YouVersion Logo
Search Icon

Zephaniah 1

1
1Judah kumpipa Amon tapa Josiah in kumpi a sep hun laitakin Hezekiah tapa Amariah tapa Gedaliah tapa Cushi tapa Zephaniah tungah TOPA thu tung a:#2Ku 22:1; 1Kh 3:14
Siatna Tun ding Vauhilhna
2 "Lei maitang panin
na khempeuh ka phiatmai ding hi,"
TOPA in cikhia hi.
3 "Mihing ganhing ka phiatmai khawm dinga;#Jer 50:3
huihlak vasate le#Jer 4:25
tuipi sunga ngasate ka phiatmai ding hi.
Lei maitang panin mite ka khenkhiat ciangin
migilote in van sia lomtang a#1.3 Hebrew ah hih gual a cihnopna kician lo bek a nei ding uh hi,"#Hos 4:3
TOPA in cikhia hi.
Judah Langah
4 "Judah langkhat le Jerusalem a tengte khempeuh tungah
ka khut ka zankhia ding hi.#Jer 6:12
Hih mun panin Baal them om lai sunte le
lawkite minte le milimte biakna-a siampite-
5 innkhum tungah kah a,
aksi honte bia-a kunte,
TOPA tawh kiciama a kunte le
Molech b#1.5 Hebrew ah Malcam tua pen Malcom tawh a kiciamte zong,#Sp 18:21
6 TOPA zuihna panin a kilehheite le
TOPA zong lo-a a kan lote khempeuh ka khenkhia ding hi.#Hos 7:7
7 TOPA ni nai ta ahi manin#Isa 13:6
Thupipen TOPA mai-ah daitakin om un.#Isa 41:1
Biakna pia dingin TOPA kithawi khin hi;#Sp 3:9
a sapsate siansuah khin hi.
8 TOPA biakna piak ni-in
kumpi uliante,
kumpi tapate le#Jer 39:6
gamdang puana kizemte
dan ka tuaksak ding hi.
9 Tua ni ciangin kongpi c#1.9 1Sa 5:5 en in. pela paikhia khempeuh#1Sa 5:5
ngongtatna le khemna tawh
amau pasiante’ biakinn a dimsakte
dan ka pia ding hi.
10 TOPA in cikhia hi,
"Tua ni ciangin Ngasa Kongpi ah kahna aw ging dinga,#2Kh 33:14
Vengthak panin thumna le mualneute tung panin#Am 5:16
a ngaih mahmah kisukna kiza ding hi.
11 No sumbuk venga omte thum un;#Jas 5:1
na sumbuk khempeuh uh kiphiatmang d#1.11 Ahikeh tua Mortar dinga,
ngun e#1.11 Ahikeh tawh a sum zong peuhmah kisia ding uh hi.#Hos 9:6
12 Tua hun ciangin meivak zangin Jerusalem ka zong dinga,
amah bek nuam a sate,#Am 6:1
lenggah zu tawdat banga,#Jer 48:11
"TOPA in a sia a pha#Job 22:13
bangmah bawl lo hi,’ a cite dan ka tuaksak ding hi.#2Ku 21:16
13 A hauhna uh kilaksak dinga,#2Ku 24:13
a innte uh a kisiagawp ding hi.
Amaute in inn a lam uh hangin
a sungah teng lo ding uh hi;
lenggui a suan uh hangin
a zu a dawn kei ding uh hi.
TOPA’ Ni Lianpi Ni
14 "TOPA ni lianpi ni nai ta -#Eze 7:7
nai ta a, manlangin a tung ding hi.
Ngai un! TOPA ni-a kahna,
galhangte kikona nasia mahmah ding hi.
15 Tua ni pen thangpaih ni,
lungdon ni le dah ni,
patauh ni le kisiat ni,
khuamial ni le lungzin ni,#1Sa 2:9
meiipi kai-a khuamial ni,#Isa 22:5
16 pengkul ni le kulha ki-um khuapite le#Jer 4:19
a kiu-a tausangte sima#Tp 28:52
galkapte a ot ni hi ding hi.
17 Mite tungah lungdonna ka tungsak dinga,
amaute mittaw lampai bang ding uh hi,#Isa 59:10
bang hang hiam cih leh amaute TOPA tungah a mawh zo uh hi.
A sisante uh leivui bangin kisungkhia dinga,#Ph 79:3
a gilzangte uh nin kihhuai a bang ding hi.
18 TOPA thangpaihna ni ciangin#Job 20:20
a ngun a khamte un
amaute a honkhia thei kei ding hi.
Amah in thakhatin
a tawpna tungsak ding ahi manin
ama aamluatna mei in
leitung buppi le leitanga teng khempeuh a kangtum ding hi,"#Zep 3:8

Currently Selected:

Zephaniah 1: ZIV

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy