ᓂᐢᑕᒼ ᑲᕒᐃᐣᑎᔭᓇ 10

1 # ᐁᐠᓴᑕᐢ 13:21,22; ᐁᐠᓴᑕᐢ 14:22-29 ᒋᑫᒫ ᓇᒪᐃᐧᔭ ᓂ ᓇᑕᐁᐧᔨᑌᐣ, ᓂᒋᐋᐧᒥᑎᐠ, ᑭᑕ ᐁᑳ ᑭᐢᑫᔨᑕᒣᐠ, ᑖᓂᓯ ᑯᑖᐃᐧᓇᐊᐧᐠ ᑲᐦᑭᔭᐤ ᓯᐸ ᐊᐧᐢᑯᕽ ᐁ ᑭ ᐊᔮᒋᐠ, ᒥᓇ ᑲᐦᑭᔭᐤ ᐁ ᑭ ᓵᐳᐢᑲᑭᐠ ᑭᐦᒋᑲᒥ; 2ᐁᑯᓯ ᑲᐦᑭᔭᐤ ᐁ ᑭ ᐸᑊᑕᐃᓯᐃᐧᒋᐠ ᒧᓯᐢ ᐃᓯ ᐊᐧᐢᑯᕽ ᒥᓇ ᑭᐦᒋᑲᒥᕽ; 3#ᐁᐠᓴᑕᐢ 16:35ᒥᓇ ᑲᐦᑭᔭᐤ ᐁ ᑭ ᒥᒋᒋᐠ ᐁ ᐯᔭᑲᐧᕽ ᐊᐦᒑᐦᑯᐃᐧ ᒥᒋᐃᐧᐣ; 4#ᐁᐠᓴᑕᐢ 17:6; ᓇᒼᐸᕒᐢ 20:11ᒥᓇ ᑲᐦᑭᔭᐤ ᐁ ᑭ ᒥᓂᑫᐧᒋᐠ ᐁ ᐯᔭᑲᐧᕽ ᐊᐦᒑᐦᑯᐃᐧ ᒥᓂᑫᐧᐃᐧᐣ: ᒋᑫᒫ ᑭ ᒥᓂᑳᐧᑐᑕᒪᐧᐠ ᐊᓂᒪ ᐊᐦᒑᐦᑯᐃᐧ ᑭᐢᑖᐱᐢᑯᕽ ᐁ ᐅᐦᒋᐠ ᑳ ᐱᒥᑎᓴᐅᑯᒋᐠ: ᐊᓇ ᒫᑲ ᑭᐢᑖᐱᐢᐠ ᐁᐊᐧᑯ ᙭. 5#ᓇᒼᐸᕒᐢ 14:29,30ᐁᔨᐁᐧᕽ ᒫᑲ ᐅᓵᒼ ᐱᑯ ᓇᒪᐃᐧᔭ ᑭ ᒥᔪᔭᐁᐧᐁᐊᐧᐠ ᑭᓭᒪᓂᑐᐊᐧ: ᐁᑯᓯ ᑭ ᓂᓯᐊᐧᓈᒋᐃᑲᐧᐠ ᐱᑲᐧᑕᐢᑭᕽ.

