ᓂᐢᑕᒼ ᑲᕒᐃᐣᑎᔭᓇ 11

1 # 1 ᑲᕒᐃᐣᑎᔭᓇ 4:16; ᐱᓬᐃᐱᔭᓇ 3:17 ᑭᐢᑭᓇᐋᐧᐸᒥᐠ ᒫᑲ ᓂᔭ, ᑖᐱᐢᑯᐨ ᑳ ᐃᓯ ᑭᐢᑭᓇᐋᐧᐸᒪᓴᐠ ᙭.

2ᐁᑲᐧ ᒫᑲ ᑭ ᒪᒥᒋᒥᑎᓈᐋᐧᐤ ᐁ ᑭᐢᑭᓯᑐᑕᐃᐧᔦᐠ ᒥᓯᐁᐧ ᐃᓯ, ᒥᓇ ᐁ ᒥᒋᒥᓇᒣᐠ ᐋᒋᒧᐃᐧᓇ ᑳ ᑭ ᐃᓯ ᐸᑭᑎᓇᒫᑕᑯᐠ. 3ᒫᑲ ᑭ ᓇᑕᐁᐧᔨᒥᑎᓈᐋᐧᐤ ᑭᑕ ᑭᐢᑫᔨᑕᒣᐠ, ᑳ ᐅᐢᑎᑳᐧᓂᐢᑲᐋᐧᐟ ᑲᐦᑭᔭᐤ ᓈᐯᐊᐧ ᐁᐊᐧᑯ ᙭; ᐁᑯᓯ ᑳ ᐅᐢᑎᑳᐧᓂᐢᑲᐋᐧᐟ ᐃᐢᑫᐧᐊᐧ ᐁᐊᐧᑯ ᓈᐯᐤ; ᐁᑯᓯ ᑳ ᐅᐢᑎᑳᐧᓂᐢᑲᐋᐧᐟ ᙭ᐊ ᐁᐊᐧᑯ ᑭᓭᒪᓂᑐ. 4ᑲᐦᑭᔭᐤ ᒫᑲ ᓈᐯᐤ ᐁ ᐊᔭᒥᐦᐋᐟ ᐊᐦᐳ ᐁ ᑭᐢᑭᐁᐧᐦᐃᑫᐟ, ᐁ ᐋᑯᐊᕽ ᐅᐢᑎᑳᐧᐣ, ᒪᒉᔨᑖᑯᑖᐤ ᐅᐢᑎᑳᐧᐣ. 5ᒫᑲ ᑲᐦᑭᔭᐤ ᐃᐢᑫᐧᐤ ᑳ ᐊᔭᒥᐦᐋᐟ ᐊᐦᐳ ᑳ ᑭᐢᑭᐁᐧᐦᐃᑫᐟ ᐁᑳ ᐁ ᐋᑯᐊᕽ ᐅᐢᑎᑳᐧᐣ ᒪᒉᔨᑖᑯᑖᐤ ᐅᐢᑎᑳᐧᐣ: ᒋᑫᒫ ᐁᐊᐧᑯ ᑖᐱᐢᑯᐨ ᐁ ᐸᐢᑯᐊᒫᐟ. 6ᐃᐧᔭ ᑭᐢᐱᐣ ᐃᐢᑫᐧᐤ ᐁᑳ ᐋᑯᐊᑭ ᐅᐢᑎᑳᐧᐣ, ᑭᔮᒼ ᒥᓇ ᑭᑕ ᐸᐢᑯᐊᒫᐤ: ᒫᑲ ᑭᐢᐱᐣ ᓂᓀᐯᐃᐧᓈᑲᐧᐣ ᐃᐢᑫᐧᐤ ᑭᑕ ᐸᐢᑯᐊᒫᐟ ᐊᐦᐳ ᑭᑕ ᑳᐢᑭᐸᓱᐟ, ᑭᔮᒼ ᑭᑕ ᐋᑯᐅᓱ. 7#ᒉᓂᓯᐢ 1:26,27ᑖᐯᐧ ᒫᑲ ᐃᐧᔭ ᓈᐯᐤ ᑭᑕ ᑭ ᐁᑳ ᐋᑯᐊᕽ ᐅᐢᑎᑳᐧᐣ, ᒋᑫᒫ ᐃᐧᔭ ᐅᐟ ᐃᓯᓈᑯᓯᐃᐧᐣ ᒥᓇ ᐅ ᑭᐢᑌᔨᑖᑯᓯᐃᐧᐣ ᑭᓭᒪᓂᑐ: ᒫᑲ ᐃᐢᑫᐧᐤ ᐁᐊᐧᑯ ᐅ ᑭᐢᑌᔨᑖᑯᓯᐃᐧᐣ ᓈᐯᐤ. 8#ᒉᓂᓯᐢ 2:18-23ᒋᑫᒫ ᓈᐯᐤ ᓇᒪᐃᐧᔭ ᐃᐢᑫᐧᐊᐧ ᐅᐦᒋ; ᒫᑲ ᐃᐢᑫᐧᐤ ᓈᐯᐊᐧ ᐅᐦᒋ: 9ᒋᑫᒫ ᓈᐯᐤ ᓇᒪᐃᐧᔭ ᐃᐢᑫᐧᐊᐧ ᑭ ᐅᐦᒋ ᐅᓯᐋᐤ; ᒫᑲ ᐃᐢᑫᐧᐤ ᓈᐯᐊᐧ ᐅᐦᒋ: 10ᐁᐊᐧᑯᒪ ᐅᐦᒋ ᐃᐢᑫᐧᐤ ᐅ ᑲ ᑭᑭᐢᑫ ᐅᐢᑎᑳᐧᓂᕽ ᑭᐢᑭᓇᐋᐧᒋᐅᐃᐧᐣ ᐁ ᑎᐯᔨᒥᐦᐟ, ᒋᑫᒫ ᐅᑭᓯᑯᐊᐧ ᐅᐦᒋ. 11ᒫᑲ ᐁᔨᐁᐧᕽ ᓇᒪᐃᐧᔭ ᐃᐢᑫᐧᐤ ᐃᑖᐤ ᑭᐢᐱᐣ ᐁᑳ ᓈᐯᐊᐧ, ᒥᓇ ᓇᒪᐃᐧᔭ ᓈᐯᐤ ᐃᑖᐤ ᑭᐢᐱᐣ ᐁᑳ ᐃᐢᑫᐧᐊᐧ, ᑳ ᑎᐯᔨᐦᒋᑫᐟ ᐃᓯ. 12ᒋᑫᒫ ᑖᐱᐢᑯᐨ ᐃᐢᑫᐧᐤ ᓈᐯᕽ ᑳ ᐅᐦᒋᐟ, ᐁᑯᓯ ᐃᓯ ᒥᓇ ᓈᐯᐤ ᐃᐢᑫᐧᕽ ᐅᐦᒋᐤ; ᒫᑲ ᑲᐦᑭᔭᐤ ᑫᑲᐧᐩ ᑭᓭᒪᓂᑐᕽ ᐅᐦᒋ. 13ᑭᔭᐋᐧᐤ ᐅᔭᓱᐋᐧᑕᒧᐠ ᐁᐊᐧᑯ: ᓇᐃᓈᑲᐧᐣ ᒋ ᐃᐢᑫᐧᐤ ᑭᑕ ᐊᔭᒥᐦᐁᐢᑕᐋᐧᐟ ᑭᓭᒪᓂᑐᐊᐧ ᐁᑳ ᐁ ᐋᑯᐢᑎᑳᐧᓀᐅᓱᐟ? 14ᓇᒪ ᒋ ᐁ ᐃᓯᐃᑯᐃᐧᓯᕽ ᑭ ᑭᐢᑭᓄᐦᐊᒫᑯᓈᐋᐧᐤ ᐅᒪ, ᑭᐢᐱᐣ ᓈᐯᐤ ᑲᑳᓈᐧᔨᐢᑫᐧᒋ, ᒪᒉᔨᑖᑯᐃᐠ? 15ᒫᑲ ᑭᐢᐱᐣ ᐃᐢᑫᐧᐤ ᑲᑳᓈᐧᔨᐢᑫᐧᒋ, ᑭᐢᑌᔨᑖᑯᐃᐠ: ᒋᑫᒫ ᐁᐧᐢᑕᑲᔭ ᑭ ᒥᔮᐤ ᑭᑕ ᐋᑯᐅᑯᐟ. 16ᒫᑲ ᑭᐢᐱᐣ ᓈᐣᑕᐤ ᐊᔨᓯᔨᓂᐤ ᐃᐧ ᐊᔮᓀᐧᔨᑕᑭ, ᓇᒪᐃᐧᔭ ᑭᐟ ᐊᔮᓈᓇᐤ ᐁᑯᑐᐃᐧ ᐃᓯᐦᒋᑫᐃᐧᐣ ᓇᒪᐃᐧᔭ ᒥᓇ ᐊᔮᐊᐧᐠ ᑳ ᒫᒪᐃᐧ ᐊᔭᒥᐦᐁᐢᑕᐋᐧᒋᐠ ᑭᓭᒪᓂᑐᐊᐧ.

