ᓂᐢᑕᒼ ᑲᕒᐃᐣᑎᔭᓇ 8
8
1ᐁᑲᐧ ᒫᑲ ᐊᓂᐦᐃ ᑳ ᐸᑭᑌᓇᒫᐦᒋᐠ ᒪᓂᑐᑳᓇᐠ: ᑭ ᑭᐢᑫᔨᑌᓈᓇᐤ ᑲᐦᑭᔭᐤ ᑭᐢᑫᔨᑕᒧᐃᐧᐣ ᐁ ᐊᔮᔭᕽ. ᑭᐢᑫᔨᑕᒧᐃᐧᐣ ᑭᐢᑌᔨᒧᐢᑳᑫᐤ, ᒫᑲ ᓵᑭᐦᐃᐁᐧᐃᐧᐣ ᑭᐢᑭᓄᐦᐊᒫᑫᒪᑲᐣ. 2ᑭᐢᐱᐣ ᒫᑲ ᐊᐃᐧᔭᐠ ᐊᔨᓯᔨᓂᐤ ᓂ ᑭᐢᑫᔨᑌᐣ ᑫᑲᐧᐩ ᐁᑌᔨᑕᒧᑫᐧ, ᓇᒣᐢᑲᐧ ᑫᑲᐧᐩ ᑭᐢᑫᔨᑕᒼ ᑫ ᐃᓯ ᑭᐢᑫᔨᑕᑭᐸᐣ; 3ᒫᑲ ᑭᐢᐱᐣ ᐊᐃᐧᔭᐠ ᐊᔨᓯᔨᓂᐤ ᓵᑭᐦᐋᒋ ᑭᓭᒪᓂᑐᐊᐧ, ᐁᐊᐧᑯ ᑭᐢᑫᔨᒥᐠ. 4ᐊᓂᒪ ᒫᑲ ᐁ ᒥᒋᐦᐠ ᑫᑲᐧᐩ ᐁ ᑭ ᐸᑭᑎᓇᒫᒋᐠ ᒪᓂᑐᐦᑳᓇᐠ, ᑭ ᑭᐢᑫᔨᑌᓈᓇᐤ ᒪᓂᑐᐦᑳᐣ ᐁᑳ ᓈᐣᑕᐤ ᐁ ᐃᑖᐸᑎᓯᐟ ᐅᑕ ᐊᐢᑭᕽ, ᒥᓇ ᐁᑳ ᐁ ᐃᑖᐟ ᑭᓭᒪᓂᑐ ᐱᑯ ᐯᔭᐠ. 5ᒋᑫᒫ ᐋᑕ ᐁ ᐃᑖᒋᐠ ᒪᓂᑐᐊᐧᐠ ᐁ ᐃᓯᔨᐦᑳᑎᒋᐠ, ᑭᐢᐱᐣ ᑭᓯᑯᕽ ᐊᐦᐳ ᐊᐢᑭᕽ; ᐃᐧᔭ ᐁ ᒥᐦᒉᑎᒋᐠ ᒪᓂᑐᐊᐧᐠ, ᒥᓇ ᐁ ᒥᐦᒉᑎᒋᐠ ᐅᑎᐯᔨᒋᑫᐊᐧᐠ; 6ᐃᐧᔭ ᑭᔮᓇᐤ ᐱᑯ ᐯᔭᑯ ᑭᓭᒪᓂᑐ ᐁᐧᔪᑖᐃᐧᕽ, ᐃᑌ ᑳ ᐅᐦᒋᐠ ᑲᐦᑭᔭᐤ ᑫᑲᐧᐩ, ᒥᓇ ᑭᔮᓇᐤ ᐃᐧᔭ ᐅᐦᒋ; ᒥᓇ ᐯᔭᐠ ᑳ ᑎᐯᔨᐦᒋᑫᐟ ᒋᓴᐢ ᙭, ᑲᐦᑭᔭᐤ ᑫᑲᐧᐩ ᑳ ᐅᐦᒋ ᐃᐦᑕᑲᐧᕽ, ᒥᓇ ᑭᔮᓇᐤ ᑳ ᐅᐦᒋ ᐊᔮᔭᕽ. 7ᒫᑲ ᓇᒪᐃᐧᔭ ᑲᐦᑭᔭᐤ ᐊᔨᓯᔨᓂᐤ ᑭᑭᐢᑳᐠ ᐁᐊᐧᑯ ᑭᐢᑫᔨᑕᒧᐃᐧᐣ: ᒫᑲ ᐋᑎᐦᐟ, ᐁᑯᓯ ᐃᓯ ᐁ ᓇᑲᔮ ᐊᑐᐢᑲᐋᐧᒋᐠ ᒪᓂᑐᑳᓇ, ᒥᒋᐊᐧᐠ ᐁ ᐃᓯ ᐸᑭᑎᓇᒫᒥᐦᐟ ᒪᓂᑐᑳᓇ; ᐁᑯᓯ ᐁ ᓀᓱᐊᐧᓂᔨᐠ ᐅ ᒥᑐᓀᔨᒋᑲᓂᐋᐧᐤ ᐊᐧᓈᑖᐊᐧᐠ. 