6 # ᓇᒼᐸᕒᐢ 11:4 ᐅᐦᐃ ᒫᑲ ᑭᔮᓇᐤ ᑭ ᑲᑫᐢᑭᒥᑯᓈᓇᐤ, ᐁᑳ ᑭᔮᓇᐤ ᑭᑕ ᒧᐢᑕᐁᐧᔨᑕᒪᕽ ᒪᒋ ᑫᑲᐧᔭ, ᑖᐱᐢᑯᐨ ᐃᐧᔭᐋᐧᐤ ᑳ ᑭ ᐃᓯ ᒧᐢᑕᐁᐧᔨᑕᐦᑭᐠ. 7#ᐁᐠᓴᑕᐢ 32:6ᒥᓇ ᐁᑳᐃᐧᔭ ᑭᔭᐋᐧᐤ ᒪᓂᑐᑫᐢᑭᐠ, ᑖᐱᐢᑯᐨ ᐋᑎᐦᐟ ᐁᐊᐧᑯᓂᐠ; ᑳ ᐃᑕᓯᓇᐦᐃᑳᑌᐠ, ᐊᔨᓯᔨᓂᐊᐧᐠ ᑭ ᓇᐦᐊᐱᐊᐧᐠ ᑭᑕ ᒥᒋᓱᒋᐠ ᒥᓇ ᑭᑕ ᒥᓂᑫᐧᒋᐠ, ᐁᑯᓯ ᑭ ᐸᓯᑯᐊᐧᐠ ᑭᑕ ᒣᑕᐁᐧᒋᐠ. 8#ᓇᒼᐸᕒᐢ 25:1-18ᒥᓇ ᐁᑳᐃᐧᔭ ᐃᑐᑕᑖᐠ ᐱᓯᑳᐧᑎᓯᐃᐧᐣ, ᑖᐱᐢᑯᐨ ᐋᑎᐦᐟ ᑳ ᑭ ᐃᑐᑕᐦᑭᐠ, ᐁᑯᓯ ᑳ ᑭ ᐸᐦᑭᓯᐦᑭᐠ ᐯᔭᐠ ᑭᓯᑳᐤ ᓂᓯᑕᓇᐤ ᓂᐢᑐ ᐊᔨᐋᐧᐠ ᑕᐦᑐ ᑭᐦᒋ ᒥᑖᑕᐦᑐᒥᑕᓇᐤ. 9#ᓇᒼᐸᕒᐢ 21:5,6ᒥᓇ ᐁᑳᐃᐧᔭ ᑲᑫᐧᒋᐊᑖᐠ ᑳ ᑎᐯᔨᐦᒋᑫᐟ, ᑖᐱᐢᑯᐨ ᐋᑎᐦᐟ ᑳ ᑭ ᐃᓯ ᑲᑫᐧᒋᐋᒋᐠ, ᐁᑯᓯ ᑳ ᑭ ᓂᓯᐊᐧᓈᒋᐃᑯᒋᐠ ᑭᓀᐱᑲᐧ. 10#ᓇᒼᐸᕒᐢ 16:41-49ᒥᓇ ᐁᑳᐃᐧᔭ ᒥᐦᑕᐁᐧᐠ, ᑖᐱᐢᑯᐨ ᐋᑎᐦᐟ ᑳ ᑭ ᐃᓯ ᒥᐦᑕᐁᐧᒋᐠ, ᐁᑯᓯ ᑳ ᑭ ᓂᓯᐊᐧᓈᒋᐦᐃᑯᒋᐠ ᐅᓂᓯᐊᐧᓈᒋᐦᐃᐁᐧᐊᐧ. 11ᑲᐦᑭᔭᐤ ᒫᑲ ᐅᐦᐃ ᑭ ᐊᔨᐢᐸᔨᐃᑲᐧᐠ ᑭᑕ ᑲᑫᐢᑭᒧᐦᐃᑯᒋᐠ; ᒥᓇ ᑭ ᒪᓯᓇᐃᑳᑌᐊᐧ ᑭᔮᓇᐤ ᑭᑕ ᐊᔮᑳᐧᒥᒥᑯᔭᕽ, ᑳ ᐅᑎᐦᑎᑯᔭᕽ ᐁᑲᐧ ᐅᒪ ᐁ ᐊᑎ ᑲᑭᓯᒋᑫᐸᔨᐠ.

12ᐁᑯᓯ ᒫᑲ ᐊᓇ ᓂ ᓂᐸᐃᐧᐣ ᑳ ᐃᑌᔨᑕᕽ ᑭᑕ ᐊᔮᑳᐧᒥᓯᐤ ᐁᑳ ᑭᑕ ᐸᐦᑭᓯᕽ. 13ᓇᒪᐃᐧᔭ ᑫᑲᐧᐩ ᑲᑫᐧᒋᐃᑯᐃᐧᐣ ᑯᐦᒋ ᐅᑎᑎᓂᑯᓈᐋᐧᐤ ᐱᑯ ᑐᐊᐧ ᐊᔨᓯᔨᓂᐤ ᐁ ᑲᐢᑭᑖᐟ ᑭᑕ ᓂᐸᐃᐧᐢᑕᕽ: ᒫᑲ ᑭᓭᒪᓂᑐ ᑫᒋᓈ ᑭᑕ ᑭ ᐊᐢᐯᔨᒧᕽ, ᐁᐊᐧᑯ ᓇᒪᐃᐧᔭ ᑭ ᑲ ᐸᑭᑎᓂᑯᐋᐧᐤ ᑭᑕ ᑯᑌᔨᒥᑲᐃᐧᔦᐠ ᐊᐊᐧᓯᒣ ᐃᔨᑯᕽ ᐁ ᑲᐢᑭᑖᔦᐠ; ᒫᑲ ᑭᑭ ᐊᓂᒪ ᑯᑌᔨᒥᑯᐃᐧᐣ ᑭᑕ ᑕᐃᐧᓇᒼ ᑭᑕ ᑭ ᐃᓯ ᐸᐢᐱᔦᐠ, ᑭᑕ ᑭ ᒫᑲ ᐁᑳ ᓵᑯᒋᐃᑯᔦᐠ.

