ ᒥᔮᐧᒋᒧᐃᐧᐣ, ᑭᑕ ᐁᑳ ᐊᑭᑕᒫᑫᔮᐣ ᒥᔮᐧᒋᒧᐃᐧᐣ, ᐁᑯᓯ ᐃᓯ ᐁᑳ ᒥᑐᓂ ᑭᑕ ᐋᐸᒋᑖᔮᐣ ᐊᓂᒪ ᐁ ᐃᑕᐢᑌᐠ ᑭᑕ ᑭ ᐃᑐᑕᒫᐣ ᒥᔮᐧᒋᒧᐃᐧᓂᕽ.

19ᒋᑫᒫ ᐋᑕ ᐁᑳ ᐊᐃᐧᔭᐠ ᐊᔨᓯᔨᓂᐤ ᐁ ᑎᐯᔨᒥᐟ, ᓂ ᑭ ᐃᓯ ᐸᑭᑎᓂᓱᐣ ᑭᑕ ᐊᑐᐢᑲᐊᐧᐠ ᑲᐦᑭᔭᐤ, ᐊᐊᐧᓯᒣ ᒥᐦᒉᐟ ᑭᑕ ᑲᐢᑭᐊᑭᐠ. 20ᒍᐊᐧᐠ ᓂ ᑭ ᐃᓯ ᐃᐧᒉᐋᐧᐊᐧᐠ ᑖᐱᐢᑯᐨ ᒍᐤ, ᑭᑕ ᑭ ᑲᐢᑭᐊᑭᐠ ᒍᐊᐧᐠ; ᐊᓂᑭ ᑳ ᑎᐯᔨᒥᑯᒋᐠ ᐅᔭᓱᐁᐧᐃᐧᐣ, ᑖᐱᐢᑯᐨ ᐁ ᑎᐯᔨᒥᑯᔮᐣ ᐅᔭᓱᐁᐧᐃᐧᐣ, ᓇᒪᐃᐧᔭ ᒫᑲ ᐋᑕ ᓂᔭ ᐁ ᑎᐯᔨᒥᑯᔮᐣ ᐅᔭᓱᐁᐧᐃᐧᐣ, ᑭᑕ ᑲᐢᑭᐊᑭᐠ ᐊᓂᑭ ᑳ ᑎᐯᔨᒥᑯᒋᐠ ᐅᔭᓱᐁᐧᐃᐧᐣ; 21ᐊᓂᑭ ᒫᑲ ᐁᑳ ᑳ ᐊᔮᒋᐠ ᐅᔭᓱᐁᐧᐃᐧᐣ, ᑖᐱᐢᑯᐨ ᐁᑳ ᐁ ᐊᔮᔮᐣ ᐅᔭᓱᐁᐧᐃᐧᐣ, ᓇᒪᐃᐧᔭ ᐃᐧᔭ ᐁᑳ ᐁ ᐊᔮᔮᐣ ᐅᔭᓱᐁᐧᐃᐧᐣ ᑭᓭᒪᓂᑐ, ᒫᑲ ᐁ ᑎᐯᔨᒥᑯᐊᐧᐠ ᐅᔭᓱᐁᐧᐃᐧᐣ ᙭, ᑭᑕ ᑲᐢᑭᐊᑭᐠ ᐊᓂᑭ ᐁᑳ ᑳ ᐊᔮᒋᐠ ᐅᔭᓱᐁᐧᐃᐧᐣ. 22ᑳ ᓀᓱᐃᐧᓯᒋᐠ ᓂ ᑭ ᓀᓱᐃᐧᓯᐃᓱᐣ, ᑭᑕ ᑭ ᑲᐢᑭᐊᑭᐠ ᑳ ᓀᓱᐃᐧᓯᒋᐠ: ᑲᐦᑭᔭᐤ ᐊᔨᓯᔨᓂᐊᐧᐠ ᐱᑯ ᐃᓯ ᓂ ᑭ ᐃᓯ ᐃᐧᒉᐋᐧᐊᐧᐠ, ᑭᑕ ᑭ ᓈᐣᑕᐤ ᐃᓯ ᑲᐢᑭᐊᑭᐠ ᐋᑎᐦᐟ. 23ᐁᑯᓯ ᑲᐦᑭᔭᐤ ᑫᑲᐧᐩ ᓂᐟ ᐃᑐᑌᐣ ᒥᔮᐧᒋᒧᐃᐧᐣ ᐅᐦᒋ, ᓂᐢᑕ ᐁᑯᑕ ᑭᑕ ᐃᐧᒋᐃᐁᐧᔮᐣ.

24ᓇᒪ ᒋ ᑭ ᑭᐢᑫᔨᑌᓈᐋᐧᐤ ᐊᓂᑭ ᑳ ᐱᒥᐸᑖᒋᐠ ᑲᑫᐧᒋᐢᑲᑎᑐᐃᐧᓂᕽ ᑲᐦᑭᔭᐤ ᐱᒥᐸᑖᐊᐧᐠ, ᒫᑲ ᐯᔭᐠ ᐱᑯ ᒥᔮᐤ ᐊᐢᑖᐧᑐᐃᐧᐣ? ᐃᓯ ᐱᒥᐸᑖᐠ, ᑭᑕ ᑭ ᒥᔨᑲᐃᐧᔦᐠ. 25ᑲᐦᑭᔭᐤ ᐊᔨᓯᔨᓂᐤ ᒫᑲ ᑳ ᑲᑫᐧ ᐸᐢᑭᔮᑫᐧᐟ ᐁᐊᐧᑯᓂ ᒣᑕᐁᐧᐃᐧᓇ ᑲᓇᐁᐧᔨᒥᓱ ᒥᓯᐁᐧ ᐃᓯ. ᐃᐧᔭᐋᐧᐤ ᒫᑲ ᐃᑐᑕᒫᐧᐠ ᑭᑕ ᒥᔨᐦᒋᐠ ᑳ ᓂᓯᐊᐧᓈᑕᕽ ᐊᐢᑐᑎᐣ; ᒫᑲ ᑭᔮᓇᐤ ᐁᑳ ᑳ ᓂᓯᐊᐧᓈᑕᕽ. 26ᐁᑯᓯ ᒫᑲ ᓂᐟ ᐃᓯ ᐱᒥᐸᑖᐣ, ᓇᒪᐃᐧᔭ ᒫᑲ ᐊᓯᐁᐧᔨᑕᒧᐃᐧᓂᕽ; ᐁᑯᓯ ᓂᐟ ᐃᓯ ᓄᑎᓂᑳᐣ, ᓇᒪᐃᐧᔭ ᒫᑲ ᑖᐱᐢᑯᐨ ᐊᐃᐧᔭᐠ ᐱᑯᓇᑕ ᐁ ᐹᐸᑲᒪᐃᑫᐠ: 27ᒫᑲ ᓂ ᓵᑯᒋᑖᐣ ᓂᔭᐤ, ᒥᓇ ᓂ ᑎᐯᔨᑌᐣ: ᑫᑲ ᓈᐣᑕᐤ ᐃᓯ, ᑯᑕᑲᐠ ᐁ ᑭ ᑲᑫᐢᑭᒪᑭᐠ, ᑌᔭᑲᐧᐨ ᓂᔭ ᑭᑕ ᐁᐧᐱᓂᑳᓱᔮᐣ.

Currently Selected:

ᓂᐢᑕᒼ ᑲᕒᐃᐣᑎᔭᓇ 9: KKMs

Highlight

Copy

Compare