17ᒫᑲ ᐁ ᒥᔨᑕᑯᐠ ᐅᒪ ᐊᔮᑳᐧᒥᒥᐁᐧᐃᐧᐣ, ᓇᒪᐃᐧᔭ ᑭ ᒪᒥᒋᒥᑎᓈᐋᐧᐤ, ᐁ ᐯ ᒫᒪᐃᐧ ᐃᑐᑌᔦᐠ ᓇᒪᐃᐧᔭ ᐊᐊᐧᓯᒣ ᑭᑕ ᒥᔮᐧᐸᒋᐃᑯᔦᐠ ᒫᑲ ᐊᐊᐧᓯᒣ ᑭᑕ ᒫᔨ ᐊᔮᔦᐠ. 18ᒋᑫᒫ ᓂᑳᐣ, ᒥᔮᒪᐃᐧ ᐊᔮᔦᑯ ᒫᐊᐧᒋᐃᑐᐃᐧᓂᕽ, ᐸᐱᑐᐢ ᐁ ᐃᓯᐦᒋᑫᔦᐠ ᓂᐟ ᐃᓯ ᐯᐦᑌᐣ; ᔮᔭᐤ ᒫᑲ ᓂ ᐃᐧ ᑖᐯᐧᑌᐣ. 19ᒋᑫᒫ ᐱᑯ ᑭᑕ ᐃᑕᑲᐧᑭ ᒥᓇ ᐹᐱᑐᐢ ᐃᓯᐢᑖᐃᐧᓇ, ᐊᓂᑭ ᑳ ᓇᐁᔨᑖᑯᓯᒋᐠ ᐃᑕ ᑳ ᐊᔮᔦᐠ ᑭᑕ ᓄᑯᓯᒋᐠ. 20ᐃᐢᐱ ᒫᑲ ᒥᔮᒪᐃᐧ ᒫᐊᐧᒋᐃᑐᔦᑯ, ᓇᒪᐃᐧᔭ ᑭᑕ ᑭ ᒥᒋᔦᐠ ᑳ ᑎᐯᔨᐦᒋᑫᐟ ᐅ ᑎᐱᐢᑭᓀᑫᐧᐃᐧᐣ: 21ᒋᑫᒫ ᐁ ᒥᒋᓱᔦᐠ ᑲᐦᑭᔭᐤ ᐊᐃᐧᔭᐠ ᐋᓯᐢᑯᓇᒪᐁᐧᐤ ᑯᑕᑲ ᐅ ᑎᐱᐢᑭᓀᑫᐧᐃᐧᐣ; ᐁᑯᓯ ᐯᔭᐠ ᓄᑌᑲᑌᐤ, ᐁᑲᐧ ᑯᑕᐠ ᑭᐢᑫᐧᐯᐤ. 22ᑖᓀᑭ? ᓈᒪ ᒋ ᑭᐟ ᐊᔮᓈᐋᐧᐤ ᐋᐧᐢᑳᐦᐃᑲᓇ ᐃᑕ ᑭᑕ ᒥᒋᓱᔦᐠ ᒥᓇ ᑭᑕ ᒥᓂᑫᐧᔦᐠ? ᐊᐦᐳ ᒋ ᑭ ᐱᐁᐧᔨᑕᒫᐧᓈᐋᐧᐤ ᐅᐟ ᐊᔭᒥᐦᐁᐃᐧᑲᒥᐠ ᑭᓭᒪᓂᑐ, ᒥᓇ ᑭ ᓇᓀᐯᐃᐧᐋᐋᐧᐊᐧᐠ ᐊᓂᑭ ᐁᑳ ᑳ ᐊᔮᒋᐠ? ᑖᓂᓯ ᑫ ᐃᑎᑕᑯᐠ? ᑭ ᑲ ᒪᒥᒋᒥᑎᓈᐋᐧᐤ ᒋ ᐅᒪ ᐅᐦᒋ? ᓇᒪᐃᐧᔭ ᑭ ᒪᒥᒋᒥᑎᓈᐋᐧᐤ. 