14ᐁᑯᓯ ᒫᑲ ᓯᔮᑭᐦᐃᑕᑯᐠ, ᑕᐸᓯᑖᐠ ᒪᓂᑐᑫᐃᐧᐣ. 15ᐁ ᐃᔨᓂᓯᒋᐠ ᐊᔨᓯᔨᓂᐊᐧᐠ ᑭᐟ ᐃᓯ ᑭᑐᑎᑎᓈᐋᐧᐤ; ᒫᒥᑐᓀᔨᑕᒧᐠ ᐅᒪ ᑳ ᐃᑌᐧᔮᐣ. 16#ᒫᐟᔪ 26:26-28; ᒫᕒᐠ 14:22-24; ᓬᐅᐠ 22:19,20ᑳ ᒥᔮᐧᑭᑌᐠ ᒥᓂᑳᐧᑲᐣ ᑳ ᒥᔭᐧᑭᑕᒫᕽ, ᓇᒪ ᒋ ᐁᐊᐧᑯ ᐁ ᒫᒪᐃᐧ ᐃᐧᒋᐃᐁᐧᕽ ᐅ ᒥᐦᑯ ᙭? ᐊᓇ ᐸᑫᐧᓯᑲᐣ ᑳ ᐸᑫᐧᓈᔮᕽ ᓇᒪ ᒋ ᐁᐊᐧᑯ ᐁ ᒫᒪᐃᐧ ᐃᐧᒋᐃᐁᐧᕽ ᐃᐧᔭᐃᐧᕽ ᙭? 17ᐃᐧᔭ ᑭᔮᓇᐤ ᐁ ᒥᐦᒉᑎᔭᕽ, ᐯᔭᐠ ᐸᑫᐧᓯᑲᐣ ᑭᐟ ᐃᓯ ᐊᔮᓈᓇᐤ, ᐯᔭᐠ ᒥᔭᐤ: ᒋᑫᒫ ᑲᐦᑭᔭᐤ ᑯᐦᑕᒫᓇᐤ ᐊᓇ ᐯᔭᐠ ᐸᑫᐧᓯᑲᐣ. 18#ᓬᐃᐱᑎᑲᐢ 7:6ᒫᑎᑲ ᐃᐢᕒᐁᐃᓬ ᐊᔨᓯᔨᓂᕽ ᐃᓯ: ᓇᒪ ᒋ ᐊᓂᑭ ᑳ ᒥᒋᒋᐠ ᐸᑭᑎᓈᓱᐃᐧᓇ ᐅᐦᒋ ᒫᒪᐃᐧ ᐊᔮᐊᐧᐠ ᐸᑭᑎᓈᓱᐃᐧᓈᐱᐢᑯᕽ? 19ᑖᓂᓯ ᒫᑲ ᑳ ᐃᑌᐧᔮᐣ? ᐊᓂᒪ ᑳ ᐸᑭᑎᓈᓱᐢᑕᒫᐦᒋᐠ ᒪᓂᑐᑳᓇᐠ ᓈᐣᑕᐤ ᐁ ᐃᑖᐸᑕᕽ, ᐊᐦᐳ ᒪᓂᑐᑳᐣ ᓈᐣᑕᐤ ᐁ ᐃᑖᐸᑎᓯᐟ? 20#ᑎᔪᑕᕒᐊᓇᒥ 32:17ᒫᑲ ᓂᐟ ᐃᑖᐧᐣ, ᐊᓂᐦᐃ ᒉᐣᑕᐃᓬᐊᐠ ᑳ ᐸᑭᑎᓈᓱᒋᐠ, ᐸᑭᑎᓇᒪᐁᐧᐊᐧᐠ ᒪᒑᔭ, ᓇᒪᐃᐧᔭ ᑭᓭᒪᓂᑐᐊᐧ: ᐁᑯᓯ ᓇᒪᐃᐧᔭ ᓂ ᓇᑕᐁᐧᔨᑌᐣ ᑭᑕ ᐃᐧᒋ ᒫᒪᐃᐧ ᐊᔮᒫᔦᑯᐠ ᒪᒑᔭᐠ. 21ᓇᒪᐃᐧᔭ ᑭ ᑲ ᑭ ᒥᓂᑳᐧᓈᐋᐧᐤ ᐅ ᒥᓂᑳᐧᑲᐣ ᑳ ᑎᐯᔨᐦᒋᑫᐟ, ᒥᓇ ᐅ ᒥᓂᑳᐧᑲᓂᐋᐧᐤ ᒪᒑᔭᐠ: ᓇᒪᐃᐧᔭ ᑭ ᑲ ᑭ ᐃᐧᒋᐃᐋᐧᓈᐋᐧᐤ ᐅ ᒥᒋᓱᐃᐧᓈᑎᐠ ᑳ ᑎᐯᔨᐦᒋᑫᐟ, ᒥᓇ ᐅ ᒥᒋᓱᐃᐧᓈᑎᑯᐋᐧᐤ ᒪᒑᔭᐠ. 22#ᑎᔪᑕᕒᐊᓇᒥ 32:21ᑭᐟ ᐃᑐᑕᐋᐧᓇᐤ ᒋ ᑭᑕ ᐅᐦᑌᔨᒥᑯᔭᕽ ᑳ ᑎᐯᔨᐦᒋᑫᐟ? ᓇᐊᐧᐨ ᒋ ᑭᔮᓇᐤ ᑭ ᒪᐢᑲᐃᐧᓯᓈᓇᐤ ᐃᔨᑯᕽ ᐃᐧᔭ?