8ᒫᑲ ᒥᒋᐃᐧᐣ ᐃᐧᔭ ᓇᒪᐃᐧᔮ ᐁᐊᐧᑯ ᑫ ᑭ ᐅᐦᒋ ᓇᐦᐃᔭᐁᐧᐋᔭᕽ ᑭᓭᒪᓂᑐ: ᒥᓇ ᑭᐢᐱᐣ ᓇᒪᐃᐧᔭ ᑭ ᒥᒋᓈᓇᐤ ᓇᒪᐃᐧᔭ ᐊᐊᐧᓯᒣ ᑭ ᒪᒑᔨᐃᐧᓈᓇᐤ; ᒥᓇ ᑭᐢᐱᐣ ᑭ ᒥᒋᓈᓇᐤ, ᓇᒪ ᐃᐧᔭ ᐊᐊᐧᓯᒣ ᑭ ᒥᔮᐧᑎᓯᓈᓇᐤ. 9ᒫᑲ ᐊᔮᑳᐧᒥᓯᐠ ᐁᑳ ᓈᐣᑕᐤ ᐃᓯ ᐅᒪ ᑭ ᑎᐯᔨᒥᓱᐃᐧᓂᐋᐧᐤ ᑭᑕ ᐅᐦᒋ ᐸᐦᑭᓯᐦᑭᐠ ᑳ ᓀᓱᐃᐧᓯᒋᐠ. 10ᒋᑫᒫ ᑭᐢᐱᐣ ᐊᔨᓯᔨᓂᐤ ᐋᐧᐸᒥᐢᑭ ᑭᔭ ᑳ ᐅ ᑭᐢᑫᔨᑕᒧᐃᐧᓂᔭᐣ ᐁ ᐊᐱᔭᐣ ᐁ ᒥᒋᓱᔭᐣ ᒪᓂᑐᑳᐣ ᐊᔭᒥᐦᐁᐃᐧᑲᒥᑯᕽ, ᓇᒪ ᒋ ᐅ ᒫᒥᑐᓀᔨᒋᑲᐣ, ᑭᐢᐱᐣ ᓀᓱᐃᐧᓯᒋ ᑭᑕ ᓯᑭᐃᐧᑖᐋᐧᐣ ᑭᑕ ᒥᒋᐟ ᐊᓂᐦᐃ ᑳ ᐸᑭᑎᓇᒫᒋᐠ ᒪᓂᑐᑳᓇᐠ? 11ᐁᑯᓯ ᑭᔭ ᑭ ᑭᐢᑫᔨᑕᒧᐃᐧᐣ ᐅᐦᒋ ᐊᓇ ᑳ ᓀᓱᐃᐧᓯᐟ ᓂᓯᐊᐧᓈᑎᓯᐤ, ᐅᒋᐋᐧᒥᒫᐤ ᙭ ᑳ ᑭ ᓂᐳᐢᑕᒫᑯᐟ. 12ᐁᑯᓯ ᒫᑲ ᐅᒪ ᐁ ᐊᐧᓂᑐᑕᐋᐧᔦᑯᐠ ᐅᒋᐋᐧᒥᒫᐊᐧᐠ, ᒥᓇ ᐁ ᑭᑎᒪᑖᐋᐧᔦᐠ ᐅ ᒥᑐᓀᔨᒋᑲᓂᐋᐧᐤ ᐁ ᓀᓱᐊᐧᓂᔨᐠ, ᑭ ᐊᐧᓂᑐᑕᐋᐧᐋᐧᐤ ᙭. 13ᑭᐢᐱᐣ ᒫᑲ, ᒥᒋᐃᐧᐣ ᐅᐦᒋ ᐸᐦᑭᓯᑭ ᓂᒋᐋᐧᒼ, ᓇᒪᐃᐧᑳᐨ ᒥᓇ ᓂ ᑲ ᒥᒋᐣ ᐃᐧᔮᐢ, ᐁᑳ ᓂᔭ ᐅᐦᒋ ᑭᑕ ᐸᐦᑭᓯᕽ ᓂᒋᐋᐧᒼ.
Currently Selected:
ᓂᐢᑕᒼ ᑲᕒᐃᐣᑎᔭᓇ 8: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