23ᒋᑫᒫ ᑳ ᑎᐯᔨᐦᒋᑫᐟ ᓂ ᑭ ᒥᔨᐠ ᐊᓂᒪ ᒥᓇ ᑳ ᑭ ᐸᑭᑎᓇᒫᑕᑯᐠ, ᑳ ᑎᐯᔨᐦᒋᑫᐟ ᒋᓴᐢ ᐊᓂᒪ ᐁ ᑎᐱᐢᑳᔨᐠ ᑳ ᑭ ᐊᐧᔦᓯᐸᑭᑎᓂᐦᐟ ᑳ ᑭ ᐃᓯ ᐅᑎᓈᐟ ᐸᑫᐧᓯᑲᓇ; 24ᐃᐢᐱ ᒫᑲ ᑳ ᓇᓈᐢᑯᒧᐟ ᑭ ᐸᑫᐧᓀᐤ, ᒥᓇ ᑭ ᐃᑌᐧᐤ, ᐁᐊᐧᑯ ᐅᒪ ᓂᔭᐤ, ᑭᔭᐋᐧᐤ ᐅᐦᒋ: ᐅᒪ ᐃᑐᑕᒧᐠ ᐁ ᑭᐢᑭᓯᑐᑕᐃᐧᔦᐠ. 25#ᐁᐠᓴᑕᐢ 24:8; ᒉᕒᐃᒫᔭ 31:31-34; ᐁᐠᓴᑕᐢ 24:6-8ᐁᑯᓯ ᐃᓯ ᒥᓇ ᒥᓂᑳᐧᑲᐣ, ᑳ ᑎᐱᐢᑭᓀᑫᐧᒋᐠ, ᐁ ᐃᑌᐧᐟ, ᐅᒪ ᒥᓂᑳᐧᑲᐣ ᐁᐊᐧᑯ ᐊᓱᑕᒫᑫᐃᐧᐣ ᓂ ᒥᐦᑯᕽ: ᐅᒪ ᐃᑐᑕᒧᐠ, ᑕᐦᑖᐧᐤ ᐁ ᒥᓂᑫᐧᔦᐠ, ᐁ ᑭᐢᑭᓯᑐᑕᐃᐧᔦᐠ. 26ᒋᑫᒫ ᑕᐦᑖᐧᐤ ᐁ ᒧᐋᐧᔦᐠ ᐊᐊᐧ ᐸᑫᐧᓯᑲᐣ, ᒥᓇ ᐁ ᒥᓂᑫᐧᔦᐠ ᐅᒪ ᒥᓂᑳᐧᑲᐣ, ᑭ ᐃᐧᐦᑕᒫᐧᓈᐋᐧᐤ ᑳ ᑎᐯᔨᐦᒋᑫᐟ ᐅ ᓂᐳᐃᐧᐣ ᐃᐢᑯ ᒥᓇ ᑭᑕ ᑕᑯᓯᕽ. 27ᐱᑯ ᐊᐃᐧᔭᐠ ᒫᑲ ᑫ ᒧᐋᐧᑫᐧ ᐊᓂᐦᐃ ᐸᑫᐧᓯᑲᓇ ᐊᐦᐳ ᑫ ᒥᓂᑫᐧᑫᐧ ᐅ ᒥᓂᑳᐧᑲᐣ ᑳ ᑎᐯᔨᐦᒋᑫᐟ ᐁᑳ ᐁ ᑌᐸᑫᔨᑖᑯᓯᐟ, ᑭᑕ ᐊᑖᒥᒫᐤ ᐃᐧᔭᐃᐧᔨᐤ ᒥᓇ ᐅ ᒥᐦᑯᔨᐤ ᑳ ᑎᐯᔨᐦᒋᑫᔨᐟ. 