23 # 1 ᑲᕒᐃᐣᑎᔭᓇ 6:12 ᑲᐦᑭᔭᐤ ᑫᑲᐧᐩ ᓇᒪᐃᐧᔭ ᑭᑕᐊᒫᑳᓂᐊᐧᐣ; ᒫᑲ ᓇᒪᐃᐧᔭ ᑲᐦᑭᔭᐤ ᑫᑲᐧᐩ ᓂ ᓇᐃᐢᑳᑯᐣ. ᑲᐦᑭᔭᐤ ᑫᑲᐧᐩ ᓇᒪᐃᐧᔭ ᑭᑕᐊᒫᑳᓂᐊᐧᐣ; ᒫᑲ ᓇᒪᐃᐧᔭ ᑲᐦᑭᔭᐤ ᑫᑲᐧᐩ ᐃᐧᒋᑖᓱᒪᑲᐣ. 24ᑭᔮᒼ ᐁᑳᐃᐧᔭ ᐊᐃᐧᔭᐠ ᐊᔨᓯᔨᓂᐤ ᑭᑕ ᓇᑐᓇᒼ ᐃᐧᔭ ᐱᑯ ᑎᐱᔭᐤ, ᒫᑲ ᑲᐦᑭᔭᐤ ᐃᐧᒋ ᐊᔨᓯᔨᓂᐊᐧ ᑭᑕ ᐃᓯ ᐋᐸᒋᐃᑯᔨᐟ.

25ᐱᑯ ᑫᑲᐧᐩ ᐁ ᐊᑖᐋᐧᑫᕽ ᐃᐧᔮᓯᑲᒥᑯᕽ, ᒥᒋᐠ, ᐁᑳ ᑫᑲᐧᐩ ᐁ ᑲᑫᐧᒋᑫᒧᔦᐠ ᑭᐢᑫᔨᒥᓱᐃᐧᐣ ᐅᐦᒋ; 26#ᓂᑲᒧᓇ 24:1ᒋᑫᒫ ᐊᐢᑭ ᑎᐯᔨᑕᒼ ᑳ ᑎᐯᔨᐦᒋᑫᐟ, ᒥᓇ ᐁ ᐃᓯ ᒧᐢᑭᓀᐠ. 27ᑭᐢᐱᐣ ᐊᐃᐧᔭᐠ ᐊᓂᑭ ᐁᑳ ᑳ ᑖᐯᐧᑕᐦᑭᐠ ᑭ ᐃᐧᑯᒥᑯᐋᐧᐤ ᐃᐧᐦᑯᐦᑐᐃᐧᓂᕽ, ᐁᑯᓯ ᑭ ᐃᐧ ᐃᑐᐦᑖᓈᐋᐧᐤ; ᐱᑯ ᑫᑲᐧᐩ ᐁ ᐅᔭᐢᑖᐧᑲᐃᐧᔦᐠ ᒥᒋᐠ, ᐁᑳ ᑫᑲᐧᐩ ᐁ ᑲᑫᐧᒋᑫᒧᔦᐠ ᑭᐢᑫᔨᒥᓱᐃᐧᐣ ᐅᐦᒋ. 28ᒫᑲ ᑭᐢᐱᐣ ᐊᐃᐧᔭᐠ ᐊᔨᓯᔨᓂᐤ ᐃᑎᑯᔦᑯ, ᐅᒪ ᑭ ᐸᑭᑎᓈᓱᓈᓂᐊᐧᐣ, ᐁᑳᐃᐧᔭ ᒥᒋᐠ, ᐊᓇ ᐅᐦᒋ ᑳ ᐃᐧᐦᑕᒫᐢᐠ, ᒥᓇ ᑭᐢᑫᔨᒥᓱᐃᐧᐣ ᐅᐦᒋ: 29ᑭᐢᑫᔨᒥᓱᐃᐧᐣ ᓂᐟ ᐃᑖᐧᐣ, ᓇᒪᐃᐧᔭ ᑭᔭ ᑎᐱᔭᐤ ᒫᑲ ᐊᓇ ᑯᑕᐠ; ᒋᑫᒫ ᑖᓀᑭ ᓂ ᑎᐯᔨᒥᓱᐃᐧᐣ ᑳ ᐅᔭᓱᐋᐧᑕᒥᕽ ᑯᑕᐠ ᐊᐃᐧᔭᐠ ᐅ ᑭᐢᑫᔨᒥᓱᐃᐧᐣ ᐅᐦᒋ? 30ᑭᐢᐱᐣ ᓂᔭ ᓂᓱᑲᒫᑯᐃᐧᐣ ᐅᐦᒋ ᓂ ᐃᐧᒋᐃᐋᐧᐣ, ᑖᓀᑭ ᓇᐢᐹᐨ ᑳ ᐃᑎᑲᐃᐧᔮᐣ ᐊᓂᒪ ᐅᐦᒋ ᑳ ᓇᓈᐢᑯᒧᔮᐣ?

31ᐁᑯᓯ ᒫᑲ ᑭᐢᐱᐣ ᑭ ᒥᒋᓱᓈᐋᐧᐤ, ᐊᐦᐳ ᑭ ᒥᓂᑳᐧᓈᐋᐧᐤ, ᐊᐦᐳ ᐱᑯ ᑫᑲᐧᐩ ᐁ ᐃᑐᑕᒣᐠ, ᑲᐦᑭᔭᐤ ᐃᑐᑕᒧᐠ ᐅ ᑭᐢᑌᔨᑖᑯᓯᐃᐧᓂᕽ ᑳ ᑎᐯᔨᐦᒋᑫᐟ. 32ᐁᑳᐃᐧᔭ ᑫᑲᐧᐩ ᐃᑐᑕᒧᐠ ᑭᑕ ᐅᐦᒋ ᐸᐦᑭᓯᐦᑭᐠ, ᓂᑯᑖᐧ ᒍᐊᐧᐠ, ᐊᐦᐳ ᑲᕒᐃᑲᐠ, ᐊᐦᐳ ᑳ ᐊᔭᒥᐦᐁᐢᑕᐋᐧᒋᐠ ᑭᓭᒪᓂᑐᐊᐧ: 33ᑖᐱᐢᑯᐨ ᓂᔭ ᒥᓇ ᑳ ᐃᐧ ᒥᔪᔭᐁᐧᐊᑭᐠ ᑲᐦᑭᔭᐤ ᐊᔨᓯᔨᓂᐊᐧᐠ ᒥᓯᐁᐧ ᐃᓯ, ᓇᒪᐃᐧᔭ ᐁ ᓇᑐᓇᒫᐣ ᓂᔭ ᑭᑕ ᐅᐦᑎᓯᔮᐣ, ᒫᑲ ᒥᐦᒉᐟ ᑭᑕ ᐃᓯ ᐅᐦᑎᓯᒋᐠ, ᑭᑕ ᑭ ᐱᒫᒋᐃᐦᒋᐠ.

Currently Selected:

ᓂᐢᑕᒼ ᑲᕒᐃᐣᑎᔭᓇ 10: KKMs

Highlight

Copy

Compare