28ᒫᑲ ᑭᔮᒼ ᐊᔨᓯᔨᓂᐤ ᑭᑕ ᑲᑫᐧᒋᒥᓱ, ᐁᑲᐧ ᒫᑲ ᑭᑕ ᒧᐁᐧᐤ ᐊᓂᐦᐃ ᐸᑫᐧᓯᑲᓇ, ᒥᓇ ᑭᑕ ᒥᓂᑫᐧᐤ ᐊᓂᒪ ᒥᓂᑳᐧᑲᐣ. 29ᒋᑫᒫ ᐊᓇ ᑳ ᒥᒋᐟ ᒥᓇ ᑳ ᒥᓂᑫᐧᐟ, ᒥᒋᐤ ᒥᓇ ᒥᓂᑫᐧᐤ ᐃᐧᔭ ᐅ ᔭᓱᐋᐧᑎᑯᐃᐧᐣ, ᑭᐢᐱᐣ ᓇᒪᐃᐧᔭ ᓂᓯᑕᐃᐧᓇᒼ ᒥᔭᐤ. 30ᐁᐊᐧᑯ ᐅᒪ ᐅᐦᒋ ᒥᐦᒉᐟ ᑭᔭᐋᐧᐤ ᓀᓱᐃᐧᓯᐊᐧᐠ ᒥᓇ ᐋᑯᓯᐢᑭᐊᐧᐠ, ᒥᓇ ᓇᒪᐃᐧᔭ ᐱᑯ ᒐᑲᐋᐧᓯᐢ ᓂᐹᐊᐧᐠ. 31ᒋᑫᒫ ᑭᐢᐱᐣ ᑭᔮᓇᐤ ᓂᓯᑕᐃᐧᓈᓱᔭᕽ, ᓇᒪᐃᐧᔭ ᑭ ᑳ ᐅᔭᓱᐋᐧᑎᑲᐃᐧᓈᓇᐤ. 32ᒫᑲ ᑭᐢᐱᐣ ᐅᔭᓱᐋᐧᑎᑲᐃᐧᔭᑭ, ᑭ ᑲᑫᐢᑭᒥᑯᓇᐤ ᑳ ᑎᐯᔨᐦᒋᑫᐟ, ᐁᑳ ᑭᑕ ᐊᓯᒋ ᓈᓂᐳᒥᑲᐃᐧᔭᕽ ᐅᒪ ᐊᐢᑭ. 33ᐁᑯᓯ ᒫᑲ ᓂᒋᐋᐧᒥᑎᐠ, ᐁ ᐯ ᒫᒪᐃᐧ ᐃᑐᑌᔦᐠ ᑭᑕ ᒥᒋᓱᔦᐠ, ᐯᐃᑐᐠ. 34ᑭᐢᐱᐣ ᒫᑲ ᐊᔨᓯᔨᓂᐤ ᓄᑌᑲᑌᒋ, ᑭᔮᒼ ᐃᐧᑭᕽ ᑭᑕ ᒥᒋᓱ; ᐁᑳ ᑭ ᒫᒪᐃᐧ ᐊᔮᐃᐧᓂᐋᐧᐤ ᑭᑕ ᐅᐦᒋ ᐅᔭᓱᐋᐧᑎᑲᐃᐧᔦᐠ. ᐁᑯᓯ ᑯᑕᐠ ᑫᑲᐧᐩ ᐃᐧᔭ ᓂ ᑲ ᑲᐧᔭᐢᑲᐧᐢᑖᐣ ᐃᐢᐱ ᑕᑯᓯᓂᔮᓂ.

Currently Selected:

ᓂᐢᑕᒼ ᑲᕒᐃᐣᑎᔭᓇ 11: KKMs

Highlight

Copy

Compare